0.

Ga’angin Mornga’agen

0.0

Mornga’agen

Somoel e machib nag, “Mpag ni ra bee’ me fil e muruwel rok’, me rrin’ ni woed rogon ko fare liiw nikan pii’ ngak, u fithik’ e yul’yul’” (Doctrine and Covenants 107:99). Fapi tiyugang’ ulan e Galasia rok’ Yesus Kristus ko tin Tomur e Rran, gur thingar mu gay e tin ni ngan thogthog nag ngom ni nge ayuwegnem ngam fil mag rrin’ fapi muruwel rom.

Fil fapi chep nib thothup nge fapi machib ko fapi profet ko tin tomur e rran e rayag nira ayuwegnem ngam rrin’ fapi muruwel rom. Napan ni gara fil fapi thin rok’ Got, ma rayag nira gel gam’ingin fare Thothup rom (muguy ko Doctrine and Covenants 84:85).

Ma kagra nang rogon fapi muruwel rom u napan ni gara fil rogon mornga’agen nibay ulan ere handbook ney. Mornga’agen e pin’ey e rayag nira pining fare yi’iy i yib ni fa’anra yira fanay ko rogon fapi yalen, fapi motochiyel riy, nge rogon kanawo’en ni ngan fanay ko ngiyal’ ni yibe gay e tin nibe thothog nag fare Thothup.

0.1

Fare Handbook

General Handbook: Pigpig ulan Fare Galasia ku Yesus Kristus ni fan ko Gidii’en Got ko Tin Tomur e Rran be pii’ e powi’iy ngak fapi general nge fapi tiyugang’ ko Galasia.

Fapi yol nib gaa’ riy nge yol nib achig nibay ulan ere handbook ney e kan namba nag ni nge moem nag i pire’eg e tin ni yibe gay morna’agen. Woed e susun, mornga’agen ko mini’ e bay ni rayag ni nge seal nag u temple e bay ko 27.3.1. Fare namba ni 27 e be yipfan fare guuruy, ma fare namba ni 3 e be yipfan biyang nikan me’eleg ulan fare guuruy, ma fare namba ni 1 e be yipfan biyang nikan me’eleng nga tanggin fare guruy.

0.2

Rrin’ ni Woed Rogon ni Rayag nge Ayuw nibay ni Fa’anra Yi Ba’adag

Gathi gubin e stake fa ward ni ta’areb rogon e tin nib tu’uf roraed.

Fapi tiyugang’ e ngar gayed e tin nibe thogthog nag e thothup ko bin ngan ko fapi powi’iy nge tin nibay nifan e ayuw ni ngar fanayed nira ayuweg e tin nib tu’uf rok’ fapi member.

0.4

Fapi Duwer ko Rogon Mornga’agen

Napan ni yira fith fapi duwer ni dariy mornga’agen ulan fapi chep nib thothup, fapi thin rok’ fapi profet nib fos, fa ulan ere handbook ney, ma fapi gidii’en e Galasia e thingar taga’gaed ko fapi m’ag roraed ngak Got, fapi mulwol nibe yib rok’ e tiyugang’ roraed nib local, nge tin nibe thogthog nag e Thothup nibe powi’iy raed riy.

Fa’anra bay e duwer rok’ fapi tuyigang’ ko mornga’agen e tin nibay ulan ere handbook ney fa mornga’agen e tin ni dariy riy, ma ngar gopuruy’gaed ngak e en nib baga’ mat’won nibe gagiyegnagraed.

0.5

Terminology

Makemus ni fa’anra ke yoeg:

• Fare bugithin ni bishof nge bishofric ulan ere handbook ney e kube yipfan fapi branch president nge fapi branch presidencies. Fare bugithin ni stake president nge stake presidency e kube yipfan fapi district presidents nge fapi district presidencies. Ra ngay guy buchu’uw rogon fan nib thil mat’won fapi district president ko fapi stake president, muguy ko 6.3.

• Weliy mornga’agen fapi ward nge fapi stake e kabay ni rayag nifan ngak fapi branch, district, nge fapi mission.

• Weliy mornga’agen fare Madnom e be yipfan fare rran ko Madnom ni yibe tay fan ko gin ni yibay riy.

• Fare bugithin ni unit e be yipfan fapi ward nge fapi branch.

• Weliy mornga’agen e galibithir e kube yipfan e en nib milfan fare tir ngak.

Fapi muruwel ko bishof nge branch president e gathi rib ta’areb gelingin mat’won nge rogon e muruwel riy, ku woed nib thil e mururwel ko stake president nge district president. Fare bishof e ir fare office ulan fare priesthood, ba gam’ing ni karimus ni fare bin Somm’on e Presidency era pii’ mat’won. Fapi stake presidents e yima pii’ e muruwel roraed nibe yib rok’ e General Authorities nge Area Seventies.

0.6

Kol nag e headquarters ko Galasia fa Area Office

Boech e guuruy ulan ere handbook ney e mu’un rogon kanawo’en ni ngan kol nag e headquarters ko Galasia fa fare area office. Fare rogon kanawo’en ni ngan kol nag fare headquarters ko Galasia e ta’ab rogon ni yima rrin’ u dakaen yu Mariken nge Kanada. Fare rogon kanawo’en ni ngan kol nag e area office e biney e fan ngak e pi’in nibay u wuru’ yu Mariken nge Kanada.