25.

Te Mwakuri n te Tembora ao n Rongorongon te Utu inanon te Uoote ao te Titeiki

25.0

Kabwarabwaraana

Te mwakuri n te tembora ao rongorongon te utu bon ibukin katiteuanakiia ao kabaeakiia utu ibukin te maiu ae akea tokina. (taraa Mataio 16:19). Te mwakuri aei e raonaki ma:

• Karaoan berita aika tabu ngkana ti karekei oin ara otenanti n te tembora (taraa Itaia 55:3; Reirei ao Berita aika Tabu 84:19–23).

• Kakaen araia ara bakatibu ake a tia ni mate ao karaoan otenanti ibukiia n te tembora bwa a aonga ni karaoi berita ma te Atua (taraa Maraki 4:5–6; 1 I-Korinto 15:29; Reirei ao Berita aika Tabu 128:15–18).

• Te nakon te tembora n tainako, ngkana e kona, n taromauriia te Atua ao ni karaoi otenanti ibukiia ara bakatibu (taraa Ruka 24:52–53; Reirei ao Berita aika Tabu 109:13–14).

Rongorongona riki tabeua a kona n reke n “Temples” ao “Family History” (Gospel Topics, topics.ChurchofJesusChrist.org).

25.1

Irakin te Mwakuri n te Tembora ao n Rongorongon te Utu Irouia Membwa ao Taan Kairiiri

Membwa n te Ekaretia iai tibwangaia ao tabeia ni buokia ni katiteuanaia aia utu ibukin te maiu ae akea tokina. A katauraoiia ni karaoi berita aika tabu ngkana a karekei otenanti n te tembora, ao ni kekeiaki ni kawakin berita aikanne.

Membwa n te Ekaretia a kaungaaki bwa a na kinaia aia utu ake a tia ni mate ake a tuai karekei otenanti n te tembora. Membwa ngkanne a karaoi otenanti ibukiia aia utu aikanne (taraa Reirei ao Berita aika Tabu 128:18). N te aonaaba n tamnei, n tatabemaniia ake a tia ni mate a kona ni butimwaai ke n totokoi otenanti ake a tia ni karaoaki ibukiia.

25.1.1

Tabeia n Tatabemaniia Nako Ibukin Te Roroko n te Tembora

A na iangoia bon irouia membwa bwa n ningai ke maanra tain te nebonebo inanon te tembora. Taan kairiiri aki katei kouru ke kawai ibukin ribotinakin mwaitin te nanakon te tembora.

25.2

Baireakin te Mwakuri n te Tembora ao Rongorongon te Utu n te Uoote

25.2.1

Bitiobiriki

Bitiobiriki a ikarekebai ma beretitentii n te kooram n unimwane ao te Bootaki n Aine ngkai a kaira ana mwakuri te uoote n te tembora ao rongorongon te utu. Taan kairiiri aikai a reitaki ni marooro ni katoa tai.

Aikai naba taben te bitiobiriki ibukin te tembora ao te mwakuri n rongorongon te utu inanon te uoote:

• Kakoaua raoi bwa reirei ao kakabwaia ibukin mwakuri n te tembora ao rongorongoia utu a reiakinaki n tain te taromauri.

• Kakoaua bwa te mwakuri n te tembora ao n rongorongon te utu a baireaki inanon bowiin te kauntira n te uoote ao n aia kauntira kairake.

• Tararua te kiraati ibukin te katauraoi nakon te tembora (taraa 25.2.8).

• Anga te beba ni kariaia n rin n te tembora (taraa mwakoro 26).

25.2.2

Beretitentii n te Kooram n Unimwaane ao te Bootaki n Aine

Beretitentii n te kooram n unimwaane ao n te Bootaki n Aine a kaira te mwakuri n te tembora ao rongorongon te utu n te uoote (taraa 8.2.4 ao 9.2.4). A mwakuri ni ikotaki ni kairii mwakuri aikai ma kain te bowi ni kauntira n te uoote, iaan ana babaronga te bitiobi.

