25.

Tempuhl ac Sramsram Mahtuh ke Sucu ke Ward ac Stek

25.0

Ikucslah

Kalmacn tempuhl ac orekma ke sramsram mahtuh ke sucu pa in oracni ac siliyac sucu nuh tok ma pahtpaht (liye Matthew 16:19). Orekma se inge pa:

• Oraclah olwelah ke kuht oraclah akwuck muhtahl lasr tempuhl (liye Isaiah 55:3; Doctrine and Covenants 84:19–23).

• Sokwack mwet lasr misac ac oruh akwuck lalos lun tempuhl elos in muh kuh in oruh olwelah lalos sin God (liye Malachi 4:5–6; 1 Corinth 15:29; Doctrine and Covenants 128:15–18).

• Sikalweni in fahsri na tempuhl, fin kuh, in kaksakihn God ac oruh olwelah nuh sin tuhlihk Nahtuhl (liye Luke 24:52–53; Doctrine and Covenants 109:13–14).

Mwe ahkkahlwemye sahyac kuh in sukokyak ke “Temples” and “Family History” (Gospel Topics, topics.ChurchofJesusChrist.org).

25.1

Mempucr ac Mwet Kol Wi Oruh Orekma Tempuhl ac Sramsram Mahtuh

Mempucr ke Alu uh oasr suwohs ac kunohkohn lalos in wi kahsruh oracni sucu nuh tok ma pahtpaht. Elos ahkoeltahlah sifacna in kuh in oruh olwelah ke elos eis akwuck lalos tempuhl, ac ke elos kampare in ahkos olwelah ingacn.

Mempucr ke Alu uh elos kwacfeyuck in ahkkahlwemye sucu lalos ma misac ma tiac eis akwuck tempuhl. Na mempucr inge ahkfahsrye akwuck inge ahollah sucu lalos ma misac (liye Doctrine and Covenants 128:18). Ke facl luhn nguhn, kais sie mwet misac kuh in sulaclah in eis kuh tiac eis akwuck ma ahkfahsryeyuck kacltahl.

25.1.1

Kunohkohn luhn Kais Sie in Som nuh Tempuhl

Mempucr uh sulaclah na selos lah ngac ac fuhkah atacn ahkfuhlwact lalos lin tempuhl. Mwet kol elos tiac akiyac atac se kuh in ripohrti lah ngac enenuh in som nuh tempuhl.

25.2

Oraclah in wo Orekma ke Tempuhl ac Sramsram Mahtuh ke Ward

25.2.1

Pisaprik

Pisap el orekma wi prestuhnsi ke u luhn elder ac Rilif Sosaiti ke elos kol oruh orekma ke tempuhl ac sramsram mahtuh. Mwet kol inge toeni aetuhilac.

Pisaprik el sruok pac kunohkohn ekahsr inge nuh tempuhl ac orekma ke sramsram mahtuh ke sucu ke ward:

• Ahklohye lah mwe luti pwacye ac mwe insewowo ke tempuhl ac orekma ke sramsram mahtuh ke sucu elos lutiyuck pwacye ke alu ah.

• Ahklohye lah tempuhl ac orekma ke sramsram mahtuh ke sucu ahkkahlwemyeyuck ke toeni in eis ac sang kahsruh luhn ward ac toeni luhn mwet fuhsr.

• Liye karihngihn u ma oruh kuhlahs in ahkolah nuh tempuhl (liye 25.2.8).

• Oraclah pwepuh in lwelah nuh tempuhl (liye chapter 26).

25.2.2

Prestuhnsi ke U luhn Elders ac Rilif Sosaiti

Prestuhnsi ke u luhn elder ac Rilif Sosaiti elos kol lwen nuh ke lwen orekma ke tempuhl ac sramsram mahtuh ke sucu ke ward se (liye 8.2.4 and 9.2.4). Elos tuhkweni orekma kol srihke se inge wi ward council, ye kahsruh luhn pisap.

Kunohkohn luhn mwet kol inge pa tahklac inge:

• Kahsruh mempucr in eis akwuck tempuhl ac oraclah olwelah lalos tempuhl.

