“24. Te Rekomenteition Ibukiia Mitinare ao te Beku,” Ake a Rineaki man te Aeniboki ni Kabuta (2023).
“24. Te Rekomenteition Ibukiia Mitinare ao te Beku,” Ake a Rineaki man te Aeniboki ni Kabuta.
24.
Te Rekomenteition Ibukiia Mitinare ao te Beku
24.0
Kabwarabwaraana
N taai ake rimoa, te Uea e anga te mwioko ni ikotiia Iteraera mai ibuakoia, “botanaomata ni kabaneia, ni bwabetitoia nako nanon aran te Tama, ma te Nati, ma te Tamnei ae Raoiroi.” (Mataio 28:19; taraa naba kibu 20). Te Uea e a tia ni kabooua te mwioko anne ni boong aikai (taraa Reirei ao Berita aika Tabu 39:11; 68: 6–8; 112:28–30).
Te beku ibukin te Uea n riki bwa te mitinare bon te tibwanga ae tabu. E uota te kakabwaia ae akea tokina nakon te aomata ao naake a beku ibukin teuanne ke neienne (taraa Reirei ao Berita aika Tabu 18:14–16).
E tua te Uea bwa ni kabane ataeinimwaane, ake a tau a na katauraoi ibukin te beku n te mition.
Te Uea e butimwaiia naba ataeinaine aika a konaa ao n tau, ni beku n te mition ngkana a tangiria.
Mitinare aika a ikawai a kainnanoaki naba ao a kaungaaki bwa a na katauraoiia ni beku.
24.1
Te Wewete Nakon te Beku
Mitinare a tei ibukin te Uea ao a riai ni weteaki man te kariaiakaki ae eti (taraa Reirei ao Berita aika Tabu 42:11; Taekan te Onimaki 1:5). Te weewete ni beku n te mition e aki toki n nanako mai iroun Te Beretitenti n te Ekaretia. Ibukiia kaara ake mitinare n ibuobuoki, te wewete e kanakoaki mai iroun te titeiki beretitenti.
24.2
Tabeia Mitinare
Te weewete ni beku bwa te mitinare e raonaki ma katabeaki aika onoti. Katabeaki aikai a mwaiti aekakiia.
24.2.1
Kairake ni Mitinare aika a Anga Reirei
Angiia kairake ni mitinare a katabeaki bwa a na reirei te euangkerio n te tabo ae raroa ma mweengaia. Katabeaki aikai a karekeaki man te kaotioti nakoia Abotoro. Mitinare aikai a beku iaan ana kairiiri te beretitenti n te mition.
24.2.2
Kairake ni Mitinare ni Ibuobuoki
Tabeman kairake ni mitinare a katabeaki bwa a na beku n te Ekaretia ao n te komiunite ngkai a maeka ni mweengaia. Katabeaki aikai a karekeaki man te kaotioti nakoia Abotoro ao a kanakoaki nakoia ake a tauraoi are e bootau raoi nakon bwaai ake a rinanona ibukin te ibuobuoki n te mition (taraa 24.3.3).
24.2.3
Mitinare Ake Kaara
Ni kabane mitinare ake kaara a kaungaaki bwa a na kakaeiia aomata n reireiniia ao ni buokiia n tauraoi ibukin te bwabetito. A kona naba mitinare ake kaara n katabeaki bwa a na boutokaia:
-
Membwa ao taan kairiiri n te aono ao n te tabo.
-
Taabo ni mwakuri n te Ekaretia ao ana kateitei.
-
Bootaki ake a tabe ma te ibuobuoki.
Mitinare ake kaara a aki tuangaki bwa a na mwakuri n aoa aika tii te arona, karaoi mwakuri aika titebo, ke ni karaoa are e kaantaningaaki mai irouia mitinare aika kairake.
Katabeaki ibukiia mitinare aika kaara a karekeaki man te kaotioti nakoia Abotoro. Naake a katauraoi a kona ni kaota aekan te katabeaki are a tangiria ma a na kukurei ni butimwaai aekan nako katabeaki.
24.2.4`
Mitinare n Ibuobuoki aika Kaara
Irarikin are weteaia ni bon aia uoote ke titeiki n aia tabo, membwa a kona ni beku ibukin te Uea bwa mitinare ni ibuobuoki aika kaara. Mitinare aikai a anga ibuobuoki aika kakawaki n ana tabo ni mwakuri te Ekaretia, kateitei, ao mition (taraa 24.7.1). A maeka ni mweengaia.
