23.

Faasoaina atu o le Talalelei ma le Faamalolosia o Tagata Fou ma Tagata Ua Toe Foi Mai i le Ekalesia

23.0

Faatomuaga

O le valaauliaina o tagata uma ia talia le talalelei o se vaega o le galuega a le Atua mo le faaolataga ma le faaeaga (tagai i le 1.2 i le tusitaulima lenei; Mataio 28:19–20). Ua aofia ai:

• Auai i le faatinoga o le galuega faafaifeautalai ma auauna atu o ni faifeautalai.

• Fesoasoani i tagata fou ma tagata ua toe foi mai i le Ekalesia ia alualu i luma i luga o le ala o feagaiga.

23.1

Faasoa atu le Talalelei

Ua Talanoaina Mataupu Faavae o le Alofa, Faasoa Atu ma le Valaaulia

Ua faamatala e Elders Marcus B. Nash ma Michael T. Ringwood mataupu faavae e tolu o le galuega faamisiona: alofa i le Atua ma tuaoi, fefaasoaai taimi ma mea e fiafia i ai, ma valaaulia e o mai ma olioli.

Simple Ways to Love Share and Invite

The Savior set the example of loving, sharing, and inviting. Find ideas and inspiration for howyou can follow that example at share.churchofjesuschrist.org.

23.1.1

Alofa

O se tasi auala tatou te faaali atu ai lo tatou alolofa i le Atua o le alolofa lea ma auauna atu i Ana fanau (tagai i le Mataio 22:36–39; 25:40). Tatou te tauivi malosi e alolofa ma auauna atu e faapei ona sa faia e Iesu Keriso. O lenei alofa e musuia ai i tatou e aapa atu i tagata o isi tapuaiga uma, lanu, ma aganuu (tagai i le Galuega 10:34; 2 Nifae 26:33).

23.1.2

Faasoa atu

Ona e tatou te alolofa i le Atua ma Ana fanau, o le tulaga masani tatou te mananao ai lava e faasoa atu faamanuiaga ua Ia tuuina mai ia i tatou (tagai i le Ioane 13:34–35) ma fesoasoani e faapotopoto mai Isaraelu. Tatou te saili e fesoasoani i tagata ia lagona le olioli o loo tatou lagonaina (tagai i le Alema 36:24). Tatou te talanoa saoloto e uiga i le Faaola ma Lana tosinaga i o tatou olaga (tagai i le Mataupu Faavae ma Feagaiga 60:2 Tatou te faasoa atu nei mea i ni ala masani ma faalenatura, o se vaega o fegalegaleaiga patino, i upega tafailagi, ma isi auala.

23.1.3

Valaaulia

Tatou te tatalo mo musumusuga ma le taitaiga i le ala e valaaulia ai isi e:

• O mai ma vaai i faamanuiaga o loo maua e ala ia Iesu Keriso, o Lana talalelei, ma Lana Ekalesia (tagai i le Ioane 1:37–39, 45–46).

• O mai ma fesoasoani ia i tatou e auauna atu i tagata e le tagolima.

• O mai ma auai i le Ekalesia toefuataiina a Iesu Keriso.

Valaau Isi e "O Mai ma Vaai"

Fiafia tagata e auai. Valaaulia i latou. E faaali e lenei vitio le ala e mafai ona avea ma vaega masani le valaaulia e 'o mai ma vaai' i aso uma mo tagata o Le Ekalesia a Iesu Keriso o le Au Paia o Aso e Gata Ai.

Valaau Isi e "O Mai e Fesoasoani"

E fia fesoasoani tagata; e masani lava na o le pau le mea latou te manaomia o se valaaulia.

Valaauina o Isi ia "O Mai ma Tumau ai"

A lagona e tagata le taliaina i le lotu, o le a latou tumau. O loo faaalia e lenei vitio mo Le Ekalesia a Iesu Keriso o le Au Paia o Aso e Gata Ai ni auala e fesoasoani i tagata asiasi mai ia lagona le talisapaia pe a faatoa o mai i le lotu.

E tele taimi, o le valaaulia e na o se auala e aofia ai o tatou aiga, uo, ma tuaoi i mea ua uma ona tatou faia.

