“25. TeTemplo ha Historia Familiar Rembiapo Barrio ha Estákape,” Manual General-gui Poravopyrekuéra (2023).
“25. Templo ha Historia Familiar Rembiapo Barrio ha Estákape,” Manual General-gui Poravopyrekuéra
25.
Templo ha Historia Familiar Rembiapo Barrio ha Estákape
25.0
Ñepyrũmby
Templo ha historia familiar rembiapo ha’e tembiporu oñembojoaju ha ojesella hag̃ua familiakuéra eternidáre (tojehecha Mateo 16:19). Ko tembiapópe oike:
-
Jajapo konveniokuéra jarresivívo ñane templo ordenánsa tee (tojehecha Isaías 55:3; Doctrina ha Konveniokuéra 84:19–23).
-
Jajuhu ñande ypykuéra omanova’ekue ha jajapóvo umi ordenánsa hesekuéra templo-pe ikatu hag̃ua ojapo hikuái konveniokuéra Tupã ndive (tojehecha Malaquias 4:5–6; 1 Corintios 15:29; Doctrina ha Konveniokuéra 128:15–18).
-
Jaha meme templo-pe, ikatuhápe, ñatupãitũ hag̃ua Tupãme ha jajapo umi ordenánsa Ita’yrakuérare (tojehecha Lucas 24:52–53; Doctrina ha Konveniokuéra 109:13–14).
Hetave marandu oĩ disponible “Templos” ha “Historia Familiar” (Temas del evangelio-pe, topics.ChurchofJesusChrist.org).
25.1
Miembro ha Líder Participación Templo ha Historia Familiar Rembiapópe
Tupaogua miembro-kuéra oreko priviléhio ha rresponsabilida oipytyvõ hag̃ua ombojoajúvo ifamiliakuéra eternidáre. Ha’ekuéra oñembosako’i ojapo hag̃ua konveniokuéra orresivívo umi templo-gua ordenánsa, ha oñeha’ã oñongatu umi konvénio.
Tupaogua miembro-kuéra oñemokyre’ỹ ojuhu hag̃ua iparientekuéra omanova’ekue ndorresivíriva gueteri templo-gua ordenansakuéra. Upéi miembro-kuéra ojapo umi ordenánsa umi pariente favor-pe (tojehecha Doctrina ha Konveniokuéra 128:18). Mundo de los espíritus-pe, umi tapicha omanova’ekue oiporavokuaa omboaje térã ombotove umi ordenánsa ojejapova’ekue hesekuéra.
25.1.1
Rresponsabilida Peteĩteĩ Templo-pe Jeho rehe
Miembro-kuéra odetermina ijehegui araka’e ha mba’e py’ỹipa otupãitũta templo-pe. Liderkuéra nomoĩri kuóta térã peteĩ momarandu sistema templo-pe jeho rehegua.
25.2
Oñemohendaporãvo Templo ha Historia Familiar Rembiapo Barrio-pe
25.2.1
Obispado
Obispado omohendaporã kórum de elderes ha Sociedad de Socorro presidencia ndive ogia aja barrio-gua templo ha historia familiar ñeha’ã. Ko’ã líder oñomongeta mante oñondive.
Obispado avei oreko ko’ã rresponsabilida templo ha historia familiar rembiapóre barrio-pe:
-
Ohecha toñembo’e templo ha historia familiar rembiapo doctrina ha jehovasakuéra tupaópe.
-
Ohecha toñemohendaporã templo ha historia familiar rembiapo umi barrio-gua konséhope ha barrio-gua konsého huventúpe g̃uarã.
-
Osupervisa templo-rã ñembosako’i mbo’epykuéra ñemohendaporã (tojehecha 25.2.8).
-
Oipyso umi templo-rã rrekomendasiõ (tojehecha capítulo 26).
25.2.2
Kórum de Elderes ha Sociedad de Socorro Presidencia
Kórum de Elderes ha Sociedad de Socorro presidencia-kuéra oisãmbyhy ára ha ára templo ha historia familiar rembiapo ñeha’ãnguéra barrio-pe (tojehecha 8.2.4 ha 9.2.4). Ha’ekuéra omba’apo oñondive oisãmbyhy hag̃ua ko’ã ñeha’ã barrio-gua konsého ndive, obispo ñemohendaporã guýpe.
