23.

Tibwaan te Euangkerio ao Kakorakoraaia Membwa aika Boou ao Ake a Manga Oki

23.0

Kabwarabwaraana

Kaokiia ni kabane bwa a na butimwaea te euangkerio bon mwakoron Ana mwakuri te Atua ibukin te kamaiuaki ao te karietataaki (taraa 1.2 n te aeniboki aei; Mataio 28:19–20). Aikai kanoana:

• Karaoan te mwakuri ni mitinare ao te beku bwa mitinare.

• Buokaia kaain te Ekaretia aika boou ao aika a oki ni waaki nako n kawain te berita.

23.1

Tibwa te Euangkerio

New Guidelines to Help Members and Missionaries Gather Israel

Some guiding principles to improve the coordination of efforts by members and missionaries to gather Israel have been developed by the Church. The effort is called Love, Share, and Invite.

23.1.1

Te Tangira

Teuana te kawai ae ti na kaota ara tangira ibukin te Atua bon man tangiraia ao buokaia Natina (taraa Mataio 22:36–39; 25:40). Ti keiaki n tangira ao ni ibuobuoki n aron are e karaoia Iesu Kristo. Te tangira aei e anganiira te kairi mai ieta bwa ti na kaeinakoi baira nakoia aomata n ekaretia nako, reeti, ao katei (taraa Makuri 10:34; 2 Nibwaai 26:33).

23.1.2

Tibwaia

Ibukina bwa ti tangira te Atua ao Natina nako, ti na bon tangiria ni tibwaa te kakabwaia are E a tia n anganiira (taraa Ioane 13:34–35) ao ni buoka ikotaia Iteraera. Ti ukoria ni buokiia aomata n namakina te kimwareirei are ti namakinna (taraa Aramwa 36:24). Ti aki tiatiana taekinan te Tia Kamaiu ao Arona ni bitii maiura (taraa Reirei ao Berita aika Tabu 60:2 Ti tibwai bwaai aikai n teina ao arona are e kakaraoaki iai bwa mwakoron arora, iaonrain, ao n reitakira riki tabeua.

23.1.3

Kakao

Ti tataro i bukin te kairi mai ieta ao kairara bwa ti na kanga ni kaoiia tabeman bwa a na:

• Nakomai ao n nora te kakabwaia are e tauraoi rinanon Iesu Kristo, Ana euangkerio, ao Ana Ekaretia (taraa Ioane 1:37–39, 45–46).

• Nakomai ao buokiira ni beku ibukiia aomata ake a kainano.

• Nakomai ao kaina Ana Ekaretia Iesu Kristo are e kaokaki.

Inviting Others to "Come and See"

People like being included. They just need to be invited. This video shows how invitations to "come and see" can be just a normal and natural part of everyday life for members of the Church of Jesus Christ of Latter-day Saints.

Inviting Others to "Come and Help"

People want to help; often all they need is an invitation. This video depicts the ease of inviting people to lend a helping hand in church-related service opportunities for The Church of Jesus Christ of Latter-day Saints.

Kaoiia Tabeman n "Roko ao n Tiku"

Ngkana a namakina te butimwaeaki aomata n te taromauri, a na tangiria ni kan tiku. Te witeo man Ana Ekaretia Iesu Kristo ibukiia Aika Itiaki ni Boong aika Kaitira e kaoti aroaro nakoia iruwa n namakina butimwaeakiia ni moan rokoia n te ekaretia.

N angiin te tai, te kakao ae beebete nanona n raonaki ma ara utu, raraora, ao kaain rarikira inanon te bwai are ti a bon tia ni kakaraoia.

23.2

Kakorakoraaia Membwa aika Boou

Membwa aika boou n tatabemaniia a kainnanoa te reitaki n tangira, te tai ni beku, ao kamarurungan maiun tamneia. Ngkai membwa n te Ekaretia ngaira, ti anganiia membwa aika a boou ara tangira ao ara boutoka (taraa Motiaea 18:8–10). Ti buokiia n namakina ae ngaiia bon kaain te Ekaretia. Ti buokiia ni waaki rake iaon kawain te berita ao n riki n rangi n nene n “rairaki nakon te Uea” (Aramwa 23:6).

