“24. Pagrekomendar kag Pag-alagad sang Misyonero,” Mga Pinili nga Bahin halin sa Libro sang Pangkabilogan nga Pagsulundan (2023).
“24. Pagrekomendar kag Pag-alagad sang Misyonero,” Mga Pinili nga Bahin halin sa Libro sang Pangkabilogan nga Pagsulundan.
24.
Pagrekomendar kag Pag-alagad sang Misyonero
24.0
Introduksyon
Sang dumaan nga panahon, nagsugo ang Ginuo nga tipunon ang Israel sa “[tanan nga nasyon], bautisohan ninyo sila sa ngalan sang Amay, kag sang Anak, kag sang Espiritu Santo” (Mateo 28:19; tan-awa man sa bersikulo 20). Ginsulit sang Ginuo ina nga sugo sa sining ulihing mga adlaw (tan-awa sa Doktrina kag mga Kasugtanan 39:11; 68:6–8; 112:28–30).
Ang pagserbisyo sa Ginuo bilang misyonero isa ka sagrado nga pribelihiyo. Nagadala ini sang wala katapusan nga mga bugay sa tawo kag sa iya mga ginaalagaran (tan-awa sa Doktrina kag mga Kasugtanan 18:14–16).
Ginapangabay sang Ginuo sa tagsa ka nagakaangay, makasarang nga lamharon nga lalaki nga maghanda kag magserbisyo sa misyon.
Ginaabi-abi man sang Ginuo ang nagakaangay, makasarang nga lamharon nga mga babayi nga magserbisyo sa misyon kon gusto nila.
Ginakinahanglan man ang senior missionaries kag ginapaisog nga maghanda sa pagserbisyo.
24.1
Ang Tawag nga Magserbisyo
Ginarepresentar sang mga misyonero ang Ginuo kag kinahanglan nga tawgon paagi sa husto nga awtoridad (tan-awa sa Doktrina kag mga Kasugtanan 42:11; Mga Artikulo sang Pagtuo 1:5). Ang tawag nga magserbisyo sa misyon masami ginatanyag sang Pangulo sang Simbahan. Sa mga senior service missionary, ang tawag ginahatag sang stake president.
24.2
Mga Missionary Assignment
Ang tawag nga magserbisyo sa misyon may upod nga partikular nga asaynment. Lainlain ining mga asaynment.
24.2.1
Lamharon nga mga Teaching Missionary
Kalabanan sa mga hubin pa nga misyonero ginaasayn para magtudlo sang ebanghelyo malayo sa ila puluy-an. Ini nga mga asaynment ginahatag paagi sa rebelasyon sa mga Apostoles. Ining mga misyonero nagaalagad sa idalom sang direksyon sang mission president.
24.2.2
Lamharon nga mga Service Missionary
Pila sa hubin pa nga mga misyonero ginaasayn sa pagserbisyo sa Simbahan kag sa komunidad samtang ara lang sa ila lugar. Ini nga mga asaynment ginahatag paagi sa rebelasyon sa mga Apostoles kag ginahatag sa mga manugmisyon nga ang mga sirkumstansya bagay gid sa service mission (tan-awa sa 24.3.3).
24.2.3
Mga Senior Missionary
Ang tanan nga senior missionary ginapaisog sa pagpangita sang mga tawo nga tudloan kag buligan sila nga maghanda para sa bunyag. Ang mga senior missionary pwede man iasayn sa pagsuporta sang:
-
Mga miyembro kag sang area kag lokal nga mga lider.
-
Mga departamento kag pasilidad sang Simbahan.
-
Mga organisasyon nga nagahatag sang tawhanon nga bulig.
Wala ginapangayo sa mga senior missionary nga mag-obra sa pareho nga kalawigon sang oras, sa paghimo sang pareho nga aktibidades, ukon sa pagtuman sang pareho nga mga ginapaabot sa hubin nga mga misyonero.
