18.

Kukumbaja Milulu ne Mabenesha bia Buakuidi

18.0

Tshibangilu

Milulu ne Mabenesha bidi bienzedi bia tshijila bikumbaja ku bukôkeshi bua buakuidi ne mu dina dia Yezu Kilisto. Milulu ne mabenesha bia buakuidi bidi bifila mpunga ku bukola bua Nzambi (tangila Dilongesha ne Bipungidi 84:20

Milulu ne mabenesha bidi ne tshia mua kuikala bikumbajibua ne ditabuija mu Tatu wa mu Dîulu ne Yezu Kilisto ne mu bulombodi bua Nyuma wa Tshijila. Balombodi badi batuishibua ne bidi bikumbajibua ne dianyisha dikumbane (muaba udi bikengedibua), ne bukôkeshi bua buakuidi budi bukumbana, bienzeka mu bulongama, ne kudi babienji bakana (tangila 18.3).

18.1

Milulu ya Lupandu ne ya Dizanjikibua

Buakuidi budi ne bukôkeshi bua kuenza milulu ya lumu luimpa idi ya mushinga bua lupandu ne dizanjika. Bantu badi benza bipungidi bia tshijila ne Nzambi padibu bapeta milulu. Milulu ya lupandu ne ya dizanjikibua idi itedibua kuinshi eku:

• ditambula

• Dijadikibua ne Dipa dia Nyuma wa Tshijila

• Dipeshibua dia Buakuidi bua Melekisedeke ne ditekibua mu mudimu (bua bantu baluma)

• Diambika dia ku ntempelo

• Disuika dia ku ntempelo

Padi muana uvua muledibua mu tshipungidi ne ufua kumpala kua bidimu 8, milulu kayena ilombibua anyi ikumbajibua. Padi muana kavua muledibua mu tshipungidi, mululu udiyi nawu dijinga udi kusuikibua kudi baledi. Kupitshila ku Bupikudi bua Mupandishi, bana bonsu badi bafua kumpaba kua bidimu 8 badi Bapandishibua mu bukalenga bua Selestiya bua mu dîulu (Dilongesha ne Bipungidi 137:10; tangila kabidi Moloni 8:8-12).

18.3

Dibuela mu Dikumbaja dia Mululu anyi dia Dibenesha

Aba badi bakumbaja anyi babuela mu mululu anyi mu dibenesha badi ne bua kuikala ne bukôkeshi bua buakuidi budi bukengedibua ne bakumbana. Bu mudibi bilombibua, mushindu wa bukumbana udi kusangisha ne dikala dia dianyisha dia kubuela mu ntempelo. Kadi, bu balombodibua kudi Nyuma ne maludiki mu shapita ewu, bepiskopo ne balombodi bakulu ba dikunji badi bua kuitabila batatu anyi baluma badi mu mulongo wa buakuidi udi ukengedibua bua kukumbaja anyi kuikala mu milulu anyi mu mabenesha makuabu pikalabu kabayi bujibua ne diakubana dia ntempelo. Ewu udi ne buakuidi udi kayi mulongolola mpikatu minena kena bua kuila mu mululu to.

Dikumbaja ne dipeta dia milulu ne mabenesha makuabu bidi bilomba dianyisha dia balombodi badi bimanyina and badi ne nsapi ya buakuidi idi ikengedibua (tangila 3.4.1). Biobi bilombibua, dianyisha edi didi bua kufidibua kudi mubedi udiye mupesha bukôkeshi. Tangila bidi bilonda ebi. Bidi bitangila balombodi bakulu ba dikunji badi kabidi babienzela kudi balombodi bakulu ba mukenji. Bidi bitangila balombodi bakulu ba dikunji ne babienzela kabidi kudi balombodi bakulu ba matamba.

Mulombodi kayi Udi ne Nsapi ya Kufila Dianyisha Kukumbaja anyi Kupeta Milulu ya Lupandu ne ya Dizanjikibua?

Mululu	Nganyi Udi ne Nsapi
Mululu ditambula	Nganyi Udi ne Nsapi Muepiskopo (bua bana ba bidimu 8 ne bua bidimba bifundisha bidi ne bidimu 9 ne aba bakulu badi ditambula dilepesha kupitshila ku bilema bia lungenyi). mulombodi mukulu wa Bukenji
Mululu Dijadikibua ne Dipa dia Nyuma wa Tshijila	Nganyi Udi ne Nsapi Muepiskopo (bua bana badi ne bidimu 8 ne bua bidimba bifundisha bidi ne bidimu 9 ne aba bakulu badi ditambula dilepesha kupitshila ku bilema bia lungenyi). mulombodi mukulu wa Bukenji (bua bakudimuna moyo)
Mululu Dipesha dia Buakuidi bua Melekisedeke ne ditekibua mu mudimu (bua bantu balume)	Nganyi Udi ne Nsapi mulombodi mukulu wa Dikunji
Mululu diambika dia ku Ntempelo	Nganyi Udi ne Nsapi Muepiskopo ne mulombodi mukulu wa dikunji
Mululu disuika dia ku Ntempelo	Nganyi Udi ne Nsapi Muepiskopo ne mulombodi mukulu wa Dikunji

Mulombodi kayi Udi ne Nsepi bua Kufila Dianyisha bua dikumbaja ne dipeta Mikuabu Milulu ne Mabenesha?

Mululu anyi dibenesha	Nganyi Udi ne Nsepi
Mululu anyi dibenesha Kufila kua dina ne kubenesha kua bana	Nganyi Udi ne Nsepi Muepiskopo
Mululu anyi dibenesha Biakudia bia tshijila	Nganyi Udi ne Nsepi Muepiskopo
Mululu anyi dibenesha Dipesha dia Buakuidi bua Alona ne diteka dia mu mudimu (bua bansonga ne bantu baluma)	Nganyi Udi ne Nsepi Muepiskopo
Mululu anyi dibenesha Kuteka Bidimba pa Muaba bua Kusadila mu Mabikila	Nganyi Udi ne Nsepi Tangila 30.8
Mululu anyi dibenesha Kujidila Manyi	Nganyi Udi ne Nsepi Dianyisha kadiyi dilombimbua
Mululu anyi dibenesha Kubenesha Babêdi	Nganyi Udi ne Nsepi Dianyisha kadiyi dilombimbua
Mululu anyi dibenesha Mabenesha a dikankamika ne mibelu, pamua ne mabenesha a tatu	Nganyi Udi ne Nsepi Dianyisha kadiyi dilombimbua
Mululu anyi dibenesha Kujidila nzubu	Nganyi Udi ne Nsepi Dianyisha kadiyi dilombimbua
Mululu anyi dibenesha Kujidila Nkita	Nganyi Udi ne Nsepi Mulumbodi wa buakuidi udi ulombola mudimu
Mululu anyi dibenesha Mabenesha a Nkambua Mukulu	Nganyi Udi ne Nsepi Muepiskopo

18.4

Milulu ya Bana Bakesa

Muana mukese udi bua kubeneshibua, kutambuishibua, kutekibua mu mulongo wa buakuidi, anyi mutekibua pabuenda mu dibikila anu ne dianyisha dia (1) baledi badi ne manema a ku mbulamatadi bua kuikala mu diangata dia mapangadika anyi (2) balami ba ku mbulamatadi.

