27.

Fapi Gam’ing ko Temple nifan e Gidii’ nib Fos

27.0

Mornga’agen

Fare temple e ire fare nu’un rok’ Somoel. Ire ma powi’iydaed ngak fare Tathapeg, Yesus Kristus. Ulan fapi temple, e gadaed ma un ko fapi gam’ing riy nib thothup min ngongliy fapi m’ag ngak e Chitamangdaed nibay u Tharmiy nima m’agdaed ngak nge fare Tathapeg. Pi m’ag ney nga fapi gam’ing e ma fal’ag rogondaed ni ngaed suled nga gul’ilungun e Chitamangdaed nibay u Tharmiy me seal nagdaed nga ta’abang ko tabinaew rodaed ni manechubog.

M’ag u temple nge fapi gam’ing riy, “e irreram e gin nima m’ug e tin nib thothup riy” (Doctrine and Covenants 84:20).

Fapi m’ag nge fapi gam’ing riy ni yima rrin’ u temple e bugii ban’en nib thothup. Fapi pow nibay rogon ko fapi m’ag u temple e susun ni dabin weliy mornga’agen u wuru’ e temple. Fa ni weliy mornga’agen e tin nib thothup nikad michegned ulan e temple ni dabin dag. Machane, rayag ni ngaed weliyed mornga’agen fan nge yalen fapi m’ag nge fapi gam’ing riy nge tin ni kad thamiyed nib thothup nike buch rodaed ulan e temple.

Fapi tiyugang’ ko ward nge stake e yaed ma weliy mornga’agen e pin’ey ulan e biney e guruy ngak e members nibe fal’ag rogon ni nge thapeg e endowment fa gam’ing ko sealing.

27.1

Thapaeg fapi Gam’ing ko Temple

27.1.1

Fal’ag Rogoy ni ngan Thapeg fapi Gam’ing ko Temple

Fapi members e susun ni ngar fal’aged rogonraed nib thothup ni ngar thapegned fapi gam’ing ko temple mi yaed ngongliy mi yaed tayfan fapi m’ag nikar ngongliyed ulan e temple.

Galibithir e bay e muruwel roraed ni rib ga’fan ni ngar ayuwegnew fapi bitir roraed ni ngar fal’agned rograed ni ngar thapagned fapi gam’ing ko temple. Fapi tiyugang’ ko stake nge ward, nge fapi bpin nge pumo’on nibe machib, nge gathon e tabinaew e ngar pii’ed e ayuw ngak e galibthir ko biney e muruwel.

temples.ChurchofJesusChrist.orgAyuw nifan e members ni ngar thapaged fapi gam’ing ko temple e bay ko .

Members nibe fal’ag rogon ni nge thapeg e birok’ e endowmet fa seal ngak figirngin fa le’engin e yima pii’ e athamgil ngoraed ni ngar uned ko klass nifan e Temple (muguy ko 25.2.8).

27.1.3

Members nib M’ar e Dogur Rok’

Members nib fel’ thawarngin nibay e m’ar ko dogur rok’ e bay ni rayag ni nge thapeg fapi gam’ing ko temple. Tiney e members e yima pii’ e athamgil ngoraed ni ngar uned nga temple ni nge un bee’ u tabinaew ngoraed nike mu’ i thapaeg e birok’ e endowment ni nge pii’ e ayuw ngoraed. Fa’anra dariy bee’ u tabinaew fa reb e fagar ni nge un ngoraed, ma rayag ni ngar kol niged e temple u mm’on ngay ngar guyed ko mang e bay ni rayag ni ngar rrin’ed.

27.1.4

Ayuw nifam e Pilyeg e Thin fa Afweg e Thin

Fa’anra ba tu’uf bee’ ko fare member ni nge pilyeg e thin fa afweg e thin, ma susun ni ngar kol niged e temple u mm’on ni ngar guyed ko bay e biney fa dariy.

27.1.5

Maad ni ngan Chuwngay nga Temple

Napan ni ngan yean nga temple, members e susun ni ngar chuwgaed nga maad ni woed e maad nifan e mo’olung ko sakrament.

