klou el chad loueor

22.

Ngesou el kirel a Usbechellel a Bedenged me a Teketekel a Siungel a Klechad

22.0

Uchelel

A rechedal a Ikelesia a tibir el mo “ngosuir a tang me a tang er a chelngelel, … lmangel lobenterir a re ngara klengit el reng … , e mengelaod er a rengara klengit el reng” (Mosiah 18:8–9).

A rechedal a Ikelesia a dirrek el kirir el melisiich a siungel a klechad er tir lokiu a duchelreng er a ureor e lultuil er a ngesou er a Rubak. A siungel a klechad a sel duch, blakereng, me a duchelreng losiik a siungel a reng me a klechad er a ikel meklou a ultutelel er a klengar er a chad me a telungalek.

---

DUCHELRENG ER A DERSTA EL CHAD ME A TELUNGALEK

---

22.1

Meleketek er a Siungel a Klechad

Ngokiu a ngesou er a Rubak, e a rechedal a ikelesia meleketek a siungel a klechad er tir er a ikakid el teletael:

• Mo mesisiich er a chedaol tekoi, me a bedengir, me a rengrir.

• Mo ngmai a skulir e metik a urerir.

• Mo ungil kldmokl el kirel a siungel a klechad.

22.1.4

Kldmokl er a Siungel a Klechad

A chedaol llechukl olisechakl el kirel a klou el ultutelel a de kldmokl (mesa Ezekiel 38:7; Doctrine me a Covenants 38:30). A rechedal a ikelesia a kirir el mo kldmokl mel sebechir el di tir lomekerreu er tir, telungalek er tir, me a rebebil.

A rechedal a ikelesia a mo ungil kldmokl er a tekoi er a udoud sel:

• Le harau ongeltacher tir me a uldars (mesa Malakai 3:8–12).

• Melasm el melubet e mengeroid er tir er a blals.

• Mo kldmokl e kiei lousbech aikel ngarngii er tir.

• A mengereomel el kirel a klukuk er tir.

• Ng mai a skulir me bol ngesuterir el mesiou a klechad er tir me a telungalek er tir (mesa 22.3.3).

A ungil kldmokl a uldimukl er ngi a rulii a moktek el kirel aikel meklou a belkul usbechall er a taem er a bkaischemrungel tekoi. A rechedal a ikelesia a kirir el kudmokl a klebech a iidisel kall, ralm, me a meklou a belkul usbechall er a chelsel a kedeb me a kemanget el taem.

22.2

Olngeseu er a Rengesool er a Usbechellel a Klechad me a Reng

A roltirakl er a Rubak a mla mosisechakl el mo “kaubeltikelreng … e mesiou er a ta me a tang” e “mesebechakl … er a rengesool” (Mosiah 4:15–16). A rechedal a ikelesi a melasem lomes er a rebebil el uai a Osobel a lomes er tir, el mo medengei a klungiolir me a ngelsengesir. Aika el ngelsengesir a sebechel uldimukl er ngii a kall, bail, blai, skuul, ureor, klisichel a bedengir, me a klisichel a rengrir.

22.2.1

Soko er a Rubak

A rokui el ngesou el ngarngii er a Ikelesia lolngeseu er a rengesool a okedongall el soko er a Rubak (mesa Doctrine me a Covenants 82:18–19). Aika uldimukl er ngii a rechedal a ikelesia lodars a temir, duch er tir, chubechub, kloklir, me a ududir el mo olngeseu er a rengesool.

A soko er a Rubak a ngarngii er a bek el ward me a stake. A roungerachel a blechoel sebechir el ngosuterir a re dersta el chad me a telungalek el smiik a ngesou er a ikel usbechellir lultuil er a llomes, duch, me a omesiou er a rechedal a ward me a stake.

22.2.2

Llach er a Olsengerenger me a Uldars er a Sengerenger

A Rubak a mla kudmeklii a llechul olsengerenger me a uldars er a sengerenger el mo omekngeltengat er a Rechedal me a teletael er a omesiou el mo er a rengesool. A rechedal a ikelesia a mo kmeed er a Rubak e mo chachisois a klisichir er a chedaol tekoi sel loltirakl er a llechul olsengerenger. (Mesa Isaia 58:6–12; Malakai 3:8–12.)

