26.

Rekòmandasyon Tanp

26.0

Entwodiksyon

Antre nan tanp se yon privilèj ki sakre. Dirijan pawas ak pieu yo dwe ankouraje tout manm yo pou yo diy epi pou pou yo gen yon rekòmandasyon tanp valid menmsi yo p ap viv toupre yon tanp.

Dirijan Legliz yo fè tout efò pou yo asire ke tout moun ki antre nan tanp lan diy pou yo fè sa (gade Sòm 24:3–5).

Manm yo dwe gen yon rekòmandasyon valid pou yo antre nan yon tanp.

Yon evèk dwe fè konsèy avèk prezidan pieu li si li gen kesyon sou rekòmandasyon tanp ke yo pa reponn nan chapit sa a. Prezidan pieu a ka kontakte Biwo Premye Prezidans lan pou kesyon sa yo.

26.1

Tip Rekòmandasyon Tanp

Gen twa kalite rekòmandasyon:

1. Rekòmandasyon tanp pou manm ki pa dote. Rekòmandasyon sa yo se pou manm ki pa dote ki ap sele avèk paran yo oubyen ki ap akonpli batèm ak konfimasyon pa pwokirasyon. Yo bay yo atravè Resous Pou DIrijan ak Grefye (LCR)la. Pou plis enfòmasyon, gade nan 18.1

2. Rekòmandasyon tanp pou òdonans pou vivan Rekòmandasyon sa yo se pou manm k ap resevwa pwòp dotasyon yo oubyen ki ap sele avèk yon konjwen. Rekòmandasyon pou òdonans pou vivan yo atache a yon rekòmandasyon tanp regilye pou manm ki dote (ki dekri anba a).

3. Rekòmandasyon Tanp pou manm ki dote. Rekòmandasyon sa yo se pou manm ki deja dote. Yo bay yo nan LCR. Yo otorize yon manm pou patisipe nan tout òdonans tanp pou moun ki mouri. Yo itilize yo tou lè yon manm ki dote ap sele avèk paran oubyen pitit ki desede. Pou plis enfòmasyon, gade nan 18.1.

26.2

Pwoteje Rekòmandasyon Tanp yo

26.2.1

Dirijan Prètriz yo Pwoteje Rekòmandasyon Tanp yo

Dirijan Prètriz ki otorize pou kenbe liv rekòmandasyon tanp yo dwe pwoteje yo avèk anpil swen.

Dirijan Prètriz yo asire yo tou ke moun ki pa otorize pa gen aksè a enfòmasyon rekòmandasyon tanp yo nan LCRla.

26.2.3

Rekòmandasyon Tanp ki Pèdi oubyen ke yo Vòlè

Evèk la mande manm yo pou yo fè l konnen pi vit ke posib si rekòmandasyon yo pèdi oswa yo vòlè li. Li oubyen asiyen yon konseye oubyen grefye ki itilize LCR la pou l anile rekòmandasyon an pi vit ke posib. Si sistèm sa a pa disponib, evèk la kontakte biwo tanp lan pou fè yo anile rekòmandasyon an.

26.2.4

Rekòmande Moun Ki P ap Viv Selon Prensip Diyite yo

Si evèk la detèmine ke yon manm ki gen yon rekòmandasyon valid p ap viv selon prensip diyite yo (gade 26.3), li ka mande manm lan pou remèt li rekòmandasyon an. Li itilize LCR pou anile rekòmandasyon an. Si sistèm sa a pa disponib, evèk la kontakte biwo tanp lan pou fè yo anile rekòmandasyon an.

26.3

Direksyon Jeneral pou Emèt Rekòmandasyon Tanp

Dirijan Prètriz yo dwe emèt yon rekòmandasyon sèlman si manm lan reponn rekòmandasyon kesyon tanp yo nan fason apwopriye.

Entèvyou rekòmandasyon tanp yo pa ta dwe prese. Yo ta dwe prive. Sepandan, moun nan y ap entèvyouve a ka envite yon lòt grandèt pou l prezan.

