bishop nga nagainterbyu sang isa ka lalaki

26.

Mga Temple Recommend

26.0

Introduksyon

Ang pagsulod sa templo isa ka sagrado nga pribelihiyo. Ginapaisog sang mga lider sang ward kag stake ang tanan nga miyembro nga mangin nagakabagay para sa kag sa pag-angkon sang current nga temple recommend bisan pa nga malayo ang ila ginaistaran sa templo.

Ginahimo sang mga lider sang Simbahan ang tanan para masiguro nga ang tanan nga nagasulod sa templo nagakaangay para himuon ini (tan-awa sa Salmo 24:3–5).

Ang mga miyembro kinahanglan may current nga temple recommend para makasulod sa templo.

Ang bishop nagakonsulta sa iya stake president kon may mga pamangkot sia parte sa mga temple recommend nga wala ginasabat sa sining kapitulo. Ang stake president pwede nga magkontak sa Office of the First Presidency kon may mga pamangkot sia.

26.1

Mga Klase sang Temple Recommend

May tatlo ka klase sang mga recommend:

1. Temple recommend para sa mga wala pa ma-endow nga mga miyembro. Ini nga mga recommend para sa mga wala pa ma-endow nga mga miyembro nga pagaselyohan sa ila mga ginikanan ukon magahimo sang proxy nga mga bunyag kag kumpirmasyon. Gina-isyu ang mga ini paagi sa Leader and Clerk Resources (LCR). Para sa dugang nga impormasyon, tan-awa sa 26.4.

2. Temple recommend para sa mga ordinansa sang mga buhi. Ini nga mga recommend para sa mga miyembro nga magabaton sang ila kaugalingon nga endowment ukon selyuhan sa bana/asawa. Ang recommend para sa mga ordinansa sang mga buhi ginaupod sa regular nga temple recommend para sa endowed nga mga miyembro (nga ginalaragway sa idalom).

3. Temple recommend para sa endowed nga mga miyembro. Ini nga mga recommend para sa mga miyembro nga na-endow na sang una. Ginaisyu ini paagi sa LCR. Ginahatagan sini ang miyembro sang awtorisasyon nga magpartisipar sa tanan nga mga ordinansa sang templo para sa mga napatay na. Ginagamit man ini kon ang na-endow nga miyembro pagaselyohan sa buhi ukon patay na nga mga ginikanan ukon kabataan. Para sa dugang nga impormasyon, tan-awa sa 26.3.

26.2

Paghalong sa mga Temple Recommend

26.2.1

Paghalong sang mga Lider sang Priesthood sa mga Temple Recommend

Ang mga lider sang priesthood nga awtorisado sa pagkapot sang mga libro sang temple recommend dapat nga halungan gid ini.

Dapat nga siguruhon man sang mga lider sang priesthood nga ang indi awtorisado nga mga indibidwal wala sang access sa impormasyon sa mga temple recommend sa LCR.

26.2.3

Nadula ukon Ginkawat nga mga Recommend

Ginahambalan sang bishop ang mga miyembro nga ipahibalo sa iya gilayon kon ang ila recommend nadula ukon ginkawat. Ginagamit niya ukon sang naasayn nga manuglaygay ang LCR para kanselahon gilayon ang recommend. Kon wala sila sini, ginakontak sang bishop ang temple office para ipakansela ang recommend.

26.2.4

Mga Nagakapot sang Recommend nga Wala Nagapangabuhi suno sa mga Talaksan sang Katakos

Kon napat-od sang bishop nga ang miyembro nga may current recommend wala nagapangabuhi suno sa talaksan sang katakos (tan-awa sa 26.3), ginapangayo niya ang recommend halin sa miyembro. Ginagamit niya ang LCR para kanselahon ang recommend. Kon wala sila sini, ginakontak sang bishop ang temple office para kanselahon ang recommend.

26.3

Pangkabilogan nga Giya sa Pag-isyu sang mga Temple Recommend

Ang mga lider sang priesthood dapat mag-isyu lamang sang recommend kon nasabat sang husto sang miyembro ang mga pamangkot para sa temple recommend.

Ang mga interbyu para sa temple recommend dapat wala ginadali. Dapat pribado ini. Pero, ang tawo nga ginainterbyu pwede nga mag-imbitar sang isa pa ka hamtong nga mag-upod sa iya.

Ang mga lider sang priesthood indi dapat magdugang pa sang bisan ano nga rekisitos sa mga nasulat na sa libro sang temple recommend. Indi man nila pagbuhinan sang bisan ano nga rekisitos.

