ngeasek el dil loba water blaster

20.

Omilil/Omeruul

20.1

Moktek

A omilil me a omeruul a oldak er a rechedal a Ikelesia el mo “chimo el telungalek er a resanto“ (Efesus 2:19). A moktek er a omilil/omeruul a uldimukl er ngii a ikakid:

• Meleketek er a klaumerang er a Jesus Kristo.

• Uchul a deureng e omak a kltalreng.

• Uchul a techall er a ulekeroul.

• Melisiich er a re dersta el chad me a telungalek.

• Ngosuterir a rechedal a ikelesia el mo meruul a urereor lolsobel me a ngar el mo cherachar (mesa 1.2).

20.2

Melib Omilil/Omeruul

Uchei er a omelib omilil/omeruul, e a roungerachel a kirir melatk a usbechellir a rechad er a tekingel a reng me a klechad. A roungerachel osiik a ulekrael er a Chedaol Reng sel lolib a teletael er a omilil/omeruul el mo olngeseu a usbechellir a rechad.

20.2.1

Ngerachel el Melib Omilil/Omeruul

A omilil/omeruul er a ward a sebechel metib er a ngii di el tara ikakid el teltael, lultuil er a usbechllir a rechad:

• A ward council a sebechel loungerachel lomes aikel mo metib.

• A ward council a sebechel tutkii a tara chelechad el mo olngeseu el melib er a tang a lechub a betok lomilil/omeruul.

• A lsekum eng usbechall e klebech a iidisir a rechad, e a klebisop a sebechel mekdebechii a chelechad el melib omilil/omeruul.

A omesodel omelib lomilil me a omeruul er a rengeasek, e mesa 10.2.1.3 me a 11.2.1.3.

20.2.2

Siotai er a Rokui el Chad el mo Meruul

Tirkel melib omilil/omeruul a kirir el subedeterir a rokui el chad, oumesingd tirkel beches el chedal a ikelesia, me tirkel diak el sal mesisiich el chedal a ikelesia, rengeasek, remesobil meklou el chad, me a rsechudel, me a rechedal er a bebil er a klechelid.

A omilil/omeruul a diak el kirel meringel berraod el mo er a roungerachel me a rechedal a ikelesia.

20.2.3

Llach

A omilil/omeruul er a Ikelesia a kirel mesebechakl e melutk el kirel a “kldung, klebokel, a lechub e ngungil tekoi“ (Tebechelel a Klaumerang 1:13). A omilil/omeruul a diak el kirel luldimukl er ngii a teletael lomtok osisechakl er a Ikelesia.

20.2.6

Udoud el kirel Omilil/Omeruul

Oumesingd lomilil/omeruul a kirel beot e kekerei a lechub eng diak a chitel a udoud. Ngii di el chitel a udoud a kirel a ngeiull a kengei er a klebisop a lechub a rengara omerredel er a stake.

A rechedal a ikelesia a diak el kirir el blechoel mengoit a ududir el kirel omilil/omeruul. A omesodel a llach me a teletael er a chitel a udoud er a omilil/omeruul, e mesa 20.6.

20.4

Ongdibel er a Rengeasek

Ng omuchel er a Kot el buil er sel rak el bol teruich me a eua rekrir, e a rengeasek el sechal me a redil a mo dmak el ngara sel ongdibel er a rengeasek. A ongdibel er a rengeasek a blechoel ngarngii er a bek el rak er a chelsel a ward a lechub a stake. Ng dirrek el sebechel ngarngii er a chelsel a betok el stake. Sel rak el rengeasek a mo er a ongdibel er a FSY, eng diak el kirel ngarngii a ongdibel er a rengeasek er a ward me a stake.

A ongdibel er a rengeasek a metib e mekedmokl lokiu a chelechad er a rengeasek er a ward, el ngara cheungel a dereder er a klebisop (mesa 29.2.6). A klebisop a nguu a kengei er a rengara omerredel er a stake el kirel a ongdibel er a rengeasek.

A roungerachel me a rengeasek sel lolib el kirel ongdibel er a rengeasek, eng kirir loltirakl a llach me a teletael el ngara tial bliongel:

• Sel kerbai er a rengeasek er a Ikelesia a sebechel mo usbechall el kerbai er a ongdibel.

• Melib omilil/omeruul el chatter er a kerbai.

• Nguu a kengei er a klebisop a lechub a rengara omerredel er a stake er tirkel rokui el mo mengedecheduch luldimukl omilil/omeruul.

• E kerekikl me ngungil a iidisir a remeklou el chad el mengkar er a bek el taem (mesa 20.7.1).

20.5

Llach me a Teletael sel Lolilt e Lolib Omilil/Omeruul

20.5.1

Omeruul el Mengerker a lechub a Tekoi er a Palatiks

A omilil/omeruul el mengerker a lechub eng moktek er a tekoi er a palatiks a mekull (mesa 35.5.2).