Muguy ko 27.3.2.6 ko mornga’agen e maad ni yima chuwngay nifan e mabgol ko temple fa sealing.

Muguy ko 38.5 ko boech mornga’agen e:

• Maad ni yima chuwngay ko ngiyal’ e endowment nge gam’ing ko sealing.

• Rogon i fanay, nge rogon i chuwngay, nge rogon i ayuweg e maad nifan e madnom ko temple nge garment.

27.1.6

Matanggiy e Bitir

Gidii’ nib ilaal e thingari matanggiyed fapi bitir ni fa’anra yaed bay u dakean e butt’ ko temple. Gidii’en e muruwel ko temple e bay ni rayag ni ngar pii’ed e ayuw ko bitir nikemus ni fa’anra ba’aray rogon:

• Fa’anra yibe seal nagraed ngak e galibthir roraed

• Fa’anra yaed be guy fare sealing ko walagraed nib fos, fa stepsister fa stepbrother roraed, ngak e galibthir roraed.

27.1.7

Mada’nag e Members u Tomuren nikar Thapagned fapi Gam’ing ko Temple

Members e bay ni bay e duwer roraed u tomuren nikar thapagned fapi gam’ing ko temple. Gidii’ u tabinaew nike mu’ i thapeg e endowment rok’, fare bishof, boech e tiyuyang’ ko ward, fa boech e pumo’on nge bpin nima machib e bay ni rayag nira mada’ nag fare member nge fith mornga’agen e wub rok’ nga temple.

temples.ChurchofJesusChrist.orgAyuw nifan e pi duwer ney e bay ko .

27.2

Fare Endowment

Fare bugithin ni endowment e be yipfan “ba tawa’ath.” Fare endowment e ribe yipfan fare tawa’ath rok’ Got ni’ir e ma tawa’ath nag pifak riy. Boech e tawa’ath nima thapeg e members ko temple endowment e mu’un:

• Gaa’nag e llowean’ rodaed ko fare fan Somoel nge fapi machib rok’.

• Gelngiy ni ngan rrin’ gubin ban’en ni ba’adag e Chitamangdaed nu Tharmiy ni nge rrin’ pifak.

• Thothup nira powi’iyey ko ngiyal’ ni yibe pigpig ngak Somoel, tabinaew rom, nge boech e gidii’.

• Ra gaa’nag e athap nge gapas rom.

Thapeg e pi tawa’ath ney ni ga’angin e be yean u rogon e yul’yul’ rodaed ko gospel rok’ Yesus Kristus.

Fare endowment e yima thapeg ni l’agruw yang. Ko bin somm’on riy, e facha’ era thapeg e bin somm’on e gam’ing ni kanoeg e initiatory ngay. Fare initiatory e dalip mit e gam’ing nibay riy: luukuy nag, gapgep nag, nge madne maad (muguy ko Exodus 29:4–9). Mu’un fapi tawa’ath ngay nibe yean u rogon e thothup ni yib ko gidii’ rom ni kakrom nge gelnginraed.

Napan fare initiatory, fare member e ke micheg nira chuw ko garment ko temple. Fare garment e be yipfan fare tha’ rom ngak Got nge micheg rom ni gara fol ko fapi m’ag nikam ngongliy ulan e temple. Napan era yul’yul’ fapi members ko fapi m’ag roraed ma yead be chuw ko garment ni woed rogon ni kanoeg ulan e yafos roraed, ma krayag nira yiroriy raed ko lumel. Ko mornga’agen rogon i chuw nga rogon i ayuweg e garment, muguy ko 38.5.5.

Bin l’agruw yang ko fare endowment, e yira fil mornga’agen fare wo’en e thap riy, nib mu’un fare Sunmeg e fayleng riy, fare Muul ni tay Adam nge Eva, fare Bayul rok’ Yesus Kristus, fare Apostasy, nge fare Sulyarmen. Members e kuma thapeg rogon ni rayag ni ngar suled nga gul’il’ungun Somoel.

Napan e endowment, yira pinning fapi members ni ngar ngongliyed e m’ag nib thothup ni ba’aray rogon:

• Fol ko fare motochiyel ko liyoer mi yaed gay rogon ni ngar ayuweged fapi motochiyel rok’ e Chitamngaed nu Tharmiy.