A olsengerenger a sebechel mekedmokl er a ngii di el taem. Eng di, a rechedal a Ikelesia a blechoel lolsengerenger er sel kot el sandei er a bek el buil. A sils er a sengerenger a uldimukl er ngii a ikakid:

• Nglunguuch

• Diak a blengur me a omelim el lluich me a eua el sikang (a le mesisiich a bedengel a chad)

• Odars a uldars er a sengerenger

A uldars er a sengerenger a mo olngeseu er tirkel ngesool. A rechedal a ikelesia sel lolsengerenger, e te dirrek lodersii a klungel a udoud el uai a le cheral aikel blengur el dimlak lomengur.

A rechedal a ikelesia a sebechir lodars a uldersir er a sengerenger e kudmeklii sel babier er a Ongeltacher me a Bebil er a Uldars el mo er a bisop a lechub a ta er a counselor ngii. A kuk bebil er a basio, eng dirrek el sebechir locha uldersir el online.

---

BLAKERENG ER A OUNGERACHEL

---

22.3

Teletael kirel a Teketekel a Siungel a Klechad me a Odingel el mo er a Rengesool

22.3.1

Mo Osiik er Tirkel Ngesool

A bisop oba chedaol ngerachel el mo osiik e omekerreu er tirkel lousbech a ngesou (mesa Doctrine and Covenants 84:112). A rebebil el dirrek el klou a ngerchelir lolngeseu er a bisop er tial ngerachel a uldimukl a:

• Roldingel el rodam me a rodos.

• Re ngara omerredel er a Relief Society me a chelechad er a re elders.

• Re counselor er a bisop.

• Bebil er a rechedal a ward council.

22.3.2

Ngosuterir a Rechedal a Ikelesia el Mes e Kudmokl a Usbechellir er a Chelsel a Kedeb el Taem

A rechedal a ikelesia a melasm el di tir el smiik aikel lousbech lultuil er a dechal a rengrir me a dirrek el ngesou er a rechederir. Ea bo lak el sebechel, eng sebechir el ngmai a ngesou lokiu a kuk bebil er a rolel el uai a:

• Ngesou er a kabelment me a buai (mesa 22.12).

• Ngesou er a Ikelesia.

A ngesou er a Ikelesia a di olngeseu er a chelsel a kedeb el taem el uai a rua kall, klekedall er a ulekerreuil a bedenged, bail, blai, a lechub a bebil er a meklou a belkul usbechall. A rebisop a sebechir lousbech a udoud er a uldars er a sengerenger el kirel a ikaikid el usbechall. A le ngarngii sel babier lousbech er ngii a rebisop, eng sebechir lousbech el mo er a kall me a bebil er a usbechall (mesa “Bishops’ Orders and Referrals” er a Leader and Clerk Resources [LCR]).

22.3.3

Ngosuterir a Rechedal a Ikelesia el Toketekii a Siungel a Klechad er tir er a chelsel a Kemanget el Taem

A rechedal a ikelesia a locha mo kemanget el taem lousbech a ngesou. A skuul, omesubel a ureor, me a bebil er a ngesou a sebechel ngosuterir el toketekii a siungel a klechad er tir er a chelsel a kemanget el taem.

Sel Uldasu el kirel a Siungel a Klechad a ngosuterir a rechedal a ikelesia el mes a duch er tir me a usbechellir. Ng dirrek el ngosuterir el mo medengei a bebil er a ngesou el sebechir lousbech. Tial uldasu a kirel usbechall er a bek el taem sel lolai a ngesou er a Ikelesia.

22.3.4

Olngeseu er Tirkel Ousbech Olisiich er a Reng

Betok el chedal a ikeelesia a ngarngii a ringelel a rengrir. A roldingel el rodam me a rodos me a roungerachel er a ward a sebechir el mo dongu el ngosuterir er a ikal ringel.

22.4

Llechul Otebedellel a Ngesou er a Ikelesia

Ngultuil er a ngesou er a Rubak, e a rechedal a ikelesia a osiik rolel a siungel a klechad er tir me a telungalek er tir.

A moktek er a ngesou er a Ikelesia a ngosuterir a rechedal a ikelesia el mo ileakl, e diak di lultuil er a rebebil. Ngii di el ngesou el lengai a kirel smisichii a duchelreng er tir el di mo tir el mesiou a klechad er tir.

22.4.1

Melisiich a Ngerchelir a Dersta el Chad me a Telungalek

A roungerachel olisechakl el kmo a dersta el chad me a telungalek a ngerchelir aikel usbechellel a bedengir, rengrir, me a chedaol tekoi.

Uchei er a lotobed a ngesou er a Ikelesia, e a bisop (a lechub a tara oungerachel a lechub a chedal a ikelesia el bla el tetkii) a mo mengedecheduch er a rechedal a ikelesia el kirel a ngesou lousbech.