Dirijan Prètriz yo pa dwe ajoute okenn kondisyon sou sa yo souliyen yo nan liv rekòmandasyon tanp lan. Ni yo pa ta dwe retire okenn kondisyon.

Nan pieu yo, yon manm prezidans pieu a oswa yon grefye pieu aktive rekòmandasyon tanp lan nan LCR apre yo fin bay li. Nan distri yo, yon manm prezidans misyon an oswa yon grefye misyon aktive rekòmandasyon an. Yo aktive rekòmandasyon pou batèm ak konfimasyon pa pwokirasyon yo lè yon manm episkopa a oubyen prezidan branch lan enprime yo.

26.3.1

Entèvyou Rekòmandasyon Tanp pou Manm nan Pawas ak Branch

Nan yon pawas, evèk la oswa yon konseye ki asiyen fè entèvyou pou rekòmandasyon tanp yo epi li bay rekòmandasyon a moun ki diy. Nan yon branch, se sèl prezidan filyal ki fè entèvyou rekòmandasyon tanp e bay rekòmandasyon tanp.

Nan yon pawas, evèk la pèsonèlman entèvyouve manm ki:

• Ap resevwa pwòp dotasyon pa yo (gade 27.1 ak 27.2).

• Ap sele avèk yon konjwen (gade 27.3).

Nan ka ijan kote evèk la pa disponib, li ka otorize youn nan konseye l yo pou yo fè entèvyou sa yo.

Anvan l bay yon rekòmandasyon nan nenpòt nan sitiyasyon yo ki nan lis anwo a, evèk la revize rejis manm lan pou verifye ke li pa gen ladan yon notasyon osijè restriksyon kòm manm nan Legliz la. Pou manm ki ap resevwa pwòp dotasyon yo oubyen ki ap sele avèk yon konjwen, li dwe asire l tou ke:

• Batèm nan ak konfimasyon moun nan ekri nan rejis manm lan.

• Frè yo te resevwa Prètriz Mèlkisekèk la.

Apre entèvyou a pa yon manm episkopa a oswa prezidan branch lan, yon manm nan prezidans pieu a entèvyouve manm k ap viv nan pieu a. Yon manm nan prezidans misyon an fè dezyèm entèvyou a pou manm k ap viv nan yon distri yo. Yon prezidan distri pa fè entèvyou pou rekòmandasyon tanp sof si l Premye Prezidans lan otorize li.

26.3.2

Entèvyou Rekòmandasyon Tanp pou Manm nan Zòn Izole yo

Gen kèk manm k ap viv nan zòn ki ta mande vwayaj chè oswa gwo difikilte pou yo ka rankontre avèk yon manm prezidans pieu oswa prezidans misyon. Nan sitiyasyon sa yo, yon prezidan tanp ka fè entèvyou avèk moun nan epi siyen rekòmandasyon an. Anvan l fin fè entèvyou a, li dwe konfere avèk prezidan pieu misyon an. Evèk la, yon konseye ki otorize, oubyen prezidan branch lan dwe te deja fè entèvyou avèk manm lan epi siyen rekòmandasyon an.

26.4

Emèt Rekòmandasyon Tanp pou Manm ki pa Dote

26.4.1

Direksyon Jeneral

Yo emèt rekòmandasyon tanp bay manm ki pa dote yo nan fason sa a:

• Pou manm ki gen 11 an ak plis pou yo ka batize ak konfime pou mò yo. (Jènfi ak jènjan ki òdone yo elijib pou yon rekòmandasyon tanp kòmanse nan mwa Janvye nan ane yo vin gen laj 12 an an).

• Pou manm ki gen laj 8 rive 20 an yo ka sele avèk paran yo. Timoun ki pi piti pase 8 tan pa bezwen yon rekòmandasyon pou yo sele avèk paran yo (gade 26.4.4).

• Pou manm ki gen 8 tan rive rive 20 tan pou yo ka obsève sèlman frè ak sè yo, frè ak sè pa adposyon yo, oswa demi frè ak sè yo avèk paran yo.

Manm ki deja dote yo pa resevwa okenn nan rekòmandasyon sa yo ke yo eksplike nan seksyon sa a.