Ang mga asaynment sang mga senior missionary ginahatag paagi sa rebelasyon sa mga Apostoles. Ang mga manugmisyon pwede maghambal sang gusto nila nga asaynment pero dapat mangin handa sa pagbaton sang bisan ano nga asaynment.
24.2.4
Mga Senior Service Missionary
Dugang pa sa ila mga calling sa ila kaugalingon nga ward ukon stake, ang mga miyembro pwede nga mag-alagad sa Ginuo bilang mga senior service missionary. Ining mga misyonero nagahatag sang malahalon nga serbisyo sa mga departamento, pasilidades, kag mga misyon sang Simbahan (tan-awa sa 24.7.1). Nagaistar sila sa ila balay.
Ang mga senior service missionary ginatawag sang stake president. Nagaserbisyo sila sa idalom sang iya direksyon. Ang kalawigon sang ila pagserbisyo kada semana nagadepende sa ila ikasarang, sa mga oportunidad sa pagserbisyo sa ila nga area, kag sa direksyon sang Area Presidency.
24.2.5
Ang Kabilogan sang mga Asaynment sang mga Misyonero
Ang masunod nga tsart nagalaragway sang mga klase sang asaynment sang misyonero.
|
Lamharon nga mga Teaching Missionary |
Lamharon nga mga Service Missionary |
Senior Missionary |
Senior Service Missionary | |
|---|---|---|---|---|
|
Ginatawag sang | Lamharon nga mga Teaching Missionary Pangulo sang Simbahan | Lamharon nga mga Service Missionary Pangulo sang Simbahan | Senior Missionary Pangulo sang Simbahan | Senior Service Missionary Stake president |
|
Ginaasayn sang | Lamharon nga mga Teaching Missionary Apostoles | Lamharon nga mga Service Missionary Apostoles | Senior Missionary Apostoles | Senior Service Missionary Stake president |
|
Gina-set apart sang | Lamharon nga mga Teaching Missionary Stake president | Lamharon nga mga Service Missionary Stake president | Senior Missionary Stake president | Senior Service Missionary Stake president ukon manuglaygay |
|
Nagaistar sa | Lamharon nga mga Teaching Missionary Layo sa ila balay | Lamharon nga mga Service Missionary Sa ila balay | Senior Missionary Layo sa ila balay ukon sa balay | Senior Service Missionary Sa ila balay |
|
Lider sa Simbahan | Lamharon nga mga Teaching Missionary Mission president ukon historic site president | Lamharon nga mga Service Missionary Stake president | Senior Missionary Mission, temple, ukon historic site president; ukon Area President | Senior Service Missionary Stake president |
|
Nagareport sa | Lamharon nga mga Teaching Missionary Mission president ukon historic site president | Lamharon nga mga Service Missionary Service mission leader | Senior Missionary Mission, temple, ukon historic site president; Area President; visitors’ center director; ukon sa manager sang departamento ukon pasilidad sang Simbahan | Senior Service Missionary Manager sang service assignment |
|
Mga requirement sa edad | Lamharon nga mga Teaching Missionary 18–25 (mga lalaki) | Lamharon nga mga Service Missionary 18–25 (mga lalaki) | Senior Missionary 40 pataas kon kasado ukon sister nga wala sang bana | Senior Service Missionary 26 pataas |
24.3
Paghanda kag Pagkwalipikar nga Maglakat sa Misyon
Ginapaisog ang palaabuton nga mga misyonero nga magmisyon tungod sang ila pagpalangga sa Ginuo kag sa Iya mga anak. Dapat pamilyar sila sa missionary recommendation interview questions.
24.3.1
Pagkahaylo kay Jesucristo
Ginatinguhaan sang palaabuton nga mga misyonero nga pabakuron ang ila pagkahaylo kay Jesucristo kag sa Iya ginpanumbalik nga ebanghelyo.
24.3.2
Pagpasar sang mga Talaksan sang Katakos
Ginatinguhaan sang palaabuton nga mga misyonero nga mangin angayan sa pagpakig-upod sang Espiritu. Kinahanglanon ini para sa epektibo nga pagserbisyo bilang misyonero (tan-awa sa Doktrina kag mga Kasugtanan 42:13–14).