23.2

Faamalolosia o Tagata Fou

E manaomia e tagata fou taitasi le faauo, o avanoa e auauna atu ai, ma le faafailelega faaleagaga. I le avea ai ma tagata o le Ekalesia, tatou te avatu i tagata fou o le Ekalesia lo tatou alofa ma le lagolago (tagai i le Mosaea 18:8–10). Tatou te fesoasoani ia te i latou ia maua se lagona o le auai i le Ekalesia. Tatou te fesoasoani ia i latou ia agai i luma i luga o le ala o feagaiga ma ia loloto atili lo latou “liua i le Alii” (Alema 23:6).

23.3

Faamalolosia o Tagata ua Toe Foi mai i le Ekalesia

O nisi tagata o le Ekalesia e filifili e le toe auai i le Ekalesia. “O tagata faapena,” na fetalai ai le Faaola, “ia outou galulue pea i ai; ona tou te le iloa pe o le a latou toe foi mai ma salamo, ma o mai ia te au ma le faamoemoe atoa o le loto, ma o le a ou faamaloloina ai i latou; ma o le a avea outou ma ala e aumai ai le faaolataga ia te i latou” (3 Nifae 18:32).

O tagata o le Ekalesia e le o auai atoatoa e ono toe foi mai pe afai e i ai ni a latou sootaga malolosi ma tagata o le Ekalesia. E faapei o tagata fou o le Ekalesia, latou te manaomia le faauo, o avanoa e auauna atu ai, ma le faafailelega faaleagaga.

23.4

Taitai o le Siteki

23.4.1

Au Peresitene o le Siteki

O le peresitene o le siteki e umia ia ki i le siteki mo le faasoaina atu o le talalelei ma le faamalolosia o tagata fou ma tagata ua toe foi mai i le Ekalesia. O ia ma ona fesoasoani e tuu atua le taitaiga aoao mo nei taumafaiga.

E masani ona ta’i masina ma fono le peresitene o le siteki ma le peresitene o le misiona e faamaopoopo taumafaiga i le va o taitai o le siteki ma uarota ma faifeautalai faamisiona.

23.4.3

Fautua Maualuga

E mafai e le au peresitene o le siteki ona tofia ni fautua maualuga e a’oa’o ma lagolago au peresitene o korama a toeaina ma taitai misiona a uarota. E mafai ona tofia se fautua maualuga se toatasi pe sili atu e taitaia nei taumafaiga. Peitai, ua i ai i fautua maualuga uma nei tiutetauave mo uarota ma korama ua tofia i ai i latou.

23.4.4

Au Peresitene o le Aualofa a le Siteki

I lalo o le taitaiga a le peresitene o le siteki, o le au peresitene o le Aualofa a le siteki e a’oa’o ma lagolago ia au peresitene o Aualofa i uarota i o latou tiutetauave mo le faasoaina atu o le talalelei ma le faamalolosia o tagata fou ma tagata ua toe foi mai o le Ekalesia.

23.5

Taitai o le Uarota

23.5.1

Au Epikopo

O le au epikopo e faamaopoopoa faatasi ma au peresitene o korama a toeaina ma le Aualofa a o latou taitaia ia taumafaiga a uarota i le faasoaina atu o le talalelei ma le faamalolosia o tagata fou ma tagata ua toe foi mai i le Ekalesia. E fefautuaai faatasi e le aunoa nei taitai.

E faamautinoa e le au epikopo o loo talanoaina nei taumafaiga ma faamaopoopoina i aufono a le uarota ma i fonotaga a le aufono a le autalavou o le uarota.

E faatalanoa e le epikopo ia tagata fou o le ekalesia o le vaitausaga talafeagai mo se pepa faataga o le malumalu e faatino ai papatisoga sui ma faamauga (tagai i le 26.4.2 Na te faatalanoaina foi uso o vaitausaga talafeagai e maua ai le Perisitua Arona. E masani ona ia faatautaia nei faatalanoaga i totonu o le vaiaso talu le faamauga o le papatisoga o le tagata o le Ekalesia.

23.5.2

Au Peresitene o Korama a Toeaina ma le Aualofa

O au peresitene o le korama a toeaina ma le Aualofa e taitaia taumafaiga a le uarota mai lea aso i lea aso e faasoa atu le talalelei ma faamalolosia tagata fou ma tagata ua toe foi mai i le Ekalesia (tagai i le 8.2.3 ma le 9.2.3).

