25.

Ħidma tat-Tempju u tal-Istorja tal-Familja fil-Qasam u l-Wited

25.0

Introduzzjoni

Il-ħidma tat-tempju u tal-istorja tal-familja huwa l-mezz ta’ kif ngħaqqdu u nissiġillaw l-familji għall-eternità (ara Mattew 16:19). Din il-ħidma tinkludi:

• Nagħmlu patti hekk kif nirċievu l-ordinanzi tat-tempju tagħna (ara Isaija 55:3; Duttrina u Patti 84:19–23).

• Niskopru lil qrabatna li ħallew din id-dinja u nwettqu l-ordinanzi tat-tempju għalihom biex ikunu jistgħu jagħmlu patti ma’ Alla (ara Malakija 4:5–6; 1 Korintin 15:29; Duttrina u Patti 128:15–18).

• Immorru t-tempju regolarment, fejn hu possibbli, biex inqimu lil Alla u nwettqu l-ordinanzi għall-uliedu (ara Luqa 24:52–53; Duttrina u Patti 109:13–14).

Aktar informazzjoni hija disponibbli f’“Tempji” u “L-Istorja tal-Familja” (Suġġetti tal-Evanġelju, topics.ChurchofJesusChrist.org).

25.1

Parteċipazzjoni tal-Membri u tal-Mexxejja fil-Ħidma tat-Tempju u tal-Istorja tal-Familja

Il-membri tal-Knisja għandhom il-privileġġ u r-responsabbiltà li jgħinu lill-familji tagħhom jingħaqdu għall-eternità. Huma jippreparaw lilhom infushom biex jagħmlu patti hekk kif jirċievu l-ordinanzi tat-tempju, u jistinkaw biex iżommu dawn il-patti.

Il-membri tal-Knisja huma mħeġġa biex jidentifikaw lil qrabathom li ħallew din id-dinja li ma jkunux irċevew l-ordinanzi tat-tempju. Il-membri mbagħad iwettqu l-ordinanzi f’isem dawk il-qraba (ara Duttrina u Patti 128:18). Fid-dinja tal-ispirti, invidiwi li ħallew din id-dinja jistgħu jagħżlu li jaċċettaw jew jirrifjutaw l-ordinanzi li jkunu mwettqa għalihom.

25.1.1

Responsabbiltà Individwali għall-Attendenza tat-Tempju

Il-membri jiddeterminaw għalihom infushom meta u kemm-il darba jqimu fit-tempju. Il-mexxejja ma jistabbilixxux kwoti jew sistemi ta’ rappurtar għall-attendenza tat-tempju.

25.2

Norganizzaw il-Ħidma tat-Tempju u tal-Istorja tal-Familja fil-Qasam

25.2.1

Veskovat

Il-veskovat jikkoordina mal-presidenzi tal-kworum tal-presbiteri u tas-Soċjetà tas-Solliev hekk kif dawn imexxu l-isforzi tat-tempju u l-isforzi tal-isorja tal-familja fil-qasam. Dawn il-mexxejja jikkonsultaw flimkien regolarment.

Il-veskovat għandu wkoll dawn ir-responsabbiltajiet għat-tempju u l-ħidma tal-Istorja tal-familja fil-qasam.

• Jassigura li d-duttrina u l-barkiet tat-tempju u tal-ħidma tal-istorja tal-familja huma mgħallma fil-knisja.

• Jassigura li x-xogħol tat-tempju u tal-istorja tal-familja huwa kkoordinat fil-kunsill tal-qasam u fil-laqgħat tal-kunsill taż-żgħażagħ tal-qasam.

• Jissorvelja l-organizzazzjoni tal-korsijiet ta’ tħejjija għat-tempju (ara 25.2.8).

• Jpħroġ rakkomandazzjonijiet tat-tempju (ara kapitlu 26).

25.2.2

Presidenzi tal-Kworum tal-Presbiteri u tas-Soċjetà tas-Solliev

Il-presidenzi tal-kworum tal-presbiteri u tas-Soċjetà tas-Solliev imexxu l-isforzi ta’ kuljum tat-tempju u tal-istorja tal-familja fil-qasam (ara 8.2.4 u 9.2.4). Huma jaħdmu flimkien biex imexxu dawn l-isforzi mal-kunsill tal-qasam, taħt il-koordinazzjoni tal-isqof.