• Fol ko fare motochiyel ko maligach, nibe yipfan ni ngan pii’ e ayuw ko muruwel rok’ Somoel me m’ingaen’uy min kalngaen’uy.

• Fol ko fare motochiyel ko gospel ku Yesus Kristus.

• Kol falan e dowef, nibe yipfan ni damu pirew bee’ ni gathi mabgol rom makemus ni biney era buch u thilin e pumo’on nge bpin nike mabgol, ni wod rogon e motochiyel ku Got.

• Fol ko fare motochiyel ko yibliy, nibe yipfan ni members e susun ni ngar pii’ed e tym roraed, tin ni yaed ba salap riy, nge gubin ban’en nike tawa’ath nagraed Somoel ngay ni ngar toyed fapi nu’un ni’ir e Galasia rok’ Yesus Kristus nibay u fayleng.

Ma arram nira buch, ni Chitamangdaed nu Tharmiy e micheg ngak e pi’in ni yaedra ul’ul’ ngar pired ni yaed ba yul’yul’ ko fapi m’ag roraed ko temple e yira endow nagraed ko fare “gelngin nima yib u tharmiy (Doctrine and Covenants 38:32, 38; ngkum guy ko Luke 24:49; Doctrine and Covenants 43:16).

27.2.1

Mini’ e Rayag ni nge Thapeg fare Endowment

Gubin e members nib ilaal ko Galasia nib fel’ ngonglen e yibe pinning ni nge fal’ag rogon ngeyag ni thapeg e birok’ e endowment. Gubin fapi gam’ing ni yima rrin’ u mm’on e rib tu’uf ni ngan rrin’ min record nag u mm’on ni nge thapeg e members e endowment (muguy ko 26.3.1).

27.2.1.1

Members nib Be’ech ni Fin Gin Tawfe Nag

Members nib be’ech nib fel’ thawingraed nib ilaal e rayag ni ngar thapegned e biroraed e endowment u tomuren fare duw nib polo’ nikar thapagned fare Kan ni Thothup.

27.2.1.2

Members ni Figirngin fa Le’engin e Dawrin Endownag

Reb e member nib fel’ thawingraed nibay figirngin fa le’engin ni dawri endow e bay ni rayag nira thapeg e birok’ e endowment ni fa’anra rayag rok’ e tin ba’aray ban’en:

• Figirngin fa le’engin ni dawri endow era pii’ matwon ni nge thapeg e endowment.

• Fare member, bishof, nge stake president e rib mudugil ko tafney roraed ni fapi m’ag ko temple e dabi gathay e mabgol rok’ facha’.

Tiney e ban’an e rib mudugil ngay ni demuturug ko fare figirngin fa le’engin e member fa danga’.

27.2.1.3

Members nibay e M’ar Roraed ni Kanoeg e Interllectual Disabilities Ngay

Members nibay e intelectual disabilities e bay ni rayag ni ngar thapagned e biroraed e endowment.

• Kar mu’ niged i thapeg e tin ni somm’on e gam’ing (muguy ko 26.3.1).

• Yaed be nangfan e thin, ma rayag ni ngar ngongliyed, mi yaed ayuweg fapi m’ag ni bay riy.

Fare bishof era nangfan salpen fare member nge, ngiyal’ ni rayag, me mada’ nag e galibthir rok’. Ma kura gay e tin nibe powi’iy e Thothup ngak. Krayag nira gopuruy’ ngak fare stake president.

27.2.2

Duugliy ko Wi’in e ngan Thapeg fare Endowment

Ngiyal’ ni ngan duugliy ko wi’in e ngan thapeg fare endowment e gur rom nib milfan ngom ma susun ni ngan rrin’ u fithik’ e meybil. Endowment e ba tawa’ath ko gelngiy nge yi’iy nifan gubin e gidii’ nira fal’ag rogon ni nge thapeg. Members e rayag ni ngar mel’eged ni ngar thapegned e biroraed e endowment ni fa’anra kar rrin’ed e tin ba’aray ban’en:

• Ba gaman e 18 e duw roraed.

