“20. Gosgos,” Tin nikan Me’eleg ulan fare General Handbook (2023).
“20. Gosgos,” Tin nikan Me’eleg ulan fare General Handbook
20.
Gosgos
20.1
Fan
Pi gosgos rok e galasia nima kunuy e chongin ko Galasia nge reb e gidii’ uta’abang nib “gidii’ rok’ Got” (Ephesians 2:19). Fan gosgos ni tay e bu’un ni:
-
Gelnag e mich u Yesus Kristus.
-
Pii’ e pi’nen nib maka’kar nge kunuy e gidii’ uta’abang
-
Pii’ e rogon nifan e mon’og.
-
Gelnag e bee’ nge pi tabinaw.
-
Ayuweg fapi chongin ni ngar ngongol ulan e muruwel’ ko wo’en e thap nge chibiy ngalang (muguy ko 1.2).
20.2
Tanom e Gosgos
Umon ni ngam tanom e gosgos, pi tiyugang’ thingari lemnag marunga’agen e tin nib thothup nge tin nib feylang ni b’tuf fapi chongin. Pi tiyugang’ thingari sap e kanawo’ rok fare ya’el napan ni ngar lemnag bin ngan e gosgos nira ayuweg tiney.
20.2.1
Miilfan ko Tanom e Gosgos
Fare ward rayog ni nge tanom e gosgos ulan e pi rogon ney, woed ni bt’uf:
-
Fare ward council rayog ni nge powi’iy e tanom.
-
Fare ward council rayog ni nge pii’ e muruwel’ ngak reb e ulungi ni ngar ayuweg ta’areb fa bo’or e gosgos.
-
Fa’an ni bt’uf nge bay bochi chongin, fare bishofric rayog ni ngar yarmiy e ward activities committee.
Marunga’agen e ganop ko tanom nag e gosgos ko gidii’ nib fel’yangren u ward, muguy ko 10.2.1.3 nge 11.2.1.3.
20.2.2
Pinning Gubin ni ma Un’ed
Pi’in ni ra tanom nag e pi gosgosg thingari pinning gubin gidii, nib gaa ni’ chongin nib bi’ech, chongin dabi yib nga misa bo’or, gidii’ nib fel’ yangren, gidii dawo’ ni ngar mabgol, pi’in ni bay e magawon ko dow, nge gidii’ ni bay reb e tilew.
Pi gosgos thingari de pii’ bo’or magawon ngak e tiyugang’ nge chongin.
20.2.3
Dodow
Pi gosgos ko galasia thingari gaa’ nag nge gelnag e pi’nen nib “fel’ rogon, fel’ ya’an, fa rib mangil“ (Articles of Faith 1:13). Dabi mel’eg e gosgos nima tugthine machib ko Galasia.
20.2.6
Salipy ko Gosgos
Chuchugur ko gubin e gosgos thingari mang nib moem nge buchuw e pulwan riy. Umon ni ngam chuwaey’ e pi’nen thingari thapeg e ba’adag rok e bishopric fa stake presidency.
Chongin dabda chuey ere ni ngar un’ed e gosgos. Marunga’agen e motochiyl ko salipy ko pi gosgos, musap ko 20.6.
20.4
Mo’olung nifan e Gidii’ nib Fel’yangren
Ulan e duw e bee ni ra mang 14 e duw rok’, pumo’on nge ppin nib fel’ yangren nira thapeged a pinning ni ngar un’ed uta’abong ko gidii’ nib fel’ yangren. Mo’olung nifan e gidii’ nib fel’ yangren nira buch ta’areb e yay ulan e duw ni fan e ward fa stake. Rayog ni ngam rrin’ ko bochi pi stake fa area. Fa’anra bay e duw e gidii’ nib fel’ yangren rayog ni ngar yaen nga mo ko FSY, pi stake nge ward dabt’uf ni ngar rin’ e mo’olung nifan e gidii’ nib fel’ yangren.
Mo’olung nifan e gidii’ nib fel’ yangren ko ward nira tanom nag e ward youth council, u tan pa’ e bishopric (muguy ko 29.2.6). Fare bishopric ma thapeg e ba’adag rok e stake president marunga’agen e tanom ko fare mo’olung nifan e gidii’ nib fel’ yangren.
Napan e tiyugang’ nge gidii’ nib fel’ yangren ni ra tanom nag e mo’olung nifan e gidii’ nib fel’ yangren, thingari fol e motochiyl ulan e guruy ney nge biney e fonow:
-
Fan ko pi’in nib yangren rok’ e galasia nima fal’eg urngin e duw e rayog ni nge mang e fan ko mo’olung.
-
Fal’eg mochi e gosgos nira tay uta’abong ko fan ney.
-
Thapeg e rayog rok e fare bishopric fa stake presidency nifan gubin e tanon nge gosgos.
-
Me thapeg bo’or e ayuw ko pi’ilal gubin ngiyal’ (muguy ko 20.7.1).
