0.

Oaralap en Mehn Kapehse

0.0

Kapehse

Kauno ketin padahngki, “Mweidehng ohl koaros en esehla ah pwukoah, oh en wia pwukoah doadoahk en ohpis me e pilipildahngehr loale, ni unsek en ah ngoang” (Doctrine and Covenants 107:99). Ni ahmw wia kaun emen nan Mwomwohdiso en Sises Krais en Souleng en Imwin-rahn Akan, komw pahn anahne en rapahki pein ahmw kaudiahl pwehn seweseiuk esehla oh kapwaiada pwukoah doadoahk kan me komw malipilipieng.

Kin onohnopki iren pwuhk sarawi kan oh padahk kan en soukohp en imwin rahn-akan pahn seweseiuk wehwehkihla oh kapwaiada ahmw pwukoah doadoahk kan. Ni ahmw pahn kin onopki mahsen en Koht akan, komw pahn alehdi kamarain laud sang rehn Ngehno (kilang Doctrine and Covenants 84:85).

Komw pahn pil esehla ahmw pwukoah kan sang ni onopki kaweid kan me mih nan pwuhk en kaweid doadoahk wet. Mehn kaweid pwukat kak luke kaudiahl ma irail doadoahng ong en kak wehwehkihla iren padahk kesempwal akan, kosonned akan, oh wiepeh kan me kak doadoahk ni ansouohte raparapahki kaweid en Ngehno.

0.1

Pwuhk en Kaweid Doadoahk

Pwuhk en Kaweid Doadoahk: Papah nan Mwomwohdiso en Sises Krais en Souleng en Imwin-rahn Akan kin kihda kaweid ong kaun lapalap akan oh kaun teikan en Mwomwohdiso.

Irelaud kan oh iretikitik kan me sansal nan pwuhk en kaweid doadoahk wet nempehdier pwehn kak mengei en diar ireh kan oh audepeh kan. Ni karasepe, mehn kaweid ong me pid duwen ihs me pahn kak katengtengpene nan tehnpas sarawi sansal nan 27.3.1. Nempe 27 me iei irelaudo, nempe 3 me iei iretikitik en nan irelaudo, oh nempe {1 me iei ehu iretikitik.

0.2

Wiekidekla oh Ekei Mehn Sawas akan

Steik oh ward koaros sohte kin ahnikipene soangen anahn ehute.

Kaun akan kin rapahki kamarainpen mehnia mehn kaweid oh mehn sawas me pahn kak doadoahk pwehn apwaliala anahn en toweh kan.

0.4

Iren Kalelapak kan me pid duwen Mehn Kaweid kan

Ni ansou me kalelapak kan kin kohda me sohte kin sansal nan iren pwuhk sarawi kan, mahsen en soukohp ieias kan, de pwuhk en kaweid wet, toweh kan en Mwomwohdiso anahne doadoahngki arail inou sarawi kan ong Koht, kaweid en arail kaun akan, oh kamarain en kaweid en Ngehno.

Ma kaun akan ahneki iren kalelapak kan me pid duwen ireh kan en nan pwuhk en kaweid wet de me pid duwen ireh kan me sohte sansal, irail pahn anahne en ale kaweid sang arail kaun lapalap akan.

0.5

Lepin Lokaia kan

Ohngete wasa me sansal ie ihte ma:

• Lepin lokaia pisop oh pisoprik nan pwuhk en kaweid wet pil duwehte preseden kan en prans oh presedensi kan en prans. Lepin lokaia steik preseden oh steik presedensi pil duwehte preseden kan en distrik oh presedensi kan en distrik. Ong oaralap en duwen pwukoahn preseden kan en distrik weksang pwukoah kan en steik preseden kan, kilang 6.3.

• Audepeh kan me pid duwen ward kan oh steik kan pil doadoahk ong prans kan, distrik kan oh misin kan.

• Audepeh kan me pid duwen Rahn Sarawi pil doadoahk ong sohte lipilipil rahn en Sapad me kin wiawi nan wasahu.

• Lepin lokaia unit pil duwehte ward kan oh prans kan.

• Audepeh kan me pid duwen pahpa oh nohno kan pil doadoahk ong irail me welian pahpa oh nohno kan.

Malipilip kan en pisop oh prans preseden sohte duwepene ong ni mweimwei oh pwukoah, me pil duwehte malipilip kan ong steik preseden oh distrik preseden. Pwukoahn pisop wia ohpis en prihsduhd ehu, oh kamanamanlahn pwukoah wet kin kohsangete rehn Presedensi Keieu. Steik preseden kan kin alehdi pwukoah wet sang rehn Kaun Lapalap akan oh Pwihn en Isiakan en Ehria akan.

0.6

Alehdi Ohpis Lap en Mwomwohdiso de Ohpis en Ehria

Ekei irelaud kan en nan pwuhk en kaweid wet iangahki mehn kaweid kan ong mwomwen alehdi ohpis laud en Mwomwohdiso wet de ohpis en ehria. Kaweid kan ong alehdi ohpis lap en Mwomwohdiso iei ong irail kan me mihmi nan wein United States oh Canada. Kaweid kan ong alehdi ohpis en ehria iei ong irail kan me mihmi likin wein United States oh Canada.