“21. Karihngihn,” Ma Suleyucklac ke General Handbook (2023).
“21. Karihngihn,” Ma Suleyucklac ke General Handbook
21.
Karihngihn
21.0
Ikucslah
Kalmeyacn karihngihn kuh kuhlwacnsap pa in kuhlwacnsuhpuh mwet sahyac oacna ke Mwet Lahngo El oruh (liye Matthew 20:26–28).
Leum El luhngse mempucr nuh kwewa ke Alu Lal in eis kahsruh inge. Ke srihpac se inge, mwet ma sruok pristut elos kuneyucki in mwet forfor luti nuh sin kais sie mwet ke lohm. Muhtwacn in karihngihn elos kuneyucki nuh sin kais sie tahmtahel mahtuh.
21.1
Kunohkohn luhn Tamuhlwel ac Tahmtahel in Karihngihn
Tahmtahel ac tamuhlwel in karihngihn uh oasr kunohkohn inge yohrohlos nuh sin kais sie mwet kuh sucu ma kuneyucki elos nuh kac uh:
-
Kahsrelos ahkkweyelos ke luhlahlfongi lalos sin Pahpah Inkuhsrao ac Jisus Kraist.
-
Kahsrelos in ahkolah ac karihngihn wuhlweacng muhtahl nuh sin God ke elos eis akwuck lalos.
-
Akihlen enenuh ac kahsrelah ke ohiyacn luhngse, kahsruh, ac kuhlwacnsap oacna Kraist.
-
Kahsrelos in kuh in sifacna lac ke nguhn ac ma luhn facluh.
21.2
Ahkfahsrye Karihngihn
21.2.1
Oraclah Kunohkohn
Prestuhnsi luhn elder ac Rilif Sosaiti elos pruhe in etuh kunohkohn nuh sin tamuhlwel ac tahmtahel in karihngihn luti uh. Elos kwacna kunweyac tamuhlwel luo ac tahmtahel luo in tuhkweni kuhlwacnsap. Elos suk kahsruh kuh ahkkweyelah luhn pisap nuh ke companion karihngihn inge ac kunohkohn.
Siyacnyacn pahyuck se kuneyucki in tuhkweni karihngihn nuh sin mwet se kuh sucu se.
Tamuhlwel ac tahmtahel in karihngihn uh elos tiacna pahngyak, ahkkweyeyuck, kuh akmuhsralah.
21.2.2
Kunohkohn in Karihngihn luhn Tuhlihk Fuhsr
Muhtwacn fuhsr se kuh in kuhlwacnsap ekihn companion se luhn tahmtahel se ke Rilif Sosaiti fin muhtwacn fuhsr sacn luhngse ac kuh in oruh. El kuh in muhtwacwacack kuhlwacnsap ke el sun matwac yac 14.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Ff1%2Fb5%2Ff1b580815f051f57e3454d8185b80a17b364919e%2Ff1b580815f051f57e3454d8185b80a17b364919e.jpeg/full/!250,/0/default)
Mukul fuhsr se kuhlwacnsap ekihn companion se nuh sin Melchizedek Pristut se ke el akmuhsralah nuh ke ohfuhs luhn teacher kuh prist.
21.3
Lohlngohk ke Karihngihn
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fb3%2F84%2Fb384e02c1c4ec600a46ccd3d930fc2288315b515%2Fb384e02c1c4ec600a46ccd3d930fc2288315b515.jpeg/full/!250,/0/default)
Prestuhn ke u luhn elder ac mwet in kahsruh lal oruh lohlngohk lalos nuh sin tamuhlwel in karihngihn. Prestuhn ke Rilif Sosaiti ac mwet in kahsruh lal oruh lohlngohk nuh sin tahmtahel in karihngihn.
Lohlngohk inge orek pacl se ke kais sie kohtoh.
Srihpac la uh pa:
-
Aetuhilac ke kuhiyac, enenuh, ac ma upac luhn kais sie mwet ac sucu ma kuneyucki inge.
-
Sramsramkihn inkacnek ma ac kahsruh mwet in ahkolah in eis akwuck fin enenuh.
-
Nuhnkuh lah u luhn elder, Rilif Sosaiti, ward council, ac mwet sahyac ac kahsruh fuhkah.
-
Luti ac ahkkweye tamuhlwel ac tahmtahel in karihngihn inge.
21.4
Us Ahkkweye Fahsr luhn Karihngihn
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F1a%2Ff4%2F1af4bcc6ab860d34e72476c78be429a3d80cea79%2F1af4bcc6ab860d34e72476c78be429a3d80cea79.jpeg/full/!250,/0/default)
Prestuhnsi luhn Rilif Sosaiti ac u luhn elder tuhkweni nuh sin sahp pacl se ke kohtoh. Elos liye ma elos lotwelah ke lohlngohk lalos nuh sin mwet in karihngihn inge (liye 21.3). Elos oacyacpac ahkwoye kunohkohn ke karihngihn uh.
Ke acn srihsrihk ma suhpuhs mempucr fokoko we uh, prestuhnsi luhn Rilif Sosaiti ac u luhn elder kuh in otwelah in tiac kunweyac kwewana tamuhlwel ac tahmtahel in karihngihn inge nuh sin kuhtuh mempucr ah.