26.

Temple Recommend

26.0

Mornga’agen

Yean ngalan e nu’un rok’ Somoel e ban’en ni rib thothup. Fapi tiyugang’ ko ward nge stake e yaed ma pii’ e athamgil ngak e members ni ngar pired nib fel’ thawingraed ma bay fare temple recommend roraed ni demuturug ko yaed be par nib chuchugur ko temple fa dangay.

Tiyugang’ ko Galasia e thingar guyed ni gubin e gidii’ nira yean ngalan e temple a rib fel’ thawingraed ma rayag ni ngar ranod (muguy ko Psalm 24:3–5).

Members e rib tu’uf nibay fare temple recommend roraed u mm’on ni ngar ranod ngalan e temple.

Fare bishof era gopuruy’ ngak fare stake president ni fa’anra bay e duwer rok’ ni dariy mornga’agen ulan e biney e guruy. Fare stake president e rayag nira kol nag fare Office ko fare Bin Somm’on e Presidency nifan e tiney e duwer.

26.1

Urngin Mit e Temple Recommend

Dalip mit e recommend nibay:

1. Temple recommend nifan e members ni dawri endow. Mit ney e recommend e fan e members i dawrin endow nag machane kan seal nagraed ngak e galibthir roraed fa fan e tawfe nge thapeg e thothup nifan ngak e gidii’ nike yim’. Yima pii’ ko fare Leader and Clerk Resources (LCR). Boech mornga’agen e biney, muguy ko 26.4.

2. Temple recommend nifan e gam’ing ko gidii’ nib fos. Mit ney e recommend e fan e members nibe thapeg e biroraed e endowment fa yibe seal nagraed ko le’engin fa figirnginraed. Recommend nifan e gam’ing ko gidii’ nib fos e bay nib peth ko temple recommend ko bin nib baga’ ni yima fanay e recommend nifan e members nike endow (ba’aray mornga’agen u u butt’).

3. Temple recommend nifan e members nike endow. Mit ney e recommend e fan e members nike muu’ ko endow. Yima pii’ ko gin ni ba’aray ko LCR. Biney e ma pii’ matwon gubin e members ni nge un ko gubin mit e gam’ing ko temple nifan e gidii’ nike yim’. Biney e ki yima fanay ko napan ni reb e member e be seal ngak be’ nib fos fa galibthir nike yim’ fa ngak e bitir. Boech mornga’agen e biney, muguy ko 26.3.

26.2

Ayuweg fapi Temple Recommend

26.2.1

Tiyugang’ ko Priesthood ni nge Ayuweg fapi Temple Recommend

Tiyugang’ ko prieshood nikan pii’ matwon fapi babyor ko temple recommend ngoraed e susun ni ngar ayuweged ni rib fel’ rogon.

Tiyugang’ ko priesthood e kura micheg ni gidii’ ni dariy matwon e dabi yean ko gin nibay mornga’agen e temple recommend riy ko LCR.

26.2.2

Recommends nikan Irring fa Kan N’ag nga Biyang

Fare bishof e ke yoeg ngak fapi members ni ngar roged ngak ko chingiyal’nem ni fa’anra kan irring fa kan n’ag nga biyang e recommend roraed. Ir fa fare counselor nikan duugliy fa fare clerk era yaen ko LCR nge talag fare recommend ko chingyal’nem. Fa’anra dariy e biney, ma fare bishof e nge kol nag fare temple office nge talag fare recommend.

26.2.3

Gidii’ nibay e Recommend Roraed Machane Dar Fol ko Fapi Motochiyel Riy

Fa’anra ke duugliy fare bishof ni fare member nibay e temple recommend rok’ e dar fol ko fapi motochiyel riy (muguy ko 26.3), mara fith fare recommed ko fare member. Ra yean ko LCR nge talag fare recommend. Fa’anra dariy e biney, ma fare bishof e nge kol nag fare temple office nge talag fare recommend.

26.3

Kanawo’en i Pii’ fapi Temple Recommend

Fapi tiyugang’ ko priesthood e susun nikemus ni ngar pii’ed fare recommend ni fa’anra fare member e ke fulweg taban fapi duwer ni yima fith nifan e temple recommend.

Ulan e stake, reb e member ko stake presidency fa reb fapi clerk ko stake era activate nag fare temple recommend nibay ko LCR u tomuren nikan pii’. Ulan e district, reb e member ko fare mission presidency fa reb fapi clerk ko stake era activate nag fare recommend. Recommends nifan e tawfe nifan ngak bee’ nike yim’ nge thapeg e kan ni thothup e yima activate nag ko napan nike print nag reb e member ko bishofric fa branch president.