Mitinare n Ibuobuoki aika kaara a weteaki iroun aia beretitenti n te titeiki. A beku iaan ana tararua. Mwaitin aia tai ni beku ni katoa wiiki e bon nakon aia konabwai, tauraoin te mwakuri n aia aono, ao te kairiiri man te Beretitentii n te Aono.
24.2.5
Kabwarabwaraan Tabeia Mitinare
Te taibora ae imwiina e kabwarabwarai aekakin katabeaki ibukiia mitinare.
|
Kairake ni Mitinare aika taan anga Rerei |
Kairake ni Mitinare n Ibuobuoki |
Mitinare aika Kaara |
Mitinare n Ibuobuoki aika Kaara | |
|---|---|---|---|---|
|
A weteaki Iroun | Kairake ni Mitinare aika taan anga Rerei Beretitenti n te Ekaretia | Kairake ni Mitinare n Ibuobuoki Beretitenti n te Ekaretia | Mitinare aika Kaara Beretitenti n te Ekaretia | Mitinare n Ibuobuoki aika Kaara Titeiki beretitenti |
|
Anganaki katabeaia iroun | Kairake ni Mitinare aika taan anga Rerei Te Abotoro | Kairake ni Mitinare n Ibuobuoki Te Abotoro | Mitinare aika Kaara Te Abotoro | Mitinare n Ibuobuoki aika Kaara Titeiki beretitenti |
|
A kaokoroaki iroun | Kairake ni Mitinare aika taan anga Rerei Titeiki beretitenti | Kairake ni Mitinare n Ibuobuoki Titeiki beretitenti | Mitinare aika Kaara Titeiki beretitenti | Mitinare n Ibuobuoki aika Kaara Te titeiki beretitenti ke te kauntira |
|
A maeka | Kairake ni Mitinare aika taan anga Rerei N raroanako man te mweenga | Kairake ni Mitinare n Ibuobuoki N te mweenga | Mitinare aika Kaara N raroanako man te mweenga ke n tiku n te mweenga | Mitinare n Ibuobuoki aika Kaara N te mweenga |
|
Te tia kairiri n te Ekaretia | Kairake ni Mitinare aika taan anga Rerei Te beretitenti n te mition ke te beretitenti n te tabo n rongorongon rimoa | Kairake ni Mitinare n Ibuobuoki Titeiki beretitenti | Mitinare aika Kaara Te beretitenti n te mition, tembora, ke te beretitenti n te tabo n rongorongon rimoa; ke Beretitenti n Aono | Mitinare n Ibuobuoki aika Kaara Titeiki beretitenti |
|
Ribooti nakon | Kairake ni Mitinare aika taan anga Rerei Te beretitenti n te mition ke te beretitenti n te tabo n rongorongon rimoa | Kairake ni Mitinare n Ibuobuoki Tia kairiiri n ibuobuoki n te mition | Mitinare aika Kaara Te beretitenti n te mition, tembora, ke te beretitenti n te tabo n rongorongon rimoa; Beretitenti n te Aono; tarekita n te tienta ni kaakawari; ke te manatia n ana tabo ni mwakuri te Ekaretia ke te kateitei | Mitinare n Ibuobuoki aika Kaara Te manatia ni kanakoan katabeaki n te ibuobuoki |
|
Te ririki ae katauaki | Kairake ni Mitinare aika taan anga Rerei 18–25 (mwaane) | Kairake ni Mitinare n Ibuobuoki 18–25 (mwaane) | Mitinare aika Kaara 40 ke are iaona ngkana e mareaki ke ngkana te aine ae tuai n iein | Mitinare n Ibuobuoki aika Kaara 26 ke are iaona |
24.3
Katauraoi ao n Tau ni Beku n te mition
Mitinare ake a tauraoi a kaungaaki bwa a na beku n te mition ibukina bwa iai aia tangira nakon te Uea ao Natina. A riai ni mataata n taian titiraki n te intawiu n te rekomenteition ibukiia mitinare.
24.3.1
Te rairaki nakon Iesu Kristo
Mitinare ake a tauraoi a kekeiaki ni kakorakoraa rairakiia nakon Iesu Kristo ao Ana euangkerio ae kaokaki.
