23.

Ehukihwei Rongamwahu o oh Kakelailihla Towe me Kapw oh Me Pwurodo kan

23.0

Kapehse

Lukeluke koaros en alehdi rongamwahu o wia kisehn doadoahk en komourla oh kesepwilda (kilang 1.2 nan pwuken kaweid wet Madiu 28:19–20). Me iangahki:

• Iang wia doadoahk en misineri oh wie papah duwehte misineri kan.

• Sewese tohn Mwomwohdiso me kapw oh me pwurodo kan keirda nan ahl en inou o.

23.1

Ehuki Rongamwahu o

New Guidelines to Help Members and Missionaries Gather Israel

23.1.1

Limpoak

Ehu ahl en kasalehda atail limpoak ong Koht iei sang ni atail pahn poakepoake oh wie papah Sapwelime seri kan (kilang Madiu 22:36–39; 25:40). Kitail kin nantiong en ahneki limpoak oh papah duwehte dahme Sises Krais ketin wiahier. Limpoak wet kin kamarainih kin kitail en ehuieng aramas akan nan palien lamalam koaros, mwohmw koaros, oh tiahk koaros (kilang Wiewia 10:34; 2 Nihpai26:33).

23.1.2

Ehuki

Pwehki atail poakohng Koht oh Sapwelime seri kan, kitail pil men ehukiwei kapai kan koaros me E ketikiong kitail ehr (kilang Sohn 13:34–35) oh sawas kihpene Isrehl. Kitail kin nantiheng sewese aramas akan en kehn popohl me kitail kin kehn (kilang Alma 36:24). Kitail kin kosoia duwen Sounkomour o oh Sapwelime kaweid nan atail mour kan (kilang Doctrine and Covenants 60:2). Kitail kin ehukiwei soahng pwukat koaros ni soan oh mwomw mwahu ni ah wia kisehn loaletail, nan wehwe, oh ni mwohmw teikan koaros.

23.1.3

Luke

Kitail kin kapakapki kamarain oh kaweid ong mwomwen atail pahn lukehdo ekei ong:

• Kohdo oh kilang kapai kan me kin kohdo sang Sises Krais, Sapwelime rongamwahu o, oh Sapwelime Mwomwohdiso (kilang Sohn 1:37–39, 45–46).

• Kohdo oh sewese kiht papah aramas akan me anahne sawas.

• Kohdo oh patehng Mwomwohdiso en Sises Krais me kapwurupwurdohr.

Inviting Others to "Come and See"

Inviting Others to "Come and Help"

Inviting Others to "Come and Stay"

Pak tohto, lukuluke pil wewehki iangahki atail peneinei, kompokepahtail, oh mehn impatail kan nan dahme kitail wiewiahier.

23.2

Kakehlailih Towe Kapw Kan

Emen emen towe kapw men anahne kompoakepah, ansou mwahu en papah kan, oh oapwoalpen pali ngehn. Ni atail wia towe kei en Mwomwohdiso, kitail kin kiong towe kapw kan atail limpoak oh utuht (kilang Mosaia 18:8–10). Kitail kin sewese irail en pehmada me irail wia towe mehlel nan Mwomwohdiso. Kitail kin sewese irail en keirda nan ahl en inou o oh inenen mihla nan “weliakapwala ong Kauno” (Alma 23:6).

23.3

Kakehlailih Towe kan me Pwurodo

Ekei towe kan kin pilada en sohla towehda Mwomwohdiso. “Ong soangen aramas pwukat,” Sounkomour o mahsanih, “kowe en wonlahte mwowe oh sawas; pwe kumwail sohte ese me irail pahn pwurodo oh koluhla, oh idawehn iehdo ki mohngiongirail unsek, oh I pahn kamwauihraila; oh kumwail me pahn wia elen sawas en komour irailla“ (3 Nihpai 18:32).

Towe kan me sohte nohn kin patoahng pahn kakete pwurodo ma arail ehu ong towe kan en Mwomwodiso me kehlail. Duwehte towe me kapw kan, irail anahne kompokepahrail, ansou mwahu en papah kan, oh sawas en pali ngehn.

23.4

Sounkaweid kan nan Steik

23.4.1

Steik Presidensi

Steik preseden men me kolokol kih kan koaros nan steik o ong ehukiwei rongamwahu o oh kakehlaili towe kapw oh me pwurodo kan koaros. Ih oh sapwelime soun sawas akan me kin kaweid koaros ong ni doadoahk pwukat.

Ekei pak nan sounpwong kan, steik preseden o pahn kin tuhwong misin preseden pwe en koasone doadoahk kan nan pwungen steik oh kaun en ward kan koaros oh misineri pwuhl daim kan.

23.4.3

High Councilors

Steik presedensi kak kapwukoahki sounsawas akan en kaskuhlih oh utung elder kohrumw preseden kan oh sounkaweid en ward misin kan. Emen de ekei sounsawas me lapalap akan kak pwukoahki oh katanga doadaohk wet. Ahpw, koaros sounsawas lapalap akan kolokol pwukoah pwukat ong ward kan oh kohrumw kan me irail pwukoahki.

23.4.4

Presedensi en Pwihn en Sawas en Lih nan Steik

Sang ni kaweid en steik preseden, presedensi en Pwihn en Sawas en Lih kin kaskuhlih oh utung presedensi en Pwihn en Sawas en Lih nan ward kan nan arail pwukoah en ehukihwei rongamwahuo oh kakelailihla towe koaros me kapw oh me pwurodo.

