Mesobil Rechedal a Ikelesai

14.0

Uchelel Omesodel

A resechal me a redil el direkak a ta el bechiil a lechub eng mla mo diak el kaubuch a lechub eng melakl el dil a rullii a klou lucherangel er a Ikelesia. Ng klou a ultutelel el rokui a mo metik a urungulir lokiu a Tngakireng er a Jesus Kristo (mesa Ether 12:4). A ikakid el diak a ulebengelel klemerang a sebechel lolngeseu me le bo er ngii a ikakid el urungulir.

A chedaol llechukl me a uriul-klebesei el reprofet a melisiich a tekoi el kmo a rokui el chad el ngarngii a klaumerang er tir loltirakl a telbiil er a ebangkelio a ngarngii a techelir el mo suobel.
A kltutk el temel me a omerellel a ngeiul a ikal klengeltengat a direkak el mocholt el rokui. Eng di a ikal tekoi a kmal klemerang (mesaMosiah 2:41).
A mengiil er a Rubak a belkul a kmo lolemolem el ngarngii a blekongesenges ma chedaol omeruul el bedul Ngii (mesa Isaia 64:4).
A Dios a odersii a diak a ulebengelel klengar el mo er a rokui el Ngelekel. Tirkel rokui el sebechir el mo nguu sel sengkel a Osobel er a klausubes e kiei loltirakl a Llechul a mo nguu a diak a ulebengelel klengar. (Mesa Mosiah 26:30; Moroni 6:8.)
A oumerang a ikal klemerang a otil sel klaumera el ngara Jesus Kristo. Ngokiu a krasia er Ngii, a rokui el tekoi el kirel tial klengar a mo mesmechokl el mo melemalt (mesa Alma 7:11–13).

A Rubak a ousbech er a rokui el chedal a ikelesia el mo olngeseu er tial ureor lolsobel er a rechedal a ward me a stake er tir (mesa 1 Korinth 12:12–27). Meng mukrael er a Chedaol Reng, a remesobil rechedal a ikelesia a mokedong el mo er a tekoi er a omerredel ma deruchall er a olsisechakl.

Chelsel tial bliongel:

“Mesobil rechedal a ikelesia” a tirkel rokui el meklou el chad el chedal a Ikelesia el diak el bechiil er a chelechal taem.
“Regeasek el mesobil chad” a mo er tirkel rekrir a teruich ma eai–el mora okedei.
“Mesobil klou el chad” a mo er tirkel rekrir a okedei el mo er bab.

14.1

Mesobil Rechedal a Ikelesia el ngara Ikel Basio er Tir

14.1.1

Remerredelel a Stake

14.1.1.2

Rengeasek el Mesobil Chad er a Stake me a Chelechad er a Mesobil Meklou el Chad

A remerredel er a stake a rullii a chelechad er a rengeasek el mesobil chad.

A remerredel er a stake a dirrek el sebechir el rullii a chelechad er a mesobil meklou el chad.

A ikal chelechad a mo olngeseu er a rechedal a ikelesia lokiu a ungil klausechelei me a techall el mo meruul a oureor er a mo suobel me a ngar el mo cherechar (mesa 14.2).

14.1.2

Remerredelel a Ward

14.1.2.1

Klebisop

A klebisop a tir a mo olngeseu er a remesobil chedal a ikelesia er a ureor lolsobel me a ngar el mo cherechar. Te oureor lobengterir a ward council el mes a ikel meklou a belkul lokedong me a oureor el mo er a remesobil chad er a ikelesia. Te mo medengei e melasm longeseu aikel lousbech tirkel mesobil e oungalek.

A chedal a klebisop a mo kebtech lobengterir a dersta el rengeasek el mesobil chad el kesengil eng tal taem er a chelsel a tal rak.
A klebisop a sebechel rullii a chelechad er a rengeasek el mesobil chad er a ward.

14.1.2.2

A remerredel er a Chelechad er a re Elders me a Relief Society el metutk el mo oureor lobengterir a Rengeasek el Meklou el Chad.

A remerredel er a chelechad er a re elders me a Relief Society a sebechir el tutkii a chedal a chelechad er tir el mo olngeseu er a rengeasek el mesobil chad. Tirkal chedal omerredel a mo medengei a klisichir tirkal ngeasek el mesobil chad e mo olngeseu a ikel lousbech.

A merredel er a chelechad er a re elders me a Relief Society a sebechir el mo ouchais a ikakid el teletelel a ureor sel temel a miting er a ward council.

14.1.2.3

Remerredel er a Rengeasek el Mesobil Chad

A ikel ward el betok a rengeasek el mesobil chad, ea klebisop a sebechel mo omekedong er a ngeasek el mesobil sechal me a redil el mo merredel er a rengeasek el mesobil chad. A ngerchelir a uldimukl ra:

Olngeseu er a rengeasek el mesobil chad el meruul a ureor er a mo suobel me a ngar el mo cherechad (mesa 14.2).
Mesiou el ngara chelechad ra stake ra rengeasek el mesobil chad.
Menguteling er sel chelechad er a rengeasek el mesobil chad ra ward a lsekum e ngarngii.
Mo blechoel el mo kebtech lobengterir a remerredel er a chelechad er a re elders me a Relief Society. Chelsel a ikal miting, e te mesaod a ikel klisichir tirkal ngeasek el mesobil chad e mekera bo lolngeseu er tir er a ikel lousbech. Te dirrek el mo omtab el kirel omesiou el mo er a rengeasek el mesobil chad.

14.2

Meruul a ureor er a mo Suobel me a Ngar el mo Cherechar

14.2.1

Kiei el Oltirakl er a Ebangkelio er a Jesus Kristo

14.2.1.1

Ongdibel er a Blai me a Omsubel a Ebangkelio

A remerredel a lechub a rechedal a ikelesia el sorir el mo meruul er a chimong a lechub eng betok el chelechad er a ongdibel er a blai el kirir a remesobil meklou el chad me a bebil er a chelechad er a rengeasek el mesobil chad.

14.2.1.3

Omilil ma Ungil Loruull

Ngokiu a derdellel a remerredel er a ward a lechub eng stake, a rengeasek el mesobil chad a sebecherir el omdasu e meruul a ikel omilil el kuk kmal di kirir. A okesiu a uldimukl:

Mo oldingel er a templo.
Urelel a reksi er a telungalek.
Omerk er a ebangkelio.
Olngeseu er a buai.
Chelitak me a tekoi er a siukang.
Klekool.

Ngokiu a derdellel a remerredel er a stake, ea remesobil meklou el chad a sebecherir el meruul a osisiu el omilil er a chelsel a stake.