oldingel

21.0

Uchelel

A oldingel a belkul a kmo omesiou el mo er a rebebil el uaia luruul Osobel (mesa Mateus 20:26–28).

A Rubak a soal a rokui el chedal a Ikelesia er Ngii a bol nguu tiakid lulkerreu. Tiaikid a uchul, e a roba priesthood a mla moterekokl el odam loldingel a bek lobliil er a rechedal a ikelesia. A roldingel rodos a kuk mla moterekokl loldingel er a re dersta rodos.

21.1

Ngerchelir a Roldingel Rodos me a Rodam

Aikakid a ngerchelir a roldingel rodos me a rodam er tirkel dersta el chad me a telungalek el mla metutk el ngerchelir:

Ngosuterir el melisiich a klaumera er tir er a Chedam er a Babeluades me a Jesus Kristo.
Ngosuterir el mo kldmokl el meruul e oltirakl a chedaol telbiil lobengkel a Dios sel lengai a chedaol ruoll.
Mo medengei a lousbech e olngeseu loba beltikereng er a Kristo, ulekerreu, me a omesiou.
Ngosuterir el mo mesisiich er a chedaol tekoi me a siungel a klechad er tir.

21.2

Cheldellel Oldingel

21.2.1

Mengedmokl a Ngerachel

A rengara omerredel er a chelechad er a re elders me a Relief Society a ngara nglunguuch el kirel a ngerchelir a roldingel rodam me a rodos. Te blechoel tutketerir a reteru el odam a lechub a teru el odos el uaia le kaukledem. Te melai er a kengei er a bisop el kirel a ngerchelir a roldingel.

A robekel a sebechir el kuk dmak e oldingel er a tal chad a lechub a telungalek.

A roldingel rodam me a rodos a diak el mokedong, a lechub el ngeiull a kengei, a lechub e le moterekokl.

21.2.2

Ngerchelir a Rengeasek Loldingel

A ngeasek el dil a sebechel mo kldemel a tara odos er a Relief Society a lsekum e ngika el ngeasek el dil a soal e sebechel. Ng sebechel lomuchel loldingel er sel rak el bol teruich me a eua rekil.

A ngeasek el sechal a mesiou el kldemel a oba Melchizedek Priesthood sel le moterekokl el mo er a obis er a sensei a lechub a prist.

21.3

Cheldecheduch er a Roldingel

A merredel er a chelechad er a re elders me a re counselor ngii a mengedecheduch er tirkel rodam loldingel. Ea merredel er a Relief Society me a re counselor ngii a mengedecheduch er tirkel loldingel rodos.

Aika el cheldecheduch a ngarngii el kesengil eng tang er a bek ledei el buil.

A moktek er ngii a mo:

Chadecheduch el kirel a klisichir, usbechellir, me a ringel le chelbangel a dersta el chad me a telungalek.
Mesaod a teletael el mo ngosuterir el mo kldmokl el mo ngmai chedaol ruoll a lusbechall.
Chadecheduch el kirel a kmo ng mekera chelechad er a re elders, Relief Society, ward council, me a lmuut el bebil a lolngeseu.
Olisechakl e melisiich er a roldingel el rodam me a rodos.

21.4

Mengedechuul er a Urerel Oldingel

A rengara omerredel er a Relief Society me a chelechad er a re elders a mo kebtech el kesengil eng bek ledei el buil. Te mo omes aikel bla el suub er a ikel cheldecheduch el kirel odingel (mesa 21.3). Te dirrek el mengedechuul a ureror er a oldingel.

Aikel unit el kesai a remesisiich el chedal a ikelesia, e a remerredel er a Relief Society me a chelechad er a re elders a sebechir el tibir el kuk diak a rodos me a rodam loldingel er a rebebil er a rechedal a ikelesia.