26.

Beba ni Kariaia nakon te Tembora

26.0

Kabwarabwaraana

Te rin n ana auti te Uea bon te tibwanga ae tabu. Taan kairiiri n te uoote ao titeiki a kaungaia membwa ni kabane bwa a na riai n tau ao ni karekei aia beba ni kariaia nakon te tembora e ngae ngke akea te tembora ae e kaan mangaiia.

A na karaoa aia kabanea ni kona taan kairiiri n te Ekaretia n taraia bwa ni kabane ake a rin n ana auti te Uea a tau nako iai (taraa Taian Areru 24:3–5).

E riai n iai irouia membwa aia beba ni kariaia ae tuai bane taina ibukin rinia n te tembora.

Te bitiobi e na reitaki ma ana beretitenti n te titeiki ngkana iai ana titiraki ibukin kanakoan rekomente n te tembora ake aki kaekaaki n te mwakoro aei. E na reitaki te beretitenti n te titeiki ma aia Aobiti te Moan Beretitentii ma taian titiraki.

26.1

Aekakin Beba ni Kariaia nakon te Tembora

Iai teniua aekakin beba ni kariaia:

1. Beeba ni Kariaia nakon te Tembora ibukiia membwa ake a tuai n entaute. Beeba ni kariaia nakon te tembora aikai bon ti ibukiia membwa ake a tuai n entaute ake a na kabaeaki nakoia aia karo ke karaoakin bonomwi ni bwabetito ao ni kamatoaaki. A na karaoaki rinanon te Leader and Clerk Resources (LCR). Ibukin rongorongona riki, taraa 26.4

2. Beeba ni kariaia n te tembora ibukin otenanti ibukiia ake a maiu. Beba ni kariaia aikai bon tii ibukiia membwa are a na karekea aia entaumente ke a na kabaeaki ma kainnabaia. Te beeba ni kariaia ibukin otenanti ibukiia ake a maiu e kanimwaki ma beeba ni kariaia nakon te tembora ibukiia membwa ake a tia n entaute (ae kabwarabwaraaki inano).

3. Beeba ni kariaia nakon te tembora ibukiia membwa ake a tia n entaute. Beba ni kariaia aikai bon ibukiia membwa ake a kaman entaaute mai imwaaina. A kanakoaki rinanon LCR. A na anga te kariaia nakon te membwa bwa a na irii waakin otenanti ni kabane n te tembora ibukiia ake a tia ni mate. E na kabonganaki naba ngkana e a kabaeaki te membwa nakoia kaaro ke ataei aika maiu ao ake a tia ni mate. Ibukin rongorongona riki, taraa 26.3.

26.2

Kamanoan Beba ni Kariaia nakon te Tembora

26.2.1

Taan Kairii n Nakoanibonga A Kamanoi Beeba ni Kariaia nakon te Tembora

Taan kariiri n te nakoanibonga ake a tia ni kariaiakaki bwa a na anganaki booki ibukin beba ni kariaia nakon te tembora a riai ni kamanoi raoi.

Taan kairiiri n te nakoanibonga a na taraia raoi bwa aomata ake akea kariaiakaia a na aki nori rongorongon te beebwa ni kariaia ibukin te tembora inanon LCR.

26.2.2

Beba ni kariaia Aika Bua ke A Iraeaki

E riai te bitiobi n tuangia membwa bwa a na kaongoa n te tai ae waekoa ngkana e bua ke e kimoaki te beba ni kariaia. Teuanne ke te kauntira are e a tia ni katabeaki ke te kiraaka e na kabongana te LCR ni kamaunaa te beeba ni kariaia n te tai ae waekoa. Ngkana e aki tauraoi te tititem aei, e na reitaki te bitiobi ma aobitin te tembora bwa e na kamaunaa te beba ni kariaia.

26.2.3

Naake Iai Aia Beba ni Kariaia Ake A Aki Maiuakin Kainibaire Ibukin te Kororaoi

Ngkana e taku te bitiobi bwa te membwa ae iai ana beba ni kariaia e aaki maiuakin kainibaire ibukin te kororaoi (taraa 26.3), e na anaa te beba ni kariaia anne mairoun te membwa n te tai ae waekoa. E na kabongana te LCR ni kamaunaa te beeba ni kariaia. Ngkana e aki tauraoi te tititem aei, e na reitaki te bitiobi ma aobitin te tembora bwa e na kamaunaa te beba ni kariaia.

26.3

Kainibaire ni Kabuta Ibukin Karaoan Beba ni Kariaia Nakon te Tembora

A riai taan kairiiri n te nakoanibonga ni karaoa te beba ni kariaia tii ngkana e kaekai titiraki aika a tau te membwa ibukin te beba ni kariaia nakon te tembora.