20.5
Motochiyel nge Fonow Marunga’agen e Mel’eg nge Tanom e Gosgos
20.5.1
Gosgos ko Pii’eg ni Chuwaey’ fa Tin Marunga’agen e Am
Gosgos nira rin’ nifan demtrug e pii’eg ni chuwaey’ fa tin marunga’agen e am e dabi rin’ (muguy ko 35.5.2)
20.5.2
Churu’ nge Tang
Nifan gubin e churu’, mad, ya’an, magal, rogon ko churu’, thin, nge musik thingari pii’ e rogon e Ya’el rok Somoel e rayog ni nge paer.
20.5.3
Moontaag ni Neap’
Chongin e rayog ni ngar rin’ed e gosgos ko tabinaw rorad u Moontaag fa reb e ngiyal’. Dakiriy e gosgos ko Galasia, mo’olung, fa tawfe nira buch tomuren 6:00 p.m. U Moontaag.
20.5.5
Tanom e Gosgos Ufithik’ e Neap’
Gosgos rok e Galasia ufithik’ e neap’ nifan e ulungi pumo’on nib yangren fa ppin nib yangren thingari thapeg e rayog ko fare bisof nge stake president. Ta’ab rogon ni fan e chongin nib pumo’on nge ppin ni dawo’ ni ngar mabgol.
Gosgos ufithik’ e neap’ u langin e galasia fa ulangab e galasia ni dabi rayog.
20.5.8
Ngan Rin’ e Rran ni Madnon
Dariy’ e camp, gosgos ko sport, fa reb e gosgos e rayog ni ngar buch u Madnom. Dariy’ e ulungi ko pi’in nib fel’ yangren fa reb e ulungi milekag nga camp fa mo’olung nifan e gidii’ nib fel’ yangren u Madnom.
20.5.10
Yaen nga Temple
Dared nga temple nira yarmiy ulan e ward nge stake uthilin e district ko temple nib mataw.
20.6
Motochiyl nge Fonow Marunga’agen e Thapeg e Salpiy ko Gosgos
20.6.1
Pi Gosgos nira chuwaey’ ko Ward fa Stake Salpiy
Rayog ni ngam use nag ward fa stake salpiy ko budget nifan gubin e pi gosgos—fa’anra pi’nen ulan a babyor ney 20.6.2.
20.6.2
Thapeg e Salpiy nifan Pi Camp ko Gidii’ nib Fel’ Yangren
Fa’anra dariy’ e salpiy ulan e ward fa stake budget nifan e gosgos nibay uroy u buut, pi tiyugang’ rayog ni nge fith ngak e gidii’ nira un’ed ni ngar chuwaey’ e yang fa gubin e gosgos:
-
Ta’areb e Aaronic Priesthood camp ko bochi rran fa reb e gosgos ni boed rogon.
-
Ta’areb e Young Women camp ko bochi rran fa reb e gosgos ni boed rogon.
Pulwan’ riy’ fa milekag nifan e camp de mang nib ga’. Magawon ko salpiy thingari de tal’ e chongin ni ngar un e gosgos.
20.6.3
Thapeg e Salpiy nifan e Mo’olung ko FSY
Pi’in nib fel’ yangren thingari pii’ e salpiy nifan e fee ere ni ngar un’ed fare mo’olung ni For the Strenth of Youth (FSY). Fa’anra bay a magawon ko salpiy nira tal’eg e bee’ ko rayog ni nge un, fare bisof rayog ni nge pii’ e salpiy nifan e fee ufithik e ward budget. Muguy ko FSY.ChurchofJesusChrist.org.
20.6.5
Gosgos ko Thapeg e Sapliy
Bo’or e yay e stake nge ward ra chuwaey’ e pi’nen nifan e gosgos ufithik e pi budget rorad. Machane, stake president nge bisof rayog ni nge pii’ e rayog rorow ni fan ta’areb e gosgos ko thapeg e sapliy gubin e duw marunga’agen e pi fan ney:
20.7
Motochiyl nge Fonow Nifan e Gosgos
20.7.1
Pi’ilal ni ma Guy
Bt’uf l’agruw e bee’ ni pi’ilal u gubin e gosgos ko Galasia nifan e bitir nge gidii’ nib fel’ yangren. Reb e pi’ilal bt’uf ni nge un’ed fa’an bay e ulungi nib ga’, rib mo’omaw e pi’nen ko gosgos, fa reb e pi’nen. Galibthir rayog ni nge ayuweg.
Gubin e gidii’ nima gosgos ko bitir nge gidii’ nib fel’ yangren thingari rin’ fare training ko damiiteeg nifan e bitir nge gidii’ nib fel’ yangren. Muguy ko ProtectingChildren.ChurchofJesusChrist.org.
