“24. Dagiti Rekomendasion ken Serbisio ti Misionario,” Dagiti Napili manipud iti Sapasap a Handbook (2023).
“24. Dagiti Rekomendasion ken Serbisio ti Misionario,” Dagiti Napili manipud iti Sapasap a Handbook
24.
Dagiti Rekomendasion ken Serbisio ti Misionario
24.0
Pakauna
Idi un-unana a panawen, inted ti Apo ti bilin a mangummong iti Israel iti “amin a nasion, a buniagan ida iti nagan ti Ama, ken ti Anak, ken ti Espiritu Santo” (Mateo 28:19; kitaen met iti bersikulo 20). Pinabaro ti Apo dayta a bilin kadagitoy ud-udina nga aldaw (kitaen iti Doktrina ken Katulagan 39:11; 68:6–8; 12:28–30).
Ti agserbi iti Apo kas misionario ket maysa a sagrado a pribilehio. Mangyeg daytoy kadagiti agnanayon a bendision iti tao ken kadagiti pagserserbianna (kitaen iti Doktrina ken Katulagan 18:14–16).
Idawat ti Apo iti tunggal maikari, makabael nga agtutubo a lalaki nga agsagana ken agserbi iti mision.
Awaten met ti Apo dagiti maikari, makabael nga agtutubo a babbai nga agserbi kadagiti mision no tarigagayanda.
Kasapulan met dagiti senior missionary ken maallukoyda nga agsagana nga agserbi.
24.1
Ti Awag nga Agserbi
Dagiti misionario ti mangibagi iti Apo ken nasken a maawaganda babaen ti umno a turay (kitaen iti Doktrina ken Katulagan 42:11; Pagannurotan ti Pammati 1:5). Gagangay nga ited ti Presidente ti Simbaan ti awag nga agserbi iti mision. Para kadagiti senior service missionary, ited ti stake president ti awag.
24.2
Dagiti Naituding nga Aramiden ti Misionario
Ti awag nga agserbi kas misionario ket iramanna ti naipangruna a naituding nga aramiden. Agduduma dagitoy a naituding nga aramiden.
24.2.1
Dagiti Agtutubo a Misionario a Mangisursuro
Kaaduan nga agtutubo a misionairo ti natudingan a mangisuro iti ebanghelio iti adayo iti pagtaengan. Naited dagitoy naituding nga aramiden babaen ti paltiing kadagiti Apostol. Agserbi dagitoy a misionario babaen ti direksion ti maysa a mission president.
24.2.2
Dagiti Agtutubo a Service Missionary
Sumagmamano nga agtutubo a misionario ti matudingan nga agserbi iti Simbaan ken iti komunidad bayat ti panagnaedda iti pagtaengan. Naited dagitoy naituding nga aramiden babaen ti paltiing kadagiti Apostol ken naited kadagiti kandidato a ti kasasaadda ket kasayaatan a maibagay para iti service mission (kitaen iti 24.3.3).
24.2.3
Dagiti Senior Missionary
Maallukoy ti amin a service missionary a mangsapul kadagiti tao a masuruan ken mangtulong kadakuada nga agsagana para iti panagbuniag. Mabalin met a matudingan dagiti senior missionary a mangsuporta:
-
Dagiti miembro ken dagiti lider ti area ken lokal.
-
Dagiti departamento ken pasilidad ti Simbaan.
-
Dagiti charitable nga organisasion.
Saan a makiddaw kadagiti senior missionary nga agtrabaho iti isu met laeng nga oras, mangaramid iti amin nga isu met la nga aktibidad, wenno mangragpat kadagiti isu met laeng a namnamaen a kas kadagiti agtutubo a misionario.
Naited dagiti naituding nga aramiden kadagiti senior missionary babaen ti paltiing kadagiti Apostol. Mabalin nga ipeksa dagiti kandidato ti kayatda a maysa a naituding nga aramiden ngem situtulokda koma nga umawat iti ania man a naituding nga aramiden.