26.3.1

Fapi Interview ko Temple Recommend nifan e Members ko Ward nge Branch

Ulan e ward, fare bishof fa fare counselor nikan duugliy ere gagiyegnag e pi interview ney ko temple recommend me pii’ e recommend ngak e pi’in nib fel’ thawingraed. Ulan e branch, kemus ni branch president era gagiyeg nag fapi interview ko temple recommend me pii’ fapi recommend.

Ulan e ward, fare bishp e baga’ nira interview nag e tin ba’aray e member ni:

• Nge thapeg e biroraed e endowment (muguy ko 27.1 nge 27.2).

• Nge seal ngak figirngin fa le’engin (muguy ko 27.3).

Fa’anra fare bishof e de moy, ma rayag nira pii’ mat’won reb fagli counselors rok’ ni nge ngongliy rogon e pi interview ney.

U mm’on ni ngan pii’ fare recommend ko tin ba’aray ban’en nikan weliy u lang, fare bishop e nge sap ko fare record ko fare member nge guy ni dariy e notation riy ko mornga’agen e siyegnag e membership rok’ facha’ riy ko Galasia. Members nibe thapeg e biroraed e endowment fa yibe seal nagraed ko le’engin fa figirnginraed, e susun nira micheg ni:

• Fare record ko tawfe nge thapeg e kan ni thothup e bay ulan fare membership record.

• Fare pumo’on e ke thapeg fare Melchizedek Priesthood.

Tomuren fare interview ko reb e member ko fare bishofric fa branch president, ma arram ni reb e member ko fare stake presidency era interview nag fapi members nibe par ulan fare stake. Reb e member ko fare mission presidency era gagiyegnag fare interview nifan fapi members nima par ulan fare district. District president e darma gagiyegnag e pi interview ney nifan e temple recommend makemus ni fa’anra ke pii’ fare Bin Somm’on e Presidency mat’won.

26.3.2

Fapi Interview ko Temple Recommend nifan e Members ko Gin nib Palog nga Orel

Boech e members e ma par u yu yang nib palog mab momaw’ ni nge mada’nag reb e member ko stake fa mission presidency. Fa’anra buch e biney, ma fare president ko temple e rayag nira interview nag facha’ me sign nag e recommend rok’. U mm’on ni nge rrin’ fare interview, ra non ngak fare stake fa mission president. Fare bishof, fare counselor nikan pii’ mat’won, fa fare branch president e susun nike mu’ i interview nag fare member make sign nag fare recommend rok’.

26.3.3

Ngongliy Rogon fare Interview ko Temple Recommend

Fapi tiyugang’ e susun ni dabra uneged fara lufed e tin nib tu’uf riy.

Fapi interview ko temple recommend e susun ni dabin gur nag. Ma susun nikemus ni gamew facha’ ni yibe interview nag. Machane, facha’ ni yibe interview nag e rayag nira pinning le’ngin fa figirngin, fa reb e galibthir, fa bee’ nib ilaal ni nge un ngak.

26.4

Pii’ e Temple Recommend ngak e Members ni Dawri Endow

26.4.1

Kawawo’en Mornga’agen

Temple recommend ni yima pii’ ngak e members ni dawri endow e ba’aray rogon:

• Fan ngak e members ni 11 e duw roraed ngalang ni nge tawfe nge thapeg e kan ni thothup nifan e gidii’ nike yim’. (Bpin ni fal’yangren nge pagal ni fal’yangren nikan ordrain nag e rayag e temple recommend ngoraed ko somm’on ko Januray ulan fare duw nira gaman 12 e duw roraed.)

• Fan ngak e members ni 8 nge mada’ ko 20 ni ngan seal nag ngak e galibthir roraed. Bitir ni dawri gaman e 8 e duw roraed e dani tu’uf e recommend roraed ni ngan seal nag raed ngak e galibthir roraed (muguy ko 26.4.4).

• Fan ngak e members ni 8 nge mada’ ko 20 e duw roraed ni yaed be guy e seal nifan walagenraed nib fos, fa walagenraed nib thil e mitin fa matam ko galibthir roraed.

Members nikan endow nag e dabin pii’ reb e pi recommend ney ngoraed nikan weliy ko biney e guruy.

Reb e member ko Galasia nib pumo’on nike taw ko duw rok’ ni nge thapeg fare priesthood e thingarni ordrain nag ko priesthood office u mm’on ni rayag nira thapeg fare temple recommend.