22.4.2

Ngesou el kirel a Meklou a Belkul Usbechall er a chelsel a Kedeb el Taem

A moktek er a ngesou er a Ikelesia a di sobechekelterir a rechad er a cheslel a kedeb el taem e tir a melasm el mo di tir.

A rebisop a kirir lultuil er a ungil lomerritel e osiik a ulekrael er a reng sel lolbedebek er a klungel a udoud me a klemengetel a taem el lolai er a ngesou el modars. Ng kirir loba chubechub me a blekerurau e kerekikl meng diak di lemerko lultuil a ngesou er a Ikelesia.

22.4.3

Odars a Ngesou me a Omesiou ng Diak Ludoud

A lsebechel, e a bisop a melasm el diak loltobed a udoud. Ng bai, ousbech a uldars er a sengerenger a lechub e sel babier er a bisop el kirel ocheral a kall a lechub a bebil er a ngesou. Seikid e a rechedal a ikelesia a sebechir el kuk ousbech a ududir el kirel a bebil er a usbechall.

A lsekum e ngolngesonges, e a bisop olngeseu lousbech a uldars er a sengerenger el di harau a meklou a belkul blals (mesa 22.5.2).

22.4.4

Mesterir a Techall er a Ureor a lechub Omesiou

A bisop a siotai er tirkel ngmai a ngesou el mo oureor a lechub e te mo blak a rengrir el mesiou er a kmo ngerang. Tia rulterir a rechedal a ikelesia el melemolem el meduch a rengrir. Ng dirrek el ngosuterir el mo meduch el mengisemuk el kirel a siungel a klechad.

22.4.5

A Rokui el Tekoi el Kirel a Ngesou er a Ikelesia a Kirel Berrotel

A bisop me a rebebil er a roungerachel er a ward a kirir el mengeluolu a tekoi er a ngesou er a Ikelesia lolai a reched. Tia mo omecheliu a klengar me a omengull er a rechedal a ikelesia.

22.5

LLach el kirel Otebedellel a Ngesou er a Ikelesia

A roungerachel er a Ikelesia a kirir loltirakl a llach el beldukl er tial bliongel sel loltobed a ngesou er a uldars er a sengerenger a lechub a kall me a bebil er a meklou a belkul usbechall.

22.5.1

Llach el Kirir a Rechad el Ngmai a Ngesou er a Ikelesia

22.5.1.1

Ngesou el mo er a Rechedal a Ward

Oumesingd, el rechad el melai a ngesou er a Ikelesia a kirir el kiei er sel basio er a ward er tir me a rekord er tir a ngarngii el medechel er a ward. A ngesou a sebechel modars el mo er a chedal a ikelesia el diak el iior er a kmo ng blechoel ngara ikelesia me a lak a lechub e ngoltirakl a llechul a ikelesia me a lak.

22.5.1.2

Ngesou el mo er a Rebisop me a Remerredel a Stake

A llechukl el kengei er a merredel er a stake a ngeiull ruchei er a bisop a lousbech a uldars er a sengerenger a lechub e le kengei er a ongtil a bisop el kirel a ngesou el mo er ngii me a telungalek er ngii.

22.5.1.4

Ngesou el mo er a Rechad el Diak el Chedal a Ikelesia

A rechad el diak el chedal a Ikelesia e ousbech a ngesou a blechoel modars el mo er a chelechad er a buai. Ng kmal dersta el teletael, e ultuil er a Chedaol Reng, e a bisop a sebechel ngosuterir lolab a uldars er a sengerenger a lechub eng babier er a order er a bisop.

22.5.2

Llechul a Usbechellel a Uldars er a Sengerenger

22.5.2.1

Ukeruul a lechub a Bebil er a Tekoi er a Ulekerreuil a Bedenged

A bek el basio er a Ikelesia a mla kudmeklii a ulterekokl kengei er a usbechellel a uldars er a sengerenger el mo harau a ukeruul, osongel er a uingel, a lechub a ukeruul er a secherel a bdelud.

A omesodel a kengei er a klungel a udoud me a teletelel, e mesa “Usbechellel a Uldars er a Sengerenger el kirel a Cheral a Ukeruul.”

22.5.2.3

Olutel a Udoud er a Uldars er a Sengerenger

A rechedal a ikelesia a diak loluut a ngesou er a uldars er a sengerenger lengai er a Ikelesia.

22.5.2.4

Klungel Otebedellel a Udoud er a Uldars er a Sengerenger er a Ward

A rebisop a diak a belkul losebech er a klungel a udoud el kirir a rechedal a ward lomekesiu er ngii er a klungel a udoud lengai er a chelsel a ward.