Taan kairiiri aikai iai katabeakia n aron aikai:

• Buokiia membwa ni katauraoia ni karekea aia otenanti n te tembora ao ni karaoi berita aika tabu.

• Kaungaiia membwa bwa a na nebonebo inanon te tembora n tainako ngkana e angaraoi.

• Kaungaiia membwa bwa a na reirei taekaia aia bakatibu ao karaoi otenanti n te tembora ibukiia.

• Kaira ana mwakuri te tia kaira te mwakuri ibukin te tembora ao rongorongon te utu n te uoote. Ngkana e aki weteaki te tia kairiiri aei, te membwa n te beretitentii n te kooram n unimwaane e na kanoa te nwakuri aei (taraa 25.2.3).

Te beretitenti n aia kooram unimwaane ao te Bootaki n Aine a na uaia n angan te membwa n te beretitentii bwa e na buokia ni kaira te mwakuri n te tembora ao n rongorongon te utu n te uoote. Membwa n te beretitentii aika uoman aikai a na botaki ni mwakuri. A na iri bootaki ni babaire ibukin te tembora ao rongorongon te utu (taraa 25.2.7).

25.2.3

Te Tia Kairiiri Ibukin te Tembora ao n Rongorongon te Utu n te Uoote

Te bitiobiriki e na reitaki ma te beretitenti n te titeiki ni iangoia ngkana e na weteaki te tia kairiiri ibukin te tembora ao rongorongon te utu n te uoote. E riai te aomata aei n iai irouna te Nakoanibonga ae te Merekitereka.

Te tia kairiiri ibukin mwakurin tembora ao rongorongon te utu e boutoka te beretitentii n aia kooram unimwaane ao te Bootaki n Aine ni katabeaia ni mwakurin tembora ao rongorongon te utu. Iai naba mwiokoana n aron aikai:

• Kairi bootaki ni babaire ibukin te tembora ao n rongorongon te utu n te uoote (taraa 25.2.7

• Kairiia taan mwakuri n te tembora ao n rongorongon te utu. Kabonganai aia konabwai ni buokiia membwa ma te mwakuri n te tembora ao n rongorongon te utu.

• Mwakuri ma te tia kairiiri n te mition n te uoote ao mitinare ni buokiia naake a reiakina te euangkerio, membwa aika boou, ao membwa aika a oki aika a tabe ma te mwakuri n te tembora ao n rongorongon te utu.

25.2.4

Taan Rabakau ibukin te Tembora ao Rongorongon te Utu n te Uoote

Taan rabakakau ni mwakurin tembora ao rongorongon te utu a mwakuri iaan ana kairiiri te tia kaira mwakurin tembora ao rongorongon te utu ke kaain te beretitentii n te kooram are e taua te nakoa aei. Te bitiobi e weteiia membwa aikai ni beku. Ikawai ao roronrikirake a kona ni weteaki.

Iai tabeia taan rabakau n aron aikai:

• Buokiia membwa bwa a na taneiai ma kakabwaia ni kakaeakiia aia bakatibu ao ni karaoi otenanti n te tembora ibukiia.

• Buokiia membwa ni katauraoia ni karekea aia otenanti n te tembora ao ni karaoi berita aika tabu.

• Irii bootaki ibukin te tembora ao rongorongon te utu (taraa 25.2.7).

25.2.7

Bootaki ni Babaire ibukin te Tembora ao n Rongorongon te Utu n te Uoote

Bowi aika kimototo ibukin mwakurin tembora ao rongorongon te utu n te tembora a karaoki n taia. Ngkana e weteaki te tia kairiiri ibukin te tembora ao n rongorongon te utu n te uoote, e na karaoi bootaki aikai. Ma ti, te membwa n te beretitentii n te kooram n unimwaane are e kanoa te nakoa aei ngaia ae e na kairia.

Tabeman ake a kaoaki n raonaki ma:

• Te membwa ae mwiokoaki n te beretitentii man te Bootaki n Aine ao te kooram n unimwaane.