Dawn il-mexxejja għandhom dawn ir-responsabbiltajiet li ġejjin:

• Jgħinu lill-membri jippreparaw biex jirċievu l-ordinanzi tat-tempju u jagħmlu patti tat-tempju.

• Iħeġġu lill-membri biex iqimu fit-tempju kemm jippermettulhom iċ-ċirkustanzi tagħhom.

• Iħeġġu lill-membri biex jitgħallmu dwar il-qraba tagħhom u jwettqu l-ordinanzi tat-tempju f’isimhom.

• Imexxu x-xogħol tat-tempju u tal-istorja tal-familja fil-qasam. Jekk dan il-mexxej ma jkunx imsejjaħ, membru tal-presidenza tal-kworum tal-presbiteri jieħu dan l-irwol (ara 25.2.3).

Il-presidenti tal-kworum tal-presbiteri u tas-Soċjetà tas-Solliev it-tnejn jassenjaw membru ta’ presidenza biex jgħinu fit-tmexxija tal-ħidma tat-tempju u tal-istorja tal-familja fil-qasam. Dawn iż-żewġ membri ta’ presidenza jaħdmu flimkien. Huma jattendu l-laqgħat tal-koordinazzjoni tat-tempju u tal-istorja tal-familja fil-qasam (ara 25.2.7).

25.2.3

Mexxej tat-Tempju u tal-Istorja tal-Familja fil-Qasam

Il-veskovat jikkonsulta mal-president tal-wited biex jiddetermina jekk isejjaħx mexxej tat-tempju u tal-istorja tal-familja fil-qasam. Din il-persuna trid tkun tħaddan is-saċerdozju ta’ Melkisedek.

Il-mexxej tat-tempju u tal-istorja tal-familja fil-qasam jissapportja lill-presidenza tal-kworum tal-presbiteri u lill-presidenza tas-Soċjetà tas-Solliev fit-tempju tagħhom u fir-responsabbiltajiet tal-istorja tal-familja. Hu jkollu wkoll dawn ir-responsabbiltajiet li ġejjin:

• Imexxi l-laqgħat tal-koordinazzjoni dwar it-tempju u l-istorja tal-familja fil-qasam (ara 25.2.7).

• Jagħti struzzjonijiet lill-konsulenti tat-tempju u tal-istorja tal-familja fil-qasam. Jikkoordina l-isforzi tiegħu biex jgħin lill-membri bil-ħidma tal-istorja tal-familja.

• Jaħdem mal-mexxej tal-missjoni tal-qasam u mal-missjunarji biex jgħinu lil dawk li qed jitgħallmu l-evanġelju, lill-membri ġodda, u membri li ġew lura jinvolvu ruħhom fil-ħidma tat-tempju u tal-istorja tal-familja.

25.2.4

Konsulenti tat-Tempju u tal-Istorja tal-Familja fil-Qasam

Il-konsulenti tat-tempju u l-istorja tal-familja fil-qasam iservu taħt id-direzzjoni tal-mexxej tat-tempju u tal-istorja tal-familja fil-qasam jew tal-membru tal-presidenza tal-kworum tal-presbiteri li jieħu dan l-irwol. Il-veskovat isejjaħ lil dawn il-membri bex iservu. L-adulti u ż-żgħażagħ jistgħu jiġu msejħa.

Il-konsulenti għandhom dawn ir-responsabbiltajiet:

• Jgħinu lill-membri jesperjenzaw il-barkiet tal-iskoperta tal-antenati tagħhom u tat-twettiq tal-ordinanzi tat-tempju f’isimhom.

• Jgħinu lill-membri jippreparaw biex jirċievu l-ordinanzi tat-tempju u jagħmlu patti tat-tempju.

• Jipparteċipaw f’laqgħat ta’ koordinazzjoni dwar it-tempju u l-istorja tal-familja fil-qasam (ara 25.2.7).

25.2.7

Laqgħat ta’ Koordinazzjoni dwar it-Tempju u l-Istorja tal-Familja fil-Qasam

Laqgħat ta’ koordinazzjoni, informali u qosra dwar it-tempju u l-istorja tal-familja fil-qasam isiru b’mod regolari. Jekk mexxej tal-qasam għat-tempju u l-istorja tal-familja jiġi msejjaħ, hu jmexxi l-laqgħa. Inkella, il-membru tal-presidenza tal-kworum tal-presbiteri li jieħu dan l-irwol imexxi hu.

