“24. Rekòmandasyon ak sèvis misyonè,” Seleksyon nan Manyèl Jeneral la (2023).
“24. Rekòmandasyon ak sèvis misyonè,” Seleksyon nan Manyèl Jeneral la.
24.
Rekòmandasyon ak Sèvis Misyonè
24.0
Entwodiksyon
Nan tan lontan, Senyè a te bay tach pou rasanble Izrayèl pami “tout nasyon, batize yo nan non Papa a, ak Pitit la, ak Sentespri a” (Matye 28:19; gade tou vèsè 20). Senyè a renouvle tach sa a nan dènye jou sa yo (gade Doktrin ak Alyans 39:11; 68:6–8; 112:28–30).
Sèvi Senyè a kòm yon misyonè se yon privilèj sakre. Sa pote benediksyon etènèl pou moun nan ak moun li sèvi yo (gade Doktrin ak Alyans 18:14–16).
Senyè a mande tout jèn gason diy ki kapab, pou prepare l pou l sèvi yon misyon.
Senyè a envite jènfi diy ki kapab yo tou pou yo sèvi misyon si yo vle.
Nou bezwen misyonè aje tou epi nou ankouraje pou yo prepare yo pou sèvi.
24.1
Aple pou Sèvi a
Misyonè yo reprezante Senyè a epi yo dwe aple pa otorite apwopriye a (gade Doktrin ak Alyans 42:11; Atik Lafwa 1:5). Se jeneralman Prezidan Legliz la ki bay apèl pou sèvi yon misyon. Pou sèvis misyonè aje yo, se prezidan pieu a ki bay apèl la.
24.2
Afektasyon Misyonè
Apèl pou sèvi kòm yon misyonè a enkli yon afektasyon byen presi. Afektasyon sa yo varye grandman.
24.2.1
Jèn Misyonè pou Ansèyman
Pifò jèn misyonè yo gen tach pou yo anseye levanjil la lwen lakay yo. Se Apot yo ki resevwa tach sa yo pa revelation. Misyonè sa yo sèvi sou direksyon yon prezidan misyon.
24.2.2
Jèn Misyonè Sèvis
Gen kèk jèn misyonè ki gen tach pou sèvi nan Legliz la ak nan kominote a pandan y ap viv lakay yo. Se Apot yo ki resevwa tach sa yo pa revelasyon epi yo pwopoze yo pou kandida ki gen sikonstans ki pi byen adapte pou yon misyon sèvis (gade 24.3.3).
24.2.3
Misyonè Aje
Yo ankouraje tout misyonè aje yo pou yo jwenn moun pou yo anseye epi ede yo prepare pou yo batize. Misyonè aje yo ka asiyen tou pou pote sipò pou:
-
Manm yo ak dirijan lokal ak dirijan entèrejyon.
-
Depatman ak batiman Legliz yo.
-
Oganizasyon Charitab.
Yo pa mande misyonè aje yo pou yo travay menm lè, akonpli tout aktivite, oswa satisfè menm atant avèk jèn misyonè yo.
Se Apot yo ki resevwa tach pou misyonè aje yo pa revelasyon. Kandida yo ka eksprime yon preferans pou yon tach men yo ta dwe dispoze pou aksepte nenpòt tach yo ba yo.
24.2.4
Sèvis Misyonè Aje yo.
Anplis apèl nan pawas lakay yo oswa pieu yo, manm yo ka sèvi Senyè a kòm Misyonè sèvis Aje tou. Misyonè sa yo bay sèvis enpòtan nan depatman Legliz yo, nan batiman yo, ak nan misyon yo (gade 24.7.1). Yo viv lakay yo.
Misyonè sèvis aje yo aple pa prezidan pieu a. Yo sèvi anba direksyon li. Kantite tan yo sèvi chak semèn depann de kapasite yo, opòtinite sèvis nan zòn yo a, ak direksyon Prezidans Entèrejyon nan.