Ua i ai i nei taitai tiutetauave nei:

• Fesoasoani e musuia tagata o le au paia ia alolofa i fanau a le Atua, ia faasoa atu le talalelei, ma ia valaaulia isi ia maua faamanuiaga a le Faaola.

• Tofia ia uso ma tuafafine o auaunaga i tagata fou ma tagata ua toe foi mai i le Ekalesia (tagai i le 21.2.1

• Taitai le galuega a le taitai misiona a le uarota.

E taufai tofi e le peresitene o le korama a toeaina ma le peresitene o le Aualofa se tasi o le au peresitene e fesoasoani e taitaia nei taumafaiga. E galulue faatasi sui nei e toalua o au peresitene. E auai i la’ua i fonotaga faamaopoopo faalevaiaso (tagai i le 23.5.7).

23.5.3

Taitai Misiona a le Uarota

E feutagai le au epikopo ma le peresitene o le siteki, e filimaoti ai pe valaau se taitai misiona o le uarota. O lenei tagata e tatau lava o sē e umia le Perisitua Mekisateko. Afai e le’i valaauina lenei taitai, o se tasi o le au peresitene o le korama a toeaina e faatinoina lenei matafaioi.

E lagolago e le taitai misiona a le uarota le au peresitene o le korama a toeaina ma le au peresitene o le Aualofa i o latou tiutetauave faafaifeautalai. Ua ia te ia foi tiutetauave nei:

• Faamaopoopo le galuega a tagata ma taitai o le uarota, faifeautalai a le uarota, ma faifeautalai faamisiona.

• Taitai fonotaga faamaopoopo faalevaiaso (tagai i le 23.5.7

23.5.4

Faifeautalai a le Uarota

E fesoasoani faifeautalai a le uarota i tagata o le uarota ia lagona le olioli o le faasoaina atu o le talalelei e pei ona faamatalaina i le 23.1. Latou te galulue i lalo o le taitaiga a le taitai misiona a le uarota po o se uso o le au peresitene o le korama a toeaina ua i ai lenei matafaioi.

23.5.5

Aufono a le Uarota ma le Aufono a le Autalavou o le Uarota

O le faasoaina atu o le talalelei ma le faamalolosia o tagata fou ma tagata ua toe foi mai o le Ekaleisa, e ao ona talanoaina e le aunoa i fonotaga a le aufono a le uarota. E mafai e le epikopo ona valaaulia le taitai misiona a le uarota e auai atu i fonotaga a le aufono a le uarota.

E mafai ona fesoasoani i nei talanoaga ia fomu pei o nei:

• Faamaumauga o le Alualu i Luma a le Faifeautalai.

• Alualu i Luma o le Tagata Fou ma le Tagata Ua Toe Foi Mai i le Ekalesia

I le talanoaina o manaoga o le autalavou i le uarota, e tuu atu e le aufono a le autalavou o le uarota le gauai faapitoa i tagata fou ma tagata ua toe foi mai o le Ekalesia ma i talavou o loo a’oa’oina e faifeautalai.

23.5.7

Fonotaga Faamaopoopo

O vaiaso taitasi, e faia ai fonotaga pupuu faasamasamanoa, e faamaopoopo ai taumafaiga e faasoa atu le talalelei ma faamalolosia tagata fou ma tagata ua toe foi mai o le Ekalesia. Afai ua tofia se taitai misiona a le uarota, o ia e taitaia fonotaga nei. A leai, o se tasi o le au peresitene o le korama a toeaina ua tauaveina lenei matafaioi e taitaia.

O isi e valaaulia e aofia ai:

• Sui ua tofia o au peresitene o le Aualofa ma le korama a toeaina.

• Faifeautalai faamisiona a le uarota.

• O se fesoasoani i le korama a ositaulaga (po o le peresitene o le korama a a’oa’o po o tiakono, pe afai e leai ni ositaulaga i le uarota).

• Se tasi o le au peresitene o le vasega aupito matutua o Tamaitai Talavou.

• Faifeautalai faamisiona.

Examples of Weekly Missionary Coordination Meetings

Examples from around the world of weekly missionary coordination meetings.