• Kar mu’ niged fa kar chuwgaed ko high school, fa elementry, fa reb e school nib ta’areb rogon ko biney.

• Ke gamam reb e duw ngay nikar thapegned fare kan ni thothup.

• Yaed be thamiy ni ngar thapagned ma yaedra tayfan fapi m’ag ko tin nib thothup u temple ulan e yafos roraed.

Members nike mu’ i thapeg e mission rok’ fa be fal’ag rogon ni nge seal ulan e temple e susun nike mu’ i thapeg e birok’ e endowment.

U mm’on ni ngan pii’ fare temple recommend ngak reb e member ni nge thapeg e endowment, fare bishof nge stake president e susun ni yowra thamiy ni facha’ e ke fel’ rogon mara nangfan me ayuweg fapi m’ag u temple nib thothup. Biney e yima duugliy nibe yean u rogon facha’.

27.2.3

Plan nag nge Skedual nag fare Endowment

27.2.3.1

Thapeg e Recommend nifan e Gam’ing ko Gidii’ nib Fos

Member e thingara thapegned e recommend nifan e gam’ing ko gidii’ nib fos ni nge yean nga temple nge thapeg e endowment. Mornga’agen boech e mitney e recommend, muguy ko 26.5.1.

27.2.3.2

Kol nga Temple

Members nibe lemnag ni nge thapeg e endowment e susun ni nge kol ko temple u mm’on ni nge ngongliy e roffen ni nge yean nifan fare gam’ing.

27.2.3.3

Escort nifan e Members ni nge Thapeg e Endowment

Members ni nge thapeg e birok’ e endowment e rayag ni nge pinning reb e member nike mu’ ko endow ni ta’ab rogon ngak ni nge mang e escort me ayuweg ko ngiyal’ e session ko endowment. En nira escort e rib tu’uf niibay e temple recommend rok’. Temple e krayag nira pii’ bee’ ni nge mang escort rom ni fa’anra ba tu’uf.

27.3

Seal nifan e Figirngiy nge Le’engiy

Sealing u temple e ma m’ag fare figirngiy nge le’engiy nga ta’abang nifan e ngiyal’ ney nge ngiyal’ ni dariy bi’id manemus. Yaedra thapeg e pi tawa’ath ney ni fa’anra yaed ba yul’yul’ ko fapi m’ag nikar ngongliyed ulan e temple. U dakean e biney e gam’ing, pifakraed e ku rayag ni ngar manged bang ko fare tabinaew ni dariy bi’id manemus.

Tiyugang’ ko Galasia e ngar ayuweged fapi members ngar fal’aged rogon raed ni ngar mabgol gaed mi yaed seal ulan e temple. Dani yo’or e gidii’ ni manang mornga’agen e mabol u temple, ere tiyugang’ ko Galasia fa boech e gidii’ e rayayg ni ngar ted reb e mabgol nib civil u tomuren e sealing ko temple (muguy ko 38.3). Biney ni yima rrin’ u tomuren e mabgol u temple e ma fal’ag laniyean’ e galibthir fa gidii’en e tabinaew ni daniyag ni un ngalan e madnom ko temple.

27.3.1

Mini’ e Rayag ni nge Seal ulan e Temple

Gubin e members ko Galasia ni dawri mabgol mab fel’ ngonglen e yibe pinning ni ngar fal’aged rogon raed nifan e sealing ko temple. Pi’in nike mabgol nib civil e yibe pii’ e athamgil ngoraed ni ngar seal gaed nifan e ngiyal’ ney nge ngiyal’ ni dariy bi’id manemus u tomuren nikar fal’aged rogonraed. Members e thingari endow u mm’on ni nge seal (muguy ko 27.2).

L’agruw nii’ ni ngar seal gow ulan e temple e thingara (1) mabgol gow nib civil u mm’on ni ngar seal gow fa (2) mabgol nge seal ulan ta’aroborran ko fare madnom ko temple. Muguy ko 27.3.2.

27.3.1.2

Members nibay e M’ar Roraed ni Kanoeg e Interllectual Disabilities Ngay

Members nibay e intellectual disabilities roraed e bay ni rayag ni ngar seal gaed ngak figirnginraed fa le’enginraed, fiancé, fa fiancée ni fa’anra:

• Kar mu’ niged i thapeg e tin ni somm’on e gam’ing, nib mu’un fare endowment ngay (muguy ko 27.2.1.3).

