26.

Pepa Faataga o le Malumalu

26.0

Faatomuaga

O le ulufale atu i le maota o le Alii o se avanoa paia. E fautuaina e taitai o uarota ma siteki ia tagata uma o le Ekalesia ia agavaa ma ia i ai se pepa faataga o loo aoga o le malumalu, e tusa lava pe latou te le o nonofo latalata i se malumalu.

E faia e taitai o le Ekalesia ia taumafaiga uma ia iloa ai o i latou uma e ulu atu i le maota o le Alii e agavaa e ulu atu (tagai i le Salamo 24:3–5).

E tatau ona i ai se pepa faataga o le malumalu o loo aoga o tagata o le au paia e ulu atu ai i se malumalu.

E fefautuaai le epikopo ma lona peresitene o le siteki pe afai e i ai ni ana fesili e uiga i pepa faataga o le malumalu e le o taliina i le mataupu lenei. E mafai e le peresitene o le siteki ona faafesootai le Ofisa o le Au Peresitene Sili i ni fesili.

26.1

Ituaiga o Pepa Faataga o le Malumalu

E tolu ituaiga o pepa faataga:

1. Pepa faataga o le malumalu mo tagata e le’i maua faaeega paia. O nei pepa faataga e mo tagata o le ekalesia e lei maua faaeega paia o e o le a faamauina i o latou matua po o le a faatinoina papatisoga sui ma faamauga. E tuuina atu e ala i le Punaoa mo Taitai ma Failautusi (PTF). Mo nisi faamatalaga, tagai i le 26.4.

2. Pepa faataga o le malumalu mo sauniga o e o soifua. O nei pepa faataga e mo tagata e mauaina o latou lava faaeega paia pe faamauina i se toalua. O le pepa faataga mo sauniga mo e o soifua e faapipii i se pepa faataga masani o le malumalu mo tagata o le ekalesia ua maua faaeega paia (o loo faamatala atu i lalo).

3. Pepa faataga o le malumalu mo tagata ua uma ona maua faaeega paia. O nei pepa faataga e mo tagata o le ekalesia sa maua muamua faaeega paia. E tuuina atu e ala i le PTF. E faatagaina ai se tagata o le Ekalesia e auai i sauniga uma o le malumalu mo e ua maliliu. E faaaogaina foi pe a faamauina se tagata ua maua faaeega paia i matua po o fanau o soifua pe ua maliliu foi. Mo nisi faamatalaga, tagai i le 26.3.

26.2

Malupuipuia o Pepa Faataga o le Malumalu

26.2.1

Malupuipuia Pepa Faataga o le Malumalu e Taitai Perisitua

O taitai perisitua ua faataga ona i ai ia tusi o pepa faataga o le malumalu e tatau ona matuai malupuipuia lelei [ia tusi].

E faamautinoa foi e taitai perisitua e le maua e tagata e lei faatagaina ia faamatalaga o pepa faataga o le malumalu i luga o le PTF.

26.2.2

Pepa Faataga Leiloloa pe Gaoia

E talosagaina e le epikopo tagata o le ekalesia e vave logo atu o ia pe afai e leiloa pe gaoia se pepa faataga. O ia po o se fesoasoani po o se failautusi e tofiaina e faaaoga le PTF e faaleaogaina ai le pepa faataga i se taimi vave e mafai ai. Afai e le o maua le polokalama lea, e faafesootai e le epikopo le ofisa o le malumalu e faaleaogaina le pepa faataga.

26.2.3

O E Umia Pepa Faataga e Le o Ola i Tulaga Faatonuina o le Agavaa

Afai ua tonu i le epikopo ua le o soifua ma ola se tagata o le au paia o i ai se pepa faataga aoga i tulaga faatonuina o le agavaa (tagai i le 26.3), na te talosagaina le pepa faataga mai le tagata. Na te faaaogaina le PTF e faaleaogaina ai le pepa faataga. Afai e le o maua le polokalama lea, e faafesootai e le epikopo le ofisa o le malumalu e faaleaogaina le pepa faataga.

26.3

Taiala Aoao mo le Tuuina Atu o Pepa Faataga o le Malumalu

E na o le pau le taimi e tuu atu ai e taitai perisitua se pepa faataga pe afai e tali atu ma le talafeagai e le tagata ia fesili o le pepa faataga o le malumalu.

I siteki, o se tasi o le au peresitene o le siteki po o se failautusi a le siteki e faaolaina le pepa faataga o le malumalu i le PTF pe a uma ona tauaaoina atu. I itu, o se tasi o le au peresitene o le misiona po o se failautusi o le misiona e faaolaina le pepa faataga o le malumalu. E faaola pepa faataga mo papatisoga sui ma faamauga mo e ua maliliu pe a lolomi e se tasi o le au epikopo po o le peresitene o le paranesi.