24.2.5
Rezime sou Tach Misyonè
Tablo sa a rezime tip afektasyon pou misyonè yo.
|
Jèn Misyonè Ansèyman |
Jèn Misyonè Sèvis |
Misyonè Aje |
Misyonè Sèvis Aje | |
|---|---|---|---|---|
|
aple pa | Jèn Misyonè Ansèyman Prezidan Legliz la | Jèn Misyonè Sèvis Prezidan Legliz la | Misyonè Aje Prezidan Legliz la | Misyonè Sèvis Aje Prezidan Pieu |
|
Asiyen pa | Jèn Misyonè Ansèyman Yon Apòt | Jèn Misyonè Sèvis Yon Apòt | Misyonè Aje Yon Apòt | Misyonè Sèvis Aje Prezidan Pieu |
|
mizapa pa | Jèn Misyonè Ansèyman Prezidan Pieu | Jèn Misyonè Sèvis Prezidan Pieu | Misyonè Aje Prezidan Pieu | Misyonè Sèvis Aje Prezidan pieu oswa konseye |
|
Abite | Jèn Misyonè Ansèyman Lwen lakay | Jèn Misyonè Sèvis Lakay | Misyonè Aje Lwen lakay oswa lakay | Misyonè Sèvis Aje Lakay |
|
Dirijan eklezyastik | Jèn Misyonè Ansèyman Prezidan misyon oswa prezidan sit istorik | Jèn Misyonè Sèvis Prezidan Pieu | Misyonè Aje Prezidan misyon, tanp, oswa sit istorik; oswa Prezidan entèrejyon an | Misyonè Sèvis Aje Prezidan Pieu |
|
Fè Rapò bay | Jèn Misyonè Ansèyman Prezidan misyon oswa prezidan sit istorik | Jèn Misyonè Sèvis Dirijan Misyon Sèvis | Misyonè Aje Prezidan misyon, tanp, oswa prezidan sit istorik; Prezidan Entèrejyon; direktè sant vizitè; oswa manadjè yon depatman oswa fasilite Legliz la. | Misyonè Sèvis Aje Responsab Tach pou Sèvis la |
|
Kondisyon pou Laj | Jèn Misyonè Ansèyman 18–25 (gason) | Jèn Misyonè Sèvis 18–25 (gason) | Misyonè Aje 40 oswa pi gran si l marye oubyen se se yon sè selibatè | Misyonè Sèvis Aje 26 oswa plis |
24.3
Prepare ak Kalifye pou Sèvi yon Misyon
Yo ankouraje misyonè potansyèl yo pou yo sèvi yon misyon akoz lanmou yo pou Senyè a ak pou pitit Li yo. Yo ta dwe abitye yo avèk kesyon entèvyoupou rekòmandasyon misyonè yo.
24.3.1
Konvèsyon nan Jezikri
Misyonè potensyèl yo fè efò pou yo ranfòse konvèsyon yo nan Jezikri ak nan levanjil retabli L la.
24.3.2
Respekte Prensip Diyite yo
Misyonè potansyèl yo fè efò pou yo merite konpayi Lespri a. Sa nesesè pou sèvis misyonè ki efikas (gade Doktrin ak Alyans 42:13–14).
24.3.2.1
Repantans
Repantans mande pou egzèse lafwa nan Kris la, gen entansyon reyèl, epi respekte kòmandman yo. Li gen ladan konfese ak abandone peche. Pou peche grav, repantans mande pou konfesyon baya evèk la oswa prezidan pieu a.
Yon moun ki repanti jwenn padon epi li vin pwòp pwòp atravè Ekspyasyon ak lagras Jezikri. Senyè a pa sonje peche a ankò. (Gade Ezayi 43:25; Jakòb 6:5; Alma 34:15–17; Elaman 5:10–11; Doktrin ak Alyans 58:42–43. Gade tou 32.1 nan manyèl sa a.)
Yon kandida misyonè dwe te repanti pou peche grav anvan prezidan pieu a ka soumèt rekòmandasyon li (gade 32.6; gade tou 24.4.4). Pwosesis repantans lan enkli ase tan pou moun nan montre atravè lavi jis ke li resevwa lespri Kris la pou remisyon peche a.
