18.

Mengetmokll Chedaol Ruoll er a Priesthood me a Klengletengat

18.0

Uchelel

A chedaol ruoll me a klengeltengat a chedaol omeruul lokiu a klisiich er a priesthood e ngara ngklel a Jesus Kristo. A chedaol ruoll er a priesthood me a klengeltengat a meskid a techall er a klisichel a Dios (mesa Doctrine and Covenants 84:20).

A chedaol ruoll me a klengeltengat a mekedmokl lultuil er a klaumera er a Edam er a Babeluades me a Jesus Kristo me a dirrek el ulekrael er a Chedaol Reng. A roungerachel a mo kerekikl meng mekedmokl lokiu a kengei (a le usbechall), e kmal kirir loba ngerachel er a priesthood, el melemalt a teletelel, ea chad el melai er ngii a klikiid (mesa 18.3).

18.1

Chedaol ruoll er a mo Suobel me a ngar el mo Cherechar

A priesthood a uldimukl er ngii a klisiich el mengedmokl a chedaol ruoll er a ebangkelio el ngii a meklou a belkul kirel a mo suobel me a mo kiei el mo cherechar. A rechad a soiseb er a chedaol telbiil lobengkel a Dios se lengai aika el chedaol ruoll. A chedaol ruoll el kirel a mo suobel me a kiei el mo cherechar a beldukl er eou.

• Techolbechelid

• Moterekokl me a sengk er a Edaol Reng

• Nguu a Melchizedek Priesthood e moterekokl el mo er a obis (mo er a rsechal)

• Klengeltengat er a templo

• moak er a templo

A ngalek el mechell er a chelsel a telbiil e mad ruchei er a bol 8 a rekil, eng diak a chedaol ruoll el mekedmokl kirel. Eng di a lsekum a ngalek a milchell er a iikrel a telbiil, e a di tal chedaol ruoll lousbech a mo merenged el mo er a rechad er a blil. A Tngakireng er a Osobel a uchul, e a rokui el ngalek el mad ruchei er a 8 a rekrir a mo suobel er a rengedel a celestial er a babeluades (Doctrine and Covenants 137:10; dirrek el mesa Moroni 8:8–12).

18.3

Meruul a Chedaol ruoll me a Klengeltengat

Tirkel meruul chedaol ruoll a lechub e te omekngeltengat a kmal kirir loba ngerachel er a priesthood e klikiid. Sel de du el kmo, te klikiid eng belkul a kmo te oba babier tir er a mo er a templo. Eng di, ngultuil er a Chedaol Reng me a omesodel el ngar tial bliongel, e a rebisop me a remerredel a stake a sebechir el mechiteterir a rechedam me a buch el tir oba priesthood me te meruul a bebil er a chedaol ruoll me a klengeltengat el diak el sal belkul a kmo te oba babier tir er a templo. A oba priesthood el dirkak el semechokl a oberaod el klengit a diak el kirel meruul.

A meruul a lechub eng melai a bebil er a chedaol ruoll me a klengeltengat a kmal kirel ngeiuul a kengei er ngike loungerachel loba kiis er seikid el priesthood (mesa 3.4.1). Ea lusbechall, eng sebechel a kengei el mengai er a counselor el bla lebsa kengei. Mesa tiakid el chart. A tekoi el kirir a remerredel er a stake a dirrek el mo er a remerredel a mision. A tekoi el kirir a rebisop a dirrek el mo er a remerredel a branch.

Ng techa Loungerachel Olab a Kiis el kirel a Kengei el Meruul a lechub eng Melai Chedaol Ruoll er a mo Suobel me a Ngar el mo Cherechar?

chedaol ruoll	Ng Techa Olab a Kiis
chedaol ruoll Techolbechelid	Ng Techa Olab a Kiis Bisop (el mo er a re eai a rekrir el ngalek me a rtetiu a rekrir el mo er bab el ngarngii a rekord er a rechad er a blirir e mlo meoud el nguu a techolbechelid el chelitechetul a uldesuir a uchul) Merredel er a mision (mo er a robult)
chedaol ruoll Olterekokl me a sengk er a Chedaol Reng	Ng Techa Olab a Kiis Bisop ( mo er a re eai a rekrir el ngalek me a rtetiu a rekrir el mo er bab el ngarngii a rekord er a rechad er a blirir e mlo meoud el nguu a techolbechelid el chelitechetul a uldesuir a uchul) Merredel er a mision (mo er a robult)
chedaol ruoll Omsa Melchizedek Priesthood me a olterekokl el mo er a obis (mo er a rsechal)	Ng Techa Olab a Kiis Merredel er a stake
chedaol ruoll Klengletengat er a templo	Ng Techa Olab a Kiis Bisop me a merredel er a stake
chedaol ruoll Omerenged er a templo	Ng Techa Olab a Kiis Bisop me a merredel er a stake

Ng techa Loungerachel Olab a Kiis el kirel a Kengei el Meruul a lechub eng Melai Chedaol Ruoll me a Klengeltengat?

Chedaol ruoll a lechub Omekngeltengat	Ng Techa Olab a Kiis
Chedaol ruoll a lechub Omekngeltengat Omngakl me a omekngeltengat er a rengalek	Ng Techa Olab a Kiis Bisop
Chedaol ruoll a lechub Omekngeltengat sakrament	Ng Techa Olab a Kiis Bisop
Chedaol ruoll a lechub Omekngeltengat Omsa Aaronic Priesthood me a olterekokl el mo er a obis (mo er a rengeasek el sechal me a remeklou el sechal)	Ng Techa Olab a Kiis Bisop
Chedaol ruoll a lechub Omekngeltengat Olterekokl er a rechedal a ikelesia el mo mesiou	Ng Techa Olab a Kiis Mesa 30.8
Chedaol ruoll a lechub Omekngeltengat Olterekokl a cheluch	Ng Techa Olab a Kiis Diak el ngeiuul a kengei
Chedaol ruoll a lechub Omekngeltengat Omekngeltengat er a smecher	Ng Techa Olab a Kiis Diak el ngeiuul a kengei
Chedaol ruoll a lechub Omekngeltengat Klengeltengat er a ongelaod me a cheldecheduch, luldimukl a klengeltengat er a rchedam	Ng Techa Olab a Kiis Diak el ngeiuul a kengei
Chedaol ruoll a lechub Omekngeltengat Olterekokl a blai	Ng Techa Olab a Kiis Diak el ngeiuul a kengei
Chedaol ruoll a lechub Omekngeltengat Olterekokl a debull	Ng Techa Olab a Kiis Ngike el priesthood loungerachel er sel tekoi
Chedaol ruoll a lechub Omekngeltengat Klengeltengat er a Patriarch	Ng Techa Olab a Kiis Bisop