24.3.2.1
Paghinulsol
Ang paghinulsol nagapangayo sang paggamit sang pagtuo kay Cristo, nga may matuodtuod nga tinutuyo, kag pagtuman sang mga kasuguan. Dala diri ang pagkumpisar kag pagsikway sang sala. Para sa seryoso nga mga sala, ang paghinulsol nagapangayo sang pagkumpisar sa bishop ukon stake president.
Ang tawo nga nagahinulsol ginapatawad kag ginatinluan paagi sa Pagbayad-Sala kag grasya ni Jesucristo. Wala na ginadumdom sang Ginuo ang sala. (Tan-awa sa Isaias 43:25; Jacob 6:5; Alma 34:15–17; Helaman 5:10–11; Doktrina kag mga Kasugtanan 58:42–43. Tan-awa man sa 32.1 sa sini nga libro.)
Ang manugmisyon kinahanglan nga nakahinulsol na sang seryoso nga sala antes ipasa sang stake president ang iya rekomendasyon (tan-awa sa 32.6; tan-awa man sa 24.4.4). Ang proseso sang paghinulsol may igo nga tiyempo para mapakita sang tawo paagi sa matarong nga pagpangabuhi nga nabaton niya ang espiritu ni Cristo padulong sa kapatawaran sang mga sala.
24.3.3
Pisikal, Mental, kag Emosyunal nga Ikaayo
Mabudlay ang buluhaton sang misyonero. Ang lamharon nga mga teaching missionary kinahanglan komitido kag makasarang sa pisikal, mental, kag emosyunal sa pagtrabaho sa bilog nga iskedyul sang misyonero.
24.3.4
Pinansyal
24.3.4.1
Pinansyal nga Suporta para sa Lamharon nga mga Misyonero nga Nagaserbisyo Malayo sa Iya Puluy-an
Ang mga manugmisyon nga naghanda suno sa ila ikasarang indi dapat madugayan sa paglakat tungod sa pinansyal nga mga rason. Ang mga nagakinahanglan sang pinansyal nga bulig para makompleto ang kinahanglan nga kontribusyon pwede nga magpabulig sa mga paryente kag kaabyanan.
Kon kulang gihapon, ang bishop ukon stake president pwede nga magpangayo sa mga miyembro sa ward ukon stake nga mag-amot sa ward missionary fund.
Ang lokal nga badyet sang yunit ukon pondo sa fast-offering indi pwede nga gamiton.
Ginpangako nga bulanan nga kontribusyon. Ang lamharon nga mga misyonero kag ang ila mga pamilya nagaamot sang partikular nga balor kada bulan para makabulig sa gasto sa pangmisyonaryo nga programa.
Ang mga kontribusyon ginapaagi sa ward missionary fund. Ginasiguro sang mga bishop nga ang mga kontribusyon ginahatag kada bulan. Ang pondo nga masobra sa bulanan nga kontribusyon indi dapat pag-iamot sing abanse. Ang pondo nga gin-abanse hatag indi na mabalik kon magtemprano puli ang misyonero.
Mga galastuhan sa misyon. Kada bulan, ang lamharon nga mga misyonero nagabaton sang pondo halin sa misyon para sa pagkaon, plete, kag iban pa nga mga galastuhan. Sagrado ini nga pondo. Ginagamit lang ini sang mga misyonero para sa mga galastuhan nga may labotsa misyon. Indi ini dapat paggamiton para sa personal nga galastuhan, supton, ukon ipadala sa mga miyembro sang pamilya ukon sa iban. Ginabalik sang mga misyonero sa misyon ang bisan ano nga pondo nga indi nila kinahanglan.
Ginagamit sang mga misyonero ang personal nga kuwarta para sa iban pa nga galastuhan. Ining personal nga mga gasto dapat hagan-haganon lang. (Tan-awa sa Missionary Standards for Disciples of Jesus Christ, 4.8.)