Oħrajn li jiġu mistiedna jinkludu:

• Membri assenjati tas-Soċjetà tas-Solliev u presidenzi tal-kworum tal-presbiteri.

• Assistent tal-kworum tal-qassisin.

• Membru tal-presidenza tal-aktar klassi kbira fl-età tat-Tfajliet.

• Konsulenti tat-tempju u l-istorja tal-familja.

L-għan ta’ dawn il-laqgħat huwa li:

• L-għan hu li huma jikkoordinaw u jħejju sabiex jgħinu lill-membri tal-qasam fil-ħidma tagħhom tat-tempju u l-istorja tal-familja.

Dawn il-laqgħat jistgħu jsiru kemm b’mod fiżiku u kemm virtwalment. Il-koordinazzjoni tista’ ssir ukoll b’modi oħrajn, inkluż permezz tat-telefonati, messaġġi, u imejls.

25.2.8

Kors ta’ Tħejjija għat-Tempju

Taħt id-direzzjoni tal-isqof, jista’ jiġi organizzat kors ta’ tħejjija għat-tempju biex jgħin lill-membri jippreparaw biex jagħmlu patti hekk kif jirċievu l-ordinanzi tat-tempju. Dawn il-korsijiet jiġu organizzati apparti l-laqgħat regolari tal-Ħadd, f’ħin li jkun konvenjenti għall-membri. Jistgħu jsiru fid-dar tal-laqgħat jew fid-dar ta’ xi ħadd.

Lezzjonijiet u istruzzjonijiet biex norganizzaw il-kors qegħdin f’Dotat mis-Smewwiet: Manwal tal-Għalliema għas-Seminar ta’ Tħejjija għat-Tempju. Il-parteċipanti jingħataw kopji ta’ Nippreparaw biex Nidħlu fit-Tempju Mqaddes. Għal studju personali u riżorsi għal-lezzjoni, ara .

25.4

Riżorsi tal-Istorja tal-Familja

25.4.1

Il-Familja Tiegħi: Stejjer li Jressquna Lejn Xulxin

Il-Familja Tiegħi: Stejjer li Jressquna Lejn Xulxin jgħin lin-nies jiskopru l-antenati u l-qraba u jiġbru l-istejjer tagħhom. Dan il-ktejjeb jista’ wkoll jgħin lill-membri jibdew jippreparaw l-ismijiet ral-familja għall-ordinanzi tat-tempju.

Il-ktejjeb jista’ jiġi ddawnlowdjat minn ChurchofJesusChrist.org. Kopji fiżiċi jistgħu jiġu ordnati minn stejjer.ChurchofJesusChrist.org.

25.4.2

FamilySearch.org u FamilySearch Apps

FamilySearch.org hi l-websajt tal-Knisja għall-ħidma tat-tempju u tal-istorja tal-familja. Tista’ tgħin lill-users:

• Jibnu konnessjonijiet u relazzjonijiet tar-razza tal-familja.

• Jiskopru antenati u l-istejjer tagħhom.

• Jaqsmu u jippreservaw stejjer tal-familja, ritratti, u l-istorja.

• Iħejju l-ismijiet għall-ordinanzi tat-tempju.

L-FamilySearch app u FamilySearch Memories app jgħinu lin-nies jipparteċipaw fil-ħidma tat-tempju u tal-istorja tal-familja mill-mowbajls.

25.5

Nirrakkomandaw u Nsejħu Ħaddiema tat-Tempju

25.5.1

Nirrakkomandaw Ħaddiema tat-Tempju

Ħaddiema tat-tempju potenzjali huma identifikati f’dawn il-modi i li ġejjin:

• Membri identifikati mill-isqof jew mill-mexxej ta’ qasam ieħor

• Membri li javviċinaw lill-isqof dwar is-servizz

• Membri rrakkomandati mill-president tat-tempju, il-matrona, jew mexxej tat-tempju ieħor.

• Membri li qed jingħaqdu par għal servizz missjunarju jew li qegħdin jirriotornaw minnu (ara kapitlu 24).

L-ismijiet ta’ ħaddiema tat-tempju potenzjali jiġu sottomessi bl-użu ta għodda tar-Rakkomandazzjoni ta’ Ħaddiema tat-Tempju. L-għodda hija disponibbli lill-isqfijiet, presidenti tal-wited, jew presidenzi tat-tempju.