• Yaed be nangfan e thin, ma rayag ni ngar ngongliyed, mi yaed ayuweg fapi m’ag ni bay riy.

Fare bishof era fanow nag fare member nge fare figirngin fa le’engin, fa fare fiancé fa fiancée rok’. Ma kura gay e tin nibe powi’iy e Thothup ngak. Krayag nira gopuruy’ ngak fare stake president.

27.3.2

Plan nag nge Skedual nag e Mabgol u Temple fa Sealing

27.3.2.1

Thapapeg e Recommend nifan e Gam’ing nifan e Gidii’ nib Fos

Member e thingara thapagned fare recommend nifan e gam’ing ko gidii’ nib fos ni fa’anra ngan seal nagraed ngak figirngin fa le’enginraed. Mornga’agen boech e mitney e recommend, muguy ko 26.3.

27.3.2.2

Kol nga Temple

Members nibe lemnag ni nge mabgol fa seal ngak figirngin fa le’engin e susun ni nge kol nga temple u mm’on ni nge ngongliy e roffen ni nge yean nifan fare gam’ing.

27.3.2.3

Thapeg e License nifan e Mabgol

U mm’on ni ngan mabgol, fagli cha’ e thingara thapagnew e license nifan e mabgol nib legal nibay e ggin nib duugil ni yira tay fare mabgol riy. Fa’anra be tafney nag e galichan’ey ni ngar mabgol gow min seal nagrow ulan e biney e madnom, ma thingara fekew fare license ko mabgol nga temple.

Mabgol nikan mu’ i seal nag u tomuren e mabgol nib civil e dani tu’uf ni yira fek fare license riy ko mabgol nga temple. Machane, yowra dag fare roffen nge fare ggin ntay fare mabgol rorow riy nib civil ni kabang ko fare record verification.

27.3.2.4

Escort nifan fare Bpin nge fare Pumo’on ni nge Mabgol

Reb e bpin nike mu’ ko endow e rayag nira un ngak fare bpin ni nge mabgol ni nge ayuweg ko ggin ni yima thilyeg e maad riy. Krayag ni reb e pumo’on e un ngak nge ayuweg fare pumo’on ni nge mabgol. En nira escort e rib tu’uf niibay e temple recommend rok’. Temple e krayag nira pii’ bee’ ni nge mang escort rom ni fa’anra ba tu’uf.

27.3.2.5

Mini’ e ma Ngongliy e Mabgol u Temple fa Sealing

Mabgol u temple fa sealing e baga’ ni bee’ ni’ir e sealer nikan duugliy ko binem e temple ko gin nira mabgol fagli cha’ riy era seal nsg fare mabgol riy. Fa’anra bay bee’ ko tabinaew fa bee’ ni yimanang nima seal nag e mabgol nikan duugliy ko biney e temple ko gin nira mabgol faglicha’ riy, ma rayag ni ngar pinningew ni nge ngongliy e biney e mabgol fa sealing.

27.3.2.6

Maad nib Fel nifan e Mabgol u Temple fa Sealing

Dress nifan fare Bpin ni nge Mabgol. Fare dress ni nge chuw fare bpin ngay ni nge mabgol e susun nib wechwech rama’en, mab fel’ n’umngin nge rogon e design riy nge fafric riy, ma dariy e churwoq riy nib gaa’. Ma susun ni n’umngin e be mitheg fare garment. Fabric riy ni dani duba’ag e susun nibay e maad u tanggin.

Bachan e nge ta’areb rogon e maad ni yima chuw ngay nga temple, fare dress ko fare bpin ni nge mabgol e susu nib n’uw paa’ fa woed n’umngin e three-quarter. Dress e susun ni dariy pachan nib n’uw makemus ni fa’anra rayag ni ngan pin nag ngalang fa ni chuweg ko ngiyal ne madnom ko fare sealing.

Temple e krayag nira pii’ e dress ni fa’anra ba tu’uf.

