redil me a ngalek lousekool a piano

19.

Chelitakl

19.1

Moktek er a Chelitakl er a Ikelesia

A chedaol chelitakl a smisichii a klaumerang er a Jesus Kisto Ng siotai er a Chedaol Reng e olisechakl a suobel. Ng dirrek el mekdebechii a reng er a omengull, oldak a reng, e chotii a rael er a omengull el mo er a Chedam er a Babeluades me a Jesus Kristo.

19.2

Chelitakl er a Blai

Ngokiu a reprofet er Ngii, e a Rubak a mengelechel er a redersta el chad me a telungalek el mo orrenges a ungil chelitakl er a bek el sils.

A chelitakl er a Ikelesia a ngarngii er a ikakid el teletael:

• Sacred Music app

• Gospel Library app

• Music.ChurchofJesusChrist.org

• CDs el ngara store.ChurchofJesusChrist.org

19.3

Chelitakl er a Miting er a Ikelesia

19.3.1

Osiik a Chelitakl er a ikel Miting er a Ikelesia

A oungerachela chelitakl er a ward me a stake a oureor lobengterir a roungerachel loba priesthood losiik a chelitakl er a ikel ongdibel er a Ikelesia. Te melilt chelitakl el ngii a melisiich a reng er a omengull er a ikal miting.

19.3.2

Chelitakl er a Miting er a Sakrament

A chelitakl er a temel a miting er a sakrament a uldimukl a chelitakl er a rebek el chad er a uchelel me a rokiolel a miting me a dirrek el uchei er a omengedmeklel a sakrament. A chelitakl er a sakrament a kirel di melutk el bedul a sakrament a lechub eng tngakireng er a Osobel.

Ngarngii ongak er a chelitakl el merael sel lorael a rechad el mo kldibel ruchei er a lomuchel a miting. Uriul er a nglunguuch el mengesimer, eng dirrek el ngarngii ongak el merael sel lorech er tir a rechedal a ikelesia el merael.

A miting er a sakrament a dirrek el sebechel ngarngii a chelitakl er a melengel a miting—el uaia delongelel a cheldecheduch.

19.3.3

Chelitakl er a Klas me a Bebil er a Miting er a Ward

A roungerachel a mengelechel er a resensei el mo ousbech a chelitakl me a bebil er a chedaol ongak el mo melisiich osischeklir.

19.3.6

Klekedall er a Chelitakl

A klekedall er a chelitakl a blechoel usbechall er a ikel chelitakl er a uchelel me a ulebengelel aikel miting er a Ikelesia. A organ me a piano a blechoel usbechall, a lengarngii me a dirrek a lengarngii a rechad el sebechir lousekool. A rengara klebisop a sebechir el kongei a bebil er a klekedall era chelitakl, el mo usbechall er a ikel chelitakl er a uchelel me a ulebengelel, me a dirrek el bebil er a mengilt el chelitakl.

A lsekum eng diak a piano, organ, a lechub a bebil er a klekedall, e a bla el rekord el chelitakl a sebechel usbechall (mesa 19.2).

19.3.7

Rechad er a chelitakl

19.3.7.1

Rechad er a chelitakl er a Ward

A lsekum e ngoisab el betok a rechad, e a ward a sebechel mekdebechii a chelechad er a remengitakl el mo blechoel mengitakl er a temel a miting er a sakrament.

Osisiu el teletael er a rechedal a chelitakl, e a retelungalek me a chelechad er a redil, sechal, rengeasek, a lechub a rengalek a sebecherir el mongit el mo mengitakl er a ikel miting er a Ikelesia.

19.4

Oungerachel a Chelitakl er a Ward

19.4.1

Klebisop

A bisop a ngerchelel a chelitakl er a ward. Ng sebechel nguu tial ngerachel msa tara counselor ngii.

19.4.2

Oungerachel el Melilt a Chelitakl er a Ward

A oungerachel melilt a chelitakl er a ward a mesiou el ngara cheungel a dereder er a klebisop. A ikakid a ngerchelel:

• Ng mo dongu el mo er a rengara klebisop me a rebebil er a roungerachel er a ward el kirel a tekoi er a chelitakl.

• Oureor lobengterir a rengara klebisop el melib a mo chelitakl er a temel a miting er a sakrament (mesa 19.3.1 me a 19.3.2).

• Ngokiu ongit er a rengara klebisop, eng sebechel lodars a ngklir a rechad el mo mesiou okedong el kirel a chelitakl er a ward. Olisechakl er tirkel mokedong el mo mesiou, e olngeseu er tir, e olisechakl, er tir el mo meduch a bo lusbechall.

19.4.3

Lmuut el Bebil er a Okedong

A rengara klebisop a sebechir lomekedong er a rechad el mo mesiou a ikakid lokedong:

19.4.3.1

Oungerachel a Chelitakl er a Ward

A oungerachel a chelitakl a mengetikaik er a rebek el chad sel longitakl er a temel a miting er a sakrament me a bebil er a miting er a ward a lemongit el mong.

19.4.3.2

Ngkel Lousekool a Piano

A chad er a piano er a ward a ousekool er a uchelel me a uriul er a miting me a ikel chelitakl er a sakrament me a bebil er a miting er a ward a lemongit el mong.

19.7

Lmuut el Bebil er a Llach me a Teletael

19.7.2

Usbechellel a Klekedall er a Chelitakl er a Ikelesia el kirel Omesuub, Ileakl Losisechakl, me a Olechotel

A lsekum eng kmal diak a rolel, e a roba priesthood loungerachel a sebechir el kongei er a usbechellel a ikelesia el kirel omesubel a piano ma organ, a lechub a omesuub le harau el kirel, me a olechotel a lousekool a piano ma organ a rechedal a unit el tir ousbech er a basio.