• Te tia ibuobuoki n te kooram n ibonga.

• Te membwa n te beretitentii ae te kabanea n ikawai n aia kiraati Ataeinnaine.

• Te tia rabakau n te tembora ao n rongorongon te utu.

Te kantaninga n taian bootaki aikai bwa e na:

• Baireia bwa ko na kanga ni buokiia membwa n te uoote ma aia mwakuri n te tembora ao n rongorongon te utu n aia uoote n aron are a tia ni bubuti iai.

A na karaoaki bootaki aikai ma temanna te aomata ke n taabo aika raroanako. Te boowi n reitaki e kona naba n riki ni kawai riki tabeua, ni ikotaki ma tareboon, tekiti, ao imeeri.

25.2.8

Te Reirei ibukin te Katauraoi Nakon te Tembora

Iaan ana kaetieti te bitiobi, te reirei ibukin te katauraoi nakon te tembora e kona ni baireaki bwa e na buokiia membwa ni katauraoia ni karaoi berita aika tabu ngkana a karekei otenanti n te tembora. A karaoaki reirei aikai itinanikun tain bootaki n te Tabati ae tataneiai te aba iai n te tai are e angaraoi ibukiia membwa. A kona ni karaoaki n te autinibotaki ke inanon te mwenga.

Reirei ao kaetieti ibukin bairean te reirei a kona n noraki inanon Endowed from on High: Temple Preparation Seminar Teacher’s Manual. Taan iria a anganaki katotoon te Preparing to Enter the Holy Temple. Ibukin bwaai n ibuobuoki n te kamatebwai ao n te reirei, taraa temples.ChurchofJesusChrist.org.

25.4

Bwaai n Ibuobuoki n Rongorongon te Utu

25.4.1

Au Utu: Karaki Ake A na Uotiira n Ikotiira

Au Utu: Karaki Aika A na Uotira n Ikotiira e buokiia aomata ni kakaeia aia utu ao aia bakatibu ao n ikoti rongorongoia. E kona naba te boki ae uarereke aei ni buokia membwa n waaki ni katauraoi aara n aia utu ibukin otenanti n te tembora.

E kona n taunroutenaki te boki ae uarereke aei iaon ChurchofJesusChrist.org. A kona n otanaki katotongana n te store.ChurchofJesusChrist.org.

25.4.2

FamilySearch.org ao FamilySearch Apps

FamilySearch.org bon ana webutiate te Ekaretia ibukin te mwakuri n te tembora ao rongorongon te utu. E kona ni buokiia taan kabongana:

• Katei rekerekeia n te utu ao aia reitaki.

• Kuneia aia bakatibu ao rongorongoia.

• Tibwai ao kawakin rongorongoia aia utu, tamneia, ao rongorongoia kaain te utu.

• Katauraoi araia kaain te utu ibukin otenanti n te tembora.

Te FamilySearch Tree app ao FamilySearch Memories app e anganiia aomata te kona n ira te mwakuri n te tembora ao n rongorongon te utu man taian mobwaera.

25.5

Rineakiia ao Weteakiia Taan Mwakuri n te Tembora

25.5.1

Rineakiia Taan Mwakuri n te Tembora

Taan mwakuri n te tembora aika a tauraoi a kinaaki n te kawai aei:

• Membwa ake a kinaki iroun te bitiobi ke te tia kairiiri riki temanna

• Membwa aika a nakon te bitiobi ibukin te beku

• Membwa aika a kariaiakaki iroun te beretitenti n te tembora, te meituron, ke te tia kairiiri riki temanna n te tembora

• Kaain te aro ake a kakatauraoi ke a tibwa oki man aia mitinare (taraa mwakoro 24)

Araia taan mwakuri n te tembora aika a tauraoi a kanakoaki man kabonganakin te Recommend Temple Worker tool. Te bwai ni mwakuri aei a tauraoi nakoia bitiobi, beretitenti n te titeiki, ao beretitentii n te tembora.