20.5.2

Ngloik me a Chelitakl

A rokui el ngloik, teletael er a bail, kedmeklel a chad, llomes, bedengel a ngloik, tekoi er a chelitakl, me a chelitakl a kirel lungil el sebechel Chedaol Reng er a Rubak el ngarngii.

20.5.3

Kebesengei er a Kot el Ureor

A rechedal a Ikelesia a sebechir el meruul omilil/omeruul er a telungalek er a Kot el ureor a lechub a ngii di el taem. Ng diak a ngii di lomilil/omeruul er a Ikelesia, ng miting, a lechub a techolbechlid el ngarngii ruriul er a elolem el klok er a kebesengei er a Kot el ureor.

20.5.5

Omilil/Omeruul el mo Tutau

A omilil/omeruul el mo tutau er a Ikelesia el kirir a rechelechad er a rengeasek el sechal me a redil a kirel mengai a kengei er a bisop a lechub a merredel er a stake. Osisiu el teletael el kirel omilil/omeruul er a remesobil el sechal me a redil chedal a ikelesia.

A omilil/omeruul el mo tutau er a omekedecheraol er a Ikelesia a mekull.

20.5.8

Omengull er a Chedaol sils

Ng diak a camp, tekoi er a klekool, a lechub eng kuk di ngera lomilil el ngarngii sel Sandei. A lechub a chelechad er a rengeasek lorael a delongelel a basio er a camp a lechub el ongdibel er a rengeasek a le Sandei.

20.5.10

Odingel el mo er a Templo

A odingel el mo er a templo a mekedmokl lokiu a ward a lechub a stake er sel basio el ngarngii a templo er ngii.

20.6

LLach me a Teletael er a Chitel a Udoud el kirel Omilil/Omeruul

20.6.1

Omilil/Omeruul Lousbech a iiosang er a Ward a lechub a Stake

A iiosang er a ward a lechub a stake a kirel mo er a rokui lomili/omeruul—eng di sebechel diak luldimukl aikel beldukl er a 20.6.2.

20.6.2

Udoud el kirel a Camp er a Rengeasek

A lsekum eng diak el medeel a iiosang er a ward a lechub a stake el kirel omilil/omeruul, e a roungerachel a sebechir lolengit er a rechad el mo er tial omilil me te locha sesei a lechub e te harau er ngii el rokir:

• Tang er a tal rak el camp er a Aaronic Priesthood a lechub a kmeed losisiu er ngii lomilil/omeruul.

• Tang er a tal rak el camp er a Rengeasek el Dil a lechub a kmeed losisiu er ngii lomilil/omeruul.

• Tang er a tal rak el camp a lechub a kmeed el uai ngii lomilil er a rengalek er a Primary el rekrir a eai el mo er a teruich me a tang.

Ng diak el kirel kmal mo meringel a cheral omerael a lechub tial tang er a tal rak el camp. A lak a ududel a chad eng diak el terbengii el mo ngara omilil/omeruul.

20.6.3

Udoud el kirel a Ongdibel er a FSY

A rengeasek a locha mo mongit locha sesei ludoud er sel ongdibel el Kirel a Klisichir a Rengeasek (FSY). A lsekum eng diak el sebechel a ngeasek locha sesei ludoud, e a bisop a sebechel lousbech a udoud er a ward el harau a rokui a lechub eng telkib er ngii. Mesa FSY.ChurchofJesusChrist.org.

20.6.5

Teletael er a Fundraising

A omilil/omeruul er a ward me a stake a blechoel di tir lousbech a iiosang er tir el harau. Eng di,a merredel er a stake a lechub a bisop a sebechel kongei er a tal fundraising er a tal rak el kmal di ikakid a moktek er ngii e merekong:

• Mo olngeseu el harau aikel omilil/omeruul el beldukl er a 20.6.2.

• Olngeseu lomechar a klekedall el mo usbechall er a camp.

20.7

Llechul a Selbechakl me a Teletael kirel Omilil/Omeruul

20.7.1

Remeklou el Chad el Mengkar

Kesengil eng teru el meklou el chad a ngara ikel rokui lomilil/omeruul er a Ikelesia le ngarngii a rengalek me a rengeasek. A lmuut el bebil er a remeklou el chad a sebechir el mo usbechall lultuil er a iidisir a rechad, teletelel omilil/omeruul, a lechub a kuk di bebil er a tekoi. A roungalek a kmal sebechir lolngeseu.

A rokui el chad loureor lobengterir a rengalek me a rengeasek a kirir el mo er sel omesuub el kirel a ucheliu me a selbechakl. Mesa ProtectingChildren.ChurchofJesusChrist.org.

