25.

Temple nge Muruwel nifan e Chep ko Tabinaew ulan e Ward nge Stake

25.0

Mornga’agen

Temple nge muruwel nifan e chep ko tabinaew e irreram fan ni yima ta’arebnag min seal nag e tabinaew nga ta’abang ni manemus (muguy ko Matthew 16:19). Biney e muruwel e mu’un e:

• Ngongliy fapi m’ag ko napan ni gadaedra thapeg e birodaed e gam’ing u temple (muguy ko Isaiah 55:3; Doctrine and Covenants 84:19–23).

• Pire’eg mornga’agen e gidii’ rodaed ni kakrom nike yim’ min rrin’ fapi gam’ing nifan ngoraed ulan e temple ni ngeyag ni ngar ngongliyed fapi m’ag ngak Got (muguy ko Malachi 4:5–6; 1 Corinthians 15:29; Doctrine and Covenants 128:15–18).

• Yaen ko nu’un rok’ Somoel ni gubin ngiyal’, ko ngiyal’ ni rayag, ni ngan liyoer ngak Got min rrin’ fapi gam’ing nifan ngak pifak (muguy ko Luke 24:52–53Doctrine and Covenants 109:13–14).

Boech mornga’agen e bay ko “Temple” nge “Chep ko Tabinaewtopics.ChurchofJesusChrist.org” (Gospel Topics, ).

25.1

Member nge Tiyugang’ ni ngar Uned ko Temple nge Muruwel nifan e Chep ko Tabinaew

Members ko Galasia e bay mat’wonraed nge muruwel roraed ni ngar ta’areb niged e tabinaew roraed nga ta’abang ni manemus. Yaed ma fal’ag rogon raed ni ngar ngongliyed fapi m’ag ko ngiyal’ ni yaed be thapeg fapi gam’ing ko temple, ma yaed be gay rogon ni ngar ayuweged e pi motochiyel nem.

Members ko Galasia e yima pii’ e athamgil ngoraed ni ngar gayed mornga’agen e gidii’ roraed ni kakrom ni dawri thapeg fapi gam’ing ko temple. Ma fapi members e arram ni bayra ngongliyed fapi gam’ing nifan fapi gidii’ roraed (muguy ko Doctrine and Covenants 128:18). Ulan fare toffen e thothup, fapi gidii’ nike yim’ e rayag nira mel’eg ni nge fanay fa siyeg fapi gam’ing nikan rrin’ nifan ngoraed.

25.1.1

Muruwel Rom nifan e Yaen nga Temple

Members e yaed roraed ni ngar duugliyed ko wi’in nge urngin yay ni ngar ranod nga temple. Fapi tiyugang’ e dabi the’eg fa report nag urngin yay nibe yaen bee’ nga temple.

25.2

Yarmiy e Muruwel ko Temple nge Muruwel nifan e Chep ko Tabinaew ulan e Ward

25.2.1

Bishofric

Fare bishofric e yaed ma muruwel fapi elders quorum nge presidency ko Relief Society u ta’abang ko napan ni yaed be gagiyegnag e muruwel ko temple nifan e chep ko tabinaew. Pi tiyugang’ ney e yaed ma gopuruy’ u ta’abang ni gubin ngiyal’.

Fare bishofric e kaba’aray rogon e muruwel roraed nifan e muruwel ko temple nge muruwel nifan e chep ko tabinaew ulan fare ward:

• Ma micheg ni fapi yalen nge fapi tawa’ath ko temple nge muruwel nifan e chep ko tabinaew e yibe machib nag ulan e galasia.

• Ra micheg ni fare temple nge fare muruwel nifan e chep ko tabinaew e yibe puruy’nag mornga’agen ulan fare mo’olung ko ward council nge fapi mo’olung ko fal’yangren ulan fare ward.

• Ir e baga’ ko fare ulung nima pii’ e klass nima fal’ag rogoy ko yean nga temple (muguy ko 25.2.8).

• Fapi recommendation ko temple ni bay ni pii’ (muguy ko guruy 26).

25.2.2

Fapi Elders Quorum nge Presidencies ko Relief Society

Fare elders quorum nge Presidencies ko Relief Society e yaed ma gagiyegnag fapi muruwel ko temple nge tabinaew ulan fare ward (muguy ko 8.2.4 nge 9.2.4). Yaed ma muruwel u ta’abang ni ngar rrin’ed e biney nib mu’un fare ward council ngay, u tan paa’ fare bishof.