24.3.3
Sante Fizik, Mantal ak Emosyonèl
Travay misyonè difisil. Jèn misyonè k ap anseye yo dwe angaje epi yo dwe fizikman, mantalman, ak emosyonèlman kapab travay nan tout orè travay misyonè a.
24.3.4
Finans
24.3.4.1
Finansman Jèn Misyonè k ap Sèvi Lwen Lakay yo
Jèn kandida ki prepare selon kapasite yo pa ta dwe retade pou yo sèvi pou rezon finansye. Moun ki bezwen èd finansye pou respekte angajman pou vèsman yo ka resevwa èd nan men fanmi ak zanmi yo.
Si sa nesesè, evèk la oswa prezidan pieu a ka mande manm nan pawas oswa pieu a pou yo kontribye nan fon misyonè pawas la.
Yo pa dwe itilize bidjè inite lokal yo ak fon ofrann jèn yo.
Angajman vèsman chak mwa. Jèn misyonè k ap anseye yo ak fanmi yo kontribye yon montan espesifik chak mwa pou ede kouvri depans pwogram misyonè yo a.
Kontribisyon yo fèt nan fon misyonè pawas la. Evèk yo verifye ke vèsman yo chak mwa. Yo pa dwe vèse yon montan pi plis alavans chak mwa. Nou p ap ka ranbouse fon ki vèse alavans yo si misyonè a ap retounen lakay li anvan lè.
Depans nan chan misyon an. Chak mwa, jèn misyonè yo resevwa lajan nan men misyon an pou manje, transpò ak lòt depans pou yo viv. Lajan sa yo sakre. Misyonè yo dwe itilize yo sèlman pou rezon ki gen rapò avèk misyon an. Yo pa dwe itilize yo pou depans pèsonèl, pou ekonomize oswa voye bay manm fanmi yo oswa lòt moun. Misyonè yo dwe retounen bay misyon an nenpòt lajan yo pa bezwen.
Misyonè yo dwe itilize lajan pèsonèl yo pou kouvri lòt depans yo. Depans pèsonèl sa yo ta dwe minim. (Gade Prensip Misyonè pou Disip Jezikri yo, 4.8.8.)
24.3.4.2
Finansman Misyonè Aje k ap sèvi lwen lakay ou
Angajman kontribisyon chak mwa. Misyonè aje k ap sèvi lwen lakay yo kontribye nan fon misyonè pawas yo chak mwa. Kontribisyon sa yo ede kouvri depans lojman ak machin.
Evèk yo verifye ke vèsman yo chak mwa. Yo pa dwe vèse yon montan pi plis alavans chak mwa.
Lòt depans. Anplis angajman kontribisyon chak mwa a, ki ede kouvri depans lojman ak machin yo, misyonè aje yo dwe konplètman kouvri tout lòt depans yo, enkli manje.
24.3.4.3
Finansman misyonè k ap sèvi lakay yo
Misyonè k ap sèvi lakay yo gen responsab pou tout bezwen finansye yo.
24.3.4.4
Asirans ak Depans Medikal
Yo grandman ankouraje tout misyonè yo pou yo kenbe asirans medikal aktyèl yo a si sa posib, enkli jèn misyonè yo.
Misyonè k ap sèvi lakay yo dwe genyen pwòp asirans medikal pa yo ak lòt asirans. Misyonè aje k ap sèvi lwen lakay yo dwe genyen asirans sa a tou. Misyonè aje ki pral sèvi andeyò peyi yo ka jwenn asirans atravè Plan Medikal pou Sèvis Misyonè Ajea.
24.3.5
Wòl manm fanmi ak dirijan yo nan Prepare Misyonè yo
Manm fanmi yo, evèk yo ak lòt dirijan yo ede jèn yo prepare pou sèvi yon misyon.
Manm fanmi yo ak dirijan yo ankouraje tout kandida misyonè yo pou yo etidye:
-
Liv Mòmon an ak lòt ekriti yo.
-
Prekosyon nan Itilizasyon Teknoloji.