18.6

Kufila kua Dina ne Kubenesha kua Bana

Bana badi bafidibua dina ne babeneshibua mu tshisangilu tshia kujila kua biakudia ne kujadika mu tshikongu tshidi baledi babu basangidibua.

18.6.1

Nganyi udi Ufila Dibenesha

Mululu wa difila dina ne dibenesha dia muana udi ukumbajibua kudi aba badi ne Buakuidi bua Melekisedeke, mu buludi ne Dilongesha ne Bipungidi 20:70.

Muntu anyi dîku didi dijinga ne muana apeta dina ne dibenesha didi diakaja mululu ewu ne muepiskopo. Udi ne nsapi ya buakuidi bua kufila kua dina ne kubenesha kua bana mu tshikongu.

Muepiskopo udi mua kuanyishila tatu udi ne buakuidi bua Melekisedeke bua afila dina ne abenesha muanenda nansha pikila tatu kayi mukumbana ntenta bua kubuela mu ntempelo (tangila 18.3). Bepiskopo badi bakankamika batatu bua badilongolola mua kubenesha bana babu.

18.6.2

Maludiki

Muishi mua buludi bua buepiskopo, aba badi ne Buakuidi bua Melekisedeke badi bakunguila mu tshitangu bua kufila dina ne kubenesha muana. Badi bateka bianza biabu muinshi mua muana, anyi badi bateka bianza bipepela a mutu a muana ukadi mubandila. Ashisha ewu udi wenza bu mutuadi wa dîyi:

1. Udi utuadija diamba ne Tatu wa mu Dîulu mu disambila.

2. Ubanga ne dibenesha edi didi dîkumbajibua ku bukôkeshi bua buakuidi bua Melekisedeke.

3. Upesha muana dina.

4. Wakula kudi muana.

5. Ufila dibenesha kudi muana bu mudiyi mulombodibua kudi Nyuma.

6. Ujikija ne mu dina dia Yezu Kilisto.

Naming and Blessing of Children

18.6.3

Muandiku wa Mukanda wa Dibesha dia Muana

Kumpala kua muana kubeneshibua, kaleleki udi wenzela Malu a Mulombodi ne Kaleleki (MMK) bua kulongolola Child Record Form (Muandîku wa Dibenesha Muana) Panyima pa dibenesha, udi ufuka mukanda wa buikadi bua tshidimba mu systeme ne ulongolola Blessing Certificate (Mukanda wa Dibenesha). Mukanda ewu udi mutuibua tshiala kudi muepiskopo ne ufidibua kudi baledi ba muana anyi kudi Balami ba muana.

Dina didi ku mukanda wa buikadi bua tshidimba ne didi ku mukanda wa dibenesha bibi ne mua kupetangana ne dina didi ku mukanda wa dilidibua, anyi ku mukanda wa mbulamatadi wa dina dia tshileledi.

18.7

Ditambula

Ditambula ku dinyishibua mu mayi kudi ewu udi ne bukôkeshi didi ne mushinga bua muntu kushala tshidimba dia Ekelezia ne kupeta Nyuma wa Tshijila. Aba bonsu badi bakeba dizanjika badi ne bua kulonda tshilejelu tshia Mupandishi mu kupeta milulu eyi.

18.7.1

Dianyisha bua Muntu Kutambushibua ne Kujadikibua

18.7.1.1

Bana Badi Bikala Bidimba Bifundisha

Muepiskopo udi ne nsapi ya buakuidi bua kutambuisha bidimba bifundisha bia bidimu 8 mu tshikongu. Bana aba badi ne bua kutambushibua ne kujadikibua mu dituku diabu dia mufikilu wa bidimu 8 anyi matuku makesa panyima pa mufikilu wabu (tangila Dilongesha ne Bipungidi 68:27). Ebi bidi bua bana bakadi ne miandikuya buikadi bua tshidimba koku (tangila 33.6.2). Padibu bakumbaja bidimu 8, muepiskopo udi utuishibua ne badi ne mushindu onsu wa kuitaba lumu luimpa ne kutambushibua ne kujadikibua.

Muepiskopo anyi mubedi mutumibua udi uyikila nkaya ne bana bafundisha bua ditambula ne dijadika. Maludiki adi mu 31.2.3.1.

Bua ngumu idi itangila dîuja dia muandîku ya ditambula ne dijadika, tangila 18.8.3.

18.7.1.2

Badi Bakudimuna Moyo

Mulombodi mukulu wa bukenji udi ne nsapi ya buakuidi bua kutambuisha badi bakudimuna moyo mu bukenji. Bua kabingila aka, bena bukenji bua ku diba ne dionsu badi bayukila nkaya ne badi bakudimuna moyo bua ditambula ne dijadika.

18.7.2

Midimu ya Ditambula

Mudimu wa Ditambula udi ne bua kuikala mupepela, watshitupa, ne ubandisha Nyuma. Udi wangata bidi bilonda ebi:

1. Misambu ya ntuadijilu

2. Muaku wa tshitupa wa difika dilenga kudi muanetu muluma udi ulombola mudimu

3. Musambu ne disambila bia dikangula nabi

4. Muyuki umua anyi ibidi pa biena bualu bia lumu luimpa, bu mudi ditambula ne dipa dia Nyuma wa Tshijila.

5. Disungula dia misambu

6. Ditambula

7. Diba dia kanemu patshidi aba badi batambula bakudimuna bilamba (misambu anyi misambu ya Tshilongelu tshia Mbedi idi mua kuimbika ku tshisanji anyi mukana)

8. Dijadika dia bidimba bifundisha bia bidimu 8; dijadika dia bakudimuna moyo biobi bianyisha kudi muepiskopo (tangila 18.8)

9. Difila dia Majadiki kudi bakudimuna moyo, bobu bajinga

10. Musambu ne disambila bia dikanga nabi

11. Misambu ya njikijilu

Padi muana mufundisha muikala mulongolodibua bua kutambula, tshidimba tshia buepiskopo ne bulombodi bukulu bua Tshilongelu tshia Mbedi badi bayukila ne dîku bua kulongolola ne kuenza ndongamu wa mudimu wa ditambula. Tshidimba tshia buepiskopo tshidi tshilombola mudimu. Pikala muana umua anyi ba bungi ne bua kutambula mu ngondu umua, badi mua kutangalaja mudimu wa Ditambula.