24.3.2
Kakoroa Nanon te Kainibaire n te Kororaoi
Mitinare ake a tauraoi a kekeiaki ni kokororaoiia ibukin raonakiia iroun te Tamnei. Aio e kainanoaki ibukin nakoraoin te mwakuri ni mitinare (taraa Reirei ao Berita aika Tabu 42:13–14).
24.3.2.1
Rairannano
Te rairannano e kainnanoa kamwakuran te onimaki iroun Kristo, ma nanom raoi, ao ni kaawakin tuua. E raonaki ma kaotan am bure ao n aki manga karaoa te bure. Ibukin te bure ae kakaiaki, te rairannano e kaantaningaa kaotakin am bure nakon te bitiobi ke titeiki beretitenti.
Te aomata are e raira nanona e kabwaraaki ana bure ao ni kaitiakaki rinanon Ana Mwakuri ni Kamaiu ao n nanoanga Iesu Kristo. Te Uea e aki manga uringa te bure. (Taraa Itaia 43:25; Iakoba 6:5; Aramwa 34:15–17; Ereman 5:10–11; Reirei ao Berita aika Tabu 58:42–43. Taraa naba 32.1 inanon te aeniboki aei.)
Te mitinare are e tauraoi e riai n tia n raira nanona man buure aika kaakaiaki imwaain ae te titeiki beretitenti e kanakoa te rekomente iaon teuanne ke neiene (taraa 32.6; taraa naba 24.4.4). Te waaki n rairannano e kaairaki ma te tai ae tau ibukin te aomata bwa e na kaotia teuane ke neiene rinanon maiuakinan te raoiroi bwa e karekea tamnein Kristo nakon kabwaraan buure.
24.3.3
Marurungin te Rabwata, te Iango ao te Namakin
Te mwakuri ni mitinare bon te kakaewenako. Kairake ni mitinare aika taan anga rerei a riai n nanomatoa ao ni marurung n rabwataia, aia iango, ao aia namakin ni kona ni kaitaraa bwaninin aia tai ni mwakuri mitinare.
24.3.4
Te Mwane
24.3.4.1
Mwanenakiia Kairake ni Mitinare ake a Beku n Raroa ma Mweengaia
Kairake ake a tauraoi ake a tia ni katauraoiia ni kaineti nakon korakoraia a riai n aki katokaki man te mwakuri tii ibukin te mwane. Naake a kainnanoa te buoka n te mwane ni kaitarai anganano n te mwane ake a bon riai a kona ni karekei mai irouia aia utu ao raoraoia.
Ngkana e teimatoa kainnanoana, te bitiobi ke te titeiki beretitenti a kona ni butiia membwa n te uoote ke te titeiki ni karaoi anganano nakon te mwane ni mitinare n te uoote.
Kataumwane n te iunite n te tabo ao mwanen te aki mamatam a na aki kabonganaaki.
Motinnano n te Angamwane ni katoa namwakaina. Kairake ni mitinare aika taan anga rerei ao aia utu a anga te mwaiti ae baireaki ni katoa namwakaina ni buoka kaitaraan te kabanemwane n ana burokuraem te mitinare.
Angamwane a kabwakaaki nakon te kataumwane ni mitinare n te uoote. Bitiobi a kakoauaa bwa te mwane a kabwakaaki ni katoa namakaina. Te mwane are e riaon te mwaiti are e kakabwakaaki e riai n aki kabwakaaki imwaain taina. Mwaane ake a kabwakaaki imwaain taia a aki kona ni kaboaki mwiia ngkana e oki ni waekoa te mitinare nakon abana.
Kabanemwane n tain te mwakuri. Ni katoa namwakaina, e karekea te mwane man te mition te kairake ni mitinare ni buokia ibukin te amwarake, bao ni mwamwananga, ao boon bwai ake e kainnanoi tabeua. Mwaane aikai a tabu. Mitinare a kabonganai ti ibukin bwaai ake a irekereke ma te mwakuri ni mitinare. A riai n aki kabonganaaki ibukin kabanemwane nakon are a tangiria, karinimwane, ke ni kaokaki nakoia kaain aia utu ke tabeman. Mitinare a kaoki nakon te mition mwaane ake aki kainanoia.