Manm fanmi yo ak dirijan yo ede tout kandida yo angaje yo pou yo suiv règ misyon yo. Yo ankouraje kandida yo pou yo etidye manyèl ki dekri règ misyonè ki anrapò avèk responsablite pwobab yo:
-
Pou jèn misyonè k ap anseye yo: Règ misyonè pou Disip Jezikri yo
24.4
Rekòmande Misyonè
24.4.1
Evalyasyon Sante
Tout kandida yo oblije fè pwofesyonèl medikal evalye eta sante yo.
24.4.2
Entèvyou ak Fòm Rekòmandasyon
Evèk la ak prezidan pieu a fè entèvyou apwofondi e espirityèlman edifyan avèk chak kandida. Yo itilize kesyon entèvyou pou rekòmandasyon misyonè yo.
Evèk la ak prezidan pieu a revize enfòmasyon sou prensip diyite ak eta sante yo nan Sistèm Rekòmandasyon Misyonè yo Anliylan. Evèk la ak prezidan pieu a pa dwe ajoute okenn prensip kalifikasyon. Ni yo pa dwe chanje kesyon entèvyou yo.
Si evèk la ak prezidan pieu a gen enkyetid sou yon apwopo kandida a sou respè prensip diyite yo oswa sou preparasyon sante li, yo chita an konsèy ansanm epi avèk moun nan. Avèk pèmisyon yon jèn kandida, yo ka chita avèk paran l tou. Evèk la ak prezidan pieu a pa dwe soumèt yon rekòmandasyon an jiskaske moun nan repanti pou peche grav (gade 24.3.2.1). Depandan de sante fizik, mantal, oswa emosyonèl moun nan, yo ka pale sou posiblite pou yo chwazi li kòm misyonè sèvis.
Nan ka ijan kote evèk la oswa prezidan pieu a pa disponib, li ka otorize youn nan konseye l yo pou yo fè entèvyou sa yo.
Nan distri yo, prezidan misyon an oswa yon konseye ki deziyen fè entèvyou yo epi rekòmande kandida misyonè yo. Prezidan distri yo pa fè intèvyou sa yo.
24.4.4
Moun ki pa kapab sèvi kòm Misyonè aplentan yo
Pafwa yon manm ki vle sèvi gen dwa pa aple kòm misyonè aplentan. Se ka akòz pwoblèm sante, oubyen l pa satisfè prensip diyite yo, oubyen pou pwoblèm legal, oswa lòt sikonstans. Prezidan pieu a ka dispanse l de sèvis misyonè aplentan.
24.5
Apre w fin Resevwa yon Apèl Misyon
Yo ankouraje misyonè ki fèk aple yo pou yo li oswa reli Liv Mòmon an anvan yo kòmanse misyon yo a. Yo suiv konsèy Wa Benjamen an pou yo “veye tèt nou, ak panse nou, ak pawòl nou yo, ak aksyon nou yo” (Mozya 4:30).
24.5.1
Dotasyon Tanp ak Sèvis nan Tanp
Si nouvo misyonè ki fèk aple yo pa t resevwa òdonans dotasyon tanp lan, yo dwe fè sa anvan yo kòmanse sèvis misyonè a kote sa posib (gade Doktrin ak Alyans 43:15–16; 105:33). Sa enkli misyonè sèvis yo si sa apwopriye pou sitiyasyon yo.
Nouvo misyonè ki fèk aple ki dote yo ka sèvi kòm ouvriye òdonans tanp anvan yo kòmanse misyon sèvis yo a, si sa apwopriye (gade 25.5).
24.5.2
Reyinyon Sentsèn
Episkopa a envite nouvo misyonè ki fèk aple yo pou yo pale nan reyinyon Sentsèn anvan yo kòmanse misyon yo a. Se yon reyinyon Sentsèn regilye. Konsantrasyon an dwe rete sou sentsèn nan ak Sovè a.
24.5.3
Mizapa Misyonè
Prezidan pieu lokal la fè mizapa pou chak misyonè tou pre dat misyon li pral kòmanse. Nan ka ijan kote prezidan pieu a pa disponib, li ka otorize youn nan konseye l yo pou l fè mizapa pou misyonè yo.
