17.

Olsisechakl er a Ebangkelio

Kede olisechakl er a ebangkelio el mo ngosuterir a rechad el melisiich a klaumerang er tir el mo er a Chedam er a Babeluades me a Jesus Kristo.

17.1

Osisechakl el uai a Osisecheklel a Kristo

Sel molsisechakl er a ebangkelio, ea roungalek, resensei, me a remerredel a oltirakl a okesiul a Jesus Kristo, el ngii a Mastang el Sensei.

A remerredel a ocholt a ikang el osisechakl el uai a osisecheklel a Kristo el mo er a resensei el ngara chelechad er tir. A ika el osisechakl a ngarngii a komakai el omsodel el ngara chelsel sel Teaching in the Savior’s Way.

17.1.1

Moubeltikelreng El Mo er Tirkel Molsisechakl er Tir

A rokui el Osobel a meruul a olechotel a Beltkil a Rengul (mesa 2 Nephi 26:24).

17.1.2

Molsisechakl loba Chedaol Reng

A resensei a ultuil er a ulekrael er a Chedaol Reng sel longedmokl e mo olsisechakl, e melasm el mo klikiid me Ngii a di blechoel lobengterir er a bek el sils.

17.1.3

Molsisechakl a Osisechakl

A otireklel okesiul Osobel, ea resensei a di oltaut a ikel meklou a belkul, e klemerang er a ebangkelio. Te olsisechakl lousbech a chedaol llechukl, osisecheklir a uriul-klebesei reprofet, me a ikel curriculum el blal le kengei el mo ousbech.

17.1.4

Siotai er a Blakerreng er a Lomesuub

A resensei a omekduch a rengrir a rechedal a ikelesia me bo el ngerchelir el kirel a kuk di omesubir.

17.2

Omsubel a Ebangkelio er a Blai me a Osisecheklel

A remerredel er a Ikelesia me a resensei a omekduch a rengrir e olngeseu er tial omsubel a ebangkelio er a blai me a osisecheklel.

A remerredel me a resensei a omekduch a rengrir a rechedal a ikelesia me bo el dil tir losiik a ulekrael el llomes el kirel a omesubir me a osisecheklel a ebangkelio. A ikel klekedall el kirir el kmal lousbech a chedaol llechukl me a cheldecheduch er a klou el ongdibel.

17.3

Ngerchelir a Remerredel

• Mrellii a okesiu sel mosuub er a ebangkelio e molisechakl er ngii loba teletelel a Osobel.

• Mo ungil lomes el kmo a osisechakl el ngara chelechad er tir a meleketek a klaumerang e melemalt el osisechakl.

• Mo blechoel lolngeseu er a resensei el ngara chelechad er kemiu.

17.4

Council Miting er a Sensei

Chelsel a council miting er a resensei, ete dmak el chadecheduch el kirel a osisechakl el mosisechakl el uai a Kristo. Te dirrek el mo chadecheduch el kmo te mekerang e olngeseu meng lmuut el mo ungil a omesubel me a osisecheklel ebangkelio. Te ousbech er a Teaching in the Savior’s Way el klekedall lolngeseu er tir.

A council miting er a Sensei a ngarngii sel Sandei er a chelsel a bek el edei el buil sel temel a klass el di okeim el bung a temel.