24.2.4
Dagiti Senior Service Missionary
Malaksid kadagiti calling-da iti home ward wenno stake-da, mabalin nga agserbi dagiti miembro iti Apo kas senior service missionary. Mangted dagitoy a misionario iti napateg a serbisio kadagiti departamento, pasilidad, ken mision iti Simbaan (kitaen iti 24.7.1). Agnaedda iti pagtaengan.
Ti stake president ti mangawag kadagiti senior service missionary, Agserbida babaen ti panangiturongna. Ti kaadu ti oras a panagserbida iti kada lawas ket agpannuray iti kabaelanda, dagiti gundaway iti panagserbi iti lugarda, ken panangiturong manipud iti Panguluen ti Area [Area Presidency].
24.2.5
Pakagupgopan dagiti Naituding nga Aramiden ti Misionario
Gupgopen ti sumaganad a table dagiti kita ti naituding nga aramiden ti misionario.
|
Agtutubo a Misionario a Mangisursuro |
Agtutubo a Service Missionary |
Senior Missionary |
Senior Service Missionary | |
|---|---|---|---|---|
|
Inawagan ti | Agtutubo a Misionario a Mangisursuro Presidente ti Simbaan | Agtutubo a Service Missionary Presidente ti Simbaan | Senior Missionary Presidente ti Simbaan | Senior Service Missionary Stake president |
|
Tinudingan ti | Agtutubo a Misionario a Mangisursuro Maysa nga Apostol | Agtutubo a Service Missionary Maysa nga Apostol | Senior Missionary Maysa nga Apostol | Senior Service Missionary Stake president |
|
In-set apart ti | Agtutubo a Misionario a Mangisursuro Stake president | Agtutubo a Service Missionary Stake president | Senior Missionary Stake president | Senior Service Missionary Stake president wenno mamagbaga |
|
Agnanaed iti | Agtutubo a Misionario a Mangisursuro Adayo iti pagtaengan | Agtutubo a Service Missionary Iti pagtaengan | Senior Missionary Adayo iti pagtaengan wenno iti pagtaengan | Senior Service Missionary Iti pagtaengan |
|
Ecclesiastical leader | Agtutubo a Misionario a Mangisursuro Mission president wenno historic site president | Agtutubo a Service Missionary Stake president | Senior Missionary Mission president wenno historic site president, wenno Area president | Senior Service Missionary Stake president |
|
Agreport iti | Agtutubo a Misionario a Mangisursuro Mission president wenno historic site president | Agtutubo a Service Missionary Service Mission leader | Senior Missionary Mission, temple, wenno historic site president; Area President; visitors’ center director; wenno Church department wenno facilities manager | Senior Service Missionary Manager ti service assignment |
|
Dagiti kasapulan nga edad | Agtutubo a Misionario a Mangisursuro 18–25 (lallaki) | Agtutubo a Service Missionary 18–25 (lallaki) | Senior Missionary 40 wenno natataengan no naasawaan wenno awan asawana a kabsat a babai | Senior Service Missionary 26 wenno natataengan |
24.3
Panagsagana ken Pannakaikari nga Agserbi iti Mision
Maallukoy dagiti inanamaen [prospective] a misionario nga agserbi iti mision gapu iti panagayatda iti Apo ken kadagiti annakna. Nasken a pamiliarda iti missionary recommendation interview questions.
24.3.1
Pannakapasurot [Conversion] ken ni Jesucristo
Ikagumaan dagiti inanamaen [prospective] a misionario a mangpapigsa iti pannakapasurotda ken ni Jesucristo ken ti naisubli nga ebangheliona.
24.3.2
Panangragpat kadagiti Pagrukodan ti Pannakaikari
Ikagumaan dagiti inanamaen [prospective] a misionario ti agbalin a maikari iti pannakikadua ti Espiritu. Kasapulan daytoy para iti epektibo a panagserbi kas misionario (kitaen iti Doktrina ken Katulagan 42:13–14).