Mu dikunji didi ne bana bafundisha ba bungi, bana ba bikongu bia bungi badi mua kutangalaja mudimu wa momumua wa ditambula. Tshidimba tshia bulombodi bukulu bua dikunji anyi tshidimba tshia tshipangu tshinena tshitumibua tshidi mua kulombola mudimu.

Ditambula dia tshidimba tshia dîku kadiena mua kulepeshibua ne pikala tatu mua kupeta buakuidi ne kukumbaja ditambula yeya ngayenda to.

Muinshi mua buludiki bua buepiskopo, mulombodi wa bukenji wa tshikongu (pikalabu umua mukidibua) anyi tshidimba tshia bulombodi bukulu bua mpuilu wa bakulu udi ulombola mudimu wa bukenji mu tshikongu udi ulongolola ne ulombola midimu ya ditambula bia badi bakudimina moyo. Badi bakajangana ne ne bena bukenji baku diba ne dionsu.

18.7.3

Nganyi udi Ukumbaja Mululu

Mululu wa ditambula udi ukumbajibua kudi muakuidi anyi ewu udi ne Buakuidi bua Melekisedeke. Muntu udi ukumbaja ditambula udi ne bua kuikala muanyishibua kudi muepiskopo (anyi kudi mulombodi mukulu wa bukenji pikala muena bukenji wa ku diba dionsu ukumbaja ditambula).

Muepiskopo udi mua kuanyishila tatu udi ne Buakuidi bua Melekisedeke mua kutambuisha muanenda nansha pikila tatu kayi mukumbana ntenta bua kubuela mu ntempelo (tangila 18.3). Muepiskopo udi ukankamika batatu bua badilongolola bua kutambuisha bana babu.

18.7.4

Muaba wa Kukumbajila Mululu

Matambula adi ne bua kukumbajibua mu muaba wa tshitambuishilu pikalatshi koku. Pikala tshitambuishilu katshiyi koku, mayi makumbana adi bua kuikala menzela.

Bua bulami buimpa, muntu mukulumpa udi ne bua kuikalaku padibu buwuja muaba wa ditambuisha ne bashala ne padiwu uma, bamusukula, ne bakanga. Muaba wa ditambuisha udi ne mua kumishibua pangabi panyima pa mudimu wa ditambula onsu. Bibi bia muaba wa ditambuisha bibi bikangibua padibu kabayi babienzela.

18.7.5

Bilamba

Muntu udi ukumbaja ditambula ne muntu udi utambula badi bavuala bilamba bitoka bidi kabiyi bimuenesha mubidi adibi bibola. Muntu udi muambikibua udi uvuala bilamba bia ku ntempelo muinshi padiyi ukumbaja ditambula. Nsangilu ya pa muaba idi isumba bilamba bia kutambuisha nabi ne mpetu ya biuma ne kabena bafutshisha divuala to.

Bilamba bia kutambuisha bidi ne bua kulombibua ku store.ChurchofJesusChrist.org.

18.7.6

Bajadiki

Bajadiki babidi, banyisha kudi mulombodi muimanyinyi, badi batangila ditambula dionsu ne batuishibua ne didi dikumbajibua bimpa. Bidimba bitambuishibua bia Ekelezia, bu mudi bana ne bansonga, badi mua kusadila bu bajadiki.

Ditambuisha didi diezulujibua padi miaku kayiyi mitedibua biakana bu mudibi bifila mu Dilongesha ne Bipungidi 20;73. Bidi ne bua kuezulujibua babidi padi tshitupa tshia mubidi wa muntu, nsuki, anyi bilamba kabiyi binyibua bionsu to.

18.7.7

Maludiki

Bua kukumbaja mululu wa ditambula, muakuidi anyi ewu udi ne Buakuidi bua Melekisedeke:

1. Udi wimana mu mayi ne ewu udi utambula.

2. Udi ukuata manungu a tshianza tshia baluma ne tshianza tshienda tshia bakaji (bua buimpa ne bulami buakane). Muntu udi utambula udi ukuata manungu a tshianza tshia bakaji tshia ewu udi ne buakuidi ne tshianza tshienda tshia bakaji.

3. Wela diboko dienda dia baluma mulu mu ditumba dilulama.

4. Ubanga ne dina dijima dia muntu ne wamba ne, Muikala mupeshibua bukôkeshi kudi Yezu Kilisto, ndi nkutambuisha mu dîna dia Tatu, ne dia Muana, ne dia Nyuma wa Tshijila. Amena (Dilongesha ne Bipungidi 20:73).

5. Muntu udi ukuata dîulu dienda ne tshianza tshienda dia baluma (bua dîkumbana); pashisha udi uteka tshianza tshienda tshia baluma pa mongo wa muntu ne winyija muntu yonsu, ne bilamba.

6. Wambuluisha muntu bua kupatuka mu mâyi.

Baptism of a New Member

18.8

Dijadikibua ne Dipa dia Nyuma wa Tshijila

Panyima pa muntu mutambula, udi ujadikibua tshidimba tshia Ekelezia ne upeta Nyuma wa Tshijila mu ditentekibua dia bianza mu mutu (tangila Dilongesha ne Bipungidi 20:41; Bienzedi 19:1-6). Muntu udi ushala tshidimba tshia Ekelezia panyima pa milulu ibidi miwujibua ne mifundibua biakana (tangila Yone 3:5; Malongesha ne Bipungidi 33:11; 3 Nefi 27:20).

Muepiskopo udi utangila dikumbaja dia majadiki. Bana ba didimu 8 badi bajadikibua mu dituku edi didibu batambula. Bakudimuna moyo badi bajadikibua mu tshisangilu tshionsu tshia biakudia bia tshijila mu tshikongu tshidibu basombela, bianyishibua mu Dialumingu dia panyipa pa ditambula.

Tshidimba tshia buepiskopo tshidi tshilonda maludiki mu 29.2.1.1 paditshi tshileja tshidimba tshipiatshipia.

