“19. Musika,” Filifiliga mai le Tusitaulima Aoao (2023).

“19. Musika,” Filifiliga mai le Tusitaulima Aoao

19.

Musika

19.1

Faamoemoega o Musika i le Ekalesia

O musika paia e faateleina ai le faatuatua ia Iesu Keriso. E valaaulia ai le Agaga ma aoao atu ai aoaoga faavae. E fatuina ai foi se lagona o le migao, soofaatasia tagata o le ekalesia, ma saunia se ala e tapuai ai i le Tama Faalelagi ma Iesu Keriso.

19.2

Musika i le Aiga

E ala mai i Ana perofeta, ua uunaia ai e le Alii tagata taitoatasi ma aiga e faaaoga musika siitia i o latou olaga i aso taitasi.

O loo maua pu’ega o musika a le Ekalesia mai punavai nei:

Polokalama o Musika Paia
Polokalama o le Gospel Library
Music.ChurchofJesusChrist.org
CD i store.ChurchofJesusChrist.org

19.3

Musika i Sauniga a le Ekalesia

19.3.1

Fuafuaina o Musika mo Sauniga a le Ekalesia

E galulue faatasi taitai faamaopoopo o musika a uarota ma siteki ma taitai perisitua e fuafua musika mo sauniga tapuai. Latou te filifilia musika e faaleleia ai le agaga o tapuaiga i sauniga.

19.3.2

Musika i le Sauniga Faamanatuga

O musika i sauniga faamanatuga e aofia ai le lagiina e le potopotoga o viiga e amata ma faaiuina ai le sauniga ma a o le’i faatautaia le faamanatuga. O le viiga o le faamanatuga e tatau lava ona faasino i le faamanatuga lava ia po o le taulaga a le Faaola.

E muai tataina musika a o faapotopoto mai tagata o le au paia a o le’i amataina le sauniga. A maea le tatalo faaiu, ona taina lea o se musika mulimuli a o tuua e tagata o le au paia le sauniga.

E mafai foi ona aofia i se sauniga faamanatuga se viiga faaopoopo a le faapotopotoga e usuina i le ogatotonu o le sauniga—mo se faataitaiga, i le va o savali e tautalagiaina.

19.3.3

Musika i Vasega ma Isi Sauniga a le Uarota

E fautuaina e taitai ia faiaoga e faaaoga viiga ma isi musika paia e faaleleia ai a latou aoaoga.

19.3.6

Mea Faimusika

O mea faimusika tasa’o e masani ona faaaoga mo musika e muai tataina ma muliai tataina ma mo le taina o viiga i sauniga a le Ekalesia. I nofoaga o loo maua ai ma le mafai e tagata o le ekalesia ona taina, o okeni ma piano o mea faimusika faatonuina ia. E mafai e au epikopo ona faamaonia le faaaogaina o isi mea faimusika e ta ai pese a le faapotopotoga, mo musika e mua‘i tataina ma musika e muliai tataina, ma i isi musika filifilia.

Afai e le o avanoa se piano po o se okeni, po o tagata tata, e mafai ona faaaoga musika na pueina (tagai i le 19.2

19.3.7

Aufaipese

19.3.7.1

Aufaipese a Uarota

I nofoaga e lava ai tagata o le au paia, e mafai e uarota ona faatulagaina aufaipese e pepese e le aunoa i sauniga faamanatuga.

E faaopoopo atu i le aufaipese a le uarota, e mafai foi ona valaaulia aiga ma vaega o tamaitai, alii, autalavou, po o tamaiti e pepese i sauniga a le Ekalesia.

19.4

Taitaiga o Musika i le Uarota

19.4.1

Au Epikopo

O le epikopo e nafa ma musika a le uarota. E mafai ona ia atofa atu lenei tiutetauave i se tasi o ona fesoasoani.

19.4.2

Taitai Faamaopoopo o Musika a le Uarota

E auauna atu le taitai faamapopoopo o musika a le uarota i lalo o le taitaiga a le au epikopo. E ia te ia foi tiutetauave nei:

Ia avea ma se punaoa i le au epikopo ma isi taitai o le uarota mo mataupu tau musika.
Galulue faatasi ma le au epikopo e fuafua musika mo sauniga faamanatuga (tagai i le 19.3.1ma le 19.3.2
Pe a talosagaina ai e le au epikopo, ia fautua atu tagata o le au paia e galulue i valaauga tau musika a le uarota. Ia aoao faamasani i latou o e auauna atu i nei valaauga, ofoina atu le lagolago, faatonuga, ma aoaoga pe a manaomia.

19.4.3