24.3.4.2
Pinansyal nga Suporta para sa mga Senior Missionary nga Nagaserbisyo Malayo sa Ila Puluy-an
Ginpangako nga bulanan nga kontribusyon. Ang mga senior missionary nga nagaserbisyo malayo sa ila puluy-an nagaamot sa ila home ward missionary fund kada bulan. Ini nga mga kontribusyon nagabulig bayad para sa ilistaran kag salakyan.
Ginasiguro sang mga bishop nga ang mga kontribusyon ginahatag kada bulan. Ang pondo nga masobra sa bulanan nga kontribusyon indi dapat pag-iamot sing abanse.
Dugang nga mga gasto. Dugang pa sa ginpangako nga bulanan nga kontribusyon, nga ginagamit sa pagbayad sang ilistaran kag salakyan, ang mga senior missionary dapat ang magsabat sang tanan nga iban pa nga galastuhan, dala na ang pagkaon.
24.3.4.3
Pinansyal nga Suporta para sa mga Misyonero nga Nagaserbisyo sa Ila Lugar
Ang mga misyonero nga nagaserbisyo sa ila lugar ang responsable sa tanan nila nga pinansyal nga mga kinahanglanon.
24.3.4.4
Medical Insurance kag Gasto sa Pagpabulong
Ang tanan nga misyonero ginapaisog nga mentinaron ang ila karon medical insurance kon posible, dala ang lamharon nga mga misyonero.
Ang mga misyonero nga nagaserbisyo sa ila lugar kinahanglan magtigana para sa ila pagpabulong kag iban pa nga insurance. Ang mga senior missionary nga nagaserbisyo sa iban nga lugar kinahanglan man nga magpanigana sini para sa ila kaugalingon. Ang mga senior missionary nga magaserbisyo sa gwa sang pungsod pwede nga magkuha sang insurance paagi sa Senior Service Medical Plan.
24.3.5
Ang Papel sang mga Miyembro sang Pamilya kag mga Lider sa Paghanda sang mga Misyonero
Ang mga miyembro sang pamilya, mga bishop, kag iban pa nga mga lider nagabulig sa mga lamharon nga maghanda para sa misyon.
Ginapaisog sang mga miyembro sang pamilya kag mga lider ang tanan nga manugmisyon nga tun-an ang:
-
Libro ni Mormon kag iban pa nga balaan nga kasulatan.
-
Preach My Gospel.
-
Safeguards for Using Technology.
Ginabuligan sang mga miyembro sang pamilya kag mga lider ang tanan nga manuglakat nga magpangako nga sundon ang mga patakaran sa misyon. Ginapaisog nila ang mga manugmisyon nga tun-an ang libro sang mga patakaran sa misyon parte sa ila posible nga asaynment:
-
Para sa lamharon mga mga misyonero: Missionary Standards for Disciples of Jesus Christ
24.4
Pagrekomendar sang mga Misyonero
24.4.1
Pag-eksamin sang Ikaayong-Lawas
Ang tanan nga manugmisyon kinahanglan nga magpatan-aw sa mga propesyunal sa medikal para siguraduhon ang ila ikaayong-lawas.
24.4.2
Mga Interbyu kag Recommendation Form
Ang bishop kag stake president nagahiwat sang maid-id, nagapangusisa sa espirituhanon, kag nagapapagsik nga mga interbyu sa kada kandidato para sa misyon. Ginagamit nila ang missionary recommendation interview questions.
Ginarebyu man sang bishop kag stake president ang impormasyon parte sa talaksan sang pagkaangayan kag kahanda sa ikaayong-lawas sa Missionary Online Recommendation System. Ang bishop kag stake president wala na nagadugang sang bisan ano pa nga basehan kon nagakadapat ang manugmisyon. Wala man nila ginaislan ang mga pamangkot sa interbyu.