18.4

Chedaol ruoll e mo er a Remekekerei el Ngalek

A kekerei el ngalek a sebechel mukngeltengat, metecholb, moterekokl, e mo er a obis er a priesthood, a lechub eng moterekokl e mo er a okedong lokiu a kengei er a (1) er a roungalek er ngii el ngarngii a lemeltir el kirel tial uldasu a lechub e (2) tirkel telutk loungerachel er ngii.

18.6

Omngakl me a Omekngeltengat er a Rengalek

A rengalek a blechoel mungakl e mukngeltengat er sel kot temel sengerenger er a ward el rechad er a blirir a ngarngii.

18.6.1

Ng Techa Omsa Klengeltengat

A chedaol ruoll er a omngakl me a omekngeltengat er a ngalek a mekedmokl lokiu oba Melchizedek Priesthood, loltiirakl a ngara Doctrine and Covenants 20:70.

A chad a lechub a telungalek el sorir a ngalek a lemungakl e le mukngeltengat a oureor kirel tial chedaol ruoll lobengkel a bisop. Ngii oba kiis er a priesthood el kirel omngakl me a omekngeltengat er a rengalek er a ward.

A bisop a sebechel mechere chedam loba Melchizedek Priesthood meng omngakl e omekngeltengat er a ngelekel a le klikiid ngika el chedam loba babier er a templo me a lak (mesa 18.3). A rebisop a mengelechel er a rechedam el mo kldmokl el mo omekngeltengat er a rengelekir.

18.6.2

Omesodel

Ngultuil er a dereder er a klebisop, e a roba Melchizedek Priesthood a mo kldibel el ngara chaibibeob e mngeklii e omekngeltengat er a ngalek. Te ngmai chimorir el kikuii a tolechoi, a lechub e te ngmai chimorir el kmed er a bebul a bdelul a kiklou el ngalek. E ngike el mengedecheduch a mo:

1. Mekodongii a Chedam er a Babeluades el uaia loluluuch.

2. E kmo tial klengeltengat a mekedmokl lokiu a klisichel a Melchizedek Priesthood.

3. E msa ngklel a ngalek.

4. E mengedecheduch er a ngalek

5. El msa klengeltengat ngika el ngalek lultuil er a Chedaol Reng.

6. E mengesimer loba ngklel a Jesus Kristo.

Naming and Blessing of Children

18.6.3

Babier el Rekord er a Ngalek me a Certificate er a Klengeltengat

Uchei er a le mukngeltengat a ngalek, e a clerk ousbech er a Leader and Clerk Resources (LCR) el mo mengedmokl er a Rekord er a Ngalek. Uriul er a klengeltengat, eng rulii a rekord er ngalek el chedal a ikelesia e kudmeklii a Certificate er a Klengeltengat. Tial certificate a le saing er ngii a bisop e mo er a demal me a delal a ngalek a lechub a roungerachel er ngii.

A ngakl el ngara rekord er ngii el chedal a ikelesia me a certificate a kirel chatter er a ngara certificate er a cheroll, a lechub eng llechukl mlechell er a beluu, a lechub sel meral ngklel er chelechang.

18.7

Techolbechelid

A techolbechelid el mo modulb er a ralm er ngike loba ngerachel a klou a belkul er a chad el mo chedal a Ikelesia e nguu a Chedaol Reng. A rokui el sorir el mo kiei el mo cherechar a kirir loltirakl er a okesiul Osobel el mo ngmai aika el chedaol ruoll.

18.7.1

Kongei er a Chad el Mo Metecholb e Moterekokl

18.7.1.1

Rengalek el Ngarngii a Rechad er a Blirir el Chedal a Ikelesia

A bisop oba kiis er a priesthood el kirel a techolbechelid er a reai a rekrir el ngalek el ngarngii a rechad er a blirir el chedal a ikelesia. Tirkal ngalek a kirir el metecholb e moterekokl er sel rechedel ruriul er a bo leai a rekrir (mesa Doctrine and Covenants 68:27). Tirkang a rengalek el ngarngii a rekord er tir er a Ikelesia (mesa 33.6.2). Sel bo leai a rekrir, e a bisop a kirel kerekikl me te mo kongei er a ebangkelio e mo metecholb e moterekokl.

A bisop me a lechub a telutk el counselor a mo mengedecheduch er tir el kirel a techolbechelid me a moterekokl. Omesodel a ngara 31.2.3.1.

A omesodel a kedmeklel a babier el rekord er a Techolbechlid me a Olterekokl, e mesa 18.8.3.

18.7.1.2

Robult

A merredel er a mision oba kiis er a priesthood el kirel a techolbechelid er tirkel lobult. Tiaikid a uchul, e a remisionari a mengedecheduch er tirkel obult el chad el kirel a techolbechelid me a olterekokl.

