muhtwacn fuhsr se wi kof mwe ahknwacsnwacs

20.

Mukwikwi

20.1

Srihpac

Mukwikwi luhn Alu uh oracni mempucr ke Alu uh ac mwet sahyac in tuhkweni ekihn “mwet wien mwet lun God” (Ephesus 2:19). Srihpen mukwikwi inge nwacnwack ma ten inge:

• Muhsahi luhlahlfongi ke Jisus Kraist.

• Oruh in oasr pwacr ac insese inmahsrlo.

• Sang inkacnek in kapkapwack luhn kais sie.

• Ahkkweye kais sie ac sucu.

• Kahsruh mempucr in wi oruh orekma in molwelah ac ma pahtpaht (liye 1.2).

20.2

Plwacnelah Mukwikwi

Met liki plwacni mukwikwi se uh, mwet kol uh nuhnkuh pac ke enenuh luhn nguhn ac ikoac luhn mempucr. Mwet kol elos suk kolyuck luhn Nguhn ke elos nuhnkuh lah mukwikwi fuhkah kuh in kahsruh enenuh luhn mwet inge.

20.2.1

Kunohkohn nuh ke Plwacniyacn Mukwikwi

Mukwikwi ke ward uh kuh in plwacniyuck ke oacna sie ohiyac, wiwina enenuh luhn mwet fin acn sacn.

• Ward council kuh in liye ma plwacniyuck inge.

• Ward council kuh in kunweyac kais sie u srihsrihk in kahsruh plwacnelah sie kuh puhs liki mukwikwi inge.

• Fin enenuh ac fin oasr suhnuhn mempucr, pisaprik kuh in akiyac sie committee in mukwikwi luhn ward sacn.

In etuh yohk ke plwacniyacn mukwikwi luhn mwet fuhsr ke ward, liye 10.2.1.3 ac 11.2.1.3.

20.2.2

Suli Nuhkewa in Wi

Elos suc ma plwacni mukwikwi uh enenuh in liye nuh kwewa, yohkiyacna mempucr sasuc, mempucr ma less-active, mwet fuhsr, mwet fuhsr muhkwena, elos suc ma oasr elyah ke mahno, ac mwet ke luhlahlfongi sahyac.

Mukwikwi uh tiac enenuh in ahktoasrye mwet kol ac mempucr.

20.2.3

Luhpah

Mukwikwi luhn alu uh enenuh in ahkkweye ac sruhmuhn yohk ke ma “wo, kahto, kuh ke pweng wo kuh ke ma fal in kaksakihnyuck” (Ip Yohk ke Luhlahlfongi 1:13). Mukwikwi uh tiac enenuh in nwacnwack oacna sie ma ma ac siena liki mwe luti luhn Alu uh.

20.2.6

Kahsruh Moli Ma nuh ke Mukwikwi

Inkaiyen mukwikwi uh enenuh in fihsrwacsr ac tiac sislah luhpah yohk. Ma totolac nuh kwewa uh enenuh in etweyuck met sin pisaprik kuh prestuhnsi ke stek.

Mempucr tiac enenuh in moli in wi oruh mukwikwi uh. Masap ac mwe ahkuhtweyac nuh ke moliyacn ma nuh ke mukwikwi, liye 20.6.

20.4

Toeni luhn Mwet Fuhsr

Muhtwacwacack ke Jacnweri ke mahlwem se ma elos eklac nuh ke yac 14, mukul fuhsr ac muhtwacn fuhsr elos suliyuck in tuhkweni wi toeni luhn mwet fuhsr. Toeni luhn mwet fuhsr kwacna orek pacl se ke yac se ke matwac ke ward kuh stek. Elos oacyacpac kuh in orek ke kain in stek kuh kain in matwac. Ke yac se ma mwet fuhsr inge kuneyucki in wi toeni luhn FSY, stek ac ward tiac enenuh in oruh kanfracns luhn mwet fuhsr.