A kabonganai bon oin aia mwane mitinare ni kaitarai kabanemwane riki tabeua. Kabanemwane ake ibon ibukiia e riai n bon tau mwaitina. (Taraa Kainibaire ibukiia Mitinare n riki bwa Ana Reirei Iesu Kristo, 4.8.)
24.3.4.2
Mwanenakiia Mitinare ake a Kara ake a Beku n Raroa ma Mweengaia
Motinnano n te Angamwane ni katoa namwakaina. Mitinare ake a kara ake a beku n raroa ma mweengaia a kakabwakaa aia angamwane nakon te mwane ibukiia mitinare n aia uoote ni katoa namwakaina. Angamwane aikai a buoka kabwakaan boon auti ao kabanemwane n te kaa.
Bitiobi a kakoauaa bwa te mwane a kabwakaaki ni katoa namakaina. Te mwane are e riaon te mwaiti are e kakabwakaaki e riai n aki kabwakaki imwaain taina.
Kabanemwane riki tabeua. Irarikin anganano n angamwane n te namwakaina, are e buoka kabwakaan boon auti ao kaa, mitinare aika a kara a riai ni bon kaitarai kabanemwane riki tabeua, ni ikotaki ma te amwarake.
24.3.4.3
Mwanenakiia Mitinare ake a Beku ni bon Abaia
Mitinare ake a beku ni bon mweengaia bon tabeia kabanemwane ni kabane ibukin kainnanoia.
24.3.4.4
Intiuarenti ibukin te Aoraki ao Kabanemwane
Mitinare ni kabane a kaungaaki bwa a na kateimatoai aia intiuaranti ibukin te aoraki ngkana a konaa, ni ikotaki ma kairake ni mitinare aika a rereirei.
Mitinare ake a beku ni bon abaia a riai ni katauraoi bon oin aia intuarenti ibukin te aoraki ao kamanomano riki tabeua. Mitinare ake kaara ake a beku n raroanako ma mweengaia a riai naba ni katauraoa te kamanomano aei. Mitinare ake kaara ake a na beku itinanikun abaia a kona naba ni karekea te intuarenti rinanon te Senior Service Medical Plan.
24.3.5
Tabeia Kaain te Utu ao Taan Kairiiri ni Katauraoaia Mitinare
Kaain te utu, bitiobi, ao taan kairiiri tabeman a buokiia kairake n tauraoi ni beku n te mition.
Kaain te utu ao taan kairiiri a kaungaia ni kabane mitinare ake a tauraoi bwa a na kamatebwai:
-
Ana Boki Moomon ao koroboki aika tabu ake tabeua.
-
Kamanomano ibukin Kabonganaakin Rabakau aika Boou.
Kaain te utu ao taan kairiiri a buokiia ni kabane ake a tauraoi ni motinnanoia ni iriira aia kainibaire mitinare. A kaungaia naake a tauraoi ni kamatebwaia aia aeniboki mitinare ibukin kainibaaire are e kaineti nakon tibwangaia are a na kona ni katabeaki iai:
-
Ibukiia kairake ni mitinare aika a rereirei: Kainibaaire ibukiia Mitinare n riki bwa Ana Reirei Iesu Kristo
24.4
Rekomentenakiia Mitinare
24.4.1
Rinanoan te Marurung
Ni kabane naake a tauraoi a kantaningaaki bwa e na iai te tia rabakau man te kuakua ae rinanon tauraoia iaon marurungiia.
24.4.2
Te Booma ibukin te Intawiu ao te Rekomenteition
Te bitiobi ao te titeiki beretitenti a karaua ni karaoa, te kakae ma te tamnei, ao te intawiu ae kaunganano ma naake a tauraoi n tatabemaniia. A kabongana te titiraki n te intawiu n te rekomenteition ibukiia mitinare.
Te bitiobi ao titeiki beretitenti a rinanoi naba rongorongo iaon te kainibaire n te katauraoi n te kororaoi ao te marurung n te Onrain Mitinare Rekomenteition Tititem Te bitiobi ao te titeiki beretitenti a aki karinii riki kainibaire ibukin te karinrin. Ke ni bitii titiraki n te intawiu.