20.7.2
Motochily ko Duw ningan Un ko Gosgos Gidii’nifan e Fel’yangren
Dakaen e rayog ko galibthir, gidii’ nib fel’ yangren rayog ni ngar un’ed e camp ufithik’ e neap’ napan ni ngar manged 12 e duw rok ulan e January ko duw ney. Rayog ni ngar uned e churu’, mo’olung nifan e gidii’ nib fel’ yangren, nge mo’olung ko FSY napan ni ngar manged 14 e duw rok ulan e January ko duw ney.
20.7.4
Mat’won nike pii’ e Gallibthir
Bitir nge gidii’ nib fel’ yangren dabiyog ni ngar un’ed e gosgos ko Galasia fa’an dariy’ e rayog rok’ e gallibthir fa guardian rok. Nifan e gosgos rok’ Galasia nira buch ulan bochi rran, milekag nib n’uw, fa bay bo’or wagawon riy, thingari yol’ e rayog rok’.
Pi gallibthir nge pi guardian nima pii’ e rayog rok’ napan ni ra yol’ fithingan u Permission and Medical Release form.
20.7.5
Weliy ko Th’aeb
Demtrug e th’aeb nira buch ufithik’ e gosgos ko Galasia thingari weliy ngak e gidii’ ko am. Thingari weliy ngak e bisof ni rib papay. Bay e fonow nifan e chongin u 38.6.2.7. Bay e fonow nifan e bisof u 38.6.2.1.
20.7.6
Rogon ko Gafaeliy, Ayuweg ko Magawon, nge Weliy e Magawon
20.7.6.1
Rogon ko Gafaeliy
Pi tiyugang’ nge reb e gidii’ thingari lemnag marunga’agen e pi gosgos nge fa’anra rira pii’ buchuw e amith nge m’ar. Pi gosgos thingari bay ni rib achigchig e kirebnag ko galasia. Napan e gosgos, pi tiyugang’ ma guy rogon ni nge sunimy e gafaeliy.
20.7.6.2
Ayuweg ko Magawon
Fa’anra e magawon fa mad’ad ra buch ulan e buut ko Galasia fa ufithik’ e gosgos ko Galasia, pi tiyugang’ thingari fol e fonow ney, fa’an ni rayog:
-
Pi ayuw. Fa’anra e bee’ bt’uf reb e ayuw ko dowef, mu call nag e togtaa. Ma non nak e galibthir, guardian, fa reb e bee’ ko tabinaw nge fare bishof fa stake president.
-
Fa’anra nira dakur moy e bee’ fa yim’ thingar non ngak e police rib papay.
-
Pi ayuw ko thamtham.
-
Dam yoeg ni ngam ba’adag fa dabun e ayuw ko motochiyel. Dam yoeg e pi’nen nifan e Galasia.
-
Fek nge koel e pi fithingan ni kar sap e magawon, e rogon ni ngam call nag raed, e pi’nen ni kar sap, nge pi ya’an.
-
Weliy marunga’agen e magawon (muguy ko 20.7.6.3).
20.7.6.3
Weliy e Magawon
Tin ba’aray ban’en e thingar ni report nag u online ko incidents.ChurchofJesusChrist.org.
-
Magawon fa mad’ad ra buch ulan e buut ko Galasia fa ufithik’ e gosgos ko Galasia.
-
Nira dakur moy e bee’ nike un e gosgos ko Galasia.
-
Pi’nen ko bee, nam, fa Galasia nira kireb nag ufithik’ e gosgos ko Galasia.
-
Bee’ ra yog ni ra fek e ayuw ko am.
Fa’anra e pi’nen ni tay bu’un e amith nib kireb, yam’, fa dakur moy e bee’, fare stake president, bisof, fa chongin thingari non ngak e area office.
20.7.6.4
Insurance nge Pi Duwer
Fa’anra ra buch a mad’ad napan e gosgos ko Galasia, fapi tiyugang’ ra mel’eg fa’an rayog ni nge use nag e Activity Medical Assistance ko Galasia.
U boch e pi’nen, fare stake president fa bishof ra fith bochi duwer marunga’agen e rogon ni ngar damiiteeg ngorad fa nonnon ngak e Galasia. Fare stake president (fa bishof u tan pa’) thingari pii’ e duwer ney ngak fare Risk Management Division fa ngak fare area office.
20.7.7
Milekag
Milekag nifan e gosgos ko Galasia thingari thapeg e rayog rok’ e bishof fa stake president. Milekag ni dabi pi e magawon ngak e fapi chongin. Milekag nib n’ew nifan e gosgos ir gathi mangil.
Napan e rayog rom, fare Galasia rayog ni nge chuwaey’ e ayuw ko milekag nib n’uw. Thingari bay e babyor ko muruwel nge damiiteeg udakaen e insurance.
Napan e ulungi ra milekag ulan e caro ngak’ e bee’, gubin e caro thingari muruwel’ nib fel’. Gubin e bee’ thingari use nag e seat belt. Gubin e pi’ilal nira drive nag e caro thingari bay e license.