Kanfracns luhn mwet fuhsr ke ward se plwacniyuck ac ahkfahsryeyuck sin ward youth council, ye kohkoh luhn pisaprik (liye 29.2.6). Pisaprik elos eis lwelah sin stek prestuhnsi ke plwacn ma orek luhn mwet fuhsr ke kanfracns uh.

Ke mwet kol ac mwet fuhsr plwacni kanfracns luhn mwet fuhsr, elos enenuh in liye masap ke sapta se inge ac ukwe mwe ahkuhtweyac kac inge:

• Sifac luhn mwet fuhsr ke yac sacn kuh in orekmakihnyuck nuh ke sifac ke kanfracns an.

• Plwacnelah mukwikwi ma ac fal nuh ke sifac sacn.

• Eis lwelah sin pisaprik kuh stek prestuhnsi nuh ke mwet in sramsram ac mukwikwi nuh kwewa.

• Lohacng ahkwoyac in oasr mwet mahtuh se karihngihn ma nuh kwewa (liye 20.7.1).

20.5

Masap ac Mwe Ahkuhtweyac nuh ke Sulweyacn ac Plwacniyacn Mukwikwi

20.5.1

Mukwikwi Commercial kuh Mukwikwi Political

Mukwikwi ma orek nuh ke oacna sie mukwikwi commercial kuh orekmakihnyacn masap elos tiac lwelah (liye 35.5.2).

20.5.2

Tacn ac On

Ke tacn nuh kwewa, nuknuk nukumyuck, atac, kahlwem, tacn, style, kahs ke on ah, ac on ah enenuh in fahsr fal nuh ke iwen acn sacn ma ac suli Nguhn luhn God in oasr.

20.5.3

Ekuh in Mante

Kwacfeyuck mempucr in oruh toeni in sucu lalos ke Mante kuh ke siepacna pacl sahyac. Wacngihn mukwikwi ke Alu, toeni, kuh pacptais orek tukun ao 6:00 ke ekuh ke Mante nuh kwewa.

20.5.5

Mukwikwi Ma Ac Oasr Mutullac

Oacna sie mukwikwi luhn mukul fuhsr kuh muhtwacn fuhsr ma ac oasr mutullac kac uh enenuh in eis lwelah yurin pisap kuh stek prestuhn. Ma se inge oacna sie pac nuh ke mukwikwi sahyac luhn macmpucr mukul ac muhtwacn tiac pahyuckyak.

Mukwikwi ma ac mutullac uh ke iwen Alu kuh oacna sie acn in toeni ke alu uh tiac lwelah.

20.5.8

Ahkfuhlwactyeyacn Lwen Sahpuht

Wacngihn camp ke Alu, sritacl, kuh oacna sie sritacl plwacniyuck nuh ke Sacnri. Kuh tiac lwelah oacna sie u ke mwet fuhsr kuh oacna sie mwet forfor ke kuh nuh ke kanfracns luhn mwet fuhsr ke lwen Sacnri.

20.5.10

Muhtwacta nuh Tempuhl

Muhtwacta nuh Tempuhl uh plwacniyucklac yurin ward ac stek ke na tempuhl tistrik se srihsrngiyucki lalos uh.

20.6

Masap ac Mwe Ahkuhtweyac in Moli Mukwikwi inge

20.6.1

Mukwikwi Ma Moliyuck Orekmakihn Luhpah Budget luhn Ward kuh Stek

Luhpah budgetiyuck luhn ward kuh stek uh enenuh in orekmakihnyuck in moli kwewa mukwikwi—in fal nuh ke ma sihmlac ke 20.6.2.

20.6.2

Kahsruh Moli ma nuh ke Camp luhn Mwet Fuhsr

Fin wacngihn budget luhn ward kuh stek nuh ke mukwikwi sihmlac ten inge, mwet kol kuh in siyuck sin mwet ma wi ingacn in moli kuhtuh kuh nohfohn

• Pacl se in yac se kuh camp se luhn Aaronic Pristut kuh mukwikwi ma ac oacna an.

• Pacl se in yac se kuh camp se luhn Muhtwacn Fuhsr kuh mukwikwi ma ac oacna an.