20.7.2

Rekil a Chad eng mo Sebechel Ngara Omilil/Omeruul

Ngultuil er a kengei er a roungalek, eng sebechel a chad el ngara ikel omilil/omeruul el mo tutau lomuchel er a Kot el buil er sel rak el bol teruich me a eru rekil. Ng sebechir el teloi er a ngloik, ongdibel er a rengeasek, me a ongdibel er a FSY lomuchel er a Kot el buil er sel rak el bol teruich me a eua rekrir.

20.7.4

Kengei er a Roungalek

A rengalek me a rengeasek a diak el ngara omilil/omeruul er a Ikelesia a lak el kengei a roungalek er tir a lechub a roungerachel er tir. Aikel omilil/omeruul er a Ikelesia el mo kirir el bad, a lechub eng kemanget lomerael, a lechub eng kengaol, e a llechukl el kengei a kirel ngeiull.

A le kengei a roungalek a lechub a roungerachel er a rengalek e te saing er sel Permission and Medical Release form.

20.7.5

Report a Mekngit Lomeruul

Ngii di el mekngit lomeruul el duubech er a temel omilil/omeruul er a Ikelesia a kirel muchais el mo er a roungerachel er a beluu. Ng kirel mereched a tekoi el mo er a bisop. A omesodel mo er a rechedal a ikelesia a ngara 38.6.2.7. A omesodel el mo er a rebisop a ngara 38.6.2.1.

20.7.6

Kerekikl, Nger a Ldubech a Aksident, me a Report a Aksident

20.7.6.1

Kerekikl me a rechad a Selbechakl

A roungerachel me a rebek el chad a kerekikl me a omilil/omeruul a diak el dubech a tellemall a lechub a secher ngii. Te dirrek el kerekikl meng diak lemetemall a klalou. Chelsel a bek lomilil/omeruul, e a roungerachel a kmal mo kerekikl er a sebecheklel a rokui el tekoi.

20.7.6.2

Nger a Ldubech a Aksident

A lsekum eng duubech a aksident a lechub a tellemall er a maori er a Ikelesia a lechub a temel omili/omeruul, e a roungerachel oltirakl aikaid el teletael, a lsebechel:

• Ousbech a first aid. A lsekum a chad ousbech a ukeruul er a osbitar, e mo mekedong el melai a ngesou. Kom dirrek lomekedong er a rechad er a blil, roungerachel, a lechub a rechedal a chad e dirrek el subedii a bisop a lechub a merredel er a stake.

• A lsekum a chad a mo dibus a lechub eng mad, e ko mereched louchais er a rebulis.

• Olngeseu el mengelaod a reng.

• Ng diak molisiich a lechub e mkotouar a ultutakl. Ng diak moruul a tekoi loba ngklel a Ikelesia.

• Mongideb er a rechad e mngai a ngklir a re mle sioning, me a lambang er a dengua er tir, e moker a dilubech el teletael, e mngai a siasing.

• Report a aksident (mesa 20.7.6.3).

20.7.6.3

Report a Aksident

Aikakid el teletael a kirir el report er a online er a incidents.ChurchofJesusChrist.org.

• A aksident a lechub a tellemall a duubech er a Ikelesia a lechub a temel omilil/omeruul er a Ikelesia.

• A chad el mla er a omilil/omeruul er a Ikelesia a mla mo dibus.

• Klokloir a rechad, klalou buai, a lechub a kloklel a Ikelesisa a metemall er a taem er a omilil/omeruul er a Ikelesia.

• A ultutakl a morngii.

A lsekum eng kmal klou a tellemall, ng kodall, a lechub ng chad el dibus, e a merredel er a stake, bisop, a lechub a loterkeklii el chad a mesubed el mo er a obis er sel basio le ngarngii.

20.7.6.4

Insurans me a Ker

A slekum eng duubech a tellemall er a temel omilil/omeruul er a Ikelesia, e a roungerachel oterkelii el kmo a prokuram er a Church Activity Medical Assistance ng usbechall.

Chelsel a bebil er a teletael, e a merredel er a stake a lechub a bisop a locha morngii a keril a lechub a ultekengel el kirel a Ikelesia. A merredel er a stake (a lechub a bsiop) a kirel loker sel Risk Management Division a lechub obis er sel basio le ngarngii.

20.7.7

Cheroid Lomerael

A cheroid lomerael er a omilil/omeruul er a Ikelesia a kirel ngeiull a kengei er a bisop a lechub a merredel er a stake. Aika lomerael a diak el kirel kmal mo meringel er a rechedal a ikeelsia. A kemanget lomerael el kirel omilil/omeruul a diak lungil.

Eng di a le ngarngii a udoud, e a chelechad er a Ikelesia sebechel longir a tara mlai lolideiull er tir er a kemanget lomerael. Ng kirel lou laisins aikal mlai e dirrek lou insurans.

A lsekum a chelechad er a Ikelesia a ngara omerael lousbech a di mlirir, eng kirel aikal mlai lungil merael. A rebek el chad a kirir lou seat belt. A omekall a kirel lou laisins, e ultebechel klou el chad.