Kon may pagpang-alang-alang ang bishop kag stake president parte sa manugmisyon kon nagakaangay sia ukon handa sa ikaayong-lawas, ginahambalan nila ini upod ang natungdan. Upod ang pahanugot sang lamharon nga manugmisyon, pwede man nila ini istoryahan upod sa iya mga ginikanan. Ang bishop kag stake president indi magpasa sang rekomendasyon kon ang tawo wala pa makahinulsol sa seryoso nga sala (tan-awa 24.3.2.1). Depende sa pisikal, mental, ukon emosyunal nga kondisyon sang tawo, pwede nila hambalan ang posibilidad nga maasayn sia bilang service missionary.
Sa mga kaso nga ginadalian kon wala ang bishop ukon stake president, pwede niya hatagan sang awtoridad ang isa sang iya mga manuglaygay nga hiwaton ini nga mga interbyu.
Sa mga district, ang mission president ukon naasayn nga manuglaygay ang nagainterbyu kag nagarekomendar sang mga manugmisyon. Wala nagahiwat sining mga interbyu ang mga district president.
24.4.4
Ang mga Indi Makalakat bilang Full-Time nga mga Misyonero
Kon kaisa ang miyembro nga gusto magserbisyo pwede nga indi pagtawgon bilang full-time nga misyonero. Mahimo nga tungod ini sa mga problema sa ikaayong-lawas, wala makapasar sa talaksan sang katakos, legal nga mga isyu, ukon iban pa nga sirkumstansya. Pwede nga ipaiway na lang sang stake president ang iya pagserbisyo sa full-time nga misyon.
24.5
Pagkatapos Makabaton sang Mission Call
Ang bag-o lang gintawag nga magmisyon ginapaisog nga basahon ukon basahon liwat ang Libro ni Mormon antes magsugod sang ila misyon. Ginasunod nila ang laygay ni Haring Benjamin nga “bantayan ang inyo mga kaugalingon, kag ang inyo mga panghunahuna, kag ang inyo mga pulong, kag ang inyo mga buhat” (Mosias 4:30).
24.5.1
Endowment sa Templo kag Pagserbisyo sa Templo
Kon ang bag-ong tawag nga mga misyonero wala pa makabaton sang ordinansa nga endowment sa templo, dapat nila ini himuon antes magsugod ang ila misyon kon diin posible (tan-awa sa Doktrina kag mga Kasugtanan 43:15–16; 105:33). Dala diri ang mga service missionary kon nagakabagay sa ila mga sirkumstansya.
Ang bag-ong tawag nga mga misyonero nga endowed pwede nga magserbisyo bilang mga temple ordinance worker antes magsugod ang ila misyon kon nagakabagay (tan-awa sa 25.5).
24.5.2
Sakramento nga mga Miting
Ginaimbitar sang bishopric ang bag-o lang gintawag nga mga misyonero nga maghambal sa sakramento nga miting antes magsugod ang ila misyon. Regular ini nga sakramento nga miting. Ang tutok dapat sa sakramento kag sa Manluluwas.
24.5.3
Pagset-apart sang mga Misyonero
Ang stake president sa kon diin miyembro ang misyonero ang nagaset-apart sang tagsa ka misyonero sa petsa nga pinakalapit sa pagsugod sa iya nga misyon. Sa ginadalian nga mga kaso kon wala ang stake president, pwede niya hatagan sang awtoridad ang isa sang iya mga manuglaygay nga iset-apart ang mga misyonero.
Ang mission president ukon isa sa iya mga manuglaygay ang nagaset-apart sang mga misyonero nga gintawag halin sa mga district sa iya nga misyon. Ang district president wala nagaset-apart sang mga misyonero.
Ang brother nga magaserbisyo sa malayo dapat nakabaton sang Melchizedek Priesthood antes sia iset-apart bilang misyonero. Ang brother nga magaserbisyo bilang service missionary dapat nagakapot sang Melchizedek Priesthood kon nagakabagay sa iya mga sirkumstansya.