Pi tiyugang’ ney e ba’aray rogon e muruwel roraed:

• Yaed ma ayuweg fapi members ni ngar thapaged fapi gam’ing mi yaed ngongliy fapi m’ag.

• Pii’ed e athamgil ngak fapi members ni ngar uned ko liyoer ulan e tmeple ko urngin yay ni rayag roraed.

• Pii’ e athamgil ngak e members ni ngar filed mornga’agen e gidii’ roraed ni kakrom mi yaed rrin’ fapi gam’ing ko temple nifan ngoraed.

• Powi’iy fare muruel ko ward temple nifan e chep ko tabinaew. Fa’anra dariy reb fare tiyugang’ nikan pii’ e biney e pigpig ngak, ma reb e member ko fare elders quorum presidency era yoen’ luwan ere liw ney (muguy ko 25.2.3).

Fare president ko elders quorum nge president ko Relief Society era bigyow mara duugliy reb fare member ko presidency ni nge pii’ e ayuw ko fapi muruwel nifan e temple nge chep ko tabinew ulan fare ward. Gali members ko presidency ney e yowra muruwel u ta’abang. Yaed ma un ko ward temple nge fapi mo’olung nifan e chep ko tabinaew (muguy ko 25.2.7).

25.2.3

Ward Temple nge Tiyugang’ nifan e Chep ko Tabinaew

Fare bishofric e yaed ma gopuruy’ ngak fare stake president ni ngan duugliy bee’ ni nge mang fare tiyugang’ ko ward temple nge muruwel nifan e chep ko tabinaew. Chan’ey e susun ni bee’ ni bay fare Melchizedek Priesthood rok’.

Fare tiyugang’ ko ward temple nge tiyugang’ ko chep ko tabinaew e ngar pii’ed e ayuw ngak fapi presidency ko elders quorum nge presidency ko Relief Society ko muruwel roraed nifan e temple nge muruwel roraed nifan e chep ko tabinaew. Ma ka ba’aray rogon fapi muruwel rok’:

• Ma powi’iy fare ward temple nge fapi mo’olung nifan e chep ko tabinaew (muguy ko 25.2.7).

• Ma yoeg rogon e muruwel ko ward temple nge muruwel nifan e chep ko tabinaew. Ma gay rogon ni nge ayuweg fapi members ko temple nge muruwel nifan e chep ko tabinaew.

• Ma un ngak fare tiyugang’ ko ward mission nge fapi missionaries ni ngar ayuweged e pi’in nibe fil mornga’agen fare gospel, tin nib be’ech e members, nge tin ni kube sul e members ni ngar uned ko muruwel ko temple nge muruwel nifan e chep ko tabinaew.

25.2.4

Ward Temple nge Gidii’ nib Salap ko Mornga’agen e Chep ko Tabinaew

Ward temple nge gidii’ nib salap ko mornga’agen e chep ko tabinaew e yaed ma pigpig u tan paa’ fare ward temple nge tiyugang’ ko chep ko tabinaew fa fare member ko fare presidency ko elders quorum nibe rrin’ e biney e liiw. Fare bishofric era mel’eg e pi members ney ni ngar pigpigaed. Gidii’ nib ilaal nge fal’yangren e bay ni yira piningraed ko biney e pigpig.

Gidii’ nib salap ko mornga’agen e chep ko tabinaew e ba’aray rogon e muruwel roraed:

• Ayuweg fapi members ni ngar thapagned fapi tawa’ath ko pire’eg mornga’agen e gidii’ roraed ni kakrom mi yaed rrin’ fapi gam’ing ko temple nifan ngoraed.

• Yaed ma ayuweg fapi members ni ngar thapaged fapi gam’ing mi yaed ngongliy fapi m’ag.

• Ma un ko ward temple nge fapi mo’olung nifan e chep ko tabinaew (muguy ko 25.2.7).

25.2.7

Ward Temple nge Fapi Mo’olung nifan e Chep ko Tabinaew

Ward temple nge fapi mo’olung nifan e chep ko tabinaew e yima tay ni gubin ngiyal’. Fa’anra bay fare tiyugang’ ko fare ward temple nge tiyugang’ ko chep ko tabinaew, ma ir era gagiyeg nag e pi mo’olung ney. Fa danga’, ma reb e member ko presidency ko elders quorum e ire gagiyegnag fare mo’olung.

