mama i stap tijim boe

17.

Stap Tijim Gospel

Yumi stap tijim gospel blong helpem ol memba blong mekem fet blong olgeta long Papa long Heven mo long Jisas Kraes i kam strong moa.

17.1

Ol Prinsipol blong Tijing Olsem Hemia blong Kraes

Taem oli stap tijim gospel, ol papa mo ol mama, ol tija, mo ol lida oli folem eksampol blong Jisas Kraes we hem i Masta Tija.

Ol lida oli serem olgeta prinsipol ia blong tij olsem Sevya wetem ol tija insaed long oganaesesen blong olgeta. Olgeta prinsipol ia, oli eksplenem long moa ditel insaed long Teaching in the Savior’s Way.

17.1.1

Lavem Olgeta we Yu stap Tijim Olgeta

Evri samting we Sevya i stap mekem, i soemaot lav blong Hem (luk long 2 Nifae 26:24).

17.1.2

Tij wetem Spirit

Ol tija oli wantem blong Spirit i soem rod long olgeta taem we oli stap rere mo stap tij, mo oli traehad blong laef long wan klin laef blong save gat paoa blong Hem evri dei.

17.1.3

Stap Tijim Doktrin

Folem eksampol blong Sevya, ol tija oli lukluk nomo long ol trutok blong gospel we oli impoten mo oli sevem man. Oli tij mo oli yusum ol skripja, ol tijing blong ol lata-dei profet, mo ol kurikulom tul we oli apruvum.

17.1.4

Invaetem Fasin blong Wok Strong blong Stap Lanem Samting

Ol tija oli leftemap tingting blong ol memba blong oli mas responsibol blong lanem samting blong olgetawan.

17.2

Hom I Senta blong Stap Lanem mo Tijim Gospel

Ol lida mo ol tija blong Jos oli leftemap tingting mo sapotem fasin blong lanem mo tijim gospel insaed long hom we i senta.

Ol lida mo ol tija oli leftemap tingting blong ol memba blong lukaotem insperesen blong olgetawan abaot wei blong stadi mo tijim gospel. Ol stamba risos blong olgeta oli ol skripja mo ol mesej blong jeneral konfrens.

17.3

Ol Responsabiliti blong Ol Lida

• Stap olsem wan eksampol taem oli lanem gospel mo tijim gospel ia long wei we Sevya i mekem.

• Mekemsua se tijing insaed long oganaesesen blong olgeta i bildimap fet mo i stret long saed blong doktrin.

• Givim mo gogohed blong givim sapot long ol tija insaed long ol oganaesesen blong olgeta.

17.4

Ol Tija Kaonsel Miting

Insaed long ol tija kaonsel miting, ol tija oli kaonsel tugeta abaot ol prinsipol blong stap tij olsem Kraes. Oli kaonsel tu abaot wei blong mekem fasin blong lanem mo tijim gospel i kam gud moa. Oli yusum Teaching in the Savior’s Way olsem wan risos.

Ol tija kaonsel miting, oli holem olgeta evri kwota long taem blong wan klas we i tekem 50 minit, long wan Sandei.