23.5

Sounkaweid kan nan Ward

23.5.1

Pisoprik

Pisoprik kin ehuieng presedensi en kohrumw en elder kan oh Pwihn en Sawas en Lih ni arail kin kahluwa doadoahk en ward o nan ehukiwei rongamwahu oh kakelailihla towe me kapw oh me pwurodo kan. Sounkaweid pwukat kin tuhpene nan ansou kan.

Pisoprik kin tehk mwahu me koasoanepen oh epwelpen doadoahk pwukat kin wiawi nan mihting kan en ward kaunsel oh kaunsel en me pwulopwul kan nan ward o.

Pisop o pahn kin kapeidek towe kapw kan me mih ni sounpar en alehdi neirail kisin likou en mweimwei ong nan tehnpas sarawi en wia weliepen me melahr akan nan pepdais oh kasarawihla. (kilang 26.4.2). E pil kin kapeidek ih ohl akan me mihmi ni sounpar en alehdi Prihsduhd en Aron. E kin wia ansoun kapeidek pwukat mwurin wihk ehu sang ni ah kasarawihlahr oh wialahr towe mehlel nan mwomwodiso.

23.5.2

Presedensi en Kohrumw en Elder kan oh Pwihn en Sawas en Lih

Presedensi en kohrumw en elder kan oh Pwihn en Sawas en Lih kan kin katanga en ward doadoahk en ehuki rongamwahu o kakehlailihla towe kan me kapw oh me pil pwurodo kan. (kilang 8.2.3 oh 9.2.3).

Soounkaweid kat ahneki pwukoah pwukat:

• Sewese kamarainih towe kan en poakohng sapwelimen Koht seri kan, en ehukiwei rongamwahu o, oh luke mehteikan en alehda kapai kan en Sounkomour o.

• Pilada ohl oh lih me pahn minisder ong towe me kapw oh pwurodo kan (kilang 21.2.1).

• Kaweid pwukoahn sounkaweid en ward misin.

Preseden kan en kohrumw en elder oh Pwihn en Sawas en Lih koaros kin kapwukoahki emen tohn presedensi en sawas oh katanga doadoahk pwukat. Tohn Presedensi riemen et kin ehupene nan ara doadoahk kan. Ira kin patehng mihting en koasonepen soahng kan nan ehu ehu wihk (kilang 23.5.7).

23.5.3

Sounkaweid en Ward Misin

Pisoprik kin ehuong steik preseden pwehn koasoanehdi ma e konehng en malipe emen sounkaweid en ward misin. Aramas menet anahne en kolokol Prihsduhd en Melkisedek. Ma sohte me malipilip ong pwukoah wet, emen tohn presedensi en kohrumw en elder kan pahn alehdi doadoahk wet.

Sounkaweid en misin nan ward kin utung presedensi en kohrumw en elder oh Pwihn en Sawas en Lih akan nan arail pwukoah kan en misineri. E pil ahniki pwukoah pwukat:

• Katanga doadoahk en tohn ward oh sounkaweid akan, misineri kan nan ward, oh misineri kan me wia arail pwukoah doadoahk en misin rahn koaros.

• Kaweid tuhpenehn nan ehu ehu wihk (kilang 23.5.7).

23.5.4

Misineri kan nan Ward

Misineri kan nan ward kin sewese towe kan en wardo iang kehn popohlen ehukihwei rongamwahu o me sansalehr nan 23.1. Re kin papah pahn kaweidpen sounkaweid en ward misin de tohn presedensi en elder kohrumw me wia pwukoah wet.

23.5.5

Kaunsel en Ward oh Kaunsel en me pwulopwul kan nan Ward

Ehukiwei rongamwahuo oh kakehlailih towe me kapw oh me pwurodo kan kin anahne kosonepe nan tuhpenehn nan ward kaunsel ansou koros. Pisop kak luke sounkaweid en misin nan ward en iang towehda tuhpene en kaunsel nan ward.

Soangen doarepweh kat kak en sawas nan ire pwukat:

• Rekohd Pweidahn doadoahk en Misineri

• Keirdahn Towe me kapw oh me pwuredoh kan {

Ni kosonepen anahn en me pwulopwul kan en nan ward, kaunsel me pwulopwul kan nan ward kin tehk mwahu toweh kan me kapw oh me pwuredo oh me pwulopwul kan me kin ale padahk sang misineri kan.

23.5.7

Mihting en Koasoandi kan

Nan week koros, kisin tuhpene ehu kin wiawi pwe en kak katanga duen kalohki rongamwahu oh kakelailepen towe me kapw oh me pwuredoh kan. Ma mie sounkaweid en ward misin malipilipda, e pahn katanga tuhpene pwukat. Ma soh, tohn presedensi en kohrumw en elder kan me kin wia pwukoah wet pahn katanga.

Mehtei kan me lukedo iangahki :

• Irail towe kan me kileledieng nan presedensi en Pwihn en Sawas en Lih oh Kohrumw en elder kan.

• Misinery en nan ward kan.

• Sounsawas emen nan pwihn en prihsd kohrumw ( de sounpadahk kan de kohrumw presiden ong dihken kan ma sohte prihsd nan wardo.

• Emen Tohn presedensi sang nan Pwihn en Peinakapw akan me keioun laud

• Misineri kan me wia arail pwukoah doadoahk en misin rahn koaros.

Examples of Weekly Missionary Coordination Meetings