templo

25.

Buluhaton sa Templo kag Family History sa Ward kag Stake

25.0

Introduksyon

Ang buluhaton sa templo kag family history amo ang pamaagi sa pag-isa kag pagselyo sang mga pamilya sa wala katapusan (tan-awa sa Mateo 16:19). Dala sa sini nga buluhaton ang:

• Paghimo sang mga kasugtanan sa pagbaton naton sang aton kaugalingon nga mga ordinansa sa templo (tan-awa sa Isaias 55:3; Doktrina kag mga Kasugtanan 84:19–23).

• Pagdiskubre sang aton patay na nga mga katigulangan kag paghikot sang mga ordinansa para sa ila sa templo para makahimo man sila sang mga kasugtanan upod sa Dios (tan-awa sa Malaquias 4:5–6; 1 Mga Taga-Corinto 15:29; Doktrina kag mga Kasugtanan 128:15–18).

• Regular nga pagkadto sa templo, kon posible, para magsimba sa Dios kag maghikot sang mga ordinansa para sa Iya mga anak (tan-awa sa Lucas 24:52–53; Doktrina kag mga Kasugtanan 109:13–14).

Ang dugang nga impormasyon ara sa “Temples” kag “Family History” (Gospel Topics, topics.ChurchofJesusChrist.org).

25.1

Partisipasyon sang Miyembro kag Lider sa Buluhaton sa Templo kag Family History

Ang mga miyembro sang Simbahan may pribelihiyo kag responsibilidad nga buligan ang ila mga pamilya nga mag-isa sa wala katubtuban. Ginahanda nila ang ila mga kaugalingon nga maghimo sang mga kasugtanan sa pagbaton nila sang mga ordinansa sa templo, kag ginatinguhaan nila nga tumanon ina nga mga kasugtanan.

Ginapaisog ang mga miyembro sang Simbahan nga kilalahon ang napatay na nila nga mga paryente nga wala pa makabaton sang mga ordinansa sa templo. Dayon ginahikot sang mga miyembro ang mga ordinansa para sa ina nga mga paryente (tan-awa sa Doktrina kag mga Kasugtanan 128:18). Sa kalibutan sang mga espiritu, ang nagkalamatay na nga mga indibidwal pwede nga magbaton ukon magsikway sang mga ordinansa nga ginhikot para sa ila.

25.1.1

Indibidwal nga Responsibilidad sa Pagkadto sa Templo

Ang mga miyembro ang nagadesisyon para sa ila mga kaugalingon kon san-o kag kon ano kapirme magsimba sa templo. Wala nagabutang ang mga lider sang quota ukon sistema sa pagreport sang pagkadto sa templo.

25.2

Pag-organisar sang Buluhaton sa Templo kag Family History sa Ward

25.2.1

Bishopric

Nagapakig-angot ang bishopric sa mga pangulohan sang elders quorum kag Relief Society samtang ginapangunahan nila ang buluhaton sa templo kag family history sa ward. Ini nga mga lider regular nga nagakonsultahanay.

Ang bishopric may masunod nga mga responsibilidad para sa buluhaton sa templo kag family history sa ward:

• Siguruhon nga ang doktrina kag mga bugay sang buluhaton sa templo kag family history ginatudlo sa simbahan.

• Siguruhon nga ang buluhaton sa templo kag family history ginapakig-angot sa mga miting sang ward council kag ward youth council.

• Ginadumalahan ang pag-organisar sang mga klase sa paghanda para sa templo (tan-awa sa 25.2.8).

• Mag-isyu sang mga temple recommend (tan-awa sa kapitulo 26).

25.2.2

Mga Presidency sang Elders Quorum kag Relief Society

Ang mga pangulohan sang elders quorum kag Relief Society ang nagapamuno sa adlaw-adlaw nga pagpaninguha sang ward parte sa buluhaton sa templo kag family history (tan-awa sa 8.2.4 kag 9.2.4). Nagabuligay sila nga pangunahan ining buluhaton upod sa ward council, sa idalom sang pagpakig-angot sang bishop.

Ining mga lider may masunod nga mga responsibilidad:

• Buligan ang mga miyembro nga maghanda sa pagbaton sang mga ordinansa sa templo kag maghimo sang mga kasugtanan sa templo.

• Paisogon ang mga miyembro nga magsimba sa templo pirme kon itugot sang ila mga sirkumstansya.

• Papagsikon ang mga miyembro nga magtuon parte sa ila mga katigulangan kag hikuton ang mga ordinansa sa templo para sa ila.

• Giyahan ang buluhaton sang ward temple and family history leader. Kon wala sang gintawag nga amo sini nga lider, isa ka miyembro sang elders quorum presidency ang nagahimo sini nga buluhaton (tan-awa sa 25.2.3).

Ang elders quorum president kag Relief Society president nagaasayn sang miyembro sang pangulohan sa tagsa nila ka organisasyon nga magbulig sa pagpamuno sang buluhaton sa templo kag family history sa ward. Nagabuligay ining duha ka miyembro sang pangulohan. Nagaentra sila sa mga temple and family history coordination meeting (tan-awa sa 25.2.7).

25.2.3

Ward Temple and Family History Leader

Ang bishopric nagakonsulta sa stake president para hibaluon kon bala magtawag sang ward temple and family history leader. Ini nga tawo dapat nagakapot sang Melchizedek Priesthood.

Ang ward temple and family history leader nagasuporta sa pangulohan sang elders quorum kag Relief Society sa ila mga responsibilidad sa buluhaton sa templo kag family history. May ara man sia sang masunod nga mga responsibilidad:

• Pangunahan ang mga ward temple and family history coordination meeting (tan-awa sa 25.2.7).