• Ahkkweye mempucr in kuh in oruh kaksak lalos tempuhl pacl nuh kwewa ma elos kuh.

• Ahkkweye mempucr in luti yohk ke mwet mahtuh lalos somlah ac ahkfahsrye akwuck lalos tempuhl aholuhlos.

• Kol orekma oacna mwet kol luhn tempuhl ke ward ac sramsram mahtuh. Fin mwet kol se inge tiacna pahngonyuck, mempucr se ke prestuhnsi ke u luhn elder kuh in ahkfalyelah kunohkohn se (liye 25.2.3).

Prestuhn ke u luhn elder ac prestuhn luhn Rilif Sosaiti ac srihsrngiyac mwet se ke prestuhnsi in kahsruh kol orekma ke tempuhl ac sramsram mahtuh ke sucu ke ward sacn. Prestuhnsi mempucr luo inge tuhkweni na orekma. Elos wi toeni luhn ward tempuhl ac orekma ke sramsram mahtuh (liye 25.2.7).

25.2.3

Ward Tempuhl ac Mwet kol se ke acn in Orekma ke Sramsram Mahtuh

Pisaprik el eis lwelah sin prestuhn luhn stek in sulaclah lah ac pahngonyuck sie ward tempuhl ac mwet kol se ke acn in orekma ke sramsram mahtuh. Mwet se inge enenuh in sruok Melchizedek Pristut.

Mwet se orekma ke acn in sramsram mahtuh ke sucu ac ward tempuhl inge tahpuhk prestuhnsi ke u luhn elder ac Rilif Sosaiti ke kunohkohn lalos tempuhl ac ke acn in sramsram mahtuh. El oacyacpac sruok kunohkohn ekahsr ten inge:

• Kol toeni luhn ward tempuhl ac orekma ke sramsram mahtuh (liye 25.2.7).

• Luti mwet orekma ke ward tempuhl ac acn in sramsram mahtuh ke sucu. Sang pacl lalos in kahsruh mempucr orekma ke sramsram mahtuh ke sucu ac tempuhl.

• Orekma wi mwet kol misin ke ward ac misineri in kahsruh elos suc luti ke wosasuc, mempucr sasuc, ac mempucr sifilpac fohlohk in fahsri na tempuhl ac oruh orekma ke sramsram mahtuh luhn sucu lalos.

25.2.4

Ward Tempuhl ac Mwet Orekma ke Sramsram Mahtuh ke Sucu

Ward tempuhl ac mwet orekma ke sramsram mahtuh ke sucu elos kuhlwacnsap ye kohkoh luhn ward tempuhl ac mwet kol ke acn in sramsram mahtuh ke sucu kuh mempucr se ke prestuhnsi ke u luhn elder ma orekma ke kunohkohn se inge. Pisaprik el pahngon mempucr inge in kuhlwacnsap. Mwet mahtuh ac tuhlihk fuhsr kuh in pahngonyuck.

Pa inge kunohkohn luhn mwet orekma inge:

• Kahsruh mempucr in puhlakihn mwe insewowo ke elos sokwack mwet lalos misac ac oruh akwuck lalos tempuhl aholuhlos.

• Kahsruh mempucr in kuh in eis akwuck ke tempuhl ac oraclah olwelah tempuhl.

• Wi toeni luhn ward tempuhl ac orekma ke sramsram mahtuh (liye 25.2.7).

25.2.7

Ward Tempuhl ac Miting luhn Mwet Orekma ke Acn in Sramsram Mahtuh

Ahkuhtweyac fototo se luhn ward tempuhl ac mwet orekma ke acn in sramsram mahtuh ke sucu kwacna ahkfahsryeyuck. Ac fin oasr mwet se pahngonyuck nuh ke ward tempuhl ac mwet kol se ke acn in sramsram mahtuh luhn sucu, el pa ac kol toeni se inge uh. Fin tiac, mempucr se ke prestuhnsi ke u luhn elder ma konwelah kunohkohn se inge pa ac kol uh.

Mwet sahyac ma suliyuck nuh kac uh pa:

• Aholyacn mempucr prestuhnsi ke Rilif Sosaiti ac ke u luhn elder.