18.8.1

Nganyi udi Ukumbaja Mululu

Anu ewu udi ne Buakuidi bua Melekisedeke ne mukumbana mua kubuela mu ntempelo udi wenza bu mutuadi wa dîyi wa dijadikibua. Kadi, muepiskopo udi mua kuanyisha bua tatu udi ne Buakuidi bua Melekisedeke kuimana mu tshitangu tshia dijadikibua dia muanenda nansha pikila tatu kayi mukumbana ntenta mua kubuela mu ntempelo (tangila 18.3).

Mu dianyisha tshidimba tshimue dia buepiskopo tshidi ne mua kuikala mu mululu. Padi bena bukenji baluma balongesha mukudimuna mutshima, muepiskopo udi ubabikila mua kuikala mu mululu.

18.8.2

Maludiki

Ku bulombodi bua buepiskopo, umua anyi aba badi ne Buakuidi bua Melekisedeke ba bungi badi mua kuikala mu dijadika. Badi bateka bianza biabu bipepela pa mutu wa muntu. Pashisha ewu udi wenza bu mutuadi wa dîyi:

1. Udi ubikila muntu ku dina dienda dijima.

2. Ubanga ne mululu ewu udi ukumbajibua ku bukôkeshi bua Buakuidi bua Melekisedeke.

3. Ujadika muntu tshidimba tshia Ekelezia wa Yezu Kilisto wa Bansantu ba Matuku a Ndekelu.

4. Ubanga ne “peta Nyuma wa Tshijila” (kayi wamba ne “bepa dipa dia Nyuma wa Tshijila to”).

5. Ufila mêyi a mabenesha mudiyi mulombodibua kudi Nyuma.

6. Ujikija ne mu dina dia Yezu Kilisto.

Confirming a Recently Baptized Member

18.8.3

Muandiku ne Mukanda wa Ditambula ne Dijadika

Kumpala kua muyuki wa nkaya wa ditambula dia muana udi tshidimba tshifundisha, kaleleki udi wenzela MMK bua kulongolola Baptism and Confirmation Form (Muandîku wa Ditambula ne Dijadikibua). Muepiskopo anyi mubedi mutumibua udi ulombola muyuki wa nkaya wa ditambula ne utua tshiala pa mukanda. Panyima pa ditambula ne dijadika, kaleleki udi wenzela muandîku ewu bua kuteka ngumu mipiamipia mu mukanda wa tshidimba mu MMK.

Padi bena bukenji ba ku diba dionsu benza muyuki wa ditambula bua bakudimuna moyo, badi buwuja muandîku wa ditambula ne dijakidibua benzela application wa Area Book Planner (ABP). Panyima pa ditambula ne dijadikibua, bena bukenji ba ku diba dionsu badi babueja ngumu ne bayituma kudi kaleleki wa tshikongu mu electonike. Kaleleki wa tshikongu udi utangilula ngumu mu MMK ne ufuka mukanda wa buikadi bua tshidimba.

Panyima pa mukanda wa buikadi bua tshidimba mufikibua, kaleleki udi ulongolo mukanda wa Ditambula ne Dijadika. Mukanda ewu udi utuibua tshiala kudi muepiskopo ne ufidibua kudi muntu.

Dina didi ku miandiku ya buikadi bua tshidimba ne didi ku mukanda wa ditambula ne dijadika didi ne bua kupetangana ne dina didi ku mukanda wa dilidibua, anyi ku mukanda wa mbulamatadi wa diledibua.

18.9

Biakudia bia Tshijila

Bidimbi bia Ekelezia bidi bipetangana mu dituku dia Nsabatu mua kusambila ne kudia biakudia bia tshijila (tangila Dilongesha ne Bipungidi 20:75; 59:9; Moloni 6:5-6). Padi mululu wenzeka, badi babanyangana diampa ne mâyi mua kuvuluka mulambu wa bupikudi wa Mupandishi wa mubidi ne mashi biende bua kuenza bipiabipia bipungidi biabu bia tshijila (tangila Matayo 26:26-28; Joseph Smith Dikudimuna, mako 14:20-25; Luka 22:15-20; 3 Nefi 18; Moloni 6:6).

18.9.1

Dianyisha dia Kulombola Biakudia bia Tshijila

Muepiskopo udi ne nsapi ya buakuidi bua kulombola biakudia bia tshijila mu tshikongu. Aba bonsu badi babuela mu dilongolola, dibenesha, ne diabanya dia biakudia bia tshijila badi ne bua kupeta dianyisha dia kudiye anyi kudi ewu udi muinshi mua maludiki buenda.

18.9.2

Nganyi udi Ukumbaja Mululu

• Balongeshi, bakuidi, ne aba badi ne Buakuidi bua Melekisedeke badi mua kulongolola biakudia bia tshijila.

• Bakuidi, ne aba badi ne Buakuidi bua Melekisedeke badi mua kubenesha biakudia bia tshijila.

• Diakre, balongeshi, bakuidi, ne aba badi ne Buakuidi bua Melekisedeke badi mua kuabanya biakudia bia tshijila.

18.9.3

Maludiki bua Biakudia bia Tshijila

Bua luidi lua tshijila lua biakudia bia tshijila, balombodi ba buakuidi badi ne bua kulongolola ne makenda onsu bua bikala bikumbana ne kanemu.

Bintu bia kuenza nabi mudimu wa biakudia bia tshijila bidi mua kusumbimbua ku store.ChurchofJesusChrist.org.

Aba badi balombola biakudia bia tshijila badi ne bua kubienza mu mushindu muakana, baditeka ne badi bibamanyina Mukalenga.

Diabanya dia biakudia bia tshijila didi ne bua kuikala mu mushindu mupepela ne mu mushindu mukubana.

Nunku biakudia bia tshijila bidi bua bidimba bia Ekelezia, tshintu nansha tshimua katshiena mua kupangisha bakuabu mua kudia.

18.9.4

Maludiki

1. Aba badi balongolola, babenesha, anyi babanya biakudia bia tshijila kumpala badi bowa bianza ne nsabanga anyi tshikuabu tshintu tshia kubisukula.

2. Balongeshi, bakuidi, anyi aba badi ne Buakuidi bua Melekisedeke badi batuishibua ne malongu a mampa ne mampa ka’ayi makosolola, malongu a mayi ne tukopo tua mayi, ne bilamba bitoka bia mesa bidi pa miaba yambi kumpala kua tshisangilu.