Sa mga stake, ang miyembro sang stake presidency ukon ang stake clerk ang naga-activate sang temple recommend sa LCR pagkatapos ini nga mahatag. Sa mga district, ang miyembro sang mission presidency ukon mission clerk ang naga-activate sang recommend. Ang mga recommend para sa proxy nga bunyag kag kumpirmasyon gina-activate sa tion nga gina-print ini sang miyembro sang bishopric ukon sang branch president.

26.3.1

Mga Interbyu para sa Temple Recommend para sa mga Miyembro sang mga Ward kag Branch

Sa ward, ang bishop ukon naasayn nga manuglaygay ang nagahiwat sang mga interbyu para sa temple recommend kag nagaisyu sang mga recommend sa mga angay hatagan. Sa branch, ang branch president lamang ang nagahiwat sang mga interbyu para sa temple recommend kag nagaisyu sang mga recommend.

Sa ward, ang bishop mismo ang nagainterbyu sa mga miyembro nga:

• Magabaton sang ila kaugalingon nga endowment (tan-awa sa 27.1 kag 27.2).

• Pagaselyohan sa asawa/bana (tan-awa sa 27.3).

Sa mga ginadalian nga kaso kon wala ang bishop, pwede niya hatagan sang pahanugot ang isa sa iya mga manuglaygay nga hiwaton ining mga interbyu.

Antes maghatag sang recommend sa bisan ano nga sitwasyon nga nalista sa ibabaw, ginarebyu sang bishop ang record sang miyembro para usisaon nga wala ini sang marka parte sa mga limitasyon sa pagkamiyembro sang Simbahan. Sa mga miyembro nga magabaton sang ila kaugalingon nga endowment ukon pagaselyohan sa bana/asawa, ginasiguro man niya nga:

• Ang bunyag kag kumpirmasyon sang tawo narekord sa membership record.

• Ang mga lalaki nakabaton sang Melchizedek Priesthood.

Pagkatapos sang interbyu sang miyembro sang bishopric ukon sang branch president, ginainterbyu sang isa ka miyembro sang stake presidency ang mga miyembro nga nagaistar sa sulod sang stake. Isa ka miyembro sang mission presidency ang nagahiwat sang ikaduha nga interbyu sa mga miyembro nga nagaistar sa sulod sang district. Ang district president wala nagahiwat sang mga interbyu para sa temple recommend magluwas kon awtorisado sang Unang Pangulohan.

26.3.2

Mga Interbyu para sa Temple Recommend sang mga Miyembro sa Naligwin nga mga Lugar

Ang iban nga mga miyembro nagaistar sa lugar nga kinahanglan sang dako nga plete ukon mabudlay nga makigkita sa miyembro sang stake ukon mission presidency. Sa sining mga sitwasyon, ang temple president pwede nga mag-interbyu sa tawo kag pirmahan ang recommend. Antes hiwaton ang interbyu, ginakonsulta niya anay ang stake ukon mission president. Dapat nga nainterbyu na nga daan sang bishop, sang awtorisado nga manuglaygay, ukon sang branch president ang miyembro kag ginpirmahan na ang recommend.

26.4

Pag-isyu sang mga Temple Recommend sa Wala Pa Ma-endow nga mga Miyembro

26.4.1

Pangkabilogan nga Pagsulundan

Ang mga temple recommend ginaisyu sa wala pa ma-endow nga mga miyembro sa masunod:

• Mga miyembro nga nagaedad 11 pataas para bunyagan kag kumpirmahon para sa mga patay. (Young women kag naordin nga young men nga nagakaangay para sa temple recommend pagsugod sang Enero sang tuig nga magaedad sila 12 anyos.)

• Mga miyembro nga nagaedad 8 anyos tubtob 20 anyos para selyohan sa ila mga ginikanan. Ang mga kabataan nga wala pa mag 8 anyos indi kinahanglan sang recommend para selyohan sa ila mga ginikanan (tan-awa sa 26.4.4).

• Mga miyembro nga nagaedad 8 anyos tubtob 20 anyos para magsaksi sa pagselyo sang buhi nila nga mga utod, tapik nga utod, ukon mga utod sa amay/iloy sa ila mga ginikanan.

Ang mga miyembro nga na-endow na sadto wala na ginahatagan sang bisan ano nga recommend nga ginapaathag sa sining seksyon.

Ang lalaki nga miyembro sang Simbahan sa hustuhan na nga edad sa pagkapot sang priesthood kinahanglan nga maordin sa isa ka palangakuan sang priesthood antes sia pwede nga magbaton sang temple recommend.