18.7.2

Teletelel a Techolbechelid

A teletelel a techolbechelid a kirel beot, kedeb, e chedaol. Ng sebechel uldimukl er ngii a ikakid:

1. Chelitakl er a uchelel

2. Kedeb el cheldecheduch er ngike lodam loungerachel el mengemedaol er a rechad

3. Chelitakl me a nglunguuch

4. Chimong malechub a eru el kedeb el klumech el kirel ebangkelio, el uaia techolbechelid me a sengk er a Chedaol Reng.

5. Chelitakl

6. Techolbechelid

7. Taem el de elelakakl e mengiil er tirkel milngedmokl er a techolbechelid me te oidketerir er a medirt el bail (chelitakl me a lechub eng chelitakl er a Primary a sebechel ngarngii er tiaikid el taem)

8. Oterkeklel a eai a rekil ngalek el ngarngii a rekord er a rechad er a blil; oterkeklir a robult a le medung er a bisop (mesa 18.8)

9. Chisel a klaumerang er a dirk ulebult, a le sorir

10. Chelitakl me a nglunguuch el mengesimer

11. Chelitakl ruriul

A ngalek el ngarngii a rekord er a rechad er a blil sel longedmokl el kirel a techolbechelid, e a chedal a klebisop me a remerredel er a Primary e mengedecheduch er a telungalek er ngii loterkeklii a sils. A chedal a klebisop a oungerachel er tial tekoi. A lsekum e te betok er a chimong el ngalek el mo metecholb er a osisiu el buil, eng sebechel di tang a sils er tir.

Aikel stake el betok a rengalek el ngarngii a rekord er a rechad er a blirir, e a rengalek er a betok el ward a sebechel osisiu a sils er a techolbechlid er tir. A chedal omerredel er a stake me a lechub a telutk el ngarbab el councilor a oungerachel er tial techolbechelid.

A techolbechelid ra chedal a telungalek a diak el kired lomekioud er ngii el mengiil er a chedam el nguu a priesthood meng mo sebechel ngii a kudmeklii a techolbechelid.

Ngokiu a dereder er a klebisop, e a oungerachel er a ward mision (a lengarngii) a lechub a chedal a chelechad er a elders loungerachel er a ureor er a misionari er a ward a melib e oungerachel er a techolbechelid er tirkel lobult. Te oureor lobengterir tirkel cherrungel misionari.

18.7.3

Ng Techa Mekedmokl Chedaol Ruoll

A chedaol ruoll er a techolbechelid a mekedmokl lokiu a prist a lechub oba Melchizedek Priesthood. A chad el mengedmokl er a techolbechelid a kirel le kengei er ngii a bisop ( a lechub a merredel er a mision a lsekum a cherrungel misionari a mengedmokl er tial techolbechelid).

A bisop a sebechel kongei er a chedam a lsekum eng prist a lechub e ngoba Melchizedek Priesthood el mo mengemdokl er a techolbechelid er a ngelekel a le klikiid loba babier er a templo me a lak (mesa 18.3). A rebisop a mengelechel er a rechedam el mo kudmekelterir el mo mengedmokl er a techolbechelid er a rengelekir.

18.7.4

Ng Ker a Longedmokl Chedaol Ruoll er Ngii

A techolbechelid a kirel mekedmokl er a ikel blil a techolbechelid a le ngarngii. Ea lak, e a ungil basio el ngarngii a ralm a sebechel.

A bekongerachel el klou el chad a kirel ngar sei lomes sel lomekeeek er a blil a techolbechelid e dirrek el di merekmo bol bechachau er a ralm, el mengatech, el mekedmokl. A blil a techolbechelid a kirel mereched el mo bechachau er a ralm ruriul er a techolbechelid. A chesimer er a blil a techolbechlid a kirel chelseches sel lak lusbechall.

18.7.5

Bail

A chad el mengedmokl er a techolbechlid me a chad el mo metecholb a kirir loubail a becheleleu el bail el diak el sal meliliut a bol dekims. A chad el mla mo er a templo a kirel bleiull er a garment er a chelsel sel longedmokl er a techolbechelid. A ikelesia a mechar aika el bail er a techolbechelid lolab a ududel e diak locheraol a usbechellel.

A bail er a techolbechlid a sebechel mengai er a store.ChurchofJesusChrist.org.

18.7.6

Sioning

Teru el chad el mo sioning, le kengei er tir ngike loungerachel, a omes a bek el techolbechelid el kerekikl meng mekedmokl er a meral teletelel. A re mla metecholb el chedal a Ikelesia, luldimukl er a rengalek me a rengeasek, a sebechir el mo sioning.

A techolbechelid a kirel muut lomelekl a lsekum a tekoi er a chelsel a dimlak el medung er sel teletelel el ngara Doctrine and Covenants 20:73. E kirel muut lobelekl a lsekum a telkib er a bedengel a chad, cheiul, a lechub a bilel a dimlak bo lungil modulb.

18.7.7

Omesodel

A teletelel chedaol ruoll er a techolbechlid, e ngike el prist a lechub a oba Melchizedek Priesthood a:

1. Mo dechor er a chelsel a ralm ngii me a chad el mo metecholb.

2. Orkedii a klisichel chimal chad loba klitechetul chimal (meng diak el metacherbeserir e selbechakl). Ea chad el mo metecholb a nguu a klitechetul chimal lorkedii a klitechetul chimal ngika loba priesthood.

3. E odersii a klisichel chimal mo er a skoeang.

4. E dulii sel cherrungel ngklel ngika el chad e kmo, Ak mla modurch er a Jesus Kristo, el mo tochelbau el ngara ngklel a Chedam, me a Ngalek, me a Chedaol reng. Amen (Doctrine and Covenants 20:73).

5. E mecherei ngika el chad me nguu a klisichel chimal tingetii a iisngel (meng diak el mekesakl); e sola nguu a klisichel chimal lorkedii a ulkel ngika el chad e odelbii el tal chad, luldimukl a bilel.

6. A ngoseuir ngika el chad el me tuobed er a ralm.

Baptism of a New Member

18.8

Olterekokl me a Sengk er a Chedaol Reng

Uriul er a le metecholb a chad, eng mo moterekokl el chedal a Ikelesia e nguu a Chedaol Reng lokiu omor er a chim (mesa Doctrine and Covenants 20:41; Rrellir 19:1–6). Seikid e ngika el chad a mla mo chedal a Ikelesia ruriul er a le mekedmokl e bo llechukl er a rekord aikaikid el chedaol ruoll (mesa Johanes 3:5; Doctrine and Covenants 33:11; 3 Nephi 27:20).