3. Padi bidimba bia tshikongu bimba musambu wa biakudia bia tshijila, aba badi babenesha badi bajuka kulu mu kanemu, badi bumbusha tshilamba tshidi tshibuikila malongu a mampa, ne bakosolola mampa mu tutupa tukesa.

4. Panyima pa musambu, muntu udi ubenesha diampa udi utua binu ne wamba disambila dia diampa dia biakudia bia tshijila (tangila Dilongesha ne Bipungidi 20:77).

5. Muepiskopo udi utuishibua ne disambila dia biakudia bia tshijila didi diambibua bimpa, biakana, ne dikumbana. Pikala muntu muenza tshilema mu miaku ne mudiakaja nkanyenda, dimuakaja kadiena ne mushinga. Pikala muntu kayi muakaja tshilema tshienda, muepiskopo udi umulomba mu kalolu bua kuambulula disambila.

6. Panyima pa disambila, aba badi ne buakuidi badi babanya ne kanemu diampa kudi bidimba. Mulombodi muimanyinyi udi wangata kumpala, pashisha kakuena dilonda mulongu. Padi bidimba bikuata dilongu musangu umua, badi mua kudipesha mukuabu.

7. Bidimba bidi biangata ne tshianza tshia baluma biobi bikumbana.

8. Padi bidi bionsu biangata diampa, aba badi babanya biakudia bia tshijila badi baluja malongu ku mesa a biadidia bia tshishila. Aba badi babenesha biakudia bia tshijila badi bateka tshilamba pamutu pa malongu a mampa ne babulula malongu a mayi.

9. Muntu udi ubenesha mayi udi utua binu ne wamba disambila dia mayi dia biakudia bia tshijila (tangila Dilongesha ne Bipungidi 20:79). Udi ukudimu muaku mayi bua mvinyo.

10. Panyima pa disambila, aba badi ne buakuidi badi babanya ne kanemu mayi kudi bidimba. Mulombodi muimanyinyi udi wangata kumpala, pashisha kakuena dilonda mulongu.

11. Padi bidimba bions biangata mayi, aba badi babanya biakudia bia tshijila badi baluja malongu ku mesa a biadidia bia tshishila. Aba badi babenesha biakudia bia tshijila badi bateka tshilamba pamutu pa malongu, ne aba badi babenesha ne babanya biakudia bia tshijila mu kanemu badi basomba miaba yabu.

12. Panyima pa tshisangilu, aba badi balongolola biakudia bia tshijila badi basukula, babunya bilamba biaku mesa, ne bumbusha mampa onsu mashala.

Blessing the Sacrament

18.10

Kufila Buakuidi ne Kujidila mu Mudimu

Kudi mishindu ibidi ya buakuidi: bua Alona ne bua Melekisedeke (tangila 3.3; Dilongesha ne Bipungidi 107:1, 6). Padi buakuidi bufidibua kudi muntu, udi kabidi ujidibua mu mudimu wa mu buakuidi. Panyima pa bumua bua ku buakuidi bufidibua, muntu udi anu ne dijinga dia kujidibua mu mukuabu mudimu wa mu buakuidi abu.

18.10.1

Buakuidi bua Melekisedeke

Mulombodi mukulu wa Dikunji udi ne nsapi ya buakuidi bua kufila buakuidi bua Melekisedeke ne kujidila mu mudimu wa mukulu anyi muakuidi munena. Kadi, muepiskopo ufila batshibidilu mikanda ya majidila awu.

18.10.1.1

Bakulu

Bantu baluma bakumbana badi mua kupeta Buakuid bua Melekisedeke ne babajidila bakulu padibu ne bidimu 18 anyi bia bungi. Bimanyina pa malu masunguluka a bantu, muepiskopo udi utuishibua ne nsonga muluma udi mua kutumibua bua kuikala mujibibua mukulu panyima pa matuku makesa a mufikilu wa bidimu 18 anyi ushala mutantshi mula mu kasumbu ka bakuidi.

Mu diangata dia dipangadika edi, muepiskopo udi ukonkesha nsonga muluma ne baledi benda anyi balami benda. Bantu baluma bakubana badi ne bua kuikala bajidila ne bidimu 19 kumpala kua kumbuka kuabu ne kuya mu bilongelu bibandila, kusadila mu bukenji bua ku diba dionsu, kusadila mu tshiluila tshia nvita, anyi muitaba mudimu wa diba dionsu.

Bantu baluma badibu batambuisha ne bidimu 18 anyi bia bungi badi babajidila bakulu panyima pa:

• Bapeta buakuidi bua Alona ne basadila bu bakuidi.

• Badiundisha ngunvuilu mukumbana wa lumu luimpa.

• Baleja bukumbana buabu.

Kabiena bilomba kuikala tshidimba dia Ekelezia mu tshikondu kampanda to.

18.10.1.2

Bakuidi Banena

Bantu baluma bajidibua bakuidi banena padibu baba bikila mu bulombodi bukulu bua dikunji, tshipangu tshinena, anyi buepiskopo.

18.10.1.3

Muyuki wa nkaya ne Ditua Mpanda

Ne dianyisha dia bulombodi bukulu bua dikunji, muepiskopo udi uyukila ne bantu baluma bu mudibi bilongesha mu mukanda wa dijidila mu Buakuidi bua Melkisedeke. Pashisha tshidimba dia bulombodi bukulu bua dikunji tshidi tshiyukila nkaya nenda kabidi. Ne dianyisha dia mulombodi mukulu wa bukenji, mulombodi mukulu wa distrika udi mua kuyukilankaya ne muntu muluma bua kujidibua mukulu (tangila 6.3).

18.10.2

Buakuidi bua Alona

Muepiskopo udi ne nsapi ya buakuidi bua kufila buakuidi bua Alona ne kujidila mu mudimu wa diakre, mulongeshi anyi muakuidi. Bantu baluma bakumbana badi bajidibua ku midimu ne bidimu didi bilonda ebi, kadi babiyi pankabi to:

• Diakre ku ntuajidilu wa tshidimu tshidiyi ukumbaja bidimu 12

• Mulongeshi ku ntuajidilu wa tshidimu tshidiyi ukumbaja bidimu 14

• Muakuidi ku ntuajidilu wa tshidimu tshidiyi ukumbaja bidimu 16

Muepiskopo anyi mubedi mutumibua udi uyukila ne aba badi ne bua kuikala bajidila badiakre, anyi balongeshi bua kutuishibua ne mbadilongolola bimpa mu nyuma. Muepiskopo udi uyukila ne bantu baluma badi ne bua kuikala bajidila bakuidi.

