“17. Kulongesha Lumu Luimpa,” Masungula Mangatshibua mu Mukanda Munena wa Maludiki (2023).
“17. Kulongesha Lumu Luimpa,” Masungula Mangatshibua mu Mukanda Munena wa Maludiki
17.
Kulongesha Lumu Luimpa
Tudi tulongesha lumu luimpa bua kuambuluisha bantu bua kukolesha matabuija abu mu Tatu wa mu Dîulu ne mu Yezu Kilisto.
17.1
Nshindamenu ya Malongesha a Buena Kilisto
Patudi tulongesha lumu luimpa, baledi, balongeshi, ne balombodi badi balonda tshilejelu tshia Yezu Kilisto, udi Mulongeshi Mupiluka.
Balombodi badi batangalaja nshindamenu ya malongesha a buena Kilisto ne balongeshi mu ndongoluelu yabu. Nshindamenu eyi idi miunvuija ne dikosolola dia bungi mu Teaching in the Savior’s Way.
17.1.1
Kunanga Bawudi Ulongesha
Bintu bionsu bidi Mupandishi wenza bidi dileja dia dinanga dienda (tangila 2 Nefi 26;24).
17.1.2
Kulongesha ne Nyuma
Balongeshi badi bakeba buludiki bua Nyuma padibu badilongolola ne balongesha, ne badi baditatshisha mua kudituala bakana bua kuikala ne nyuma dituku dionsu.
17.1.3
Kuyisha Dilongesha
Kulonda tshilejelu tshia Mupandishi, balongeshi badi bimanyina pa bidi ne mushinga, balama bulelela bua lumu luimpa. Badi balongesha ne mifundu, malongesha a bambi ba matuku a ndekelu, bintu bianyisha bia kulongesha nabi.
17.1.4
Kubikila bua Kulonga ne Dinanukila
Balongeshi badi bakankamika bidimba bua biambula bujitu bua dilonga diabi.
17.2
Kulonga ne Kulongesha kua Lumu Luimpa Kushindamena pa Dîku
Balombodi ba Ekelezia ne balongeshi badi bakankamika ne batua mpanda kulonga ne kulongesha kua lumu luimpa kushindamena pa dîku.
Balombodi ba Ekelezia ne balongeshi badi bakankamika bidimba bia Ekelezia mua kukeba lungenyi luabu lua nyuma pa kulonga ne kulongesha lumu luimpa. Biambuluishi biabu bia nshindamenu bidi ne mua kuikala mifundu ne mikenji ya mpungilu munena.
17.3
Majitu a Balombodi
-
Badi baleja tshilejelu mu kulonga ne kulongesha mu mushindu wa Mupandishi.
-
Badi batuishibua ne malongesha a mu ndongoluelu adi ibaka ditabuija ne dilongesha dienda biakana.
-
Badi bafila diambuliuisha ditunguluka kudi balongeshi mu ndongoluelu yabu.
17.4
Bisangilu bia Tshipangu tshia Balongeshi
Mu bisangilu bia tshipangu tshia balongeshi, balongeshi badi babelangana pa nshindamenu ya malongesha a buena Kilisto. Badi kabidi babelangana pa mushindu wa kushidimuja dilonga ne dilongesha. Badi benzela Teaching in the Savior’s Way bu tshiambuluishi.
Bisangilu bia tshipangu tshia balongeshi bidi bienzeka panyima pa ngondu isatu mu dialumingu mu diba dia kalasa ka minuta 50.