25.

Travay Tanp ak Istwa familyal nan pawas ak pieu

25.0

Entwodiksyon

Travay ak Tanp ak Istwa familyal se mwayen pou ini ak sele fanmi yo pou letènite (gade Matye 16:19). Travay sa a enkli:

• Fè alyans pandan n ap resevwa pwòp òdonans tanp nou yo (gade Ezayi 55:3; Doktrin ak Alyans 84:19–23).

• Dekouvri zansèt nou yo ki mouri epi fè òdonans pou yo nan tanp pou yo ka fè alyans avèk Bondye (gade Malachi 4:5–6; 1 Korentyen 15:29; Doktrin ak Alyans 128:15–18).

• Ale nan tanp regilyèman, kote sa posib, adore Bondye ak akonpli òdonans pou pitit Li yo (gade Lik 24:52–53; Doktrin ak Alyans 109:13–14).

Plis enfòmasyon disponib nan “Tanp” ak “Istwa Familyal” (Sijè Levanjil, topics.ChurchofJesusChrist.org).

25.1

Patisipasyon Manm ak Dirijanan nan Travay Tanp Istwa familyal

Manm Legliz yo gen privilèj ak responsablite pou yo ede fanmi yo ini pou letènite. Yo prepare tèt yo pou yo fè alyans pandan y ap resevwa òdonans tanp yo, epi yo fè efò pou yo kenbe alyans sa yo.

Yo ankouraje manm legliz yo pou idantifye fanmi yo ki mouri san yo pa t resevwa òdonans tanp yo. Lè sa a manm yo ka akonpli òdonans yo nan non fanmi sa yo (gade Doktrin ak Alyans 128:18). Nan mond espirityèl la, moun ki mouri yo ka chwazi aksepte oswa rejte òdonans ki fèt pou yo yo.

25.1.1

Responsablite Endividyèl pou Asistans nan Tanp

Manm yo detèmine pou tèt pa yo kilè ak konbyen fwa pou yo adore nan tanp. Dirijan yo pa dwe etabli limit ni kreye sistèm k ap rapòte asistans nan tanp.

25.2

Òganize Travay Tanp ak Istwa Familyal nan Pawas la

25.2.1

Episkopa

Episkopa a kowòdone avèk prezidans kowòm ansyen ak prezidans Sosyete Sekou yo lè y ap dirije efò pawas la pou fè travay tanp ak istwa familyal yo. Dirijan sa yo chita an konsèy ansanm regilyèman.

Episkopa a tou gen responsablite sa yo pou travay tanp ak istwa familyal nan pawas la:

• Asire ke doktrin ak benediksyon travay tanp ak istwa familyal yo anseye nan legliz la.

• Asire ke travay tanp ak istwa familyal la kowòdone nan konsèy pawas la ak nan reyinyon konsèy pawas jèn yo.

• Sipèvize òganizasyon kou preparasyon pou tanp lan (gade 25.2.8).

• Bay rekòmandasyon tanp (gade chapit 26).

25.2.2

Prezidans Kowòm Ansyen ak Sosyete Sekou

Prezidans kowò ansyen ak Sosyete Sekou yo dirije efò jjounalye pou travay tanp ak istwa familyal nan pawas la (gade 8.2.4 ak 9.2.4). Yo travay ansanm pou dirije efò sa yo avèk konsèy pawas la, anba kowòdinasyon evèk la.

Dirijan sa yo gen responsablite sa yo:

• Ede manm yo prepare yo pou yo resevwa òdonans tanp epi fè alyans tanp yo.

• Ankouraje manm yo pou yo adore nan tanp osi souvan sitiyasyon yo pèmèt yo.

• Ankouraje manm yo pou yo aprann sou zansèt yo epi akonpli òdonans tanp yo pou yo.

• Dirije travay dirijan travat tanp ak istwa familyal pawas la. Si yo pa aple yon dirijan pou sa, yon manm prezidans kowòm ansyen an ka ranpli wòl sa a (gade 25.2.3).

Prezidan kowòm ansyen ak prezidant Sosyete Sekou a chak chwazi yon manm prezidans pou ede dirije travay tanp ak istwa familyal nan pawas la. De manm prezidans sa yo travay ansanm. Yo ale nan reyinyon kowòdinasyon tanp pawas ak istwa familyal yo (gade 25.2.7).

25.2.3

Dirijan Travay Tanp ak Istwa Familyal Pawas

Episkopa a konsilte prezidan pieu a pou detèmine si pou yo aple yon dirijan pou travay tanp ak istwa familyal nan pawas la. Moun sa a dwe se yon detantè Prètriz Mèlkisekèk.

Dirijan travay anp ak istwa familyal pawas la soutni prezidans kowòm ansyen an ak prezidans Sosyete Sekou a nan responsablite yo nan travay tanp ak istwa familyal. Li gen responsablite sa yo tou:

• Dirije reyinyon kowòdinasyon pou travay tanp ak istwa familyal pawas la (gade 25.2.7).

• Anseye konsiltan pou travay tanp ak istwa familyal pawas yo. Kowòdone efò yo pou ede manm yo nan travay tanp ak istwa familyal la.