23.3

Kakorakoraaia Membwa ake a Manga Oki

Tabeman membwa a rineia ni katoka iriiran waakin te Ekaretia. “Ma kam na aki,” e taku te Tia Kamaiu, “toki n ibuobuoki nakon ae aekan aei, bwa kam aki ataa te tai are a na rairaki iai man rairananoia, ma ni kawarai ma nanoia ni kabane, ao N na katoka aorakiia; ao kam na riki bwa taan kamaiu nakoia” (3 Nibwaai 18:32).

Membwa ake a aki bati ni iriiri a na bon bae n tangiria ni kan oki ngkana iai reitakiia ae tamaroa ma membwa n te Ekaretia. N aroia membwa ake a boou, a tangira naba te reitaki ni iraorao ae tamaroa, karekean aia tai ni beku, ao ni kamwarakeaki n te tamnei.

23.4

Taan Kairiiri n te Titeiki

23.4.1

Beretitentii n te Titeiki

Te titeiki beretitenti e taui kiing n te titeiki ibukin tibwaan te euangkerio ao kakorakoraaia membwa aika boou ao ake a manga oki. Ngaia ao ana kauntira a tararua iaon ni kabane waaki aikai.

Ni bon arona ni katoa namakaina, te titeiki beretitenti e reitaki ma te mition beretitenti ni barongaa te kekeiaki aei imarenan te titeiki ao taan kairiiri n te uoote ao mitinare ake a bwanin aia tai.

23.4.3

Kauntira ae Rietaata

Te titeiki beretitentii e kona n mwiokoa te kauntira ae e rietaata n anga reirei ao ni boutokaia beretitentii n te kooram ni unimwaane ao taan kairiiri ni mition n te uoote. Temanna ke ae mwaiti te kauntira ae rietaata a kona n mwiokoaki ni kaiirii mwakuri aikai. Ma irarikina, ni kabane kauntira aika rietaata iai tabeia aikai ibukiia uoote ao kooram ake a mwiokoaki iai.

23.4.4

Beretitentii n te Bootaki n Aine n te Titeiki

Iaan ana kaetieti te titeiki beretitenti, te beretitentii n te Bootaki n Aine n te titeiki a reireiniia ao ni boutokaiia beretitentii n Bootaki n Aine n taian uoote n tabeia ibukin tibwaakin te euangkerio ao kakorakoraaia membwa aika boou ao ake a manga oki.

23.5

Taan Kairiiri n te Uoote

23.5.1

Bitiobiriki

Te bitiobiriki e reitaki ni mwakuri ma te kooram n unimwaane ao te beretitentii n te Bootaki n Aine ngkai a kaira te mwakuri n tibwaan te euangkerio ao ni kakorakoraia membwa ake a boou ao ake a manga oki. Taan kairiiri aikai a reitaki ni marooro ni katoa tai.

Te bitiobiriki e na kakoaua raoi bwa mwakuri aikai a maroroakinaki ao a barongaaki n te uoote kauntira ao inanon boowi ni kauntira ibukiia kairake.

Te bitiobi e na intawiu ma membwa aika boou n te roro ake a tau ibukin te beba ni kariaia nakon te tembora ni karaoi mwakuri ni bonomwi ibukin te bwabetito ao te kamatoaaki (taraa 26.4.2 E intawiu naba ma taari n te roro ake a tau ni karekea te Nakoanibonga ae te Aaron. E bon kakaraoi intawiu aikai inanon te wiiki are e kamatoaaki iai te membwa.

23.5.2

Kooram n Unimwaane ao Beretitentii n te Bootaki n Aine

Te kooram n unimwaane ao te beretitentii n te Bootaki n Aine a kaira waakin te mwakuri n te bong teuana ma teuana n tibwaan te euangkerio ao ni kakorakoraia membwa ake a boou ao ake a manga oki (taraa 8.2.3 ao 9.2.3).

Taan kairiiri aikai iai katabeakia n aron aikai:

• Ni buokiia membwa ni karekea te kairi mai ieta n tangiraia natin te Atua, n tibwa te euangkerio, ao ni kaoiia tabeman ni karekea ana kakabwaia te Tia Kamaiu.