Kumpala kua kuyukila ne nsonga muluma bua dimujidila mu buakuidi, tshimba tshia buepiskopo tshidi tshipeta dianyisha difumina kudi baledi ba nsonga muluma anyi balami benda. Padi baledi bobu bakosoloka, udi upeta dianyisha dia kudi muledi udi ne bulami bua kudi mbulamatadi.

18.10.3

Dileja dia Tshidimba bua Kutuibua Mpanda kumpala kua Dijidibua

Panyima pa muanetu muluma muyukidibua nkaya ne musanganyibua mukumbana udi ujidibua mu mudimu wa buakuidi, udi ulejibua bua dituibua dia mpanda (tangila Dilongesha ne Bipungidi 20:65, 67). Banabetu baluma badi bajidibua bakulu anyi bakuidi banena kudi tshidimba tshia bulombodi bukulu bua dikunji mu tshitupa tshia mpungilu wa dikunji (tangila 6.3 bua maludiki a balombodi bakulu pa distrika). Banabetu baluma badi bajidibua diakra, balongeshi, bakuidi badi balejibua kudi tshidimba tshia buepiskopo mu tshisangilu tshia biakudia bia tshijila.

Muntu udi ulombola ditua dia mpanda udi ulomba muntu muluma bua imana kulu. Udi umanyisha dianyisha dia kumpesha buakuidi bua Alona anyi bua Melekisedeke (biobi bikumbana) ne bua kujidila muanetu muluma ku mudimu wa buakuidi. Udi ubila bidimba bua bitua mpanda ku dianyisha. Tshilejelu, bua kuleja muanetu muluma bua kuwujidibua mukulu, udi mua kuenza ne miaku bu eyi:

“Tudi tunuleja ne (dina) apeta Buakuidi bua Melekisedeke ne bamujidila mukulu. Aba badi banyisha badi mua kuleja mu diela tshianza mulu. [Dimana dikesa.] Aba badi babenga, bobu koku, badi mua kuleja. [Dimana dikesa.]”

Pikala tshidimba mu bulongama bua mikandu tshibenga dijidila, mulombodi udi wimanyina anyi mulombodi mukuabu wa buakuidi mutumibua udi umonangana nenda pa nkayenda panyima pa tshisangilu. Mulombodi udi ukeba kumanya bua tshinyi tshidimba ntshibenga. Udi ulondesha ne tshidimba ntshimanya kudituala kampanda kudi mua kumpangisha muntu mua kuikala mujidibua mu mudimu wa buakuidi.

Mu misangu mikuabu, muanetu muluma udi mua kujinga kuikala mujibua mukulu anyi muakuidi munena kumpala kua yeya kulejibua mu mpungilu wa dikunji. Adi etshi tshifika, udi ulejibua mu tshikongu tshienda mu tshisangilu tshia biakudia bia tshijila. Udi pashisha ulejibua mu mpungilu udi ulonda mua kujalamija dijidila (diteta kuipatshila mushindu wa ditua mpada, udi muleja kulu eku).

18.10.4

Nganyi udi Ukumbaja Mululu

Mulombodi mukulu wa Dikunji anyi ewu udi ne Buakuidi bua Melekisedeke, muinshi mua diludika dienda udi mua kujidila muntu muluma mu mudimu wa mukulu. Ne dianyisha dia mulombodi mukulu wa bukenji, mulombodi mukulu wa distrika anyi muntu mukuabu muinshi mua diludika diende udi mua kukumbaja mululu (tangila 6.3). Anu aba ne Bakuidi badi mua kuimana mu tshitangu.

Mulombodi mukulu wa dikunji anyi ewu udi ne Buakuidi bua Melekisedeke, muinshi mua diludika dienda udi mua kujidila muntu muluma mu mudimu wa mukulu munena. Anu bakuidi banena ki badi mua kuimana mu tshitangu.

Muntu udi ujidila muntu mu mudimu wa Buakuidi bua Melekisedeke udi ne bua kuikala mukumbana bua ntempelo. Mulombodi mukulu wa dikunji anyi muntu mukuabu mufunkuna udi ne mua kuikala koku.

Muakuidi anyi ewu udi ne Buakuidi bua Melekisedeke udi bua kujidila muntu muluma mu mudimu wa diakre, mulongeshi, anyi muakuidi. Udi muikala mu peshibua bukôkeshi kudi muepiskopo. Muepiskopo anyi muntu mukuabu mufunkuna udi ne bua kuikala koku.

Bua kuikala mu dijidila dia mu Buakuidi bua Alona, muntu udi ne bua kuikala muakuidi anyi ewu udi ne buakuidi bua Melekisedeke.

Muepiskopo udi mua kuanyishila tatu udi muakuidi anyi ne Buakuidi bua Melekisedeke mua kujidila muanenda mu mudimu wa diakre, mulongeshi, anyi muakuidi nansha tatu kayi mukumbana ntenta bua kubuela ku ntempelo (tangila 18.3). Muepiskopo udi ukankamika batatu bua badilongolola mua kujidila bana babu baluma.

18.10.5

Maludiki

Bua kupesha muntu buakuidi anyi bua kumujidila mu mudimu wa buakuidi, umua anyi aba badi ne buakuidi badi bapeshibua bukôkeshi badi bateka bianza biabu bipepela pa mutu wa muntu. Pashisha ewu udi wenza bu mutuadi wa dîyi:

1. Udi ubikila muntu ku dina dienda dijima.

2. Ubanga ne buakuidi budiyi nabu bua kukumbaja mululu (buakuidi bua Alona anyi bua Melekisedeke).

3. Ufila Buakuidi bua Alona anyi bua Melekisedeke, anu biobi bimanya kumupesha)

4. Ujidila muntu mu mudimu wa buakuidi bua Alona anyi bua Melekisedeke ne ufila manema, bokola, ne bukôkeshi bia mudimu awu.

5. Ufila mêyi a mabenesha mudiyi mulombodibua kudi Nyuma.

6. Ujikija ne mu dina dia Yezu Kilisto.

Bua kujidila muntu mu mudimu wa buakuidi payima pa yeya mumana kupeta buakuidi bukumbana, muntu udi ukumbaja dijidila udi ushiya tshitupa 3.

Ordination to the Priesthood

18.10.6

Miandiku ne Mukanda wa Dijidila

Kumpala kua muntu muluma kuyukidibua nkaya bua kujidibua ku mudimu wa buakuidi bua Alona, kaleleki udi wenzela MMK bua kulongolola Aaronic Priesthood Ordination Record (Miandiku ya Dijidila ku Buakuidi bua Alona). Muepiskopo anyi mubedi mutumibua udi ulombola muyuki wa nkaya ne utua tshiala ku mukanda pikala mabangu onsu makumbajibua.