• Mwet kahsruh se ke u luhn prist.

• Mempucr se ke kuhlahs luhn Muhtwacn Fuhsr u se ma mahtuh ah.

• Mwet orekma se Tempuhl ac acn in orekma sramsram mahtuh.

Srihpen toeni inge pa in:

• Plwacnelah in kahsruh kais sie mempucr ke ward in etuh ke tempuhl lalos ac orekma ke sramsram mahtuh luhn sucu lalos fin elos enenuh.

Miting inge kuh in angwetwacni kuh fahsrwelihk. Tuhkweni sramsram inge kuh pac in sikyak ke inkacnek sahyac, pa nuh ke pahng orekmakihn phone, sihm, kuh email.

25.2.8

Kuhlahs in Ahkolah nuh Tempuhl

Ye kohkoh lal pisap, kuhlahs in ahkolah nuh tempuhl enenuh in oreklac in kahsruh mempucr ahkoeloslac in oraclah olwelah ke elos ac eis akwuck lalos tempuhl. Kuhlahs inge orek ke pacl sahyacn toeni ke Sacnri nge ma ma fihsrwacsr nuh sin mempucr. Kuh in orek ke acn in miting kuh ke lohm se.

Mwe luti ac mwe ahkuhtweyac nuh ke kuhlahs se inge oasr ke Endowed from on High: Temple Preparation Seminar Teacher’s Manual. Mwet ma wi inge ituckyang pwepuh se ke Preparing to Enter the Holy Temple. In sifacna lutlut kac ac kahsruh nuh ke mwe luti, liye temples.ChurchofJesusChrist.org.

25.4

Kahsruh ke Sramsram Mahtuh ke Sucu

25.4.1

My Family: Stories That Bring Us Together [Sucu Luhk: Sramsram ma Uskuhteni nuh Sie]

My Family: Stories That Bring Us Together [Sucu Luhk: Sramsram ma Uskuhtweni nuh Sie] kahsruh mwet uh in sokwack sucu ac mwet lalos somlah ac oracni sramsram kaclos. Puk se inge kuh in kahsruh mempucr in muhtwacwacack ahkolah inen sucu lalos nuh ke akwuck tempuhl.

Puk se inge kuh in downloadiyucki ke ChurchofJesusChrist.org. Puk kac uh kuh in ohtohiyuck ke store.ChurchofJesusChrist.org.

25.4.2

FamilySearch.org ac FamilySearch Apps

FamilySearch.org pa website se luhn Alu uh nuh ke tempuhl ac orekma ke sramsram mahtuh ke sucu. Kuh in kahsruh mwet orekmakihn inge:

• Muhsahi kuhpahsr ke tahkihnyacn sucu.

• Sokwack mwet mahtuh lasr somlah ac sramsram kaclos.

• Akacsruhi ac karuhnguhnwacng sramsram kacn sucu, petsac, ac ma mahtuh.

• Ahkolah inen sucu nuh ke akwuck tempuhl.

FamilySearch Tree app ac FamilySearch Memories app sang nuh sin mwet uh in wi oruh orekma tempuhl ac sramsram mahtuh ke sucu orekmakihn device nahtuhlos.

25.5

Sang Lwelah ac Pahngon Mwet Orekma Tempuhl

25.5.1

Sang Lwelah nuh sin Mwet Orekma Tempuhl

Mwet orekma tempuhl uh elos akihlenyuck ke ma ekahsr ten inge:

• Akihlenyuck mempucr inge yurun pisap kuh mwet kol se sahyac ke ward

• Mempucr ma ohsun nuh sin pisap ke srihpen kuhlwacnsap

• Mempucr ma fwackyuck sin tempuhl prestuhn, mwet orekma tempuhl, kuh mwet kol se sahyac tempuhl

• Mempucr ma ahkoo nuh kac kuh ma tuhfahna fohlohk ke kuhlwacnsap ke misineri (liye sapta 24)

Inen mwet orekma tempuhl inge utuckuh ke Recommend Temple Worker tool. Atac se inge kuh in orekmakihnyuck sel pisap, stek prestuhn, ac prestuhnsi ke tempuhl.