26.3.1

O Faatalanoaga o Pepa Faataga o le Malumalu mo Tagata o le Au Paia i Uarota ma Paranesi

I se uarota, o le epikopo po o se fesoasoani ua tofia na te faatautaia ia faatalanoaga mo pepa faataga o le malumalu ma tuuina atu ia pepa faataga ia i latou e agavaa. I se paranesi, e na o le peresitene o le paranesi e faatautaia ia faatalanoaga o pepa faataga o le malumalu ma tuuina atu ia pepa faataga.

I se uarota, o le epikopo lava ia e faatalanoaina tagata o e:

• O loo mauaina o latou lava faaeega paia (tagai i le 27.1 ma le 27.2).

• Faamauina i se toalua (tagai i le 27.3).

I tulaga faavavevave pe afai e le o avanoa le epikopo, e mafai ona ia faatagaina se tasi o ona fesoasoani e faatautaia nei faatalanoaga.

A o lei tuuina atu se pepa faataga i tulaga o loo lisi atu i luga, e iloilo e le epikopo le pepa faamaumau o le tagata ia faamaonia ai e le o i ai se faamatalaga faaopoopo e uiga i ni tapuia’iga o le avea ai ma tagata o le Ekalesia. Mo tagata e mauaina o latou lava faaeega paia pe faamauina i se toalua, na te faamautinoaina foi:

• O loo tusifaamaumauina le papatisoga ma le faamauga o le tagata i pepa faamaumau.

• Ua uma ona maua e uso le Perisitua Mekisateko.

A maea le faatalanoaga e se tasi o le au epikopo po o le peresitene o le paranesi, ona faatalanoa lea e se uso o le au peresitene o le siteki ia tagata e nonofo i totonu o se siteki. O se uso o le au peresitene o le misiona e faatautaia le faatalanoaga lona lua mo tagata e nonofo i totonu o se itu. E le faatautaia e le peresitene o le itu ni faatalanoaga o pepa faataga o le malumalu sei vagana ua faatagaina ai e le Au Peresitene Sili.

26.3.2

O Faatalanoaga o Pepa Faataga o le Malumalu mo Tagata i Eria Mamao Ese

O nisi tagata o le ekalesia e nonofo i eria e moomia ai femalagaaiga taugata pe faigata tele ona feiloai i se tasi o le au peresitene o le siteki po o le misiona. I nei tulaga, e mafai ai e se peresitene o le malumalu ona faatalanoa le tagata ma saini le pepa faataga. A o lei faatautaia le faatalanoaga, la te talanoa ma le peresitene o le siteki po o le misiona. Ua tatau ona maea ona faatalanoa e le epikopo, se fesoasoani ua faatagaina, po o le peresitene o le paranesi ia le tagata o le ekalesia ma sainia le pepa faataga.

26.3.3

Faatautaia o se Faatalanoaga mo Pepa Faataga o le Malumalu

E le tatau i taitai ona faaopoopo pe aveese soo se tulaga manaomia.

E le tatau ona faanatinatia ia faatalanoaga o pepa faataga o le malumalu. E tatau ona faatuma’oti. Peitai, e mafai e le tagata o loo faatalanoaina ona valaaulia se toalua, se matua po o se isi tagata matua ia i ai.

26.4

Tuuina Atu o Pepa Faataga o le Malumalu i Tagata o le Ekalesia e Lei Maua Faaeega Paia

26.4.1

Taiala Lautele

O pepa faataga o le malumalu e tuuina atu i tagata o le ekalesia e lei maua faaeega paia pei ona ta’ua i lalo:

• Mo tagata o le ekalesia ua 11 tausaga ma matutua atu ina ia papatiso ma faamauina mo e ua maliliu. (E agavaa tamaitai talavou ma alii talavou ua faauuina mo se pepa faataga o le malumalu e amata atu ia Ianuari o le tausaga e atoa i ai lo latou ta’i 12.)

• Mo tagata o le ekalesia e 8 tausaga e oo i le 20 ina ia faamauina i o latou matua. O tamaiti e i lalo o le 8 tausaga le matutua e lē manaomia ni pepa faataga ina ia faamauina ai i o latou matua (tagai i le 26.4.4).

• Mo tagata o le ekalesia e 8 tausaga e oo i le 20 ina ia molimauina le faamauina o o latou tei o loo ola, tei e lē tina pe tama faatasi, po o tei e tina pe tama faatasi i o latou matua.

O tagata o le ekalesia ua uma ona maua faaeega paia e lē tuuina atu i ai soo se pepa faataga o loo faamalamalama atu i le vaega lenei.

O se alii o le Ekalesia ua lava le matua e umia ai le perisitua e tatau ona faauuina i se tofi o le perisitua a o le’i tuuina atu i ai se pepa faataga o le malumalu.