Panyima pa dijidila, muepiskopo anyi mubedi mutumibua udi uwuja mukanda ne uwupesha kaleleki. Udi ulama dijidila mu MMK ne ulongolola mukanda wa dijidila.

Dina dia muntu didi ku mbulamatadi mpidiewu didi ne bua kuikala pa muadiku ne mukanda bia dijidila.

18.11

Kuteka Bidimba pa Muaba bua Kusadila mu Mabikila

Bidimba bidi bibikidibua ne bituibua mpanda pa miaba ya bungi mu Ekelezia bidi ne bua kuikala bitekibua pabula bua kusadila mu muaba awu (tangila Yone 15.16; Dilongesha ne Bipungidi 42:11; tangila kabidi 3.4.3.1 mu mukanda ewu wa maludiki). Padi diteka pabula dienzeka, muntu udi upeta (1) bukôkeshi bua dienzela mu dibilkia ne (2) meyi a dibenesha mudiye mulombodibua kudi Nyuma.

Mulombodi mukulu wa dikunji, muepiskopo, ne balombodi bakulu ba mpuilu badi bapeta nsapi ya bulombodi bukulu padibu batekibua pa buawu (tangila 3.4.1.1). Kadi, muaku nsapi kena mua kutedibua adibu bateka pa buawu bidimba mua kusadila mu mabikila makuabu, kuela ne babedi mu bulombodi bukulu.

18.11.1

Nganyi udi Ukumbaja Diteka pa Muaba

Diteka dia pabula didi dienzeka kudi ewu udi ne buakuidi bua Melekisedeke. Udi ne bua kupeta dianyisha dia mulombodi udi ne nsapi ya buakuidi mikumbana. Aba badi bapeshibua bukôkeshi bua kukumbaja diteka dia pabula badi balejibua mu 30.8. Mukulu kena bua kuakula bu mutuadi wa dîyi anyi kuimana mu tshitangu padi muntu muluma utekibua pabula mu mudimu udi umulomba bua kuikala muakuidi munena.

Muinshi mua diludika dia mulombodi udi ulombola, umua anyi aba badi ne Buakuidi bua Melekisedeke ba bungi badi mua kuikala mu diteka dia pabula. Balombodi badi batekibua pabula kumpala kua babedi babu.

Mulombodi udi ulombola udi mua kuitabijila muluma anyi tatu udi ne Buakuidi bua Melekisedeke bua kuimana mu tshitangu bua diteka dia pabula dia mukajienda anyi bana benda nansha pikalaye kayi mukumbana nteta bua ntempelo (tangila 18.3).

18.11.2

Maludiki

Muntu umua anyi ba bungi badi ne Buakuidi bua Melekisedeke badi bateka bianza biabu bipepela pa mutu wa muntu. Pashisha ewu udi wenza bu mutuadi wa dîyi:

1. Udi ubikila muntu ku dina dienda dijima.

2. Wamba ne udi wenza ku bukôkeshi bua buakuidi bua Melekisedeke.

3. Uteka muntu pa bula mu dibikila mu dikunji, tshikongu, mpuilu, anyi mu kalasa.

4. Udi ufila nsapi anu pikala muntu ne bua kuyipeta.

5. Ufila mêyi a mabenesha mudiyi mulombodibua kudi Nyuma.

6. Ujikija ne mu dina dia Yezu Kilisto.

18.12

Dijidila dia Manyi

Aba badi ne Buakuidi bua Melekisedeke badi ne bua kujidila manyi a olive kumpala kua wowu kuikala menzela bua kulaba badi basama anyi badi babungama (tangila Yakobo 5:14). Kuenzedi manyi makuabu to.

Manyi a vail adi amueneka pa store.ChurchofJesusChrist.org.

Bidimba kabiena mua kunua manyi majidila anyi kupela muaba udi ne njiwu pa mubidi to.

18.12.1

Nganyi udi Ukumbaja Mululu

Umua anyi ba bungi badi ne Buakuidi bua Melekisedeke badi mua kujidila manyi. Kabena bakeba dianyisha kudi mulombodi wa buakuidi to.

18.12.2

Maludiki

Bua kujidila manyi, ewu udi ne Buakuidi bua Melekisedeke:

1. Udi ukuata ne ukangula tshidi ne manyi.

2. Udi utuadija diamba ne Tatu wa mu Dîulu mu disambila.

3. Wamba ne udi wenza ku bukôkeshi bua buakuidi bua Melekisedeke.

4. Udi ujidila manyi (ke tshidi ne manyi to) ne uteka pabula bua dilaba dia manyi ne dibenesha badi basama ne babungama.

5. Ujikija ne mu dina dia Yezu Kilisto.

Consecrating Oil

18.13

Kubenesha Babêdi

Dibenesha babêdi “mu diteka bianza pa mutu” didi ne bitupa bibidi: dilaba dia manyi ne disuika dia dilaba dia manyi ne dibenesha. Pikala manyi majidila ka’enaku, dibenesha didi mua kufidibua ku bukôkeshi bua Buakuidi bua Melekisedeke kakuyi diela manyi.

18.13.1

Nganyi udi Ufila Dibenesha

Anu aba bakumbana badi ne Buakuidi bua Melekisedeke badi mua kufila bua badi basama anyi babungama. Kabena bakeba dianyisha kudi mulombodi wa buakuidi to. Biobi bikumbana, Tatu udi ne Buakuidi bua Melekisedeke udi mua kufila bua bidimba bia dîku dienda bidi bisama.

Patshibidilu, bantu babidi anyi ba bungi badi ne Buakuidi bua Melekisedeke badi mua kufila bua badi basama. Kadi, umua udi ukumbaja bionsu bibidi dilaba ne disuika dia dilaba dia manyi.

18.13.2

Maludiki

Dilaba dia manyi didi dienzeka kudi ewu umua udi ne buakuidi bua Melekisedeke. Udi:

1. Umatshisha dimata dia manyi majidila pa mutu wa muntu.

2. Udi uteka bianza bipepela pa mutu wa muntu ne umubikila mu dina dienda dijima.

3. Wamba ne udi wenza ku bukôkeshi bua buakuidi bua Melekisedeke.

4. ubanga ne ndi nkulaba manyi avua majidila bua dilaba manyi ne dibenesha badi basama ne babungama.

