19.

Sere/iVakatagi

19.1

iNaki ni Sere/iVakatagi ena Lotu

Na sereivakatagi tabu e vakalevutaka na vakabauti Jisu Karisito. Ena sureta na Yalo ka vakavulica na ivunau. E bulia talega na yalo ni vakarokoroko, vakaduavatataki ira na lewenilotu, ka vakarautaka e dua na sala ni sokalou ki vua na Tamada Vakalomalagi kei Jisu Karisito.

19.2

Sere/iVakatagi e Vale

Mai vei ira na Nona parofita, sa vakayaloqaqataki ira na tamata yadua kei na matavuvale na Turaga me ra vakayagataka na sereivakatagi veilaveti ena nodra bula e veisiga.

Sa vakarautaki tu na katokatoni ni sereivakatagi ni Lotu mai na ivurevure eso oqo:

• App ni Sereivakatagi Tabu se Sacred Music App

• App ni Valenivola ni Kosipeli se Gospel Library App

• Music.ChurchofJesusChrist.org

• CD ena store.ChurchofJesusChrist.org

19.3

Sere/iVakatagi ena Soqoni ni Lotu

19.3.1

Tuvanaki ni Sere/iVakatagi ni Soqoni ni Lotu

Era na cakacaka vata na kodineita ni sereivakatagi ena iteki kei na tabanalevu vata kei ira na iliuliu ni matabete me tuvanaki na sereivakatagi ni qaravi ni sokalou. Era na digitaka na sereivakatagi e dau laveta cake na yalo ni sokalou ena soqoni.

19.3.2

Sere/iVakatagi ena Soqoni ni Sakaramede

Na sereivakatagi ena soqoni ni sakaramede e oka kina na nodra lagasere ni lotu na ivavakoso me ra dolava ka sogota kina na soqoni ni bera ni qai qaravi na sakaramede. Na serenilotu ni sakaramede e dodonu me baleta vakatabakidua tiko na sakaramede se na nona solibula na iVakabula.

Na ivakatagi ni curu ena vakatagitaki ni ra soqoni vata mai na lewenilotu ni bera na soqoni. Ni oti na isogomasu, sa na vakatagitaki e dua na sere ni suka ni ra biubiu tiko na soqoni na lewenilotu.

E rawa talega ni oka ena soqoni ni sakaramede e dua tale na sere ni ivavakoso ka lagati ena lomaloma ni soqoni—me vakataka, ena maliwa ni vosa eso.

19.3.3

Sere/iVakatagi ena Kalasi kei na Soqoni Tale Eso ni Tabanalevu

Me ra veivakayaloqaqataki na iliuliu vei ira na qasenivuli me ra vakayagataka na serenilotu kei na sereivakatagi tabu tale eso me vakabulabulataka na nodra veivakavulici.

19.3.6

iYaya ni iVakatagi

Na iyaya ni vakatagi bula e dau vakayataki ena sere ni curu kei na sere ni suka ka vakakina na kena vakayagataki me salavata kei na sere ni lotu ena veisoqoni ni Lotu. Ena vanua era tu kina kei na vanua e rawa ni ra vakatagitaka kina na lewenilotu, na oqani kei na piano era sa iyaya tudei ni ivakatagi. Sa rawa me ratou vakadonuya na matabisopi na vakayagataki ni iyaya ni ivakatagi tale eso me salavata kei na lagasere vakaivavakoso, ena sereivakatagi ni curu kei na suka, kei na sereivakatagi digitaki tale eso.

Ke sega ni tiko na piano, oqani, se iyaya me veitokoni, sa rawa me vakayagataki na kena sa katoni rawa tu (raica na 19.2

19.3.7

Matasere

19.3.7.1

Vei Matasere ni Tabanalevu

Ena vanua e veirauti kina na iwiliwili ni lewenilotu, e rawa ni ra tauyavutaka na tabanalevu na matasere me lagasere ena soqoni ni sakaramede e veigauna.

Me ikuri ni matasere ni tabanalevu, sa rawa me ra sureti na matavuvale kei na ilawalawa ni marama, tagane, itabagone, se gonelalai me ra lagasere ena soqoni ni Lotu.

19.4

Veiliutaki ni Sere/iVakatagi ena Tabanalevu

19.4.1

Matabisopi

Sa nona itavi na bisopi na sereivakatagi ena tabanalevu. E rawa ni lesia na itavi oqori ki na dua vei rau na nona daunivakasala.

19.4.2

Kodineita ni Sere/iVakatagi ena Tabanalevu

Na kodineita ni sereivakatagi ena tabanalevu e veiqaravi ena nodratou veidusimaki na matabisopi. Sa ikoya oqo na nona ilesilesi:

• Me ivurevure vei iratou na matabisopi kei ira na iliuliu tale eso ni tabanalevu ena veika ni sereivakatagi.

• Cakacaka vata kei iratou na matabisopi me tuvanaki na sereivakatagi ena soqoni ni sakaramede (raica na 19.3.1kei na 19.3.2

• Ena nodratou kerekere na matabisopi, vakaturi ira na lewenilotu me ra veiqaravi ena veikacivi ni sereivakatagi ena tabanalevu. Tuberi ira era veiqaravi ena veikacivi oqo, veitokoni, veidusimaki, kei na veituberi ni sa gadrevi.

19.4.3

iKuri ni Veikacivi

Sa rawa vei iratou na matabisopi me kacivi ira na lewenilotu me ra veiqaravi ena veikacivi oqo.

19.4.3.1

iLiuliu ni Sere/iVakatagi ena Tabanalevu

Ena liutaka o iliuliu ni sereivakatagi na serenilotu ni ivavakoso ena soqoni ni sakaramede kei na soqoni tale eso ni tabanalevu ni sa kerei vakakina.

19.4.3.2

Kenadau ni Piano ke na Oqani ni Sere/iVakatagi ni Tabanalevu

Ena vakarautaka o dau ni piano kei na oqani na sere ni curu kei na sere ni suka ka vakakina na serenilotu ena soqoni ni sakaramede kei na soqoni ni tabanalevu tale eso ni sa kerei vakakina.

19.7

iKuri ni Lawatu kei na iDusidusi

19.7.2

Vakayagataki ni iYaya ni iVakatagi ni Valenilotu me Baleta na Vakatovotovo, Tuberi ni Tamata Yadua, kei na Meke Vakalotu

Kevaka e sega ni tiko e dua na kena isosomi e veiganiti, e rawa ni ratou solia na iliuliu ni matabete na veivakadonui me vakayagataki na piano kei na oqani ni valenilotu ena vuli, saumi ni dauveivakatavulici mai tautuba, kei na lagasere ka ra vakaitavi kina o ira na lewenilotu ni tabanilotu era vakayagataka tiko na valenilotu o ya.