A bisop mengedecheduch ra klou el chad

26.

Babier er a Templo

26.0

Uchelel

A mo soiseb er a templo a chedaol techall. A remerredel er a stake me a ward a mengelechl er a rechedal a ikelesia el mo klikiid e morngii a babilngir er a templo luldimukl a lak el kiei er bitara templo.

A remerredel er a Ikelesia a kirir mor sel tkur bab el sebechir lomes el kmo tirkel soiseb er a templo a klikiid (mes Psalm 24:3–5).

A rechedal a Ikelesia a kirir ngarngii a ungil babilngir er a templo ruchei ra le siseb er a templo.

A bisop a chadecheduch lobengkel a merredel ra stake a le ngarngii a keril kirel a babier ra templo el diak a nger ngii er tial bliongel. A merredel er a Stake a sebechel omkedong er a Obis er a First Presidency a le ngarngii a keril.

26.1

Kakerous el Babier er a Templo

Ngarngii a kldei el bedengei a babier er a templo.

1. Babier er a templo el mora dirkak el ngai a klengeltengat. Aikal babier a mora dirkak el ngai a klengeltengat e mo merenged el mora rechad ra blirir a lechub ete omtechei e meruul a techolbechelid ma olterekokl. Te ngmai lokiu a Leader and Clerk Resources (LCR). A lmuut el bebil er a omsodel, e mesa 26.4.

2. Babier er a templo el kirel a chedaol ruoll ra re ngar. Aika el babier a mora rechad el melai a klengeltengat el kirir a lechub eng merenged el mora bechil. A babier el kirel chedaol ruoll ra re ngar a di obengkel sel kuk di babier ra chad el mla ngmai a klengeltengat (selaod e riou).

3. Babier ra templo ra chad el mla ngmai a klengeltengat. Aika el babier a mora rechad el mla ngmai a klengeltengat. Te ngmai lokiu a LCR. Ng msa kengei a chad el mo meruul a ikel chedaeol ruoll er a templo el kirir a re mla mad. Ng dirrek el usbechall alsekum a chad el mla ngmai a klengeltengat a merenged el mora ngar a lechub eng mla mad el demal ng delal a lechub ete ngelekel. A lmuut el omsodel, e mesa 26.3.

26.2

Kerekikl er a Babier el mora Templo

26.2.1

A Roungerachel Loba Priesthood a Kerekikl a Babier er a mora Templo

A roungerachel loba priesthood loba ngerachel ra hong ra babier er a mora templo a kirir el kerekikl el mengkar.

A roungerachel loba priesthood a dirrek el kerekikl meng diak a diak loba ngerachel el chad el mo merutech a babier ra mora templo el ngara LCR.

26.2.3

Remiid a lechub eng Merchorech el Babier er a Templo

A bisop olengit ra rechad me le mereched louchaais er ngii alseku,m ng mla remiid malechub eng merchorech a babilngir er a templo. Ngii malechub eng counselor malechub eng clerk a ousbech er a LCR el torbengii tial babier er a templo er a di mereched el time. Alsekum tial ureor a diak el sebechel, ea bisop a omekedong er a obis er a templo mel torbengii tial babier er a templo.

26.2.4

Tirkel Loba Babier er a Templo el Diak Loltirkal a Llechul a Klikiid

Alsekum a bisop a momedengei el kmo a chad oba babier ra templo e diak loltirakl a llach ra klikiid (mesa 26.3),eng sebechel nguu tial babier ra chad. Ng ousbech er a LCR el torbengii tial babier er a templo. Alsekum tial ureor a diak el sebchel, ea bisop a omekedong er a obis er a templo mel torbengii.

26.3

Omsodel a Oltobed a Babier er a Templo

A roungerachel loba priesthood a oltobed a babier ra templo alsekum a chad a ungil longer aikel ker ra ngeiul a babier el mora templo.

A cheldecheduch ra melai ra babier el mora templo a diak kirel di lorreched er ngii. Ng kirel berrotel. Ng di a chad el mongedecheduch er ngii a sebechel siotai ra tara klou el chad el mei.