A bisop omes er a teletelel a longedmokl er sel lolterekokl. A reai a rekrir el ngalek a blechoel moterekokl er sel sils ruriul er a techolbechelid. Ea robult a blechoel moterekokl er sel temel a miting er a sakrament er a ward lengarngii, loumesingd sel Sandei ruriul er a techolbechelid.

A chedal a klebisop oltirakl aikel beldukl er a 29.2.1.1 sel loldars er a beches el chedal a ikelesia.

18.8.1

Ng Techa Meruul er tial Chedaol Ruoll

Ng di chad loba Melchizedek Priesthood loba babier er a mo er a templo a mo olterekokl. Eng di, a bisop a sebechel kongei er a chedam loba Melchizedek Priesthood el mo teloi er a rdechor el chad sel lolterekokl er a ngelekel a le klikiid el mo er a templo me a lak (mesa 18.3).

Ng kirel a chimo el chedal a klebisop el mo teloi er a re mengedmokl er tial chedaol ruoll. A leskum a re elders el misionari a ulisechakl er ngika el mla obult el chad, e a bisop a siotai er tir.

18.8.2

Omesodel

Ngokiu a dereder er a klebisop, e a tang alechub e te betok loba Melchizedek Priesthood a sebechir el mo teloi er tir. Te ngmai chimorir el kmed er a bebul a bdelul a chad. E ngike el mengedecheduch a:

1. Mekodongii sel mui el ngklel ngika el chad.

2. E kmo tial chedaol ruoll longedmokl er ngii a okiu a ngerachel er a Melchizedek Priesthood.

3. E oterkeklii ngika el chad el chedal a Ikelesia er a Jesus Kisto er a Uriul-klebesei el Santo.

4. E kmo “mnguu Chedaol Reng” (ng diak el du el kmo “mnguu a sengk er a Chedaol Reng”).

5. E msa klengeltengat ngika el chad lultuil er a Chedaol reng.

6. E mengesimer loba ngklel a Jesus Kristo.

Confirming a Recently Baptized Member

18.8.3

Rekord me a Certificate er a Techolbechelid me a Olterekokl

Uchei er a longedecheduch er a ngalek el ngarngii a rekord er ngii el kirel a techolbechelid, e a clerk ousbech er a LCR el kudmeklii a Babier er a Techolbechlid me a Olterekokl. A bisop me alechub a mla metutk el counselor a mengedecheduch er a ngalek e saing er tial babier. Uriul er a techolbechlid me a olterekokl, e a clerk ousbech er tial babier el mekbeches a rekord er a ngalek er a LCR.

A cherrungel misionari sel longedecheduch er a mla obult el chad el kirel a techolbechelid, eng kudmeklii a Rekord er a Techolbechelid me a Olterekokl lousbech er a Area Book Planner (ABP) app. Uriul er a techolbechelid me a olterekokl, e a remisionari a llmuches er a ABP e odureklii el mo er a clerk er a ward. A clerk er a ward a mes aika llechukl tekoi er a LCR e sola kudmeklii a rekord er a chad.

Uriul er a lemekedmokl a rekord er a chad, e a clerk a kudmeklii a Certificate er a Techolbechelid me a Olterekokl. Tial certificate a le saing er ngii a bisop e nguu el msa chad.

A ngakl el ngara rekord me a certificate a kirel chatter er a ngara certificate er a cheroll, llechukl el ngakl a le mlechell er a beluu, a lechub a meral ngklel er chelechang.

18.9

Sakrament

A rechedal a Ikelesia a kebtech sel Chedaol sils el mo ngara omengull el mo er a Dios e melai er a sakrament (mesa Doctrine and Covenants 20:75; 59:9; Moroni 6:5–6). Chelsel tiaikid el chedaol ruoll, e te melai er a blauang me a ralm lomeletkir er a tngakireng er a Osobel er a Bedengel me a rsechel e mo omekbeches a chedaol telbilri (mesa Mateus 26:26–28; Joseph Smith Translation, Markus 14:20–25; Lukas 22:15–20; 3 Nephi 18; Moroni 6:6).

18.9.1

Kengei el mo Mengedmokl er a Sakrament

A bisop oba kiis er a priesthood el kirel a kedmeklel a sakrament er a ward er ngii. A rokui el chad el mengedmokl, omekngeltengat, me a remerous er a sakrament a kirir el nguu a kengei er a bsiop a lechub a bla loterkeklii el chad.

18.9.2

Ng Techa Mengedmokl er tial Chedaol ruoll

• A resensei, re prist, me a roba Melchizedek Priesthood a sebechir el mengedmokl er a sakrament.

• A re prist me a roba Melchizedek Priesthood a sebechir lomekngeltengat er a sakrament.

• A re deacon, resensei, re prist, me a roba Melchizedek Priesthood a sebechir el merous er a sakrament.

18.9.3

Teletelel a Sakrament

Ng kmal chedaol a sakrament a uchul, e a re priesthood loungerachel a kmal mo kerekikl er a kedmeklel meng chelderoder e kellechakl a teletelel.

A klekedellel a sakrament a sebechel mengai er a store.ChurchofJesusChrist.org.

Tirkel mengedmokl er a sakrament a kirir el meruul er ngii loba chetengakl teletael, el medengei el kmo te omtechei er a Rubak.

A omerusel a sakrament a di ngar sel ungil teletelel el diak kuk msal omsiich er ngii.

Ng uaisei el sakrament a mo er a rechedal a Ikelesia, eng di diak dorrob er a rebebil el melai er ngii.

18.9.4

Omesodel

1. Tirkel mengedmokl, omekngeltengat, a lechub e te merous er a sakrament a kirir el kot e te remisou chimorir er a sob a lechub a kmo ngera el mengikiid.

2. A teachrs, re prist, me a roba Melchizedek Priesthood a kerekikl me a blil a blauang a ngarngii a cherrungel blauang er a chelsel, me a kob el blil a ralm, me a bilel a tebel a kldmokl ruchei er a miting.

