19.

Miusik

19.1

Stamba Tingting blong Miusik insaed long Jos

Tabu miusik i mekem fet long Jisas Kraes i kam moa bigwan. Hem i invaetem Spirit blong tijim doktrin. Hem i krietem filing ia tu blong stap revren, mekem ol memba i kam wan, mo i givim wan wei blong wosipim Papa long Heven mo Jisas Kraes.

19.2

Miusik insaed long Hom

Tru long ol profet blong Hem, Lod i leftemap tingting blong wanwan man mo woman mo ol famli blong yusum ol miusik we i leftemap spirit blong olgeta long evri dei laef blong olgeta.

Ol rekoding blong Jos miusik i stap long ol ples ia:

• Sacred Music ap

• Gospel Laebri ap

• Music.ChurchofJesusChrist.org

• Ol CD long store.ChurchofJesusChrist.org

19.3

Miusik insaed long Ol Miting blong Jos

19.3.1

Mekem Plan blong Miusik blong Ol Miting blong Jos

Ol miusik kodineta blong wod mo stek oli wok wetem ol prishud lida blong planem miusik blong ol wosip seves. Oli jusum miusik we i pulum spirit blong wosip insaed long ol miting.

19.3.2

Miusik insaed long Sakramen Miting

Miusik insaed long sakramen miting i tekem tu ol kongregesen we oli singsing ol hym blong openem mo klosem miting mo bifo oli blesem mo pasem sakramen. Sakramen hym i mas tokbaot sakramen nomo, o sakrifaes blong Sevya.

Oli plei prilud miusik taem ol memba oli kam tugeta bifo miting. Afta long klosing prea, oli plei wan poslud miusik we i nogat singsing long hem taem ol memba oli aot long miting.

Wan sakramen miting i save tekem tu, wan moa kongregesen hym we oli singsing long hem long medel blong wan miting—eksampol, bitwin ol mesej we oli serem.

19.3.3

Miusik insaed long Ol Klas mo Ol Narafala Miting blong Wod

Ol lida oli mas leftemap tingting blong ol tija blong yusum ol hym mo ol narafala tabu miusik blong sapotem tijing blong olgeta.

19.3.6

Ol Tul blong Miusik

Ol laef miusik tul, plante taem oli yusum blong plei ol prilud mo poslud miusik mo blong sapotem hym insaed long ol miting blong Jos. Taem i gat mo ol memba oli save plei long hem, ol ogan mo ol piano oli ol standet miusik tul. Ol bisoprik i save apruvum blong oli yusum ol nara miusik tul blong sapotem singsing blong kongregesen, blong prilud mo poslud miusik, mo long ol nara miusik we oli jusum.

Sapos i no gat piano, organ, o i no gat wan blong plei we i stap, oli save yusum ol rekoding (luk long 19.2

19.3.7

Ol Kwaea

19.3.7.1

Ol Wod Kwaea

Taem i gat inaf memba, ol wod oli save oganaesem ol kwaea blong singsing insaed long sakramen miting oltaem.

Antap long kwaea blong wod, oli save invaetem ol famli mo ol grup blong woman, man, yut o ol pikinini oli save singsing insaed long ol miting blong Jos.

19.4

Miusik Lidasip insaed long Wod

19.4.1

Bisoprik

Bisop i responsibol long wod miusik. Hem i save givim responsabiliti ia long wan long ol kaonsela blong hem.

19.4.2

Wod Miusik Kodineta

Wod miusik kodineta i givim seves anda long daereksen blong bisoprik. Hem i gat olgeta responsabiliti ia:

• Stap olsem wan risos blong bisoprik mo ol narafala wod lida long saed blong miusik.

• Wok wetem bisoprik blong mekem plan blong miusik blong ol sakramen miting (luk long 19.3.1 mo 19.3.2

• Olsem we bisoprik i askem, givim ol nem blong memba blong givim seves long ol wod miusik koling. Lidim olgeta we oli givim seves long ol koling ia, givim sapot, instraksen, mo trening olsem we i nid.

19.4.3

Sam Moa Koling

Bisoprik i save singaotem ol memba blong givim seves long ol koling ia.

19.4.3.1

Wod Miusik Lida

Miusik lida i lidim ol kongregesen hym blong sakramen miting mo blong ol narafala wod miting olsem we oli askem.

19.4.3.2

Wod Help

Wod help i givim prilud mo poslud miusik blong ol hym long taem blong sakramen miting mo ol narafala miting blong wod, olsem we oli askem.

19.7

Sam Moa Polisi mo Gaedlaen

19.7.2

Yus blong Ol Miusik Tul blong Mitinghaos blong Praktis, Praevet Lesen, mo Miusik Program

Taem i no gat wan gudfala nara wei, ol prishud lida oli save givim raet blong oli yusum ol piano mo organ blong mitinghaos blong save praktis, blong piano lesen we oli pem i tekples, mo blong ol kwaea oli praktis, hemia taem ol memba blong ol yunit oli stap tu long ol praktis ia.