Inanon taian titeiki, te membwa n te beretitentii n te titeiki ke te kiraaka n te tieiki e na kabooua te beeba ni kariaia nakon te tembora n te LCR imwiin karaoana. Inanon taian mwakoro, te membwa n te beretitentii n te mition ke te kiraaka n te mition e na kaotia ae e a kona ni kabonganaaki te beba ni kariaia. Beeba ni kariaia ibukin bonomwi ni bwabetito ao te kamatoaaki a kaotaki ae a mwakuri ngke a boreetiaki iroun te membwa n te bitiobiriki ke te beretitenti n te mwaanga.

26.3.1

Intawiu ibukin Beba ni Kariaia nakon te Tembora n Uoote ao Mwaanga

N te uoote, te bitiobi ke te kauntira are e katabeaki e kaira te intawiu ibukin beba ni kariaia nakon te tembora ao n tiaainai beba ni kariaia ibukiia naake a tau. N te mwaanga, bon tii te beretitenti n te mwaanga ae kaira te intawiu ibukin te beba ni kariaia nakon te tembora ao e tiainai beba ni kariaia.

N te uoote, te biitobi e intawaiu ma membwa ake a:

• A karekei oin aia entaumente (taraa 27.1 ao 27.2).

• A kabaeaki nakon kainnabaia (taraa 27.3).

Ni keiti aika kataweaki ngkana akea te bitiobi, e na kona ni kariaia temanna ana kauntira ni kairi intawiu aikai.

Imwain kanakoan te beeba ni kariaia n aron kangaanga akana koreaki ieta, e na rinanon aia rekooti membwa te bitiobi ni kakoaua bwa e aki taekinaki te totoko ni boaaki n ana membwatibu rekooti n te Ekaretia. Ibukiia membwa ake a reke oin aia entaumente ke a tia ni kabaeaki nakoia buia, e na kakoaua naba:

• Ana bwabetito ao kamatoan te aomata a tauaki mwiia iaon te membwatibu rekooti.

• Taari mwaane a tia ni karekea te Nakoanibonga ae te Merekitereka.

Imwiin te intawiu mairoun temanna te membwa man te bitiobiriki ke te beretitenti n te mwaanga, te membwa n te beretitentii n te titeiki e na intawiuniia membwa ake a maeka n te titeiki. Temanna te membwa n te beretitentii n te mition e na kaira te kauoua n intawiu ibukiia membwa ake a maeka n te mwakoro. Te beretitenti n te mwakoro e aki intawiuniia membwa ibukin te beba ni kariaia nakon te tembora ti ngkana e kariaiakaki mairoun te Moan Beretitentii.

26.3.2

Intawiu ibukin Beba ni Kariaia nakon te Tembora n Aono aika a Tionako

Tabeman membwa a maeka n taabo aika e na karika te kabanemwane n te mwamwananga ke e rang kangaanga te kaitibo ma te membwa n te titeiki ke te beretitentii n te mition. N kangaanga aikai, e na kona te beretitenti n te tembora n intawiu ma te aomata ao n tiainaa te beeba ni kariaia. Imwaain karaoan te intawiu, e maroroakinna ma te beretitenti n te titeiki ke beretitenti n te mition. Te bitiobi, te kauntira ae iai irouna te kariaiakaki, ke te beretitenti n te mwaanga a riai ni kaman tia n intawiu ma te membwa ao n tiainaa te rekomente.

26.3.3

Karaoan te Intawiu ibukin te Beeba ni Kariaia nakon te Tembora

Aki riai taan kairiiri ni karin ke ni kanakoi bwaai aika a kainnanoaki.

A riai beba ni kariaia nakon te tembora n aki kataweaki. A riai n onoti. E ngae n anne, e kona te aomata are e intawiunaki ni kaoa kainabana, ana karo, ke temanna te ikawai bwa e na raonna.

26.4

Kanakoan Beeba ni Kariaia nakon te Tembora nakoia Membwa aika Tuai Entaute

26.4.1

Kainibaire ni Kabuta

Beeba ni kariaia nakon tembora ana karaoaki nakoia membwa aika a tuai n entaute n aron aikai:

• Ibukiia membwa ake a bwaka aia ririki 11 ao iaona ake a na bwabetito ao ma ni kamatoaki ibukiia maate. (Ataeinnaine ao ataeinimwaane ake a tia ni katabuaki a tau n anaganaki te kariaiakaki ibukin te beeba ni kariaia nakon te tembora ni moa man moan Tianuare n te ririki are a koro iai 12 aia ririki.)

• Ibukiia membwa aika 8 nakon 20 aia ririki ni maiu bwa a na kabaeaki ma aia karo. Ataei aika iaan 8 te ririki a aki kainnanoa te beba ni kariaia ngkana a na kabeaki ma aia karo (see 26.4.4).

• Ibukiia membwa man 8 nakon 20 aia ririki bwa a na kakoauai kabaeakiia tariia ao mwaaneia, tariia ao ai mwaaneia aika mairouia aia karo, ke tariia ao mwaaneia aika itera ma aia karo.

Membwa ake a kaman tia n entaute aki anganaki te beba ni kariaia are e kabwarabwaraaki inanon te tiekition aei.