26.4.2

Temple Recommend nifan e Member nib Be’ech nikan Tawfe Nag

Fare bishof era interview nag fapi members nib be’ech nike taw ko duw roraed ni ngar thapegned e temple recommend nikemus nifan e tawfe nge thapeg e thothup ko gidii’ nike yim’. Ra rrin’ e biney e interview u tomuren nike thapeg fare member fare kan ni thothup, baga’ nima buch e biney ulan fare wik (muguy ko 26.4.1). Fan ngak e pagal fa pumo’on, biney e interview e bay ni yira tay ni kabang ko fare interview ko thapeg fare Aaronic Priesthood.

26.4.3

Temple Recommend Nikemus nifan e Tawfe nge Thapeg e Kan ni Thothup nifan e Gidii’ nike Yim’

Temple recommend nikan pii’ nifan e tawfe nge thapeg e kan ni thothup e kemus ni yima fanay ko biney.

26.4.4

Temple Recommend nifan e Seal nag e Bitir nib Fos ngak e Galibthir

Members ni 21 e duw roraed ngalang e rayag ni ngan seal nag raed ngak e galibthir fa kemus ni ngar guyed rogon fare sealing ni fa’anra (1) ke endow ma (2) bay e temple recommend roraed.

26.5

Pii’ e Temple Recommend ko Tin Ba’aray Rogon nib Thil

26.5.1

Members nibe Thapeg e Biroraed e Endowment

Members nib fel’ thawingraed ni ba’adag ni ngar thapegned e biroraed e endowment e rayag ni fa’anra kar rrin’ed e tin ba’aray:

• Ba gaman e 18 e duw roraed.

• Kar mu’ niged fa kar chuwgaed ko high school, fa elementry, fa reb e school nib ta’areb rogon ko biney.

• Ke gamam reb e duw ngay nikar thapegned fare kan ni thothup.

• Yaed be thamiy ni ngar thapagned ma yaedra tayfan fapi m’ag ko temple ulan e yafos roraed.

Ma kabay, ni pumo’on e thingari thapeg fare Melchizedek Priesthood u mm’on ni nge thapeg e birok’ e endowment. Ko mornga’agen e members ni ngar fal’ag rogon raed ni ngar thapegned e biroraed e endowment, muguy ko 25.2.8. Ko mornga’agen ko mini’ e rayag nira thapeg e endowment, muguy ko 27.2.1.

26.5.3

Missionaries nib Fel’yangren nibe Sul ko Pigpig Roraed nib Palog u Tabinaew

Fare mission president era tay fare rran riy me activate nag fare recommend nira kireb dalip e puul ko fare rofen nira sul fare missionary nga tabinaew.

Fare bishof era interview nag fapi missionaries nikar suled ko pigpig ni ngan pii’ reb e temple recommend ngoraed nib be’ech nib chugur ko tomuren fare puul nira kireb fare recommend.

26.5.4

Members ni Dawri Par ulan fare Ward ni Dawri Gaman Reb e Duw Ngay

Fare bishof fa fare counselor nikan duugliy era kol nag fare bin somm’on e bishof rok’ facha’ u mmo’on ni ngan interview nag nifan e temple recommend.

26.5.7

Members nib Transgender

Fare stake president e susun ni nge puruy’ ngak fare Area Presidency ko mornga’agen e chan’ey u fithik’ e t’ufeg rok’ Kristus (muguy ko 38.6.23.

26.5.8

Members nike Rrin’ e Denen ni Rib Kireb

Reb e member nike rrin’ e denen ni rib kireb e bay ni dabiyag ni nge thapeg e temple recommend nge mada’ ko ngiyal’ ni kari kalngaen’ (muguy ko 32.6).

26.5.9

Members nikan Sulweg Biyay ko Galasia u Tomuren nikan Chuweg fa Kan Talag e Membership Rok’ ko Galasia

26.5.9.1

Members ni Dawrin Endow Nag

Tiney e members e bay ni dabiyag ni ngar thapegned e biroraed e recommend nge mada’ ko reb e duw nib polo’ ko rofen nikan sulwegraed ko Galasia ko Tawfe nge Thapeg e kan ni thothup.

26.5.9.2

Members nike Mu’ ko Endow

Members nike mu’ ko endow e bay ni dabiyag ni nge thapeg reb fapi temple recommend nge mada’ ko ngiyal’ nikan fulweg fapi tawa’ath ko temple ngoraed u dakean fapi gam’ing nikan fulweg ko fapi tawa’ath.