• Travay avèk dirijan misyon pawas la ak misyonè yo pou ede moun k ap aprann levanjil la, nouvo manm yo, ak manm ki retounen yo angaje yo nan travay tanp ak istwa familyal.

25.2.4

Konsiltan Tanp ak Istwa Familyal Pawas

Konsiltan tanp ak istwa familyal pawas yo ap sèvi sou direksyon dirijan travay tanp ak istwa familyal pawas la oswa manm prezidans kowòm ansyen an ki ranpli wòl sa a. Se episkopa a ki aple manm sa yo pou yo sèvi. Yo gen dwa aple granmou ak jèn.

Konsiltan yo gen responsablite sa yo:

• Ede manm yo fè eksperyans benediksyon ki genyen nan dekouvri zansèt yo ak akonpli òdonans tanp pou yo.

• Ede manm yo prepare yo pou yo resevwa òdonans tanp epi fè alyans tanp yo.

• Patisipe nan reyinyon kowòdinasyon pou travay tanp ak istwa familyal yo (gade 25.2.7).

25.2.7

Reyinyon Kowòdinasyon pou Travay Tanp ak Istwa Familyal Pawas

Yo dwe fè reyinyon kowòdinasyon travay tanp ak istwa familyal brèf e enfòmèl regilyèman. Si gen yon dirijan travay tanp ak istwa familyal ki aple, li dwe dirije reyinyon sa yo. Sinon, manm prezidans kowòm ansyen an ki ranpli wòl sa a ka dirije.

Lòt moun ki envite yo gen ladan yo:

• Manm Prezidan Sosyete Sekou ak prezidans kowòm ansyen ki asiyen yo.

• Yon asistan nan kowòm prèt yo.

• Yon manm prezidans nan klas Jènfi ki pi gran yo.

• Konsiltan Travay Tanp ak Istwa Familyal.

Objekti reyinyon sa yo se pou:

• Planifye kijan pou ede manm pawas espesifik yo avèk travay tanp ak istwa familyal yo jan yo mande l la.

Yo ka fè reyinyon sa yo an pèsòn oswa adistans. Kowòdinasyon an ka fèt nan lòt fason tou, enkli apèl telefòn, tèks mesaj, ak imèl.

25.2.8

Kou Preparasyon pou Tanp

Sou direksyon evèk la, yo ka òganize yon kou preparasyon tanp pou ede manm yo prepare yo pou fè alyans pandan y ap resevwa òdonans tanp yo. Kou sa yo ap fèt andeyò reyinyon jou Dimanch regilye yo nan yon lè ki konvnab pou manm yo. Yo ka fèt nan yon chapèl la oswa nan yon kay.

Leson ak enstriksyon pou òganize kou sa yo dekri nan Dote nan men Anwo: Manyèl Enstriktè Seminè Preparasyon Tanp. Patisipan yo resevwa kopi nan Prepare pou Antre nan Tanp Sen an. Pou etid pèsonèl ak resous pou leson, gade temples.ChurchofJesusChrist.org.

25.4

Resous Istwa Familyal

25.4.1

Fanmi Mwen: Istwa ki Rapwoche nou Ansanm

Fanmi mwen: Istwa ki Rapwoche nou Ansanm ede moun yo dekouvri paran yo ak zansèt yo epi rasanble istwa yo. Livrè sa a kapab ede manm yo kòmanse prepare non fanmi yo pou òdonans tanp.

Yo ka telechaje livrè a nan ChurchofJesusChrist.org. Yo ka fè kòmand kopi nan store.ChurchofJesusChrist.org.

25.4.2

FamilySearch.org epi app FanmiSearch la

FamilySearch.org se sit entènèt Legliz la pou travay tanp ak istwa familyal. Li ka ede itilizatè yo:

• Bati koneksyon ak relasyon nan yon ab jeneyalojik.

• Dekouvri zansèt yo ak istwa yo.

• Pataje ak prezève istwa fanmi, foto, ak istwa.

• Prepare non fanmi pou òdonans tanp.

App FamilySearch Tree app (Ab Jeneyalojik FamilySearch) ak FamilySearch Memories app (Souvni FamilySearch) yo pèmèt moun yo patisipe nan travay tanp ak istwa familyal la nan aparèy pòtab yo.

25.5

Rekòmandasyon ak Apèl Ouvriye Tanp

25.5.1

Rekòmande Ouvriye Tanp

Yo idantifye ouvriye tanp potansyèl yo nan fason sa yo:

• Manm ki idantifye pa evèk la oswa yon lòt dirijan pawas

• Manm ki apwoche evèk la osijè sèvi

• Manm prezidan tanp lan, matròn nan, oswa yon lòt dirijan tanp rekòmande.

• Manm ki ap prepare yo oswa ki fèk retounen sot sèvi yon misyon gade chapit 24)

Non ouvriye tanp potansyèl yo dwe soumèt atravè Zouti pou Rekòmande Ouvriye Tanplan. Zouti sa a disponib pou evèk yo, prezidan pieu yo, ak prezidans tanp yo.