bishop a mangin-interbyu iti lalaki

26.

Dagiti Temple Recommend

26.0

Pakauna

Maysa a sagrado a pribilehio ti iseserrek iti templo. Allukoyen dagiti lider ti ward ken stake dagiti amin a miembro nga agbalin a maikari ken maaddaan iti agdama a temple recommend uray no saanda nga agnanaed iti asideg ti templo.

Ikagumaan dagiti lider ti Simbaan a mangkita a maikari amin a sumrek iti templo nga agaramid iti kasta (kitaen Salmo 24:3–5).

Nasken ng addaan dagiti miembro iti agdama a temple recommend tapno mastrek iti maysa a templo.

Makiuman ti maysa a bishop iti stake presidentna no adda dagiti saludsodna maipapan kadagiti temple recommend a saan a masungbatan iti daytoy a kapitulo. Mabalin a kontaken ti stake president ti Opisina ti Umuna a Panguluen nga addaan kadagiti saludsod.

26.1

Dagiti Kita ti Temple Recommend

Adda tallo a kita dagiti recommend:

1. Temple Recommend para kadagiti saan pay a na-endow a miembro. Agpaay dagitoy a recommed kadagiti saan pay a na-endow a miembro a mailanlantip kadagiti dadakkelda wenno agan-annong kadagiti panagbuniag ken kumpirmasion babaen ti panangisaup [proxy]. Maisyu dagitoy babaen ti Leader and Clerk Resources (LCR). Para iti ad-adu pay nga impormasion, kitaen iti 26:4.

2. Temple Recommend para kadagiti ordinansa nga agpaay iti sibibiag. Agpaay dagitoy a recommed kadagiti miembro nga umaw-awat iti bukodda nga endowment wenno mailantip iti asawa. Maikadua ti recommend para kadagiti ordinansa nga agpaay iti sibibiag iti regular a temple recommend para kadagiti na-endow a miembro (nailadawan iti baba).

3. Temple Recommend para kadagiti na-endow a miembro. Agpaay dagitoy a recommend kadagiti miembro a sigud a na-endow. Maisyu dagitoy babaen ti LCR. Dagitoy ti mang-awtorisado iti maysa a miembro a makiraman iti amin nga ordinansa ti templo para iti pimmusay. Mausar pay dagitoy no mailantip ti maysa a na-endow a miembro kadagiti sibibiag wenno pimmusay a nagannak wenno annak. Para iti ad-adu pay nga impormasion, kitaen iti 26.3.

26.2

Panangsaluad kadagiti Temple Recommend

26.2.1

Dagiti Lider ti Priesthood a Mangsalsaluad kadagiti Temple Recommend

Dagiti lider ti priesthood nga awtorisado a maaddaan kadagiti temple recommend book ket saluadanda koma a siaannad dagitoy.

Siguraduen pay dagiti lider ti priesthood nga awan ti access dagiti saan nga awtorisado nga indibidual iti impormasion iti temple recommend iti LCR.

26.2.3

Dagiti Napukaw wenno Natakaw a Recommend

Kiddawen ti bishop kadagiti miembro nga ipakaammoda kenkuana iti kabiitan a panawen no mapukaw wenno natakaw ti recommend-da. Isu wenno ti nadutokan a mamagbaga wenno clerk ket usarenna ti LCR tapno ikansela ti recommend iti kabiitan a panawen. No saan a magun-od daytoy a system, kontaken ti bishop ti opisina ti templo tapno ipakansel ti recommend.

26.2.4

Dagiti Recommend Holder a Saan nga Agbibiag kadagiti Pagrukodan ti Pannakaikari

No ikeddeng ti bishop a ti maysa a miembro nga addaan iti agdama a recommend ket saan nga agbibiag kadagiti pagrukodan ti pannakaikari 26.3), kiddawenna ti recommend manipud iti miembro. Usarenna ti LCR a mangkansel iti recommend. No saan a magun-od daytoy a system, kontaken ti bishop ti opisina ti templo tapno ipakansel ti recommend.

26.3

Dagiti Sapasap a Pangiwanwan para iti Panangisyu kadagiti Temple Recommend

Nasken a mangisyu laeng dagiti lider ti priesthood iti maysa a recommend no masungbatan a siuumno ti miembro dagiti saludsod iti rekomenda iti templo.

Nasken a saan nga idardaras dagiti interbyu iti temple recommend. Nasken a pridado dagitoy. Nupay kasta, mabalin ti tao a mainterbyu ti mangawis iti sabali pay a nataengan tapno adda a mangimatang.

Nasken a saan a nayonan dagiti lider ti priesthood ti ania man a naidawat a kasapulan kadagiti nabalabala iti temple recommend book. Kasta met a nasken a saanda nga ikkaten ti ania man a naidawat a kasapulan.

