Doadoahngki Me Pilipildah kan sang nan Pwuhk en Kaweid Doadoahk

Me Pilipildah kan sang nan Pwuhk en Kaweid Doadoahk wia mehn kaweihd keiou kesempwal kei me rikrikpene sang ni Pwuhk en Kaweid Doadoahk: Me kin Doadoahk nan Mwomwohdiso en Sises Krais en Souleng en Imwin Rahn-akan. Iei e ong irail kaun akan me:

• Saikinte kilang de alehdi pwuhk en kaweid me kawewehdier nan peihn arail lokaia.

• Kak alehdi sawas sang nan wasah kan me kawewehdier nan Pwuhk en Kaweid Doadoahk.

Nan irelaud, ire tikitik, oh nempe pahnangi pah kan me sansal nan Me Pilipildah kan sang nan Pwuhk en Kaweid Doadoahk e duwehte pil nempe me irekdih kan nan Pwuhk en Kaweid Doadoahko. Met e kamengeila ni ah pahn doadoahngki ira koaros.

Mwomwen eh nempehdi nan Me Pilipildah kan sang nan Pwuhk en Kaweid Doadoahk pahn kin ekei pak lusang ekei nempe en ire tikitik kan de nempe pahnangih kan nan pwuk en kaweid unseko. Met me kahrehda pwehki pwuhk en kaweid wet audauwudkihte ire keiou kesempwal kan me sang nan pwuhk en kaweid unseko.

Itarete Me Pilipildah kan sang nan Pwuhk en Kaweid Doadoahk sapengala wen tohtohn iren peidek kan me kalapw kohda sang irail kaun akan, ahpw miehte arail iren peidek kan me sohte pasapengla mwahu. Ni songen iraihr pwukat, kaun akan kak uhd tehk nan Pwuhk en Kaweid Doadoahk ma e kawehwehdi ong ni arail lokaia. Irail pil kak ale kaweid sang arail kaun akan.

Koht en kapai kumwailda ni amwail pahn iang Ih nan doadoahk en komour oh peren soutuk ong Sapwellime serih kan.

Presidensi Keieu oh Pwihn en Wahnpoaron Ehk-Riemen