Ngkana te bitiobi ke te titeiki beretitenti iai aia nano kokoraki iaon te aomata are e tauraoi ni kakoroa nanon te kainibaire ibukin te kororaoi ke iaon tauraoin teuanne ke neienne ni marurungina, a uaia ni maroroakinna ma te aomata anne. Man ana kariaia te kairake are e tauraoi, a kona naba n uaia ni marooro ma ana karo teuanne ke neienne. Te bitiobi ao te titeiki beretitenti a aki kanakoa te rekomente ni karokoa e a tia te aomata anne n raira nanona man te bure ae kakaiaki (taraa 24.3.2.1). Ni kaineti ma marurungin te aomata anne n rabwatana, ana iango, ke n ana namakin, a kona ni maroroakina te kawai naba n anganakina katabeana bwa te mitinare ni ibuobuoki.
Ni keiti aika kataweaki ngkana akea te bitiobi ke te titeiki beretitenti, e kona ni kariaia temanna ana kauntira ni karaoi intawiu aikai.
N taian mwakoro, te mition beretitenti ke te kauntira are e mwiokoaki e karaoa te intawiu ao n rekomente te mitinare are e tauraoi. Te beretitenti n te mwakoro e aki karaoi intawiu aikai.
24.4.4
Naake Aki Kona ni Beku bwa Mitinare aika a Bwanin aia Tai
N taai tabetai te membwa are e tangiria ni kani beku e na bae n aki weteaki bwa te mitinare ae e bwanin ana tai. Aio e na riki tao man kangaanga nakon marurungina, n aki kakoroa nanon te kainibaire n te kororaoi, kangaanga iaon te tua, ke tabeua riki bwaai ae e rinanona. Te titeiki beretitenti e kona ni kamawa teuane ke neiene man te mwakuri ni mitinare ae bwanin taina.
24.5
Imwiin Karekean te Wewete nakon te Mition
Mitinare aika tibwa weteaki a kaungaaki bwa a na wareka ke ni manga wareka riki Ana Boki Moomon imwaain ae a nako ni mitinare. A ira ana taeka n reirei te Uea Beniamina n “taratarai ngkami, n ami iango, ao ami taeka, ma aroaromi” (Motiaea 4:30).
24.5.1
Entaumente n te Tembora ao Mwakuri n te Tembora
Ngkana te mitinare ae boou ae e a tibwa weteaki e tuai karekea te otenanti n te entaumente n te tembora, a riai ni karaoa aei imwaain wakinan te mwakuri ni mitinare ngkana e kona (taraa Reirei ao Berita aika Tabu 43:15–16; 105:33). Aio n raonaki ma mitinare ni ibuobuoki ngkana e riai n nakon te bwai are a rinanona.
Mitinare ake a tibwa weteaki ake a tia n entaute a kona ni beku bwa taan mwakuri n te otenanti n te tembora imwaain ae a moana te mwakuri ni mitinare ngkana e konaa (taraa 25.5).
24.5.2
Bootaki n Toa
Te bitiobiriki e kaoia mitinare aika a tibwa weteaki bwa a na taetae n tain bootakin te toa imwaain moanakin aia mition. Aio are bon aron te bootaki n toa are e kakaraoaki. E riai ni boboto iaon te toa ao te Tia Kamaiu.
24.5.3
Kaokoroaia Mitinare
Te titeiki beretitenti e kaokoroiia mitinare n tatabemaniia n te tai are e a uakaan ana tai n nako teuanne ke neienne nakon ana mition. Ni keiti aika kataweaki ngkana akea te titeiki beretitenti, e kona ni kariaia temanna ana kauntira ni karaoa kaokoroakia mitinare.
Te mition beretitenti ke ana kauntira e kaokoroia mitinare ake a weteaki man mwakoro inanon ana mition. Te beretitenti n te mwakoro e aki kona ni kaokoroia mitinare.
Te tari are e na beku n raroanako ma mweengana e na riai ni kaman karekea te Nakoanibonga ae te Merekitereka imwaain kaokoroana bwa te mitinare. Te tari are e na beku bwa te mitinare ni ibuobuoki e riai ni iai irouna te Nakoanibonga ae te Merekitereka ngkana e riai ni kaineti nakon te bwai are e rinanona.