3. A rechedal a ward sel bo longitakl er a cheliteklel a sakrament, e tirkel lomekngeltengat er a sakrament a mo dechor, e nguu a dekedekel a blauang, e mo melebtib a blauang.

4. Sel bol merek a chelitakl, e ngike lomekngeltengat a mo outubaruach e dulii sel nglunguuch er a sakrament el kirel a blauang (mesa Doctrine and Covenants 20:77).

5. A bisop a kerekikl me a nglunguuch er a sakrament a bleketakl, diak a cheleuid er ngii, e chetengakl. A lsekum a chad a mecheuid a tekoi e sola di ngii el rulii el mo ungil, e ng diak a ngera ruoll el kirel. Eng di a lsekum a chad a dimlak relii a cheleuid el mo ungil, e a bisop a mo olengit er ngii me luut el dulii a nglunguuch.

6. Uriul er a nglunguuch, e a roba priesthood a merous er a blauang el mo er a rechad. Ngike el ngarbab loungerachel a kot el nguu, e a uriul e ngii di lorous. Sel modars a blil a blauang el mo er a rechad, eng mla mo sebechir el kaidideuiid er ngii.

7. A rechad a melai er a sakrament loba klisichel chimorir a le sebechel.

8. Sel bla lemerous a blauang el mo er a rokui el chad, e tirkel merous er a sakrament a ngmai a blil el me mechei er a bebul a tebel. E tirkel lomekngeltengat er a sakrament a dokedek aika el blil a blauang e kuk ngmai a dekedekel a ralm.

9. A chad lomekngeltengat er a ralm a mo outubaruach e dulii sel nglunguuch er a ralm (mesa Doctrine and Covenants 20:79). Ng ousbech er a tekoi el ralm ng diak el wine.

10. Uriul er a nglunguuch, e a roba priesthood a mo merous er ngii el mo er a rechad. Ngike el ngarbab loungerachel a kot el nguu, e a uriul e ngii di lorous.

11. Sel bla lemerous a ralm el mo er a rokui el chad, e tirkel merous er a sakrament a ngmai a blil el me mechei er a bebul a tebel. E tirkel lomekngeltengat er a sakrament a dokedek aika el blil a ralm, e tir lulmekngeltengat me a remirrous er a sakrament a sebechir el mo dengchokl.

12. Uriul er a miting, e tirkel milngedmokl er a sakrament a kudmokl a klalou, e tatam a dekedekel a tebel, e choroid a derengel a blauang.

Blessing the Sacrament

18.10

Omsa Priesthood me a Olterekokl el mo er a Obis

Ngarngii eru el prieshtood: Aaronic me a Melchizedek (mesa 3.3; Doctrine and Covenants 107:1, 6). Sel bsa chad a priesthood, eng dirrek el moterekokl el mo er a obis er tial priesthood A chad sel lenguu a ta er a ikal priesthood, eng di kirel moterekokl el mo er a ikel obis er sel priesthood.

18.10.1

Melchizedek Priesthood

A merredel er a stake olab a kiis er a priesthood e msa chad a Melchizedek Priesthood e olterekokl er ngii el mo er a obis er a elder me a ngarbab el prist. Eng di, a bisop a blechoel lodars a ngakl el kirel aikaikid el teletael er a olterekokl.

18.10.1.1

Elders

A re klikiid el meklou el sechal a sebechir el nguu a Melchizedek Priesthood e moterekokl el eldrs sel bol 18 el mo er bab a rekrir. Ngultuil er a teletael er a dersta el chad, e a bisop omes el kmo a ngeasek el chad ng sebechel moterekokl el mo elders sel bol 18 a rekil a lechub eng melemolem el ngara chelechad er a prist el telkib el taem.

Me sel lomdasu el kirel tia el teletael, e a bisop a kirel kot eng mengedecheduch er ngika el ngeasek el chad me a rechad er a blil a lechub a roungerachel er ngii. A re klikiid el meklou el chad a kirir el moterekokl el mo elder sel bol 19 a rekrir a lechub a uchei er a ltobed er a blai el mo er a daingak, mision, klsoldau, a lechub a ureor.

A dirk miltecholb el meklou el chad el 18 a rekrir el mo er bab a moterekokl el mo elders ruriul er a:

• Lenguu a Aaronic Priesthood e losiou el prist.

• Mla mo klebech a klemedengei er tir er a ebangkelio.

• Ochotii el kmo te klikiid.

Ng diak a kmal ulterekokl el taem lolchotel a kmo a chad a chedal a Ikelesia.

18.10.1.2

Ngarbab el Prist

A rsechal a moterekokl el mo ngarbab el prist sel mokedong el mo er a omerredel er a stake, ngarbab el council, a lechub a klebisop.

18.10.1.3

Cheldecheduch me a Kengei

Ngokiu a kengei er a remerredel er a stake, e a bisop a mengedecheduch er a odam el beldukl er sel Melchizedek Priesthood Ordination Record. Ea chedal omerredel er a stake a dirrek el mo mengedecheduch er ngii. Ngokiu a kengei er a merredel er a mision, e a merredel er a district a sebechel mengedecheduch er a odam el mo moterekokl el mo elder (mesa 6.3).

18.10.2

Aaronic Priesthood

A bisop oba kiis er a priesthood el kirel a ngeiul a Aaronic Priesthood me a olterekokl el mo er a obis er a deacon, sensei, me a prist. A re klikiid el meklou el sechal a blechoel moterekokl el mo er aikaikid el obis alsekum a rekrir a uaikakid, eng di diak luchei:

• A deacon a sel uchelel a rak sel bo 12 a rekil.

• A sensei a sel uchelel a rak el bol 14 a rekil.

• Ea prist a sel uchelel a rak el bo 16 a rekil.

A bisop me a lechub a mla metutk el counselor a mo mengedecheduch er tirkel mo moterekokl el mo deacon me a lechub a sensei el mo medengei el kmo te kldmokl er a chedaol tekoi. A bisop a kuk mo mengedecheduch er a rsechal el tir a mo moterekokl el prist.