24.3.2.1
Panagbabawi
Kasapulan ti panagbabawi ti panangaramat iti pammati ken Cristo, kaadda ti pudno a panggep, ken panangtungpal kadagiti bilin. Iramanna ti panangipudno ken panangikkat iti basol. Para iti nadadagsen a basbasol, agkasapulan ti panagbabawi ti panangipudno iti bishop wenno stake president.
Ti tao nga agbabawi ket mapakawan ken madalusan babaen ti Pannubbot ken parabur ni Jesucristo. Saanen a malagip ti Apo ti basol. (Kitaen iti Isaias 43:25; Jacob 6:5; Alma 34:15–17; Helaman 5:10–11; Doktrina ken Katulagan 58:42–43. Kitaen met iti 32.1 iti daytoy a handbook.)
Masapul a nagbabawi ti maysa a kandidato a misionario iti nadagsen a basol sakbay a maisumite ti stake president ti rekomendasionna (kitaen iti 32.6; kitaen met iti 24.4.4). Ti proseso ti panagbabawi iramanna ti umdas a panawen para iti tao a mangipakita babaen ti nalinteg a panagbiag nga inawatna ti espiritu ni Cristo para iti pannakapakawan dagiti basol.
24.3.3
Salun-at iti Bagi, Panunot, ken Rikna
Mapannubok ti aramid ti misionario. Nasken a dagiti agtutubo a mangisursuro a misionario ket nagkumit ken pisikal, mental, ken emosional a makabael nga agtrabaho iti naan-anay nga eskediul ti misionario.
24.3.4
Dagiti Pakaseknan iti Kuarta
24.3.4.1
Panangigastos kadagiti Agtutubo a Misionario nga Agserserbi iti Adayo iti Pagtaengan
Saan koma a maitantan ti panagserbi dagiti agtutubo a kandidato a nagsagana segun iti kabaelanda gapu iti pakaseknan iti kuarta. Dagiti agkasapulan iti pinansial a tulong tapno matungpal dagiti manamnama a panagkumit iti kontribusion ket mabalinda nga awaten daytoy manipud kadagiti kabagyan ken gagayyem.
No adda pay kasapulan, mabalin a kiddawen ti bishop wenno stake president kadagiti miembro iti ward wenno stake nga agkontribusion iti pondo ti misionario ti ward.
Mabalin a saan a mausar dagiti lokal a badyet ti yunit ken dagiti pondo iti daton iti pagayuno.
Binulan a panagkumit iti kontribusion. Mangikontribusion dagiti agtutubo a mangisursuro a misionario ken dagiti pamiliada iti naipangruna a gatad iti kada bulan tapno tumulong a pagbayad kadagiti gastos iti programa ti misionario.
Maaramid dagiti kontribusion iti pondo ti misionario ti ward. Iberipika dagiti bishop a maikontribusion dagiti pondo iti kada bulan. Dagiti pondo iti labes ti binulan a gatad ket saan koma a nasaksakbay a maikontribusion. Saan a maisubli dagiti pondo a nasaksakbay a naikontribusion no nasapa nga agawid ti maysa a misionario.
Dagiti paggastuan iti tay-ak ti mision. Tunggal bulan, umawat dagiti agtutubo a misionario iti pondo manipud iti mision tapno pangbayad para iti taraon, transportasion, ken dadduma pay a paggastuan iti panagbiag. Sagrado dagitoy a pondo. Usaren dagiti misionario dagitoy a para laeng kadagiti panggep nga adda pakainaiganna iti mision. Saan koma a mausar dagitoy para iti personal a paggastosan, maidulin, wenno maipatulod kadagiti miembro ti pamilia wenno sabsabali. Isubli dagiti misionario iti mision ti ania man a pondo a dida kasapulan.
Usaren dagiti misionario dagiti bukodda a pondo a pangbayad ti dadduma pay a paggastuan. Bassit laeng koma dagitoy a bukod a paggasutan. (Kitaen iti Missionary Standards for Disciples of Jesus Christ, 4.8.)