24.6
Te Beku n Raroanako man te Mweenga
24.6.2
Inanon te Tabo ni Mwakuri
24.6.2.5
Karekean te Kariaia ni Boutokaia Tabeman n te Mwane ke te Reirei ke te Mwananga nakon te Aba Teuana
Mitinare ao aia utu a riai n aki katauraoi buoka n te mwane ibukiia naake a maeka n te tabo are e beku iai te mitinare, ni ikotaki ma boutoka n te mwane ibukin te reirei. Ke mitinare ao aia utu a riai n aki kabwakaa te mwane ibukin te aomata are e tangiria ni mwaing nakon aaba ake tabeua (taraa 38.8.19).
24.6.2.8
Membwatibu Rekooti ao Kabwianibwai
Ana uoote ni mweengana te mitinare e taua te membwatibu rekooti. Te uoote ni mweengana e taua naba mwiin ana kabwianibwai teuane ke neiene. Mitinare a aki kabwaka aia kabwianibwai man te mwane ni buoka are a karekea man te mition. Ma e ngae n anne, a kabwaka aia kabwianibwai ngkana iai ae bon oin aia karekemwane.
24.6.3
Okiran Mweengam Man te Mition
24.6.3.1
Okiran Mweengam n te Tai Raoi are e Baireaki
Mitinare ao kaain aia utu a riai n aki bubuti te moantaai ke kanaanauan te mwakuri n nakon angaraoina iroun te mitinare.
Kairake ni mitinare a riai ni mwananga ni kaineti n okira mweengaia man aia mition. Mwamwananga riki tabeua a kona ni kariaiakaki tii ngkana e raonaki te mitinare iroun temanna te karo ke te tia kaawakinna.
Mitinare a aki kainaomataaki ni karokoa a kawara aia titeiki beretitenti. A irii kainibaire ibukiia mitinare ni karokoa te tai anne.
24.6.3.2
Okiran Mweengam ni Moantaai
Tabeman mitinare a kamotirawaaki ni moantaai ibukin marurungiia, kororaoia, ke tabeua riki bukina. Bitiobi ao titeiki beretitenti a anga te boutoka ae onoti nakoia mitinare aika a oki aikai. Taan kairiiri a buokiia ni mwakuri ni kaoka marurungiia ke n oki nako ni mwakuri ngkana e konaa.
24.7
Mition ake Ibukin te Ibuobuoki
24.7.1
Kaotakin Mwakuri ibukiia Mitinare ni Ibuobuoki
Te bitiobi, te titeiki beretitenti, ao mitinare ni ibuobuoki a uaia ni maroro n norii mwakuri ake a tauraoi ibukin te beku. Ibukiia kairake ni mitinare ni ibuobuoki, te tia kairiiri n te mition ni ibuobuoki ao ana karo te mitinare ke naake a taruaia a ira buakon te marooro.
24.8
Imwiin te Mwakuri ni Mitinare
24.8.2
Te Intawiu ni Kamotirawaiia Mitinare
Te titeiki beretitenti e kamotirawaia mitinare ao e karaoa te intawiu ibukin te kamotirawa. N taian mwakoro, bon te mition beretitenti ke te kauntira are e mwiokoaki ae kamotirawaia mitinare.
Kainibaire aikai ibukin te intawiu aei a kona ni ibuobuoki.
-
Kaungaia bwa a na reitinako inanon maiuia bwa ana reirei Iesu Kristo.
-
Anganiia reirei bwa a na kateitei iaon anua aika raraoi ake a karikirakei n aia tai ni mitinare.
-
Kaoiia bwa a na iangoa ao ni katauraoi ibukin taai aika a na roko, n raonaki ma te reirei ke te mwakuri ibukiia mitinare aika kairake.
-
Kaungaia bwa a na aki toki n maiu bwa a na tau ibukin te rekomente nakon te tembora.
24.8.4
Wewete
Taan kairiiri a na waekoa n anga te katabeaki n te mwakuri n ibuobuoki ao taian wewete nakon te mitinare are e a tibwa kamotirawaaki. Aio n raonaki ma tarakina bwa te tia mwakuri n te otenanti n te tembora ngkana e riai (taraa 25.5).
24.9
Bwaai ni Ibuobuoki n te Rekomentation Ibukiia Mitinare ao te Beku
24.9.2
Webutiaite
-
MissionaryRecommendations.ChurchofJesusChrist.org (e tauraoi nakoia taan kairiiri n te tabo ao mitinare ake a tauraoi n tii ngaiia)