• Lwen se in yac se in camp kuh mukwikwi ma oacna an nuh sin Tuhlihk Srihsrihk matwac yac 8 nuh ke 11.

Ma moliyucklac kuh som nuh ke camp se ke yac se inge tiac enenuh in upac. Suhfallac mani luhn mwet se tiac kuh in sruokilyac in muhta tiac wi.

20.6.3

Kahsruh Moli Ma nuh ke FSY Kanfracns

Ac ngihsrweyuck mwet fuhsr in kahsruh ke fee se (mani) in wi For the Strength of Youth (FSY) Kanfracns. Fin luhpah sacn sruokyac tuhlihk fuhsr se in tilac wi ma orek uh, pisap el kuh in orekmakihn budget luhn ward ah in sang moli kwewa kuh sie ip ke fee sacn. Liye FSY.ChurchofJesusChrist.org.

20.6.5

Mukwikwi in Sruokyac Mani

Ma moliyuck ke mukwikwi luhn stek ac ward uh kwacna moliyuck ke mani ke budget ah. Tuhsruhktuh, stek prestuhn kuh pisap sang lwelah in orek sie inkacnek in sruokyac mani ah ke pacl se ke yac se nuh ke srihpac ten inge muhkwena:

• In kahsruh molwelah sritacl ma tahklac ke 20.6.2.

• In kahsruh molwelah kuhfa ma u srihsrihk sacn enenuh nuh ke camp lalos uh.

20.7

Masap in Karihngihn ac Mwe Ahkuhtweyac nuh ke Mukwikwi

20.7.1

Mwet Mahtuh se Karihngihn

Fin kuh mwet mahtuh luo enenuh in oasr wi pacl nuh kwewa mukwikwi luhn Alu uh ma oasr tuhlihk ac mwet fuhsr kac. Mwet mahtuh sahyac elos enenweyuck pac wiwina puhsiyacn u sacn, ma enenweyuck nuh ke mukwikwi sacn, kuh ma sahyac. Pahpah ninac elos ngihsrweyuck pac in kahsruh.

Elos nuh kwewa ma orekma wi tuhlihk ac mwet fuhsr uh enenuh in nwacklah pwepuh in karihngihnyacn tuhlihk ac mwet fuhsr uh. Liye ProtectingChildren.ChurchofJesusChrist.org.

20.7.2

Matwac Enenweyuck in Wi Mukwikwi Orek luhn Mwet Fuhsr

Fin oasr lwelah sin pahpah ninac kiaclos kuh tuhmwaclos, mwet fuhsr kuh in wi mutullac ke camp ah muhtwacwacack Jacnweri se ma elos eklac yac 12. Elos kuh in wi tacn, kanfracns luhn mwet fuhsr, ac FSY kanfracns muhtwacwacack ke Jacnweri se ma elos eklac yac 14.

20.7.4

Lwelah sin Pahpah Ninac

Tuhlihk ac mwet fuhsr tiac enenuh in wi mukwikwi luhn Alu uh ne kena oasr lwelah se sin pahpah ninac kuh mwet se liyaclos an. Nuh ke mukwikwi luhn Alu ma ac oasr mutullac se kac, som loeslac, kuh som upaclac, pwepuh in eis lwelah se enenweyuck.

Pahpah ninac kuh mwet in karihngihn se sang pwepuh in lwelah se inge ke elos sainiyac Perrmission and Medical Release form.

20.7.5

Tuhkahkihn Mwet Ahkngal

Oacna sie ahkngal ma sikyak ke mukwikwi luhn Alu uh enenuh in tuhkahkihnyuckyak nuh sin mwet kol masap. Enenuh in sa in pahngyak pisap. Mwe ahkuhtweyac nuh sin mempucr oasr ke 38.6.2.7. Mwe ahkuhtweyac nuh sin pisap oasr ke 38.6.2.1.