24.3.4.2
Panangigastos kadagiti Senior Missionary nga Agserserbi iti Adayo iti Pagtaengan
Binulan a panagkumit iti kontribusion. Dagiti senior missionary nga agserserbi iti adayo iti pagtaengan ket agkontribusion iti home ward missionary fund-da iti kada bulan. Makatulong dagitoy a kontribusion a pangbayad kadagiti gastos iti balay a pagdagusan ken lugan.
Iberipika dagiti bishop a maikontribusion dagiti pondo iti kada bulan. Dagiti pondo iti labes ti binulan a gatad ket saan koma a nasaksakbay a maikontribusion.
Dagiti Mainayon a Paggastuan Malaksid iti binulan a panagkumit iti kontribusion, a makatulong a pangbayad kadagiti gastos iti balay a pagdagusan ken lugan, masapul a naan-anay a bayadan dagiti senior missionary ti amin a dadduma pay a paggastuan, agraman ti taraon.
24.3.4.3
Panangigastos kadagiti Misionario nga Agserserbi iti Pagtaengan
Dagiti misionario nga agserserbi iti pagtaengan ti makaammo ti amin a pinansial a kasapulanda.
24.3.4.4
Medical Insurance ken dagiti Paggastuan
Maallukoy unay kadagiti amin a misionario a mangpatalinaed ti agdama a medical insurance-da no mabalin, agraman dagiti agtutubo a misionario a mangisursuro.
Nasken kadagiti misionario nga agserserbi iti pagtaengan a bayadanda ti bukodda a medical insurance ken dadduma pay nga insurance coverage. Nasken a bayadan met dagiti senior missionary nga agserserbi nga adayo iti pagtaengan daytoy nga insurance coverage. Dagiti senior missionary nga agserbinto iti ruar ti pagilian a naggapuanda ket mabalinda a gun-oden ti insurance babaen ti Senior Service Medical Plan.
24.3.5
Akem dagiti Miembro ti Pamilia ken Lider iti Panangisagana kadagiti Misionario
Tumulong dagiti miembro ti pamilia bishop, ken dadduma pay a lider kadagiti agtutubo nga agsagana nga agserbi iti mision.
Allukoyen dagiti miembro ti pamilia ken lider ti amin a kandidato a misionario nga adalenda:
-
Ti Libro ni Mormon ken dadduma pay a nasantuan a kasuratan.
-
Preach My Gospel.
-
Safeguards for Using Technology.
Tulongan dagiti miembro ti pamilia ken lider ti amin a kandidato nga agkumit a mangsurot kadagiti pagrukodan ti misionario. Allukoyenda dagiti kandidato nga agadal iti missionary standards handbook maipanggep iti posible a naituding nga aramidenda:
-
Para kadagiti agtutubo a misionario a mangisursuro: Missionary Standards for Disciples of Jesus Christ
24.4
Panangirekomenda kadagiti Misionario
24.4.1
Dagiti Panangtingiting [Assessment] iti Salun-at
Nasken iti amin a kandidato nga addaan kadagiti propesional iti medisina a mangtingiting iti kinamanagsaganada iti salun-at.
24.4.2
Dagiti Interbyu ken dagiti Porma ti Rekomendasion
Mangisayangkat ti bishop ken stake president kadagiti naan-anay, naespirituan a panagsukisok, ken makaitag-ay nga interbyu iti tunggal kandidato. Usarenda ti missionary recommendation interview questions.
Irebyu pay ti bishop ken stake president ti impormasion maipapan kadagiti pagrukodan ti pannakaikari ken kinamanagsagana iti salun-at iti Missionary Online Recommendation System. Saan a mangnayon ti bishop ken stake president iti ania man a pagrukodan iti eligibilidad. Wenno saanda a balbaliwan dagiti saludsod iti interbyu.