Kadagiti stake, i-activate ti miembro ti panguluen ti stake wenno maysa a clerk ti stake ti temple recommend iti LCR kalpasan a maisyu daytoy. Kadagiti district, i-activate ti maysa a miembro ti panguluen ti mision wenno maysa a clerk ti mision ti recommend. Ma-activate dagiti recommend para kadagiti panagbuniag ken kumpirmasion babaen ti panangisaup [proxy] no imprenta ida ti miembro ti bishopric wenno ti branch president.

26.3.1

Dagiti Interbyu iti Temple Recommend para kadagiti Miembro kadagiti Ward ken Branch

Iti maysa a ward, ti bishop wenno maysa a nadutokan a mamagbaga ti ag-conduct kadagiti interbyu iti temple recommend ken agisyu kadagiti recommend kadagiti maikari. Iti maysa a branch, ti laeng branch president ti ag-conduct kadagiti interbyu iti temple recommend ken agisyu kadagiti recommend.

Iti maysa a ward, personal nga aginterbyu ti bishop kadagiti miembro nga:

• Umaw-awat ti bukodda nga endowment (kitaen iti 27.1 ken 27.2).

• Mailantip iti asawa (kitaen iti 27.3).

Kadagiti naganat a kasasaad no awan ti bishop, mabalinna a pusgan ti maysa kadagiti mamagbagana nga ag-conduct kadagitoy nga interbyu.

Sakbay ti panangisyu iti maysa a recommend iti ania man a situasion a nailista iti ngato, irebyu ti bishop ti rekord ti miembro tapno penken a saan a mangiraman iti maysa a notasion maipapan kadagiti panangiget iti kinamiembro iti Simbaan. Para kadagiti miembro nga umaw-awat iti bukodda nga endowment wenno mailantip iti asawa, siguraduenna pay a:

• Nairekord ti panagbuniag ken kumpirmasion ti tao iti rekord ti kinamiembro.

• Inawat dagiti kabsat a lallaki ti Melchizedek Priesthood.

Kalpasan ti pananginterbyu ti maysa a miembro ti bishopric wenno ti branch president, interbyuen ti maysa a miembro ti panguluen ti stake presidency dagiti miembro nga agnanaed iti maysa a stake. Maysa a miembro ti panguluen ti mision ti ag-conduct iti maikadua nga interbyu para kadagiti miembro nga agnanaed iti maysa a district. Saan nga ag-conduct ti district president kadagiti interbyu iti temple recommend malaksid no pinusgan ti Umuna a Panguluen.

26.3.2

Dagiti Interbyu iti Temple Recommend para kadagiti Miembro kadagiti Maiputputong a Lugar

Agnanaed ti sumagmamano a miembro kadagiti lugar a kasapulan ti nangina a panagbiahe wenno dakkel a rigat tapno makipagkita iti maysa a miembro ti panguluen ti stake wenno mision. Kadagitoy a situasion, mabalin nga interbyuen ti maysa a presidente ti templo ti tao ket pirmaanna ti recommend. Sakbay ti panag-conduct iti interbyu, kaumanna ti stake wenno mission president. Nasken a nalpasen a nainterbyu ti bishop, maysa a napusgan a mamagbaga, wenno ti branch president ti miembro ken napirimaan ti recommend.

26.4

Panangisyu kadagiti Temple Recommend kadagiti Saan pay a Na-endow a Miembro

26.4.1

Dagiti Sapasap a Pangiwanwan

Maisyu dagiti temple recommend kadagiti saan a na-endow a miembro kas sumaganad:

• Para kadagiti miembro nga agtawen iti 11 ken in-inauna a mabuniagan ken makumpirmaan para kadagiti natay. (Maikari dagiti agtutubo a babbai ken naordenan nga agtutubo a lallaki para iti temple recommend mangrugi iti Enero ti tawen a panagbalin a 12 ti tawenda.)

• Para kadagiti miembro nga agtawen iti 8 agingga iti 20 a mailantip kadagiti nagannak kadakuada. Dagiti ubbing nga ub-ubing ngem 8 saan nga agkasapulan iti maysa a recommend tapno mailantip kadagiti nagannak kenkuana (kitaen iti 26.4.4).

• Para kadagiti miembro nga agtawen iti 8 agingga iti 20 a mangimatang iti pannakailantip dagiti sibibiag a kakabsatda, stepsibling, wenno kakabsatda iti ama wenno ina kadagiti nagannak kadakuada.

Dagiti miembro a sigud a na-endow ket saan a maisyuan ti ania man kadagiti recommend a nailawlawag iti daytoy a benneg.

Dagiti lallaki a miembro nga umdasen ti tawenda a maaddaan iti priesthood ket nasken a maordenan iti saad ti priesthood sakbay a mabalinna ti umawat iti maysa a temple recommend.