20.7.6

Mwe Langelah Elyah, Ahkoeyacn Accident, ac Ripohrt ke Accident

20.7.6.1

Mwe Langelah Elyah

Mwet kol ac mwet ma wi inge lohacng ahkwoyac in kahsruh mukwikwi inge in te oasr elyah upac kuh mas. Mukwikwi uh enenuh in tiac kuhnaoslah ma kuh acn sin mwet. Ke pacl se orek mukwikwi uh, mwet kol kampare in liye lah safe ma nuh kwewa.

20.7.6.2

Ahkolah nuh ke Accident

Fin oasr accident kuh elyah se sikyak ke iwen lohm Alu uh kuh sikyak ke orek mukwikwi se luhn Alu uh, mwet kol uh liye mwe ahkuhtweyac ten inge, fin kuh nuh kac:

• Oruh first aid. Fin mwet se enenuh kahsruh in ono pac, silahklahk pahngonwack acn in ono ah. Oacyacpacna pahngonwack pahpah ninac, mwet in karihngihn sac, kuh mwet se ma fototo nuh se an ac wi pac pisap ac stek prestuhn.

• Fin oasr mwet wacngihnlac kuh misac, silahklahk pahngonwack mwet karihngihn masap luhn acn.

• Kahsruh sang kahs in kahsruh.

• Tiac pahtok kuh suhfan mukwikwi luhn acn uh. Tiac oraclah olwelah ahol Alu uh.

• Oracni ac karihngihn inen mwet ma wi liye ah, nacmpuh ma kom kuh in pahngloltahl kac, ma ma sikyak ah, ac petsac.

• Ripohrti accident sac (liye 20.7.6.3).

20.7.6.3

Ripohrti Accident

Ohiyac ekahsr inge enenuh in ripohrtiyuck online ke incidents.ChurchofJesusChrist.org.

• Accident kuh ongaiyac se sikyak nien Alu kuh ke oasr mukwikwi se orek ke Alu uh.

• Mwet se wi mukwikwi se ke Alu uh wacngihnlac.

• Acn luhn mwet, acn luhn mwet nuh kwewa, kuh acn luhn Alu uh muhsahlah ke orek mukwikwi luhn Alu.

• Enenuh in oasr ma oreklac ke ma se sikyak.

Fin ma se sikyak inge tuhkuh tuh oasr elyah upac kac, misac, kuh wacngihnlac luhn sie mwet, stek prestuhn, pisap, kuh mempucr se ma elos srihsrngiyac silahklahk pahngon eria ohfuhs.

20.7.6.4

Insurance ac Kihsensiyuck

Fin elyah se sikyak ke pacl oasr toeni luhn Alu uh, mwet kol elos ac nuhnkuh lah Church Activity Medical Assistance kahsruh se ke Alu uh nuh ke Ono kuh in orekmakihnyuck.

Ke kuhtuh elyah sahyac, stek prestuhn kuh pisap kuh in oasr kihsensiyuck lalos ke ohiyac in karihngihn in safe kuh in uswack Alu uh. Stek prestuhn (kuh pisap se ye kohkoh lal) kuh in oruh kihsensiyuck inge nuh sin Risk Management Division kuh nuh sin eria ohfuhs.

20.7.7

Kahsruhsr ke Stosah

Mukwikwi luhn Alu uh ma oasr kahsruhsr ke stosah enenuh in ahkkweyeyucklac sin pisap kuh stek prestuhn. Kahsruhsr se inge tiac enenuh in sang ahktoasrye mempucr. Mukwikwi ma kahsruhsr loeslac uh tiac ahkkweyeyuck.

Fin kuh, u ke Alu uh kuh in orekmakihn commercial company in kahsruhsr loeslac. Enenuh in oasr pwepuh kac ac karihngihnyuck sin insurance.

Fin oasr u luhn Alu uh forfor ke stosah tiac ma luhn alu uh, stosah inge enenuh in liyeyuck wo lah pwacye wo. Kais sie mwet enenuh in seat belt yang. Kais sie mwet us stosah inge enenuh in oasr license, mwet mahtuh wowo se.