Uchei er a longedecheduch er a ngeasek el sechal el kirel oterkeklel a priesthood, e a chedal a klebisop a nguu a kengei er a rechad er a blil a lechub a roungerachel er ngii. A lsekum a demal me a delal a delort a chebechielir, e nguu a kengei er ngike loungerachel er a ngalek.

18.10.3

Odersel a Chad el Kirel kengei ruchei er a bo Lemoterekokl.

Uriul er a cheldecheduch lobengkel odam e ngii a klikiid el mo moterekokl el mo er a obis er a priesthood, eng modars el kirel a kengei (mesa Doctrine and Covenants 20:65, 67). A rodam el mo moterekokl el mo elder a lechub a ngarbab el prist a modars er a chedal a merredel er a stake er a klou longdibel er a stake (mesa 6.3 mesa omesodel el mo er a remerredel a district). A rodam el mo moterekokl el mo deacon, sensei a lechub a prist a modars lokiu a chedal a klebisop er a temel a miting er a sakrament.

A chad el mengetikaik er amiting a olengit er ngika el odam meng mo dechor. E ngii ouchais el kirel a ngeiul a Aaronic a lechub a Melchizedek Priesthood ( a lusbechall) e mo oterkeklii ngika el odam el mo er a obis er a priesthood. E mereko olengit er a rechedal a ikelesia me le kengei. Okesiul tiang, sel lodersii a odam el mo moterekokl el mo elder, eng sebechel kmo:

“Aki olengit me a [ngklel a chad] bol nguu a Melchizedek Priesthood el moterekokl el mo elder. Tirkel kongei lodars chimorir. (E mengiil telkib) Tirkel lomtok, a lengarngii, e loldars. (E mengiil telkib.]”

A lsekum e ngarngii a ungil chedal a ikelesia lomtok er tial olterekokl, e a oungerachel a lechub a tara oungerachel a mo omes er ngii ruriul er a miting. Ngkal loungerachel a melasm losiik er a uchul e ngika el chad a ulemtok. Ng osiik el kmo ngika el chad ng medengei el uase ng sebechel a ultekengel luchul e a chad a mo diak el moterekokl el mo er a obis er a priesthood.

A kuk bebil er a teletael, ea odam a sebechel moterekokl el mo elder a lechub eng ngarbab el prist ruchei er a le modars a ngklel er a temel ongdibel er a stake. Sel bol uaisei, eng mo modars er a ward er ngii er sel temel a miting er a sakrament. Seikid e ngii a modars er sel tara ongdibel er a stake el kirel a kengei (kirel sel teletael er a kengei, el meldu er bab).

18.10.4

Ng Techa Mengedmokl er a Chedaol Ruoll

A merredel er a stake a lechub a oba Melchizedek Priesthood a sebechel loterkeklii a chad el mo er a obis er a elder. Ngultuil er a kengei er a merredel er a mision, e a merredel er a district a lechub a tara chad el bla el tetkii a sebechel lolterekokl (mesa 6.3). Ng di tirkel loba Melchizedek Priesthood a mo dechor er a chaibibeob.

A merredel er a stake a lechub a ngarbab el prist a sebechel lolterekokl er a chad el mo er a obis er a ngarbab el prist. Ng di tirkel ngarbab el prist a mo dechor er a chaibibeob.

A chad lolterekokl er a tara chad el mo er a obis er a Melchizedek Priesthood a kirel klikiid. A merredel er a stake a lechub a tara chad a kirel teloi er tir.

A prist a lechub a oba Melchizedek Priesthood a sebechel loterkeklii odam el mo er a obis er a deacon, sensei, a lechub a prist. Ng kirel nguu a kengei er a bisop. A bisop a lechub a chad le kengei er ngii a kirel ngarisei.

A omeruul lolterekokl er a chad er a Aaronic Priesthood, a kirel a chad el prist a lechub e ngoba Melchizedek Priesthood.

A bisop a sebechel kongei er a chedam el prist a lechub e ngoba Melchizedek Priesthood el mo olterekokl er a ngelkel sechal el mo er a obis er a deacon, sensei, a lechub a prist a le klikiid me a lak ngika el chedam (mesa 18.3). A rebisop a mengelechel er a rechedam el mo kldmokl el mo olterekokl er a rengelekir el sechal.

18.10.5

Omesodel

A teletelel omomsa priesthood a chad e oterkeklii el mo er a obis er a priesthood, e a chimong malechub a betok el telutk loba priesthood a ngmai chimorir locha er a bebul a bdelul a chad. E ngike el mengedecheduch a kmo:

1. Mekodongii a cherrungel ngklel a chad.

2. Dulii a deruchall lobang e mengedmokl er tial chedaol ruoll (a lak el Aaronic eng Melchizedek Priesthood).

3. Msa Aaronic a lechub a Melchizedek Priesthood, a lsekum eng dirkak lenguu.

4. Oterkeklii ngika el chad el mo er a obis er a Aaronic a lechub a Melchizedek Priesthood e msa llemalt, klisiich, me a ngerachel er tial obis.

5. Msa klengeltengat lultuil er a Chedaol Reng.

6. Mengesimer loba ngklel a Jesus Kristo.

A oterkeklel a chad el mo er a obis er a priesthood ruriul er a bla le nguu a priesthood ruchei, e ngike el mengedmokl er tial tekoi a oitii sel ongedei el bades.

Ordination to the Priesthood

18.10.6

Rekord er a Olterekokl me a Certificate

Uchei er a cheldecheduch el kirel olterekokl el mo er a obis er a Aaronic Priesthood, e a clerk ousbech er a LCR el mengedmokl er a Aaronic Priesthood Ordination Record. A bisop me a lechub a telutk el counselor a mengedmokl er a cheldecheduch e saing er a babier a lsekum eng klikiid.