5. Ujikija ne mu dina dia Yezu Kilisto.

Bua kusuika dilaba dia manyi, umua anyi aba badi ne Buakuidi bua Melekisedeke ba bungi badi bateka bianza biabu bipepela pa mutu wa muntu. Pashisha ewu udi usuika dilaba dia manyi:

1. Udi ubikila muntu ku dina dienda dijima.

2. Wamba ne udi usuika dilaba dia manyi ku bukôkeshi bua Buakuidi bua Melekisedeke.

3. Ufila mêyi a mabenesha mudiyi mulombodibua kudi Nyuma.

4. Ujikija ne mu dina dia Yezu Kilisto.

Administering to the Sick

18.14

Mabenesha a Dikankamika ne Mibelu, Pamua ne Mabenesha a Tatu

18.14.1

Nganyi udi Ufila Dibenesha

Ewu udi ne Buakuidi bua Melekisedeke udi mua kufila dibenesha dia kukamika ne dia mubelu kudi tshidimba tshia dîku anyi kudi bakuabu badi badilomba.

Tatu udi ne Buakuidi bua Melekisedeke udi mua kufila mabenesha a tatu kudi bana benda. Baledi badi bakankamika bana babu mua kukeba mabenesha a tatu mu tshikondu tshia dijinga. Dibenesha dia tatu didi mua kulamibua bua dienzela dia nkaya.

Ewu udi ne Buakuidi bua Melekisedeke kena dijinga ne kukeba dianyisha dia kudi balombodi ba buakuidi bua kufila dibenesha dia dikankamika ne dia mubelu anyi dibenesha dia tatu.

18.14.2

Maludiki

Bua kufila dibenesha dia kukankamika ne dia mubelu anyi dia tatu, umua anyi ba bungi badi ne Buakuidi bua Melekisedeke badi bateka bianza bipepela pa mutu wa muntu. Pashisha ewu udi wenza bu mutuadi wa dîyi:

1. Udi ubikila muntu ku dina dienda dijima.

2. Ubanga ne dibenesha edi didi dienzeka ku bukôkeshi bua buakuidi bua Melekisedeke.

3. Ufila mêyi a dibenesha, dikankamika, ne mubelu mudiyi mulombodibua kudi Nyuma.

4. Ujikija ne mu dina dia Yezu Kilisto.

18.15

Kujidila Nzubu

Bidimba bia Ekelezia bidi mua kuikala ne nzubu yabu mijidila ku bukôkeshi bua Buakuidi bua Melekisedeke.

18.15.2

Maludiki

Bua kujidila nzubu, ewu udi ne Buakuidi bua Melekisedeke:

1. Badi batuadija diamba ne Tatu wa mu Dîulu mu disambila.

2. Wamba ne udi wenza ku bukôkeshi bua buakuidi bua Melekisedeke.

3. Udi ujila nzubu bu muaba wa tshijila udi Nyuma wa Tshijila mua kusomba ne ufila mabenesha makuabu mudiyi mulombodibbua kudi Nyuma.

4. Ujikija mu dina dia Yezu Kilisto.

18.16

Kujidila Nkita

18.16.1

Nganyi udi Ujidila Lukita

Muntu udi ujidila lukita udi ne mua kuikala ne Buakuidi bua Melekisedeke ne muikala mupeshibua bukôkeshi kudi mulombodi wa buakuidi udi ulombola tshisangilu.

18.16.2

Maludiki

Bua kujidila lukita, ewu udi ne Buakuidi bua Melekisedeke:

1. Udi utuadija diamba ne Tatu wa mu Dîulu mu disambila.

2. Wamba ne udi wenza ku bukôkeshi bua buakuidi bua Melekisedeke.

3. Udi ujidila ne ubenesha lukita bu muaba wa dikisha bua mubidi wa mufua.

4. Usambila bua muaba wikala mujidila ne mulamibua ne ku Dibika ku Lufu (biobi bikumbana).

5. Udi ulomba Tatu wa mu Dîulu bua asamba dîku ne wamba miaku bu mudiye mulombodibua kudi Nyuma.

6. Ujikija ne mu dina dia Yezu Kilisto.

Pikala mubidi wa tshidimba ubutudibua mu kapia, mulombodi udi ulombola udi ku dianyisha dienda bua kuangata mapangadika mua kujidila muaba udi butu bulamibua.

Dedication of Graves

18.17

Mabenesha a Nkambua Mukulu

Bidimba u bikumbana, bitambushibua bidi ne dianyisha dia kupeta dibenesha dia nkambua mukulu, didi difila meji a nyuma a buludiki bua kudi Tatu Nzambi wa mu Dîulu (tangila Genese 8:14–16; 49; 2 Nefi 4:3–11).

Muepiskopo anyi mubedi mutumibua udi uyukila nkaya ne bidimba bidi dijinga ne kupeta dibenesha dia nkambua mukulu. Pikala tshidimba tshikumbana, udi wenza muyuki nkaya udi ulongolola Miandiku ya Dibenesha dia Nkambua Mukulu. Udi udituma kupitshila ku Patriarchal Blessing System pa ChurchofJesusChrist.org.

Muntu udi ifila Muandiku wa Dibenesha dia Nkambua Mukulu udi utuishibua ne tshidimba tshidi tshishindama ndambu mua kumvua mushinga ne ngikadilu wa tshijila wa dibenesha.

18.17.1

Kupeta Dibenesha dia Nkambua Mukulu

Panyima pa kupeta dianyisha, tshidimba didi tshipetangana ne nkambua mukulu mua kuteka ditutakena mua kupeta dibenesha dia nkambua mukulu. Mu dituku dia ditutakena, tshidimba didi mua kuya kudi nkambua mukulu ne luidi lua disambila ne mvuadilu wa mu dialumingu.

Dibenesha dionsu dia nkambua mukulu didi dia tshijila, dia musokoku, ne dia nkaya. Ki bualukayi, didi difidibua mu musokoku pa kumbusha bungi kampanda bukosa bua bidimba bia dîku bidi mua kuikalawu.

Muntu udi upeta dibenesha dia nkambua mukulu udi ne mua kunanga miaku eyi, kuela meji pa yoyi, ne wenzela bua kuikala mukumbana bua kupeta mabenesha malaya mu moyo ewu ne wa tshiendelela.

Bidimba bia Ekelezia kabiena bua kusungulula mabenesha anyi kuatangalaja ne bakuabu pa kumusha bua bikimba bia dîku bia pabuipi. Mabenesha a nkambua mukulu ka’ena mua kubadibua mu bisangilu bia Ekelezia anyi bisangilu bikuabu bia patoka to.