No adda dagiti pakaseknan ti bishop ken stake president maipapan iti maysa a kandidato iti panangtungpalna kadagiti pagrukodan ti pannakaikari wenno maipapan iti kinamanagsaganana iti salun-at, aginnumanda a dua ken kaduada ti tao. Addaan iti pammalubos ti agtutubo a kandidato, mabalinda met ti agpabalakad kadagiti dadakkelna. Saan nga isumite ti bishop ken stake president ti rekomendasion agingnga a saan a nakapagbabawi ti tao iti nadagsen a basol (kitaen iti 24.3.2.1). Depende iti pisikal, mental, wenno emosional a salun-at ti tao, mabalin a pagsasaritaanda ti posibilidad a matudingan kas maysa a service missionary.
Kadagiti naganat a kasasaad no awan ti bishop wenno stake president, mabalinna a pusgan ti maysa kadagiti mamagbagana nga ag-conduct kadagitoy nga interbyu.
Kadagiti district, ti mission president wenno nadutokan a mamagbaga ti manginterbyu ken mangirekomenda kadagiti kandidado a misionario. Saan nga ag-conduct kadagitoy nga interview dagiti district president.
24.4.4
Dagiti Saan a Makabael nga Agserbi kas Full-Time a Misionario
No dadduma ti maysa a miembro nga agtarigagay nga agserbi ket mabalin a saan a maawagan kas maysa a full-time a misionario. Mabalin a gapu daytoy kadagiti karit iti salun-at, a saan a makaragpat kadagiti pagrukodan ti pannakaikari, legal nga isyu, wenno dadduma pay a kasasaad. Mabalin a saan a palugodan ti stake president isuna iti full-time missionary service.
24.5
Kalpasan ti Panangawat iti Awag iti Mision
Maallukoy dagiti kaaw-awag a misionario a mangbasa wenno uliten a mangbasa iti Libro ni Mormon sakbay ti rugi ti misionda. Surotenda ti balakad ni Ari Benjamin a “siputanyo ti bagbagiyo, ken ti pampanunotyo, ken sasaoyo, ken ar-aramidyo” (Mosiah 4:30).
24.5.1
Endowment iti Templo ken Serbisio iti Templo
No dagiti kaaw-awag a misionario ket saan a nakaawat iti ordinansa ti endowment iti templo, nasken nga aramidenda dayta sakbay a rugianda ti missionary service no mabalin (kitaen iti Doktrina ken Katulagan 43:15–16; 105:33). Iraman daytoy dagiti service missionary no maitutop iti kasasaadda.
Dagiti kaaw-awag a misionario a na-endow ket mabalinda nga agserbi a kas temple ordinance worker sakbay a rugianda ti panagserbi kas misionario no maitutop (kitaen iti 25.5).
24.5.2
Dagiti Miting iti Sakramento
Awisen ti bishopric dagiti kaaw-awag a misionario nga agsarita iti miting ti sakramentoi sakbay ti rugi ti misionda. Maysa daytoy a regular a miting ti sakramento. Nasken daytoy a naipamaysa iti sakramento ken iti Mangisalakan.
24.5.3
Panang-Set Apart kadagiti Misionario
Ti home stake president ti mangi-set apart iti tunggal misionario no asidegen agingga a mabalin ti petsa ti rugi ti misionna. Kadagiti naganat a kasasaad no awan ti stake president, mabalinna a pusgan ti maysa kadagiti mamagbagana a mangi-set part kadagiti misionario.
Ti mission president wenno maysa kadagiti mamagbagana ti mangi-set apart kadagiti misionario a maawagan manipud kadagiti district iti misionna. Saan nga ag-set apart ti district president kadagiti misionario.
Nasken a naawaten ti maysa a kabsat a lalaki nga agserbi iti adayo iti pagtaengan ti Melchizedek Priesthood sakbay ti pannaka-set apartna kas maysa a misionario. Nasken a naawaten ti maysa a kabsat a lalaki nga agserbi a kas service missionary ti Melchizedek Priesthood sakbay ti pannaka-set apartna no maitutop iti kasasaadna.
