Fanay Yuyang ko Tin nikan Me’eleg ko fare General Handbook

Tin nikan Me’eleg ko fare General Handbook mornga’agen e tiney e kan puthuy nga ta’abang e tin ni rib gaa’fan riy nikan fek ulan fare General Handbook: Serving in The Church of Jesus Christ of Latter-day Saints. Fan ngak fapi tiyugang’ ni:

• Dariy fare handbook roraed ni ga’angin nikan pilyeg e thin riy ko thin roraed.

• Ra yib fal’ngin riy ngak ko biney e version nikan ngochngocheg ko fare General Handbook.

Fare guuruy, section, nge namba nibay u tanggin e section e kan fanay ulan fare Tin nikan Me’eleg ko fare General Hndbook nib puluw e namba riy ulan fare General Handbook ni ga’angin. Biney e bachan e nge moem nag i pire’eg mornga’agen nge napan ni yibe ta’areb nag rogon.

Fare namba ulan e Tin nikan Me’eleg ulan fare General Handbook e bay bochingiyal’ nira siy fapi namba ko fapi section fa tin nga tangin ulan fare babyor ni ga’angin. Biney e bachan e fare handbook nikan puuthuy nga ta’abang e karimus nikan uneg e tin th’abi gaa’fan ngay nike yib ulan fare handbook ni ga’angin.

Machane Tin nikan Me’eleg ulan fare General Handbook e bay nira fulweg boech fapi duweg nibay nima fith e tiyugang’, ma kabay ni fapi tiyugang’ e bay boech e duwer roraed ni dariy mornga’agen u langgin. Fa’anra buch e biney, fapi tiyugang’ e ngar guyed ga’angin fare handbook General Handbook ni fa’anra bay ko reb e thin ni rayag ni ngar nangfaned. Fapi tiyugang’ e krayag ni ngar gopuruy’ gaed ngak e en nib baga’ mat’won nibe gagiyegnagraed ko tin ningan powi’iy nagraed riy.

Tawa’ath nigem Got ko napan ni gara un ngak ngam pii’ e ayuw ko muruwel ko thapeg nge bin th’abi n’uf ngalang e falfalaen’ nifan ngak pifak.

Fare bin Somm’on e Presidency nge Quorum ko fare Ragag nge L’agruw i Apostle