26.4.2

Pepa Faataga o le Malumalu mo Tagata o le Ekalesia Faato’a Papatiso

E faatalanoa e le epikopo tagata fou o le ekalesia ua talafeagai lo latou matua ia maua se pepa faataga o le malumalu mo na’o papatisoga sui ma faamauga. Na te vave faatautaia lenei faatalanoaga pe a mavae le faamauga o le tagata, e masani lava i totonu o se vaiaso (tagai i le 26.4.1). Mo alii, o lenei faatalanoaga e mafai ona faia o se vaega o le faatalanoaga mo le mauaina o le Perisitua Arona.

26.4.3

Pepa Faataga o le Malumalu mo Na o Papatisoga Sui ma Faamauga

O pepa faataga o le malumalu e tuuina atu e faia ai papatisoga sui ma faamauga, e na’o le faamoemoega lava lena e mafai ona faaaogaina ai.

26.4.4

Pepa Faataga o le Malumalu mo le Faamauina o Fanau o Loo Ola i Matua

O tagata o le ekalesia ua 21 tausaga pe matutua atu, na pau le taimi e mafai ai ona faamau i o latou matua pe maimoaina se faamauga pe afai ua latou (1) maua faaeega paia ma (2) i ai se pepa faataga aoga o le malumalu.

26.5

Tuuina Atu o Pepa Faataga o le Malumalu i Tulaga Fapitoa

26.5.1

Tagata o le Ekalesia e Mauaina o Latou Lava Faaeega Paia

O tagata agavaa o le ekalesia o e naunau ia maua o latou lava faaeega paia, e mafai pe a latou ausia uma ia tulaga nei:

• Ia le itiiti ifo ma le 18 tausaga le matutua.

• Ua mae’a pe ua latou le o toe i ai i le a’oga maualuga, a’oga tulagalua, po o le maualuga talitutusa.

• Ua atoa lelei le tausaga e tasi talu ona fai o latou faamauga.

• Ua latou lagona se naunautaiga e maua ma faamamaluina feagaiga o le malumalu i le gasologa o o latou olaga.

E le gata i lea, e tatau i se alii ona umia le Perisitua Mekisateko a o lei maua ona faaeega paia. Mo faamatalaga e uiga i tagata o loo sauniuni mo le mauaina o o latou lava faaeega paia, tagai i le 25.2.8. Mo faamatalaga e uiga i le ua mafai ona maua le faaeega paia, tagai i le 27.2.1.

26.5.3

O Faifeautalai Talavou Ua Toe Foi Mai Mea Sa Galulue ai i Fafo Atu

E tuu e le peresitene o le misiona le aso ma tatala le faaaogaina o le pepa faataga ina ia uma le aoga i le tolu masina mai le aso e toe foi ai le faifeautalai i le aiga.

E faatalanoa e le epikopo ia faifeautalai ua toe foi mai, e tuuina atu ai se pepa faataga fou o le malumalu pe a tulata i le faaiuga o le vaitau e tolu masina lea e uma ai le aoga.

26.5.4

O Tagata o le Ekalesia E Lei Nonofo i le Uarota e Tasi mo le Le Itiiti Ifo ma le Tausaga e Tasi

E faafesootai e le epikopo po o se fesoasoani ua tofia le epikopo talu ai, a o lei faatautaia se faatalanoaga mo se pepa faataga o le malumalu.

26.5.7

O Tagata o le Ekalesia Ua Faailoa Mai o ni Ē Ua Faafoliga i le Itupa Faafeagai

E ao i le peresitene o le siteki ona fefautuaai ma le Au Peresitene o le Eria e talanoaina ai ma le matua faaeteete ma le alofa faaKeriso ia tulaga taitasi (tagai i le 38.6.23).

26.5.8

O Tagata o le Ekalesia o Ē na Faia Se Agasala Matuia

O se tagata o le Ekalesia na faia se agasala matuia e le mafai ona mauaina se pepa faataga o le malumalu sei iloga ua salamo o ia (tagai i le 32.6).

26.5.9

O Tagata o le Ekalesia o Ē na Toe Faaulufale Mai ina ua mavae le Soloia po o le Faamavaega mai le Avea ma Tagata o le Ekalesia

26.5.9.1

O Tagata o le Ekalesia e Le’i Mauaina Muamua Faaeega Paia

O nei tagata o le ekalesia e le mafai ona tuuina atu i ai ni pepa faataga e maua ai o latou lava faaeega paia sei iloga e atoa le tausaga e tasi talu ona mae’a le toe faaulufaleina mai i le Ekalesia e ala i le papatisoga ma le faamauga.

26.5.9.2

O Tagata o le Ekalesia Na Maua Muamua Faaeega Paia

O tagata o le Ekalesia na maua muamua ia faaeega paia, e le mafai ona maua soo se ituaiga o pepa faataga o le malumalu seia vagana ua toefuatai o latou faamanuiaga o le malumalu e ala i le sauniga o le toefuataiga o faamanuiaga.