Gidii’ nikan pinning ni nge un ngay:

• Reb e member ko fare Relief Society nge presidencies ko elders quorum.

• Reb e assistant ko fapi priest quorum.

• Reb e member ko fare presidency ko bin th’abi ilaal e klass ko Young Women.

• Temple nge gidii’ nib salap ko mornga’agen e chep ko tabinaew.

Fan e pi mo’olung ney e:

• Ngan puruy’nag mornga’agen rogon ni ngan ayuweg e member ko ward ko mornga’agen e temple nge muruwel nifan e chep ko tabinaew nikan fith mornga’agen.

Pi mo’olung ney e bay ni yima mada’ riy fa bay ni yima rrin’ u online ulan e tabinaew rom. Puruy’nag rogon e rayag nira buch nib thilthil rogon, nib mu’un e fon kol ngay, text, fa email.

25.2.8

Klass nifan e Temple

U tan paa’ fare bishof ni’ir e be gagiyeg nag, rayag ni ngan yarmiy reb e klass ko temple ni nge ayuweg fapi members ni ngar ngongliyed fapi m’ag ko napan ni yaed be thapeg fapi gam’ing ko temple. Tiney e klass e yima tay ni gathi ngiyal’ e mo’olung ko Madnom machane ngiyal’ ni rayag ko members. Rayag ni ngan tay ulan fare nu’un ni tigil’ e mo’olung fa lan e tabinaew.

Fapi lessons nge rogon ni ngan yarmiy rogon e pi klass ney e bay ulan fare Endowed from on High: Temple Preparation Seminar Teacher’s Manual. Gidii’ nira un ko biney e klass e yira pii’ reb e pi babyor ney ngak ko Preparing to Enter the Holy Temple. temples.ChurchofJesusChrist.orgLesson nikemus nifan ngom nge ayuw nifan e lesson, rayag ni ngam guy ko .

25.4

Fapi Ayuw nifan e Chep ko Tabinaew

25.4.1

Tabinaew Rog: Yaat nima Kunuydaed nga Ta’abang

Tabinaew Rog: Yaat nima Kunuydaed nga Ta’abang e ma ayuweg e gidii’ nge pire’eg mornga’agen e gidii’ rodaed ni kakrom nge mornga’agen raed. Biney e babyor e rayag ni nge ayuweg fapi members ngar tabab gaed i fal’ag fithingan e tabinaew roraed nifan fapi gam’ing ko temple.

Rayag ni ngan download nag e biney e babyor ko ChurchofJesusChrist.org. Kopi ko babyor riy e rayag ni ngan order nag ko store.ChurchofJesusChrist.org.

25.4.2

FamilySearch.org nge Apps ko FamilySearch

FamilySearch.org ni’ir e fare website ko Galasia nifan e temple nge muruwel nifan e chep ko tabinaew. Rayag nira ayuweg e gidii’ nibe fanay ni nge:

• Fal’ag fapi tha’ ko tabinaew roraed ni woed papa’angin e gak’iy.

• Pire’eg mornga’agen e gidii’ roraed ni kakrom.

• Weliy me ayuweg mornga’agen e chep ko tabinaew, sassing riy, nge chep ko tabinaew.

• Fal’ag rogon fapi fithingan e tabinaew nifan e gam’ing ko temple.

Fare FamilySearch Tree app nge FamilySearch Memories app e rayag ni nge pag e gidii’ ngar uned ko fare muruwel nifan e temple nge muruwel nifan e chep ko tabinaew ko fon.

25.5

Pigpig nifan e Pi’in ni Rayag Rok’ nge Gidii’en e Muruwel ko Temple

25.5.1

Gidii’en e Muruwel ko Temple

Gidii’ ni rayag ni nge muruwel u temple e ba’aray rogon me un:

• Fare bishof e ke yoeg e pi members ney fa reb e tiyugang’ ko reb e ward

• Members ni yaed roraed e karbad ngak fare bishof ni yaed be yoeg ni ngar pigpig gaed

• Fare president ko temple e ke yoeg mornga’agaen e pi members ney, fa fare matron, fa reb e tiyugang’ ko temple

• Members nibe fal’ag rogonraed fa fin suled ko mission roraed (muguy ko guruy 24)

Fithngan fapi gidii’ ni rayag ni yaedra un ko muruwel ko temple e yira pii’ nge yaen ko Recommend Temple Worker tool. Biney e tool e bay ko fapi bishof, fapi stake presidents, nge fapi presidencies ko temple.