Prezidan misyon an oswa youn nan konseye l yo fè mizapa pou misyonè ki aple nan distri nan misyon l yo. Prezidan distri a pa mete misyonè apa.
Yon frè ki pral sèvi lwen lakay li dwe resevwa Prètriz Mèlkisdèk la anvan yo mete l apa kòm misyonè. Yon frè ki pral sèvi kòm misyonè sèvis dwe detni Prètriz Mèlkisedèk la si sa apwopriye pou sitiyasyon l lan.
24.6
Sèvis Lwen Lakay
24.6.2
Nan chan misyon an
24.6.2.5
Demann pou Sipòte Lòt Moun Finansyèman oswa avèk Lekòl oubyen Emigrasyon
Misyonè yo ak fanmi yo pa ta dwe bay sipò finansye pou moun k ap viv kote misyonè yo ap sèvi a, enkli sipò finansye pou lekòl. Ni misyonè yo ak fanmi yo pa dwe sponsorize moun ki anvi imigre nan lòt peyi (gade 38.8.19).
24.6.2.8
Rejis manm ak Dim
Pawas lokal yon misyonè dwe konsève rejis manm li. Pawas lokal la anrejistre si l peye dim li tou. Misyonè yo pa peye dim nan fon sipò yo resevwa nan misyon an. Sepandan, yo peye dim si yo gen nenpòt revni pèsonèl.
24.6.3
Retounen Lakay soti nan misyon
24.6.3.1
Retounen Lakay jan sa te Pwograme.
Misyonè yo ak manm fanmi yo pa ta dwe mande relèv alavans oswa ekstansyon sèvis pou benefis pèsonèl.
Jèn misyonè yo dwe vwayaje dirèkteman ale lakay yo soti nan misyon yo. Nenpòt lòt vwayaj ka apwouve sèlman si misyonè a akonpaye pa omwen yon paran oswa yon responsab.
Misyonè yo pa relve jiskaske yo rapòte bay prezidan pieu yo. Yo suiv prensip misyonè yo jiska lè sa a.
24.6.3.2
Retounen lakay bonè
Gen kèk misyonè ki relve bonè pou rezon sante, diyite, oswa lòt rezon ankò. Evèk yo ak prezidan pieu yo bay misyonè ki retounen sa yo sipò espesyal Dirijan yo ede yo travay pou reprann sante yo oswa retounen nan sèvis si sa posib.
24.7
Misyon Sèvis
24.7.1
Idantifye Opòtinite pou Sèvis Misyonè yo
Evèk la, prezidan pieu, ak misyonè sèvis yo chita an konsèy ansanm pou idantifye opòtinite pou sèvi nan nivo lokal yo. Pou jèn misyonè sèvis yo, yon dirijan misyon sèvis è ak paran oswa gadyen misyonè yo patisipe nan diskisyon an.
24.8
Apre Misyon Sèvis la
24.8.2
Entèvyou pou Relve Misyonè a
Prezidan pieu a relve misyonè yo epi li fè yon entèvyou relèv. Nan distri yo, jeneralman se prezidan misyon an oswa yon konseye li deziye ki relve misyonè yo.
Gid sa yo pou entèvyou sa a ka itil.
-
Ankouraje yo pou yo kontinye antanke disip JeziKri tout lavi yo.
-
Konsèye yo pou yo bati bon abitid yo te devlope antanke misyonè yo.
-
Ankouraje yo pou yo panse a prepare yo pou lavni, enkli edikasyon ak travay pou jèn misyonè yo.
-
Ankouraje yo pou yo toujou viv diy pou yon rekòmandasyon tanp.
24.8.4
Apèl
Dirijan yo bay misyonè ki fèk relve yo tach sèvis pastoral ak apèl byen rapid Sa enkli konsidere yo kòm ouvriye òdonans tanp si sa apwopriye (gade 25.5).
24.9
Resous pou Rekòmandasyon ak Sèvis Misyonè
24.9.2
Sit entènèt
-
MissionaryRecommendations.ChurchofJesusChrist.org (disponib pou dirijan lokal yo ak kandida misyonè yo sèlman)