Ko’ã líder oreko ko’ã rresponsabilida:
-
Oipytyvõ miembro-kuérape orresivi hag̃ua templo ordenansakuéra ha ojapo templo konveniokuéra.
-
Omokyre’ỹ miembro-kuérape otupãitũ hag̃ua templo-pe py’ỹiete ikatuháicha.
-
Omokyre’ỹ miembro-kuérape oikuaave hag̃ua ijypykuéragui ha ojapo templo ordenánsa ifavórpe.
-
Ogia barrio-gua templo ha historia familiar líder rembiapo. Noñehenóirõ upe líder, peteĩ kórum de elderes presidencia-gua miembro okumpli upe funsiõ (tojehecha 25.2.3).
Pe kórum de elderes presidente ha Sociedad de Socorro presidenta peteĩteĩ oasigna peteĩ presidencia-gua miembro oipytyvõ hag̃ua ogiávo templo ha historia familiar rembiapo barrio-pe. Ko’ã mokõi presidencia-gua miembro omba’apo oñondive. Ha’ekuéra oasisti barrio-gua templo ha historia familiar ñemohendaporã reunión-pe (tojehecha 25.2.7).
25.2.3
Barrio-gua Templo ha Historia Familia Líder
Pe obispado oñemongeta estakagua presidente ndive odetermina hag̃ua ohenoiva’erãpa peteĩ barrio-gua templo ha historia familiar líder. Ko tapicha ha’eva’erã peteĩ orekóva Melquisedec Sacerdocio.
Pe barrio-gua templo ha historia familiar líder oipytyvõ kórum de elderes ha Sociedad de Socorro presidencia-pe irresponsabilidakuéra templo ha historia familiar reheguápe. Ha’e oreko avei ko’ã rresponsabilida:
-
Ogia barrio-gua templo ha historia familiar ñemohendaporã reunión (tojehecha 25.2.7).
-
Ombo’e barrio-gua templo ha historia familiar consultores-pe. Omohendaporã iñeha’ãnguéra oipytyvõ hag̃ua miembro-kuérape templo ha historia familiar rembiapópe.
-
Omba’apo barrio-gua lider misional ha misionerokuéra ndive oipytyvõ hag̃ua umi oñemoarandúvape hína evanhéliope, umi miembro pyahúva ha umi oujeýva hína oñeinteresa hag̃ua templo ha historia familiar rembiapóre.
25.2.4
Barrio-gua Templo ha Historia Familiar Consultor-kuéra
Barrio-gua templo ha historia familiar consultor-kuéra oservi barrio-gua templo ha historia familiar líder térã pe kórum de elderes presidencia-gua miembro okumplíva upe funsiõ sãmbyhy guýpe. Obispado ohenói ko’ã miembro-pe oservi hag̃ua. Ikatu oñehenói kakuaáva ha imitãvape.
Umi consultor oreko ko’ã rresponsabilida:
-
Oipytyvõ miembro-kuérape ohupyty hag̃ua jehovasa oúva ojuhúvo ijypykuérape ha ojapóvo templo-gua ordenánsa ifavorkuérape.
-
Oipytyvõ miembro-kuérape oñembosako’ívo orresivi hag̃ua templo-gua ordenansakuéra ha ojapo templo-gua konveniokuéra.
-
Opartisipa templo ha historia familiar ñemohendaporã reunión-pe (tojehecha 25.2.7).
25.2.7
Barrio-gua Templo ha Historia Familiar Ñemohendaporã Reunión
Ojejapo meme barrio-gua templo ha historia familiar ñemohendaporã reunión. Oñehenóirõ peteĩ barrio-gua templo ha historia familiar líder, ha’e omboguata umi reunión. Ndaupeichairõ, pe kórum de elderes presidencia-gua miembro okumplíva upe funsiõ omboguata umi reunión.
Ambuekuéra oñeinvitáva apytépe oĩ:
-
Sociedad de Socorro ha kórum de elderes presidencia-gua miembro oñeasignáva.