• Katabeia taari ke titita n te mwakuri n ibuobuoki nakoia ake a boou ao naake a manga tibwa oki (taraa 21.2.1

• Kaira ana mwakuri te tia kairiiri n te mition n te uoote.

Te beretitenti n te kooram n unimwaane ao te beretitenti n te Bootaki n Aine ni bon aia bootaki a katabea temanna n aia beretitentii ni buoka kairan mwakuri aikai. Beretitentii aika uoman aikai a uaia ni mwakuri imarenaia. A irii reitaki ni boowi ni katoa wiiki (taraa 23.5. 7).

23.5.3

Te Tia Kairiiri Ibukin te Mition n te Uoote

Te bitiobiriki e reitaki ma te titeiki beretitenti ni baireia ngkana tao a na wetea te tia kairiiri n te mition n te uoote. E riai te aomata aei n iai irouna te Nakoanibonga ae te Merekitereka. Ngkana e aki weteaki te tia kairiiri ibukin te mition n te uoote, te membwa n te beretitentii n te kooram n unimwaane e na kaira te mwakuri aei.

Te tia kairiiri n te mition n te uoote e boutokaa te beretitentii n te kooram n unimwaane ao te beretitentii n te Bootaki n Aine n tabeia n te mwakuri ni mitinare. Iai naba mwiokoana n aron aikai:

• E barongaa aia mwakuri membwa n te uoote ao taan kairiiri, mitinare n te uoote, ao mitinare ake a bwanin aia tai.

• Ni kaira te reitaki ni boowi ni katoa wiiki (taraa 23.5. 7

23.5.4

Mitinare n te Uoote

Mitinare n te uoote a buokiia membwa n te uoote ni karekea te kimwareirei n tibwaakin te euangkerio n aron are e kabwarabwaraaki inanon 23.1. A beku iaan ana kaetieti te tia kairiiri n te mition n te uoote ke te membwa n te beretitentii n aia kooram unimwaane are e kaira te mwakuri aei.

23.5.5

Uoote Kauntira ao Uoote Kauntira ibukiia Kairake

Tibwaan te euangkerio ao kakorakoraaia membwa aika boou ao ake a manga oki a riai ni maroroakinaki ni katoatai inanon boowi ni uoote kauntira. Te bitiobi e kona n kaoa te tia kairiiri n te mition n te uoote ni ira te boowi ni uoote kauntira.

Booma n aron aikai a kona ni ibuobuoki n taian marooro aikai:

• Missionary Progress Record (Aia Rekooti Mitinare iaon te Rikirake).

• Beban Aia Waaki Membwa Ake a Boou ao Ake a Manga Oki

Ni maroroakinan kainnanoia kairake n te uoote, te uoote kauntira ibukiia kairake a anga riki aia taratara ae onoti nakoia membwa ake a boou ao ake a tibwa manga oki ao nakoia kairake ake a reireinaki irouia mitinare.

23.5.7

Boowiin te Kauntira ni Babaire

Ni katoa wiiki, te boowi ae uarereke a karaoaki ni barongaa te mwakuri n tibwaan te euangkerio ao kakorakoraaia membwa aika boou ao ake a manga oki. Ngkana e weteaki te tia kairiiri n te mition n te uoote, ngaia ae e kairii boowi aikai. Ma ngkana akea ae weteaki, te membwa man te beretitentii n te kooram n unimwaane are e kanoaa te tabe aei ngaia ae e kairia.

Tabeman ake a kaoaki n raonaki ma:

• Te membwa ae mwiokoaki n te beretitentii man te Bootaki n Aine ao te kooram n unimwaane.

• Mitinare n te Uoote.

• Te tia ibuobuoki n aia kooram ibonga (ke te beretitenti man aia kooram tia reirei ke rikan ngkana akea te ibonga n te uoote).

• Te membwa man te beretitentii n aia kiraati Ataeinaine ake a ikawai.

• Mitinare aika bwanin aia tai.

Examples of Weekly Missionary Coordination Meetings

Examples from around the world of weekly missionary coordination meetings.