Yon manm Legliz gason ki gran ase pou l detni prètriz la dwe òdone nan yon ofis prètriz anvan l ka resevwa yon rekòmandasyon tanp.

26.4.2

Rekòmandasyon Tanp pou Manm ki se Nouvo Batize

Evèk la entèvyouve nouvo manm ki nan laj apwopriye pou yo resevwa yon rekòmandasyon tanp pou batèm ak konfimasyon pa pwokirasyon sèlman. Li fè entèvyou sa a tousuit apre konfimasyon manm lan, nòmalman nan lespas yon semèn (gade 26.4.1). Pou frè yo, entèvyou sa a ka fèt kòm yon pati nan entèvyou sa a pou resevwa Prètriz Aawon an.

26.4.3

Rekòmandasyon Tanp pou Batèm ak Konfimasyon pa Pwokirasyon Sèlman

Rekòmandasyon tanp yo bay pou batèm ak konfimasyon pa pwokirasyon yo ka itilize pou objektif sa a sèlman.

26.4.4

Rekòmande Tanp pou Sèlman Timoun ki Vivan avèk Paran yo

Manm ki gen 21 an oswa plis kapab sele avèk paran yo oubyen obsève yon sèlman si sèlman yo (1) dote epi (2) yo gen yon rekòmandasyon tanp ki valid.

26.5

Emèt Rekòmandasyon Tanp nan Sikonstans Espesyal

26.5.1

Manm k ap Resevwa Pwòp Dotasyon Yo

Manm diy ki vle resevwa pwòp dotasyon pa yo kapab fè sa lè yo reponn a tout kondisyon sa yo:

• Yo gen omwen 18 tan.

• Yo fini oubyen yo pa ale ankò nan segondè, lekòl segondè, oswa ekivalan an.

• Yon ane konplè pase depi konfimasyon yo.

• Yo santi yo anvi resevwa ak onore alyans tanp yo pandan tout lavi yo.

Anplis de sa, yon gason dwe detni Prètriz Mèlkisedèk la anvan l resevwa dotasyon li. Pou enfòmasyon sou manm k ap prepare pou resevwa pwòp dotasyon yo, gade 25.2.8. Pou enfòmasyon sou ki moun ki ka resevwa dotasyon an, gade 27.2.1.

26.5.3

Jèn Misyonè ki Retounen soti nan Sèvis Lwen Lakay yo

Prezidan misyon an dwe date ak aktive rekòmandasyon an pou l ekspire twa mwa apre dat misyonè a retounen lakay li a.

Evèk la entèvyouve misyonè ki retounen yo pou l ka ba yo yon yon nouvo rekòmandasyon tanp nan fen peryòd ekspirasyon twa mwa a.

26.5.4

Manm Ki P at Viv nan Menm Pawas la pou Omwen Yon Ane

Evèk la oswa yon konseye ki asiyen kontakte evèk li te genyen anvan an avan pou l fè yon entèvyou rekòmandasyon tanp.

26.5.7

Manm Ki Idantifye kòm Transjandè

Prezidan pieu a dwe fè konsèy avèk Prezidans Entèrejyon an pou l adrese sitiyasyon endividyèl yo avèk sansiblite ak lanmou Kretyen (gade 38.6.23).

26.5.8

Manm Ki Komèt yon Peche Grav

Yon manm ki komèt yon peche grav ka pa resevwa yon rekòmandasyon tanp jiskaske li repanti (gade 32.6).

26.5.9

Manm Ke Yo Reyadmèt apre Yo Te Retire yo Kòm Manm Legliz la oubyen apre Yo te Fè Retrè

26.5.9.1

Manm Ki Pa t Ko Dote Anvan

Yo gen dwa pa bay manm sa yo rekòmandasyon pou yo resevwa pwòp dotasyon pa yo jiskaske yon ane konplè pase apre dat yo reyadmèt yo nan Legliz la atravè batèm ak konfimasyon.

26.5.9.2

Manm Ki Te Deja Dote

Manm ki te deja dote yo pa ka resevwa okenn tip rekòmandasyon tanp jiskaske yo retabli benediksyon tanp yo atravè òdonans retablisman benediksyon yo.