-
Peteĩ asistente presbitero-kuéra kórum presidencia-pe.
-
Peteĩ Mujeres Jóvenes clase, umi ijedavéva presidencia-gua miembro.
-
Templo ha historia familiar consultor-kuéra.
Ko’ã reunión propósito ha’e:
-
Oñeplanea mba’éicha oñepytyvõta barrio-gua miembro-kuéra específico-pe itémplo ha historia familiar rembiapo reheve ojejerureháicha.
Ko’ã reunión ikatu ojejapo en persona térã virtualmente. Ñemohendaporã ikatu avei oiko ambueháicha, oikehápe teléfono ñehenói, texto ha email-kuéra.
25.2.8
Curso Ñembosako’i Templo-rã
Obispo sãmbyhy guýpe, oñemohenda peteĩ templo-rã ñembosako’i curso oipytyvõ hag̃ua miembro-kuérape oñembosako’ívo ojapo hag̃ua konveniokuéra orresivi aja templo-gua ordenansakuéra. Ko’ã curso ojejapo ára ndaha’éiva Domingo reunión regular ojejapohápe, ha katu oĩporãvo miembro-kuérape. Umíva ikatu ojejapo peteĩ centro de reuniones-pe térã peteĩ ógape.
Umi mbo’epy ha tekombo’e oñemohenda hag̃ua pe curso oĩ Investido de lo alto: Seminario de preparación para el templo, Manual para el maestro-pe. Umi participante-pe oñeme’ẽ Preparación para entrar al Santo Templo copia. Estudio personal ha mbo’epy rrekursorã, tojehecha temples.ChurchofJesusChrist.org.
25.4
Historia Familiar Rrekursokuéra
25.4.1
Che Familia: Tembiasakue Ñanemoĩva Oñondive
Che Familia: Tembiasakue Ñanemoĩva Oñondive, oipytyvõ tapichakuérape ojuhu hag̃ua ipariénte ha ijypykuéra ha ombyaty hembiasakuéra. Ko folleto ikatu avei oipytyvõ miembro-kuérape oñepyrũ ombosako’i ifamília rerakuéra templo ordenansakuerarã.
Pe folleto ikatu oñemboguejy -pe ChurchofJesusChrist.org. Kópia físico ikatu oñeordena store.ChurchofJesusChrist.org.
25.4.2
FamilySearch.org ha FamilySearch Aplicación-pe
FamilySearch.org ha’e pe Tupao sitio web templo ha historia familiar rembiaporã. Ikatu oipytyvõ umi oiporúvape:
-
Omopu’ã hag̃ua árbol familiar conección ha joajukuéra.
-
Ojuhu hag̃ua ijypykuéra ha hembiasa.
-
Okomparti ha oñongatu hag̃ua umi familia ñemombe’u, ta’angakuéra ha tembiasa.
-
Ombosako’ívo familia rerakuéra templo ordenansarã.
FamilySearch Tree ha FamilySearch Memories aplicación oheja tapichakuérape topartisipa templo ha historia familiar rembiapópe peteĩ aparato móvil guive.
25.5
Oñerrekomenda ha Oñehenóivo Templo Obrero-kuéra
25.5.1
Oñerrekomendávo Templo Obrero-kuéra
Umi ikatúva ha’e templo obrero-kuéra oñeidentifika kóicha:
-
Miembro-kuéra oñeidentifika obispo térã ambue barrio-gua líder rupi
-
Miembro-kuéra oñembojáva obispo rendápe ohekávo oservi hag̃ua
-
Miembro-kuéra oñerrekomendáva templo-gua presidente, pe matrona térã ambue templo líder rupi
-
Miembro-kuéra oñembosako’íva hína térã ou jey ramóva peteĩ servicio misional-gui (tojehecha capítulo 24)
Umi ikatúva ha’e templo obrero-kuéra réra oñemondo ojeiporúvo pe tembiporu Recomendar obrero del templo. Ko tembiporu oĩ disponible umi obispo, estakagua presidente ha templo presidencia-pe g̃uarã.