“19. Mizik,” Seleksyon ki soti nan Manyèl Jeneral la (2023).
“19. Mizik,” Seleksyon ki soti nan Manyèl Jeneral la
19.
Mizik
19.1
Objektif Mizik nan Legliz la
Mizik sakre ogmante lafwa nan Jezikri. Li envite Lespri a epi li anseye doktrin. Li kreye yon santiman reverans, li ini manm yo, epi li bay yon fason pou adore Papa nou ki nan Syèl la ak Jezikri tou.
19.2
Mizik nan Fwaye a
Atravè pwofèt Li yo, Senyè a ankouraje moun yo ak fanmi yo pou yo itilize mizik edifyan nan lavi chak jou yo.
Anrejistreman mizik Legliz yo disponib nan sous sa yo:
-
App Mizik sakre a
-
App Medyatèk Levanjil la
19.3
Mizik nan Reyinyon Legliz yo
19.3.1
Planifikasyon Mizik pou Reyinyon Legliz yo
Kowòdonatè mizik pawas ak pieu yo travay avèk dirijan prètriz yo pou planifye mizik pou sèvis adorasyon yo. Yo chwazi mizik ki anrichi lespri adorasyon an nan reyinyon yo.
19.3.2
Mizik nan Reyinyon Sentsèn
Mizik nan reyinyon sentsèn yo gen ladan yo kantik pou kongregasyon an chante pou ouvri ak fèmen reyinyon an ak anvan administrasyon Sentsèn nan. Kantik sentsèn nan ta dwe fè referans a sentsèn nan limenm oubyen a sakrifis Sovè a.
Mizik prelid la jwe pandan manm yo ap rasanble anvan reyinyon an. Apre priyè kloti a, yo jwe yon mizik enstrimantal pandan manm yo ap kite sal la.
Yon reyinyon sentsèn ka gen ladan l yon kantik adisyonèl ke kongregasyon an chante nan mitan reyinyon an—pa egzanp, ant diskou yo.
19.3.3
Mizik nan Klas yo ak nan Lòt Reyinyon Pawas yo
Dirijan yo ankouraje enstriktè yo pou yo itilize kantik yo ak lòt mizik sakre pou anrichi ansèyman yo.
19.3.6
Enstriman Mizik
Yo nòmalman itilize vrè enstriman pou mizik prelid ak postlude ak pou akonpaye kantik yo nan reyinyon Legliz yo. Kote yo disponib ak kote manm yo ka jwe yo, òg ak pyano se enstriman ofisyèl yo. Episkopa yo ka apwouve itilizasyon lòt enstriman pou akonpaye kantik kongregasyon an ap chante, pou mizik prelid ak postlude, ak nan lòt seleksyon mizikal.
Si pa gen pyano, òg, oubyen kondiktè ki disponib, yo ka itilize mizik ki anrejistre (gade 19.2).
19.3.7
Koral
19.3.7.1
Koral Pawas
Kote ki gen ase manm, pawas yo ka òganize koral ki chante nan reyinyon sentsèn regilyèman.
Anplis koral pawas la, nou ka envite fanmi yo ak gwoup fi, gason, jèn, oswa timoun pou yo chante nan reyinyon Legliz yo.
19.4
Lidèchip Mizik nan Pawas la
19.4.1
Episkopa
Evèk la responsab pou mizik nan pawas la. Li ka bay youn nan konseye l yo responsablite sa a.
19.4.2
Kowòdonatè Mizik Pawas
Kowòdonatè mizik pawas la sèvi sou direksyon episkopa a. Li gen responsablite sa yo:
-
Sèvi kòm yon resous pou episkopa a ak pou lòt dirijan mizik nan pawas la nan zafè mizik.
-
Travay avèk episkopa a pou planifye mizik pou reyinyon sentsèn yo (gade 19.3.1 ak 19.3.2).
-
Sou demann episkopa a, li rekòmande manm pou sèvi nan apèl mizik nan pawas la. Oryante moun k ap sèvi nan apèl sa yo, ofri sipò, enstriksyon ak fòmasyon jan sa nesesè.
19.4.3
Lòt Apèl
Episkopa a ka aple manm pou sèvi nan apèl sa yo.
19.4.3.1
Dirijan Mizik Pawas
Dirijan mizik la dirije kantik kongregasyon an ap chante pou reyinyon sentsèn ak pou lòt reyinyon nan pawas la, si yo mande li
19.4.3.2
Akonpayis Pawas
Akonpayis pawas la bay mizik pou prelid ak postlude ak akonpayman pou kantik yo pandan reyinyon sentsèn ak nan lòt reyinyon pawas yo, si yo mande li.
19.7
Règleman ak Direksyon Adisyonèl
19.7.2
Itilize Enstriman Chapèl yo pou Pratik, Enstriksyon Prive, ak Resital
Lè pa gen yon altènatif rezonab, dirijan prètriz yo ka otorize itilizasyon pyano ak òg nan chapèl yo pou pratik, pou enstriksyon prive ki peye, ak pou resital ki enplike manm nan inite yo ki itilize chapèl la.