Maad nifan fare Pumo’on ni nge Mabgol. Fare pumo’on ni nge mabgol era chuw nga maadan e maad ko temple ko ngiyal’ fare mabgol fa madnom ko sealing (muguy ko 38.5.1 nge 38.5.2).

Maad nifan e Gidii’ nibe Milekag nira Yib. Pi’in nira un ko madnom ko mabgol fa sealing e susun ni nge chuw ko mad nib ta’areb rogon ko maad ni yima chuw ngay ko mo’olung ko sakrament. Members nike yib ko sealing ni fin gi mu’ ko session ko endowment e rayag ni ngar chuwgaed ko maadne temple.

Floras. Fagli cha’ nge gidii’ nike yib nifan row e susun ni dabra feked e floras ko ngiyal e mabgol fa fare madnom ko sealing.

27.3.2.7

Thilyeg fare Luwaw u Butt’ u tomure fare Mabgol u Temple fa Sealing

Thilyeg fare luwaw u butt’ e gathi bang ko fare madnom ko sealing ko temple. Machane, fagli cha’ e rayag ni yowra thilyeg fare luwaw u tomuren fare madnom ulan fare singgil ko sealing. Fagli cha’ e susun ni dabra thilyegnew fare luwaw ni demuturug e ngiyal’ riy fa biyang ulan e fare temple fa u dakean e butt’ ko temple.

Fagli cha’ nikar mu’ gow ko mabgol makan seal nagrow e rayag ni yowra thilyeg e luwow roraed ko ta’aboch riy nifan e gidii’en e tabinaew ni daniyag ni un ngalan e temple. Fare thilyeg luwow e susun ni dabi thilyeg biyang ko fare mabgol u temple fa fare madbom ko sealing. Fagli cha’ e susun ni dab rogew e vows rorow u tomuren nikar mu’ gow ko mabgol fa seal ulan e temple.

Fagli cha’ nikar mu’ gow ko mabgol nib civil u mm’on ko fare sealing ko temple e rayag ni yowra thilyeg e luwow roraed ko ngiyal e mabgol rorow nib civil, fa ko ngiyal’ e sealing ko temple, fa l’agruw yang riy.

27.3.4

Mini’ e Rayag nira Un ko Mabgol u Temple fa Sealing

Fagli cha’ ni nge mabgol e susun ni ngar pinningew e gidii’ ko tabinaew rorow fa tafagar rorow ko fare mabgol u temple fa sealing. Tiney e members e susun nikar endow gaed ma bay e temple recommend ni ngar unned.

Stake president e bay ni rayag nira pii’ mat’won bee’ ni dawri tawfe fa endow ni bachan e entellectual disabilities ni nge un nge guy e mabgol ko temple fa sealing nifan walagen nib fos. Chan’ey e susun ni:

• Ba gaman e 18 e duw rok’.

• Rayag ni nge par nib liyoer ko ngiyal’ fare madnom.

Fare stake president era yoloey reb e babyor nibe weliy ni cha’ey e kan pii’ mat’won ni nge guy fare sealing. Biney e letter e yima dag u temple.

27.4

Seal nag e Bitir nib Fos ngak e Galibthir

Bitir nikan gargeleg u tomuren nikan seal nag e chitinginraed ngak figirngin ulan e temple e yira gargelegraed ngalan e biney e m’ag ko sealing. Dani tu’uf ni ngar thapagned fare gam’ing ko sealing ngak e galibthir roraed.

Bitir ni dani gargelnag ngalan fare m’ag e krayag ni yaedra mang bang ko fare tabinaew ni dariy bi’iy manemus ni fa’anra yira seal nagraed ko galbibthir roraed fa en nike poef raed. Tiney e bitir e ku ta’areb rogon fapi tawa’ath ni yaedra thapeg ngak e tin ba’aray e bitir ni yira gargelnag nga tan fare m’ag.

27.4.2

Kol nga Temple

L’agruw nii’ ni yow ba’adag ni ngan seal nag pifakrow ngorow, fa bitir ni ba’adag ni ngan seal nagraed ngak e galibthir roraed, e susun ni ngar kolgaed nga temple u mm’on ni ngar duugliyed fare rofen fare gam’ing.