24.6
Pagserbisyo nga Malayo sa Puluy-an
24.6.2
Sa Mission Field
24.6.2.5
Mga Pangabay nga Suportahan ang Iban sa Pinansyal ukon sa Pag-eskwela ukon Paggwa sa Pungsod
Ang mga misyonero kag ang ila mga pamilya indi dapat maghatag sang pinansyal nga suporta sa mga nagaistar sa lugar kon diin nagaserbisyo ang mga misyonero, dala ang pinansyal nga suporta sa pag-eskwela. Indi man dapat mag-isponsor ang mga misyonero kag ang ila mga pamilya sang mga tawo nga gusto magsaylo sa iban nga pungsod (tan-awa sa 38.8.19).
24.6.2.8
Mga Membership Record kag Ikapulo
Nagapabilin sa home ward sang misyonero ang iya membership record. Ang iya man nga home ward ang nagarekord sang iya estado sa ikapulo. Wala nagabayad sang ikapulo ang mga misyonero halin sa support nga ginabaton nila halin sa misyon. Pero, nagabayad sila sang ikapulo kon may ara sila sang personal nga kita.
24.6.3
Pagpauli Halin sa Misyon
24.6.3.1
Pagpauli Suno sa Orihinal nga Iskedyul
Ang mga misyonero kag ang mga miyembro sang ila pamilya indi dapat magpangayo sang temprano nga pagpauli ukon pagpalawig sang pagserbisyo para sa ila personal nga bentaha.
Ang lamharon nga mga misyonero dapat nga magrekta pauli halin sa ila mga misyon. Ang iban pa nga biyahe pwede lang aprubahan kon ang misyonero may upod nga bisan isa lang ka ginikanan ukon guardian.
Wala gina-release ang mga misyonero tubtob indi sila maka-report sa ila stake president. Ginasunod nila ang mga patakaran sang mga misyonero tubtob sina nga tion.
24.6.3.2
Pagpauli sang Temprano
Ang iban nga mga misyonero gina-release temprano tungod sa mga rason sang ikaayong-lawas, katakos, ukon iban pa. Nagahatag ang mga bishop kag stake president sang espesyal nga suporta sa sining nagbalik nga mga misyonero. Ginabuligan sila sang mga lider nga mag-ayo ang lawas ukon makabalik sa pagserbisyo kon mahimo.
24.7
Mga Service Mission
24.7.1
Paghibalo sang mga Oportunidad para sa mga Service Missionary
Ang bishop, stake president, kag service missionary nagahambalanay para hibaluon ang lokal nga mga oportunidad sa pagserbisyo. Para sa lamharon nga mga service missionary, ang service mission leader kag ang mga ginikanan ukon guardian sang misyonero nagapartisipar sa diskusyon.
24.8
Pagkatapos sang Pagserbisyo sa Misyon
24.8.2
Missionary Release Interview
Ang stake president ang naga-release sang mga misyonero kag nagahiwat sang release interview. Sa mga district, masami ang mission president ukon ang gin-asayn nga manuglaygay ang naga-release sang mga misyonero.
Ang masunod nga mga giya sa sining interbyu basi makabulig.
-
Paisoga sila nga padayunon ang bilog-kabuhi nga pagkadisipulo ni Jesucristo.
-
Laygayi sila nga padayunon ang maayo nga mga pangginawi nga ila natun-an bilang misyonero.
-
Paisoga sila nga paminsaron kag handaan ang palaabuton, pati ang edukasyon kag trabaho para sa lamharon nga mga misyonero.
-
Paisoga sila nga magpangabuhi pirme nga angayan sa pagkapot sang temple recommend.
24.8.4
Mga Callling
Ang mga lider maabtik nga nagahatag sang mga ministering assignment kag mga calling sa bag-o lang narelease nga mga misyonero. Dala diri ang buluhaton bilang temple ordinance worker kon mahimo (tan-awa sa 25.5).
24.9
Mga Bulig sa Pagrekomendar kag Pag-alagad sang Misyonero
24.9.2
Mga Website
-
MissionaryRecommendations.ChurchofJesusChrist.org (para lamang sa lokal nga mga lider kag mga manugmisyon)