A roungerachel loba priesthood a diak lolechel a bebil ra tekoi ra ikel beldukl ra hong ra babier ra templo. A lechub e longoit a bebil ra tekoi ra chelsel.

Chelsel a stake, a chedal omerredel ra stake a lechub a clerk ra stake a rulii tial babier ra templo el mo oureor lousbech ra LCR ruriul a lenguu msa chad. Chelsel a district, a chedal a omerredel ra mision a lechub a clerk ra mision a rulii tial babier el mo oureor. A babier ra templo ra omtechei el meruul a techolbechelid ma olterekokl a mo oureor sel lenguu a llechukl el babier ra chedal a klebisop a lechub a merredel ra branch.

26.3.1

Cheldecheduch el kirel a Babier ra Templo ra Rechad a Ward ma Branch

Chelsel a ward, a bisop a lechub a counselor a mengetikaik a cheldecheduch ra babier el mora templo e mesterir a babier tirkel klikiid. Chelsel a branch, ng di tal merredel ra branch a mengedecheduch e omesterir a babier ra mora templo.

Ea ward, eng bisop a mengedecheduch ra rechad el:

• Melai a klengeltengat el di kirir (mesa 27.1 ma 27.2).

• Mo merenged el mora bechil (mesa 27.3).

Aikel orechudel teletael el dibus a bisop, eng sebechel kongei ra counselor meng mengedecheduch er a rechad.

Uchei ra lebsa chad a babier el mora templo ra ngii dil tara ikal beldukl er bab, e a bisop omes a rekord ra chad el uase ng diak a le kekeronggel er ngii ra Ikelesia. A rechad el melai a klengeltengat el kirir a lechub e te merenged el mora becherir, eng dirrek lomes a:

• A rekord ra techolbechelid ma oterkeklel a chad a llechukl ngara rekord er ngii.

• Remeklou el sechal el mla nguu a Melchizedek Priesthood.

Uriul ra cheldecheduch ra chedal a kelbisop a lechub a merredel ra branch, e a chedal omerredel ra stake a mo mengedecheduch ra chad. A chedal omerredel ra mision a momeruul ra ongeru el cheldecheduch ra rechad el kirei ra chelsel a district. A merredel ra district a diak bo longedecheduch ra rechad el kirel a babier ra mora templo a lak el kengei er ngii a First Presidency.

26.3.2

Mengedecheduch el kirel a Babier ra Templo ra Rechad el Kiei ra Cheroid el Basio

A rebebil ra rechad a kiei a charoid el basio el meringel a cheral omerael el mo omes ra remerredel a stake a lechub a mision. Tiaikid el teletael, ea merredel ra templo a sebechel mengedechuch ra chad e saing ra babier. Uchei ra longedecheduch, eng ouchais ra merredel ra stake a lechub a mision. Bisop, a lechub a counselor, a lechub a merredel ra branch a kirel mla mengedechdduch ra chad e saing ra babier ngii.

26.4

Omesterir a Babier ra mora Templo a Rechad el Dirkak el ngai a Klengeltengat

26.4.1

Omesodel a Teletelel

A babier ra mora templo a mengai el mor tirkel dirkak el ngai a klengeltengat er tiakid el teletael:

• A rechad ra ikelesia el 11 el morbab a rekrir el mo metecholb e moterekokl el kirir a remla mad. (Ngeasek el redil me a mla moterekokl ngeasek el sechal a sebechir nguu a babier el mora templo sel uchelel a Kot el buil er sel rak el bol 12 a rekrir.)

• A rechad ra ikelesia el eai el mora lluich a rekrir el mo merenged el mora rechad ra blirir. A rengalek el ngariou a rekrir ra eai a diak lousbech ra babier el mora templo sel bol merenged el mora rechad ra blirir (mesa 26.4.4).

• A rechad ra ikelesia el eai el mora lluich a rekrir el mo mes omerenged a rengar el bebil er tir, kakerous a chedam ng chedil, a lechub e te halfsiblings ra rechad ra blirir.

A rechad ra ikelesia el mla ngmai a klengeltengat a diak lolai a tara ikal babier el klouadel er tial bliongel.