26.4.2

Mga Temple Recommend para sa Bag-o Lang Mabunyagan nga mga Miyembro

Ginainterbyu sang bishop ang bag-o nga mga miyembro nga hustuhan na ang edad sa pagbaton sang temple recommend para lamang sa proxy nga mga bunyag kag kumpirmasyon. Ginahiwat niya ini nga interbyu pagkatapos gid sang kumpirmasyon sang miyembro, masami sa sulod sa isa ka semana (tan-awa sa 26.4.1). Sa mga lalaki, ini nga interbyu pwede nga hiwaton bilang bahin sang iya interbyu sa pagbaton sang Aaronic Priesthood.

26.4.3

Mga Temple Recommend nga para lang sa Proxy nga mga Bunyag kag Kumpirmasyon

Ang mga temple recommend nga gin-isyu para sa proxy nga mga bunyag kag kumpirmasyon magamit lang sa amo sina nga katuyuan.

26.4.4

Mga Temple Recommend para sa Pagselyo sang Buhi nga Kabataan sa mga Ginikanan

Ang mga miyembro nga 21 anyos pataas pwede nga maselyohan sa ila mga ginikanan ukon magsaksi sang pagselyo kon (1) naendow na sila kag (2) may current nga temple recommend.

26.5

Pag-isyu sang mga Temple Recommend sa Pinasahi nga mga Sirkumstansya

26.5.1

Mga Miyembro nga Magabaton sang Ila Kaugalingon nga Endowment

Ang nagakaangay nga mga miyembro nga gusto magbaton sang ila kaugalingon nga endowment pwede gid nga maghimo sini kon mapasaran nila ang tanan sa masunod nga kondisyones:

• Indi magnubo sa 18 anyos ang edad.

• Nakatapos na ukon wala nagaeskwela sa hayskul, secondary school, ukon ang katumbas sini.

• Isa ka tuig na ang nagligad halin sang ginkumpirmahan sila.

• May handum sila nga magbaton kag tumanon ang mga kasugtanan sa templo sa bilog nila nga mga kabuhi.

Dugang pa sini, ang lalaki kinahanglan nga magkapot sang Melchizedek Priesthood antes niya mabaton ang iya endowment. Para sa impormasyon parte sa mga miyembro nga nagahanda sa pagbaton sang ila kaugalingon nga endowment, tan-awa sa 25.2.8. Para sa impormasyon parte sa kon sin-o ang pwede nga magbaton sang endowment, tan-awa sa 27.2.1.

26.5.3

Lamharon nga mga Misyonero nga Nagabalik halin sa Pagserbisyo nga Malayo sa Ila Puluy-an

Ginapetsahan kag gina-activate sang mission president ang recommend para nga mag-expire ini tatlo ka bulan halin sa petsa sang pagpauli sang misyonero.

Ginainterbyu sang bishop ang nagpauli nga mga misyonero para isyuhan sang bag-o nga temple recommend antes matapos ining tatlo ka bulan nga expiration period.

26.5.4

Mga Miyembro nga Wala na Nag-istar sa Pareho nga Ward sa Indi Magnubo Isa ka Tuig

Ginakontak sang bishop ukon sang naasayn nga manuglaygay ang bishop sadto sang natungdan antes maghiwat sang interbyu para sa temple recommend.

26.5.7

Mga Miyembro nga Nagakilala sang Ila Kaugalingon nga Transgender

Ang stake president dapat nga magkonsulta sa Area Presidency para maaksyunan ang indibidwal nga mga sitwasyon nga may paghalong kag pagpalangga ni Cristo (tan-awa sa 38.6.23).

26.5.8

Mga Miyembro nga Nakahimo sang Seryoso nga Sala

Ang miyembro nga nakahimo sang seryoso nga sala indi pwede nga magbaton sang temple recommend tubtob wala pa sia naghinulsol (tan-awa sa 32.6).

26.5.9

Mga Miyembro nga Ginbaton Liwat pagkatapos Nila nga Ginbawi ukon Gin-untat ang Pagkamiyembro sa Simbahan

26.5.9.1

Mga Miyembro nga Wala Pa Sadto Ma-endow

Ini nga mga miyembro indi pwede mahatagan sang mga recommend sa pagbaton sang ila kaugalingon nga endowment kon wala pa magsukat isa ka tuig ang pagbaton sa ila liwat sa Simbahan paagi sa bunyag kag kumpirmasyon.

26.5.9.2

Mga Miyembro nga Na-endow na Sadto

Ang mga miyembro nga na-endow na sadto indi pwede magbaton sang bisan ano nga temple recommend tubtob nga mabalik ang ila mga bugay sang templo paagi sa ordinansa sang pagpanumbalik sang mga bugay.