• Tudloan ang mga ward temple and family history consultant. Ipakig-angot ang ila mga pagpanikasog para buligan ang mga miyembro sa buluhaton sa templo kag family history.

• Magbuligay upod sa ward mission leader kag mga misyonero para buligan ang mga nagatuon sang ebanghelyo, bag-o nga mga miyembro, kag nagabalik nga mga miyembro nga magpakigbahin sa buluhaton sa templo kag family history.

25.2.4

Mga Ward Temple and Family History Consultant

Ang mga ward temple and family history consultant nagaserbisyo sa direksyon sang ward temple and family history leader ukon miyembro sang pangulohan sang elders quorum nga nagakapot sini nga katungdanan. Ang bishopric amo ang nagatawag sining mga miyembro para mag-alagad. Pwede tawgon ang mga hamtong kag mga lamharon.

Ang mga consultant may masunod nga mga responsibilidad:

• Buligan ang mga miyembro nga maeksperiyensyahan ang mga bugay sang pagdiskubre sang ila mga katigulangan kag paghikot sang mga ordinansa sa templo para sa ila.

• Buligan ang mga miyembro nga maghanda sa pagbaton sang mga ordinansa sang templo kag maghimo sang mga kasugtanan sa templo.

• Magpartisipar sa mga temple and family history coordination meeting (tan-awa sa 25.2.7).

25.2.7

Mga Ward Temple and Family History Coordination Meeting

Regular nga ginahiwat ang indi pormal nga mga ward temple and family history coordination meeting. Kon may gintawag nga ward temple and family history leader, sia ang nagapamuno sining mga miting. Kon wala, ang miyembro sang pangulohan sang elders quorum ang nagahimo sini.

Dala sa iban nga imbitado ang:

• Naasayn nga mga miyembro sang pangulohan sang Relief Society kag elders quorum.

• Assistant sang priests quorum.

• Miyembro sang pangulohan sang pinakamagulang nga klase sa Young Women.

• Mga temple and family history consultant.

Ang katuyuan sining mga miting amo ang:

• Magplano kon paano buligan ang partikular nga mga miyembro sa ward sa ila buluhaton sa templo kag family history kon ginapangabay nila.

Ini nga mga miting pwede hiwaton sa personal ukon online. Ang pagpakig-angot pwede man himuon sa iban nga paagi, pati na sa tawag, text, kag email.

25.2.8

Temple Preparation Course

Sa direksyon sang bishop, pwede mag-organisar sang temple preparation course para buligan ang mga miyembro nga maghanda sa paghimo sang mga kasugtanan sa pagbaton nila sang mga ordinansa sang templo. Ini nga mga klase ginahiwat sa gwa sang regular nga mga klase kon Domingo sa oras nga mahapos para sa mga miyembro. Pwede ini hiwaton sa simbahan ukon sa puluy-an.

Ang mga leksyon kag instruksyon sa pag-organisar sang klase ara sa Endowed from on High: Temple Preparation Seminar Teacher’s Manual. Ang mga partisipante ginahatagan sang mga kopya sang Preparing to Enter the Holy Temple. Para sa mga bulig sa personal nga pagtuon kag leksyon, tan-awa sa temples.ChurchofJesusChrist.org.

25.4

Mga Bulig sa Family History

25.4.1

My Family: Stories That Bring Us Together

Ang My Family: Stories That Bring Us Together nagabulig sa mga tawo nga madiskubrehan ang ila mga paryente kag katigulangan kag magtipon sang ila mga istorya. Makabulig man ining booklet sa mga miyembro nga maghanda sang mga ngalan sang pamilya para sa mga ordinansa sa templo.

Ini nga booklet ma-download sa ChurchofJesusChrist.org. Ang pisikal nga mga kopya pwede ma-order sa store.ChurchofJesusChrist.org.

25.4.2

FamilySearch.org kag ang mga App sang FamilySearch

FamilySearch.org amo ang website sang Simbahan para sa buluhaton sa templo kag family history. Nagabulig ini sa mga nagagamit nga:

• Iplastar ang mga koneksyon kag kaangtanan sa family tree.

• Madiskubrehan ang ila mga katigulangan kag ang ila mga istorya.

• Mag-share kag magtipig sang mga istorya sang pamilya, mga litrato, kag mga kasaysayan.

• Maghanda sang mga ngalan sang pamilya para sa mga ordinansa sang templo.

Ang FamilySearch Tree app kag FamilySearch Memories app nagabulig sa mga tawo nga magpartisipar sa buluhaton sa templo kag family history gamit ang ila mga mobile device.

25.5

Pagrekomendar kag Pagtawag sang mga Temple Worker

25.5.1

Pagrekomendar sang mga Temple Worker

Ang posible nga mangin mga temple worker ginahibalo paagi sa masunod:

• Mga miyembro nga ginapili sang bishop ukon isa pa ka lider sa ward

• Mga miyembro nga nagahambal sa bishop nga gusto nila magserbisyo

• Mga miyembro nga ginrekomendar sang temple president, sang matron, ukon sang isa pa ka lider sang templo

• Mga miyembro nga nagahanda ukon bag-o lang nagpauli halin sa misyon (tan-awa sa kapitulo 24)

Ang mga ngalan sang posible mangin mga temple worker ginasumite gamit ang Recommend Temple Worker tool. May ari sining tool ang mga bishop, stake president, kag mga temple presidency.