24.6
Serbisio nga Adayo iti Pagtaengan
24.6.2
Iti Tay-ak
24.6.2.5
Dagiti Kiddaw a Mangsuporta iti Dadduma iti Pinansial wenno iti Panageskuela wenno Panagakar [Emigration]
Saan koma a mangted dagiti misionario ken dagiti pamiliada iti pinansial a suporta para kadagiti agnanaed iti pagserserbian dagiti misionario, agraman pinansial a suporta para iti panageskuela. Wenno saan koma nga agesponsor dagiti misionario ken dagiti pamiliada kadagiti tao nga agtarigagay nga umakar a mapan iti sabali a pagilian (kitaen iti 38.8.19).
24.6.2.8
Dagiti Rekord iti Kinamiembro ken Apagkapullo
Agtalinaed iti home ward ti maysa a misionario ti rekord ti kinamiembro. Irekord pay ti home ward ti kasasaadna iti apagkapullo. Saan a bayadan dagiti misionario ti apagkapullo dagiti pondo a suporta a maawatda manipud iti mision. Nupay kasta, agbayadda iti apagkapullo no addaanda iti ania man a bukod a matgedanda.
24.6.3
Panagawid manipud iti Mision
24.6.3.1
Panagawid kas Sigud a Nayiskediul
Nasken a saan nga agkiddaw dagiti misionario ken dagiti miembro ti pamilia iti nasapa a pannaka-release wenno panangpaatiddog ti serbisio para iti bukod a pagimbagan.
Nasken a direkta nga agawid dagiti agtutubo a misionario kadagiti pagtaenganda manipud kadagiti misionda. Mabalin laeng a maaprobaran ti ania man a sabali a panagbiahe no kadua ti misionario ti uray maysa laeng a nagannak wenno guardian.
Saan a ma-release dagiti misionario agingga a saanda nga agreport iti stake president-da. Surotenda dagiti pagrukodan ti misionario agingga iti dayta nga oras.
24.6.3.2
Nasapa a Panagawid
Sumagmamano a misionario ti nasapa a ma-release gapu iti salun-at, pannakaikari, wenno dadduma pay a gapu. Mangted dagiti bishop ken stake president iti naisangsangayan a suporta kadagitoy nagsubli a misionario. Tulongan ida dagiti lider nga agtrabaho a mangpasubli iti salun-atda wenno makasubli iti serbisio no mabalin.
24.7
Dagiti Service Mission
24.7.1
Panangilasin kadagiti Gundaway para kadagiti Service Missionary
Aggiinnuman ti bishop, stake president, ken service missionary tapno mangilasin kadagiti gundaway iti lugar tapno makapagserbi. Para kadagiti agtutubo a service missionary, makiraman iti panaglilinnawag ti lider ti service mission ken dagiti nagannak wenno guardian ti missionario.
24.8
Kalpasan ti Serbisio ti Misionario
24.8.2
Interbyu iti Panangi-release iti Misionario
Ti stake president ti mangi-release kadagiti misionario ken mang-conduct iti interbyu iti panangi-release. Kadagiti district, gagangay a ti mission president wenno nadutokan a mamagbaga ti mangi-release kadagiti misionario.
Mabalin pay a makatulong dagiti sumaganad a pangiwanwan:
-
Allukoyen ida nga agtultuloy kas tungpal biag a maysa a disipulo ni Jesucristo.
-
Balakadan ida a mangtaginayon kadagiti nasayaat nga ugali a napadur-asda kas maysa a misionary.
-
Allukoyen ida a mangibilang ken agsagana para iti masakbayan, agraman ti edukasion ken pagtrabahuan para kadagiti agtutubo a misionario.
-
Allukoyen ida a kanayon nga agbiag a maikari iti maysa a temple recommend.
24.8.4
Dagiti Calling
Madagdagus a mangted dagiti lider iti naituding nga aramiden iti ministering ken calling kadagiti kari-release a misionario. Iraman daytoy ti panangibilang kas temple ordinance worker no maitutop (kitaen iti 25.5).
24.9
Dagiti Resources para kadagiti Rekomendasion ken Serbisio ti Misionario
24.9.2
Dagiti Website
-
MissionaryRecommendations.ChurchofJesusChrist.org (available laeng kadagiti local leader ken missionary candidates)