26.4.2

Dagiti Temple Recommend para kadagiti Kabumbuniag a Miembro

Interbyuen ti bishop dagiti baro a miembro a maitutop ti tawenda tapno umawat iti maysa a temple recommend para kadagiti panagbuniag ken kumpirmasion babaen ti panangisaup [proxy] laeng. Ag-conduct iti daytoy nga interbyu iti kabiitan kalpasan ti kumpirmasion ti miembro, gagangay nga iti uneg ti makalawas (kitaen iti 26.4.1). Para kadagiti kabsat a lallaki, mabalin a maaramid daytoy nga interbyu kas paset ti interbyu nga umawat iti Aaronic Priesthood.

26.4.3

Dagiti Temple Recommend para kadagiti Panagbuniag ken Kumpirmasion babaen iti Panangisaup [Proxy] Laeng

Dagiti temple recommend a maisyu para kadagiti panagbuniag ken kumpirmasion babaen ti panangisaup [proxy] ket mabalin nga usaren laeng para iti dayta a panggep.

26.4.4

Dagiti Temple Recommend para iti Pannakailantip dagiti Sibibiag nga Annak kadagiti Nagannak

Dagiti miembro nga agtawen iti 21 wenno natataengan ket mabalin a mailantip kadagiti nagannak kadakuada wenno mangimatang iti pannakailantip laeng no isuda ket (1) na-endow ken (2) addaan iti agdama a temple recommend.

26.5

Panangisyu kadagiti Temple Recommend kadagiti Naisangsangayan a Kasasaad

26.5.1

Dagiti Miembro nga Umaw-awat iti Bukodda nga Endowment

Mabalin nga aramiden dayta dagiti maikari a miembro nga agtarigagay nga umawat iti bukodda nga endowment no matungplalda ti amin a sumaganad a kondision:

• Saan a kumurang a 18 ti tawenda.

• Nalpasdan wenno saandan nga agad-adal iti haiskul, sekondaria, wenno ti katupagna.

• Maysa a naan-anay a tawen ti napalabas manipud idi nakumpirmaanda.

• Mariknada ti tarigagay nga umawat ken mangdayaw kadagiti katulagan iti templo iti unos ti panagbiagda.

Mainayon pay, nasken nga addaan iti Melchizedek Priesthood ti maysa a lalaki sakbay ti panangawatna iti endowmentna. Para iti impormasion maipapan kadagiti miembro nga agsagsagana nga umawat iti bukodda nga endowment, kitaen iti 25.2.8. Para iti impormasion maipapan no asino ti mabalin nga umawat iti endowment, kitaen iti 27.2.1.

26.5.3

Panagsubli dagiti Agtutubo a Misionario manipud iti Serbisio nga Adayo iti Pagtaengan

Ti mission president ti mangpetsa ken mang-activate iti recommend tapno agpaso daytoy iti tallo a bulan manipud iti petsa a panagawid ti misionario.

Interbyuen ti bishop dagiti nagsubli a misionario tapno mangisyu iti baro a temple recommend iti asideg ti tallo a bulan a panagpaso.

26.5.4

Dagiti Miembro a Saan a Nagnaed iti Maymaysa a Ward iti Uray Maysa Laeng a Tawen

Ti bishop wenno ti nadutokan a mamagbaga ti mangkontak iti immun-una a bishop sakbay ti panag-conduct iti maysa nga interbyu iti temple recommend.

26.5.7

Dagiti Miembro a Mabigbig a Transgender

Nasken a makiuman ti stake president iti Panguluen ti Area tapno marisut dagiti indibidual a situasion iti kinasensitibo ken ayat a kas ken ni Cristo (kitaen iti 38.6.23.

26.5.8

Dagiti Miembro a Nakaaramid iti Nadagsen a Basol

Ti maysa a miembro a nakaaramid iti nadagsen a basol ket mabalin a saan nga umawat iti temple recommend agingga a saan a makapagbabawi (kitaen iti 32.6).

26.5.9

Dagiti Miembro a Naawat manen kalpasan ti Panangikkat wenno Panangibabawi iti Kinamiembro iti Simbaan

26.5.9.1

Dagiti Miembro a Saan a Sigud a Na-endow

Dagitoy a miembro ket saanda a mabalin a maisyuan kadagiti recommend nga umawat iti bukodda nga endowment agingga iti maysa a naan-anay a tawen kalpasan ti petsa ti pannakaawatda manen iti Simbaan babaen ti panagbuniag ken kumpirmasion.

26.5.9.2

Dagiti Miembro a Sigud a Na-endow

Dagiti miembro a sigud a na-endow ket saan a mabalin a maisyuan iti ania man a kita ti temple recommend agingga a saan a maisubli dagiti bendisionda iti templo babaen ti ordinansa ti pannakaisubli dagiti bendision.