Uriul er a oterekokl, e a bisop me a lechub a telutk el counselor a kudmeklii a babier e nguu el msa clerk. Ng kudmeklii a rekord er a LCR me a certificate.

Sel meral ngklel a chad a kirel mo er a rekord me a cartificate.

18.11

Oterkeklii a Chad el mo Mesiou a Ngerachel

A rechedal a ikelesia el mokedong e moterekokl el mo er a deruchall er a Ikelesia a kirir el moterekokl el mo er sel deruchall (mesa Johanes 15:16; Doctrine and Covenants 42:11; dirrek el mesa 3.4.3.1 er tial hong). Sel temel olterekokl, a chad a nguu (1) a ngerachel el mo meruul er sel ureor me a (2) klengeltengat lokiu Chedaol Reng.

A remerredel a stake, re bisop me a remerredel a chelechad a ngmai a kiis er a omerredel sel lemoterekokl (mesa 3.4.1.1). Eng di, a tekoi el kiis a diak lolekoi er ngii sel lolterekokl er a rechedal a ikelesia el mo mesiou a ngerachel, luldimukl er a re counselors.

18.11.1

Ng Techa mo Olterekokl

A olterekokl er a chad a mekedmokl er a chad loba Melchizedek Priesthood. Ng kirel nguu a kengei er a merredel el ngii oba seikid el kiis er a priesthood. Tirkel tir a subed el mo olterekokl a beldukl el ngara 30.8. A elder a diak bo longedecheduch a lechub el dechor er a chaibibeob sel sekum a chad a moterekokl el mo er a obis er a ngarbab el prist.

Ngokiu a dereder er ngike loungerachel, e a tang a lechub a betok loba Melchizedek Priesthood a sebechir el mo olterekokl. A remerredel a ma moterekokl ruchei er a re counselor tir.

A oungerachel a sebechel kongei er a buch a lechub a chedam loba Melchizedek Priesthood el mo dechor er a chaibibeob sel lolterekokl er a bechil a lechub a rengelekel luldimukl a le klikiid me a lak (mesa 18.3).

18.11.2

Omesodel

A tang a lechub a betok loba Melchizedek Priesthood a ngmai chimorir el kmed er a bebul a bedelul a chad. E ngike el mengedecheduch a:

1. Mekodongii sel cherrungel el ngklel a chad.

2. E kmo ng meruul tiang lokiu a klisichel a Melchizedek Priesthood.

3. E oterkeklii a chad el mo er sel ngerachel er a stake, a ward, a chelechad, a lechub a klas.

4. E msa kiis a leskum ng kirel ngkal chad el ngmai.

5. E msa klengeltengat lultuil er a Chedaol Reng.

6. Mengesimer loba ngklel a Jesus Kristo.

18.12

Olterekokl er a Cheluch

A roba Melchizedek Priesthood a kirir loterkeklii a cheluchul olive ruchei er a lusbechall el kirir a rsmecher me a rengara ringel (mesa Jakobus 5:14). Ng diak a ngodech el cheluch lousbech er ngii.

Aika el cheluch a ngarngii er a store.ChurchofJesusChrist.org.

A rechedal a ikelesia a diak el kirir lousbech er a mla moterekokl el cheluch el uaia le kall a lechub e loba el mo er a telemall er a bedengel a chad.

18.12.1

Ng Techa Meruul er a Chedaol ruoll

A tang a lechub a betok loba Melchizedek Priesthood a sebechel lolterekokl er a cheluch. Ng diak a belkul lolai er a kengei er a oungerachel priesthood.

18.12.2

Omesodel

A oba Melchizedek Priesthood, sel bo lolterekokl er a cheluch eng:

1. Orkedii a nglai a dengebel blil a cheluchul olive.

2. Mekodongii a Chedam er a Babeluades er a nglunguuch.

3. E dmu el kmo ngultuil er a klisiich er a Melchizedek Priesthood.

4. E loterkeklii tial cheluch (ng diak el blil a cheluch) el mo omekngeltengat er a rsmecher me a rengara ringel.

5. Mengesimer el ngara ngklel a Jesus Kristo

Consecrating Oil

18.13

Omekngeltengat er a Rsmecher

Omekngeltengat er a Rsmecher lokiu “omor er a chim” a ngarngii eru el teletelel: omekngeltengat loba cheluch e mo rongedii loba klengeltengat. A lak a mla moterekokl el cheluch, eng di sebechel mekedmokl a klengeltengat lokiu a Melchizedek Priesthood el diak lousbech er a cheluch.

18.13.1

Ng Techa mo Msa Klengeltengat

Ng di tirkel klikiid loba Melchizedek Priesthood a sebechir lomekngeltengat er a rsmecher me a rengar ringel. Ng diak a belkul lolai er a kengei er a oungerachel er a priesthood. A lsebechel, e a chedam loba Melchizedek Priesthood a sebechel lomekngeltengat er a rsmecher el chedal a telungalek er ngii.

Ng blechoel, terung a lechub e te betok loba Melchizedek Priesthood a omekngletengat er a rsmecher. Eng di, ng sebechel di chimong e kudmeklii tiang.

18.13.2

Omesodel

A omekngeltengat loba cheluch a mekedmokl er a oba Melchizedek Priesthood. Ngii a:

1. Loiia tedimch er a mla moterekokl el cheluch er a bebul a bdelul a chad.

2. E ngmai chimal kmed er a bebul a bdelul a chad e mekodongii sel cherrungel el ngklel.

3. Dmu el kmo ng meruul tial tekoi lokiu a klisiich er a Melchizedek Priesthood.

4. Dmu el kmo ng omekngletengat loba mla moterekokl el cheluch el mo omekungil e omekngeltengat er a rsmecher me a rengar a ringel.