A sechal chad ra ikelesia el sebechel mo nguu a priesthood a kirel moterekokl el mora obis ra priesthood ruchei re lenguu a babier el mora templo.

26.4.2

Babier ra mora Templo ra re Dirk Miltecholb el Chad

A bisop a mengedecheduch ra rebeches el chad ra ikelesia el ngarbab a rekrir el mo nguu a babier tir ra mora templo lomtechei el meruul a techolbechelid ma olterekokl e merekong. Ng meruul tial cheldecheduch sel rechedel moterekokl a chad, blechoel tal sandei ruriul (mesa 26.4.1). A remeklou lodam, tial cheldecheduch a sebechel ngarngii el kirel a melai ra Aaronic Priesthood.

26.4.3

Babier ra mora Templo ra Romtechei a Techolbechelid ma Olterekokl e Merekong

Babier el mora templo el mor tirkel omtechei a techolbechelid ma olterekokl a sebechel usbechall er tiaikid el moktek.

26.4.4

Babier ra Templo el kirel a Omerenged ra Rengalek el mora Rechad ra Blirir

A rechad el 21 el mor bab a rekrir a sebcheir merenged el mora rechad ra blirir a lechub e te omes omerenged alsekum ete (1) mla ngmai a klengeltengat e (2) oba beches el babier ra mora templo.

26.5

Msa Babier a Templo ra Ikel Tokubets el Teletael

26.5.1

Rechad el Melai a Klengeltengat el Kirir

Klikiid el chedal a ikelesia el sorir el mo ngmai a klengeltengat a sebechir sel bo loltirakl aikakid:

• Kirel kesengil eng 18 a rekil.

• Te mlamomerek a lechub eng dikea el ngara high skuul, daingak, a lechub a uai ngii.

• Mla momerek a tal rak er sera lemoterekokl.

• Te omelchesiu el semerirar el mo ngmai e mengull a telbiil ra templo ra klengar tir.

Osisisu, a chad a kirel loba Melchizedek Priesthood ruchei ra lengai a klengeltengat. Omesodel kirir a rechad ra ikelesia el mengedmokl mo melai a klengeltengat el kirir, mesa 25.2.8. A omesodel el uase ng techa nguu a babier ra mora templo, mesa 27.2.1.

26.5.3

Ngeasek el Misionari el Mo Remei Ruriul ra Mision

A merredel ra mision a loia sils e rulii el mo oureor tial babier meng mo merek a klsel er sel sils el misionari mo remei.

A bisop a mengedecheduch ra mla momerek el misionari el msa beches el babier ra mora templo er sel medechel edei el buil eng momerek ra mision.

26.5.4

Rechedal a Ikelesia el Dirkak el Kiei er a Osisiu el Ward el Tal Rak

A bisop a lechub a counselor a mengedecheduch ra dimla bisop er tir ruchei ra loruul a babier el mora templo.

26.5.7

Rechad el Mla Ngodechii el mo sechal ma lechub eng redil el daik uangii ra lebechel.

A merrederl ra stake a kirel mengedechduch ra Area Presidency el mesaod a teletael ra dersta el chad loba beltikereng (mesa 38.6.23).

26.5.8

Rechad el Mla Tomelii Oberaod el Klengit

A chad el mla tomelli oberaod el klengit a diak lolai ra babier el mora templo el di merekmo louchel a rengul ra kentil (mesa 32.6).

26.5.9

Rechad el Mla Lmuut el Me Soiseb ra Ikelesia Ruriul ra Lemengubet a Ngklir

26.5.9.1

Rechad el Dirkak el Ngai a Klengeltengat er a Templo

Tirkaikid el chad a diak lolai a babier ra mora templo el mo melai a klengeltengat el di merekmo tal rak ruriul er sel sils el liluut el me soiseb ra Ikelesia lokiu a techolbechelid me a oterkeklir.

26.5.9.2

Rechad el Mla Ngmai a Klengeltengat er a Templo

A rechad el mla ngmai a klengeltengat ra templo a diak lolai a ngii di el bedengel a babier el di merekmo a klengeltengat er a templo a moluut el mor tir lokiu chedaol ruoll ra olutel a klengeltengat.