Te membwa te mwaane n te Ekaretia are e a bon tau rorona n taua te nakoanibonga e riai ni katabuaki nakon te nakoanibonga imwaain ae e reke ana beeba ni kariaia.

26.4.2

Beeba ni Kariaia Ibukiia Membwa Aika Tibwa Bwabetitoaki

Te bitiobi e intawiuniia membwa ake a boou ake a roko n te ririki ae bon tau n reke irouia te beeba ni kariaia ibukin tii te bonomwi ni bwabetito ao n kamatoaaki. E na karaoa te intawiu aio n aki maan imwiin kamatoaakin te membwa, ni bon arona imwiin teuana te wiiki (taraa 26.4.1). Ibukiia mwaane, te intawiu aio e na riki naba bwa mwakoron te intawiu ibukin karekean te Nakoanibonga ae te Aaron.

26.4.3

Beeba ni Kariaia nakon te Tembora Ibukin tii Onomwi ni Bwabetito ao Kamatoaaki

Beeba ni kariaia nakon te tembora a bon tii katauaki ibukin te bonomwi ni bwabetito ao kamatoaaki e tii kabonganaaki ibukin te kantaninga anne.

26.4.4

Beeba ni Kariaia nakon te Tembora Ibukin Kabaeakiia Ataei Aika Uarereke nakoia Kaaro

Membwa ake 21 aia ririki ke iaona riki a kona ni kabaeaki ma aia karo ke ni kakoauaa tii ngkana (1) a tia n entaaute ao (2) iai aia beba ni kariaia ae e tuai bane taina.

26.5

Kanakoan Beeba ni Kariaia nakon te Tembora ni Kangaanga aika Onoti

26.5.1

Membwa Ake A Karekei Oin Aia Entaunmente

Membwa aika tau ake a tangira oin aia entaumente a kona ni karaoia ngkana a bane n iri nanon bwaai aikai:

• E riai n tia n koro 18 aia ririki.

• A tia ni kabwanina ke aikoa manga kaea te reirei ae rietata, kauarinan n reirei, ke ae ti tearona.

• E a bane teuana te ririki ae bwanin imwin te tai are a kamatoaaki iai.

• Iai nanoia ni kan karekea ao ni karinei berita n te tembora ni maiuia ae bwanin.

N raonaki ma anne, e riai te mwaane are iai irouna te Nakoanibonga ae te Merekitereka ni karekea ana entaumente. Ibukin rongorongoia membwa ake a katauraoi ibukin reken oin aia entaumente, taraa 25.2.8. Ibukin rongorongona bwa antai ae e na reke ana entaumente, taraa 27.2.1.

26.5.3

Mitinare Kairake ake a Oki man aia Mwakuri ae Raroanako man Mweengaia

Te beretitenti n te mition e na korea bongin namwakaina ao ni kamwakura te beba ni kariaia bwa e na bane taina teniua namwakaina imwin rokon te mitinare ni mweengana.

Te bitiobi e intawiuniia mitinare ake a bane aia tai ni manga karaoa aia beba ni kariaia nakon te tembora ae boou ni kaniia tokin te teniua n namwakaina are e na bane iai taina.

26.5.4

Membwa Ake a Tia n Aki Maeka n te Uoote Tao Teuana te Ririki

Te bitiobi ke te kauntira are e katabeaki e na reitaki ma te bitiobi are mai imwaaina imwaain karaoan te intawiu ibukin te beba ni kariaia nakon te tembora.

26.5.7

Membwa Ake a Ataaki ni Kan Riki ni Mwaane ke n Aine

Te titeiki beretitenti e riai ni marooro ma te Beretitenti n te Aono n rinanoa aroia tabeman ma te namakin ni koaua ao Aron ana tangira Kristo (taraa 38.6.23).

26.5.8

Membwa Ake A Tia Ni Karaoa te Bure Ae Kakaiaki

Te membwa are e a tia ni karaoa te bure ae kakaiakaki e na aki kona ni karekea te beba ni kariaia nakon te tembora ni karokoa e a tia neienne ke teuanne n raira nanoia (taraa 32.6).

26.5.9

Membwa Ake a Tia ni Manga Kaokaki imwiin Butakin ke Kamaunaakin aia Membwatibu

26.5.9.1

Membwa Ake A Tuai n Entaunte Mai Imwaaina

Membwa aikai aki konaa ni karekeaki aia beba ni kariaia ibukin karekean aia entaumente ni karokoa e bane teuana te ririki imwiin te tai are a manga oki iai nakon te Ekaretia man te bwabetito ao te kamatoaki.

26.5.9.2

Membwa Ake a Kaman Entaute

Aki kona membwa aikai n anganaki aia beba ni kariaia, n ikotaki ma beba ni kariaia ae katauaki taina, ni karokoa a manga kaokaki aia kakabwaia man te tembora rinanon te otenanti ni kaokan kakabwaia.