5. Mengesimer loba ngklel a Jesus Kristo.

A omerenged er a klengeltengat er a cheluch, ea tang a lechub a rebetok loba Melchizedek Priesthood a ngmai chimorir el kmed er a bebul a bdelul a chad. E ngike el merenged er a klengeltengat er a cheluch a:

1. Mekodongii sel cherrungel ngklel a chad.

2. E dmu el kmo ng merenged er a klengeltengat er a cheluch lokiu a klisichel a Melchizedek Priesthood.

3. Msa klengeltengat lultuil er a Chedaol Reng.

4. Mengesimer loba ngklel a Jesus Kristo.

Administering to the Sick

18.14

Klengeltengat er a Ongelaod me a Cheldecheduch, Luldimukl a Klengeltengat er a Chedam

18.14.1

Ng Tech Msa Klengeltengat

Tirkel loba Melchizedek Priesthood a sebechir el mesterir a klengeltengat er a ongelaod me a cheldecheduch el mo er a rechedal a telungalek er tir me a rebebil a lolengit el kirel.

A chedam loba Melchizedek Priesthood a sebechel lomekngeltengat er a rengelekel. A roungalek longelechel er a rengelekir el mo ngmai a klengeltengat er a redemerir. A klengeltengat er a chedam a sebechel mo llechukl el kirel a usbechellel a chad.

A oba Melchizedek Priesthood a diak a belkul lolai er a kengei er a merredel el kirel a klengeltengat er a ongelaod me a cheldecheduch a lechub a klengeltengat er a chedam.

18.14.2

Omesodel

A mo msa klengeltengat er a ongelaod me a cheldecheduch a lechub a klengeltengat er a chedam, e a tang a lechub e te betok loba Melchizedek Priesthood a ngmai chimorir el kmed er a bebul a bdelul a chad. E ngike el mengedecheduch a:

1. Mekodongii sel cherrungel ngklel a chad.

2. E kmo tial klengeltengat a mekedmokl lokiu a klisichel a Melchizedek Priesthood.

3. E msa klengeltengat er a ongelaod me a cheldecheduch lultuil er a Chedaol Reng.

4. Mengesimer loba ngklel a Jesus Kristo.

18.15

Oterkeklel a Blai

A rechedal a Ikelesia a sebechir loterekokl a blirir lokiu a klisichel a Melchizedek Priesthood.

18.15.2

Omesodel

Sel lolterekokl a blai, e a oba Melchizedek Priesthood a:

1. Mekodongii a ngklel a Chedam er a Babeluades lokiu a nglunguuch.

2. E kmo ng meruul er tial tekoi lokiu a klisichel a Melchizedek Priesthood.

3. E oterkeklii a blai el uaia le chedaol basio el Chedaol Reng a sebechel mo kiei er a chelsel e dirrek el dmu klengeltengat lokiu Chedaol Reng.

4. Mengesimer loba ngklel a Jesus Kristo.

18.16

Oterkeklel a Debull

18.16.1

Ng Techa Olterekokl a Debull

A chad el mo olterekokl a debull a kirel loba Melchizedek Priesthood e mla metutk er ngike el ngii a oungerachel.

18.16.2

Omesodel

A oterkeklel a debull, e ngike loba Melchizedek Priesthood a:

1. Mekodongii a ngklel a Chedam er a Babeluades lokiu a nglunguuch.

2. E dmu el kmo ng meruul er tial tekoi lokiu a klisichel a Melchizedek Priesthood.

3. A oterkeklii a basio er tial debull el kmo ng basio er a ulengull er a bedengel a mla mad el chad.

4. A meluluuch me tial basio bol chedaol e lemucheliu el mo el muut er sils er a Okiis er a kodall (a di lungil besul).

5. Olengit er a Chedam er a Babeluades me bo longelaod er a telungalek e dirrek el dmu ikel lomelchesiu lokiu Chedaol Reng.

6. Mengesimer loba ngklel a Jesus Kristo.

A lsekum a bedengel a chedal a Ikelesia a mildul mo chab, e ngike loungerachel a di ngii lomdasu el kmo ng mo moterekokl sel basio el ngarngii a chebul a chad ng diak.

Dedication of Graves

18.17

Klengeltengat er a Patriarch

A bek el klikiid, e mla metecholb el chedal a ikelesia a sebechel nguu a klengeltengat er a patriarch, el meskid a ulekrael er a Chedam er a Babeluades (mesa Genesis 48:14–16; 49; 2 Nephi 4:3–11)

A bisop me a lechub a counselor ngii a mo mengedecheduch er a rechedal a ikelesia el tir a sorir el mo nguu a klengeltengat er a patriarch. Alsekum a chedal a ikelesia klikiid, eng mekedmokl a Babier Ongit el kirel a Klengeltengat er a Patriarch. Ng odureklii lokiu a Patriarchal Blessing System el ngara ChurchofJesusChrist.org.

A chad el mengedmokl er sel Babier Ongit er a Klengeltengat er a Patriarch a kirel kerekil el kmo a chad el mo melai er tial klengeltengat a ultebechel a rengul e medengelii a klou el ultutelel tial chedaol klengeltengat.

18.17.1

Ngeiul a Klengeltengat er a Patriarch

Uriul er a le mengai a kengei, e a chedal a ikelesia a mo mengedecheduch er a patriarch el mo kudmeklii a temel a ngeiul tial klengeltengat. Sel temel sils, e a chedal a ikelesia mo omes er a patriarch loba nglunguuch er a rengul e bleiull er a ikel bilel sel Sandei.

A bek el klengeltengat er a patriarch a chedaol, e berrotel, e di melutk el kirel a dersta el chad. A leuaisei, eng berrotel a ngeiul el kmal di mo tirkel bereked el chedal a telungalek er ngika el chad a sebechir el ngarngii.

A chad el nguu a klengeltengat er a patriarch a kirel mekreos er a rengul a tekoi er a chelsel, e melbedebek el kirel, e kiei el klikiid me bol ngai aika el klengeltengat er a klengar ngii el mo cherechar.

A rechedal a Ikelesia a diak el kirir el mengaisisiu e diak lolecholt aika el klengeltengat ng di tirkel kmal bereked el chedal a telungalek a sebechel. A klengeltengat er a Patriarch a diak el kirel mechuiu er a ikel miting er a Ikelesia a lechub el ongdibel buai.