22.5.3

Llechul Otebedel a Udoud

A lsebechel, e a udoud el tuobed a melemalt el mo er a ikel siobai el ngii a uchul a ngesou.

22.5.4

Llechul Otebedel a Udoud Lolngeseu er a Bisop a lechub a Merredel er a Stake

Sel lolngeseu er a rechedal a ikelesia lousbech a udoud er a sengerenger, e a bisop a diak lousbech aika ludoud el mo er a ikel kuk ngii ousbech.

Ea lsekum aika ludoud er a sengerenger er a rechedal a ikelesia a mo olngeseu er a merredel er a stake a lechub eng siobai er ngii, e ngeiull a kengei er a Area Presidency.

22.6

Ngerchelir a Roungerachel er a Ward

22.6.1

Bisop me a re Counselor Ngii

A bisop oba chedaol ngerachel el mo osiik e omekerreu er tirkel lolngesonges a siungel a klechad er tir (mesa Doctrine and Covenants 84:112). Ng oumesingd el nguu tial ngerachel el mesterir a re ngara omerredel er a Relief Society me a chelechad er a re elders. Eng di, a bebil er a ngerachel a kuk kmal di bisop a oungerachel e merekong. Okesiul tiang, e a bisop:

• A tibir el kmo ngera bedengel, iidisel, me a klemanget er a ngesou a loltobed.

• Kongei otebedel a udoud er a sengerenger (mesa 22.4 me a 22.5) e dirrek el bisop a kongei ocheral a kall me a meklou a belkul usbechall (mesa 22.13).

• E dirrek lomes a uldasu el kirel a siungel a klechad er a chedal a ikelesia. E melilt er a rebebil er a roungerachel er a ward el mo omes a mo usbechellel otutel aika el uldasu.

Aikakid a ngerchelel a bisop me a re counselor ngii:

• Olisechakl a suobel me a klengeltengat el kirel (1) omekerreu er tirkel lolngesonges er a siungel a klechad me a reng e (2) meleketek er a siungel a klechad (mesa 22.1).

• Olisechakl el kirel a llach er a sengerenger e mengelechel er a rechedal a ikelesia el mo melecha uldars er a sengerenger (mesa 22.2.2).

• Omes a klungel a udoud el soiseb lokiu a uldars er a sengerenger (mesa 34.3.2).

22.6.2

Remerredel er a Relief Society me a Chelechad er a re Elders

Ngokiu a dereder er a bisop, e a remerredel er a Relief Society me a chelechad er a re elders a dirrek el klou a ngerchelir lomekerreu er a rengesool er a chelsel a ward (mesa 8.2.2 me a 9.2.2). Tirkal loungerachel olisechakl er a rechedal a ward el mo:

• Oldingel er tirkel lousbech a ngesou.

• Oltirakl er a llechul a olsengerenger.

• Meleketek er a siungel a klechad er tir.

• Smisichii a kedmeklir me a telungalek er tir.

22.6.3

Rodam me a rodos Loldingel

A ngesou el kirel a chedaol tekoi me a siungel a klechad a blechoel lomuchel er tirkel rodam me a rodos loldingel (mesa 21.1). Te ouchais a lousbech tirkel chad el tir oldingel er tir el mo er a remerredel er a chelechad er a re elders me a Relief Society sel bol chadecheduch er a ikel temir. E sebechir el kuk di melemalt louchais er a bisop aikel kmal metacherbesul tekoi.

22.7

Ngerchelel a Chelechad er a Ward

A klou a belkul ngerchelel a chelechad er a ward a melib a teletael er a ulekerreu el mo er tirkel ngesool e ngosuterir el mo di tir el mesiou a klechad er tir (mesa 4.4). A rechedal a chelechad a melib a teletael loltirakl a tekoi el mengai er tirkel loldingel me a dirrek el deleuill er tir lobengterir tirkel ngesool. Me sel losaod a usbechellir a rechedal a ikelesia, e a chelechad a mengull a uldesuir a rebebil el kirel omengeluolu a berrotel tekoi.

22.8

Ngerchelel a Chelechad er a Rengeasek er a Ward

A tara moktek er a chelechad er a rengeasek er a ward a ngosuterir a rengeasek el mo mui loltirakl er a Jesus Kristo (mesa 29.2.6).

Ngokiu a dereder er a klebisop, e a chelechad er a rengeasek er a ward a tuib a teletael el mo mesiou er tirkel ngesool er a chelsel a ward er tir me a buai.