28.

Òdonans Tanp pou Moun ki Mouri

28.0

Entwodiksyon

Òdonans yo akonpli nan tanp yo fè l posib pou fanmi yo ansanm pou letènite ak fè eksperyans yon plenitid lajwa nan prezans Bondye.

Pou pitit Papa nou ki nan Syèl la yo retounen al jwenn Li, yo chak dwe repanti, vin diy pou yo resevwa òdonans sali ak egzaltasyon yo, epi onore alyans ki asosye avèk chak òdonans yo.

Papa nou ki nan Syèl la te konnen ke anpil nan pitit Li yo pa t ap resevwa òdonans sa yo pandan lavi mòtèl yo. Li te bay yon lòt fason pou yo resevwa òdonans epi fè alyans avèk Li. Nan tanp yo, òdonans yo kapab akonpli pa pwokirasyon. Sa vle di ke yon moun vivan resevwa òdonans yo nan non yon moun ki mouri. Nan mond dèzespri a, moun ki mouri yo ka chwazi pou yo aksepte oswa rejte òdonans ki fèt pou yo a (gade Doktrin ak Alyans 138:19, 32–34, 58–59).

Yo ankouraje manm Legliz yo pou yo idantifye manm fanmi yo ki mouri san yo pa resevwa òdonans sali ak egzaltasyon yo. Apresa, manm yo akonpli òdonans yo sou non manm fanmi sa yo.

Si manm yo pa prepare non fanmi yo pou travay tanp (gade 28.1.1), y ap ba yo non moun ki mouri ki bezwen òdonans nan tanp lan.

28.1

Direksyon Jeneral pou Akonpli Òdonans pa Pwokirasyon

Nou ka fè òdonans pa pwokirasyon pou moun ki mouri ki te gen 8 an oswa plis nan moman lanmò yo a. Eksepte jan sa note nan 28.3la, òdonans pa pwokirasyon ka fèt pou tout moun ki mouri osito ke 30 jou pase apati dat lanmò yo a si youn nan bagay sa yo aplikab:

• Yon fanmi pwòch moun ki mouri a (konjwen ki pa divòse, pitit ki adilt, paran, oswa frè/ sè) soumèt non an pou òdonans tanp.

• Nou resevwa pèmisyon pou akonpli òdonans yo nan men yon fanmi pwòch moun ki mouri a (konjwen ki pa divòse, pitit ki adilt, paran, oswa frè/sè).

Si okenn nan kondisyon ki anwo yo pa aplike, òdonans tanp pa pwokirasyon yo ka fèt 110 ane apre moun ki mouri a te fèt.

28.1.1

Prepare Non Moun ki Mouri yo pou Òdonans Tanp

Kote sa posib, enfòmasyon ki idantifye manm fanmi ki mouri yo ta dwe antre nan FamilySearch.org anvan òdonans tanp yo fèt (gade 25.4.2).

28.1.1.1

Soumèt Non Manm Fanmi

Lè yo soumèt non pou òdonans tanp pa pwokirasyon, manm yo ta dwe jeneralman soumèt non moun ki se fanmi yo.

28.1.2

Kimoun Ki Ka Patisipe nan Òdonans pou Moun ki Mouri

Tout manm ki gen yon rekòmandasyon tanp ki valid ka patisipe nan batèm ak konfimasyon pou mò yo. Manm dote ki gen yon rekòmandasyon tanp ki valid ka patisipe nan tout òdonans pou moun ki mouri. Gade 32.15.

28.1.4

Randevou

Manm yo ka bezwen pran yon randevou anvan pou yo fè òdonans pou moun ki mouri a. Gade temples.ChurchofJesusChrist.org pou enfòmasyon pou kontakte chak tanp ak kondisyon pou pran randevou.

28.2

Akonpli Òdonans Tanp pou Moun ki Mouri

Lè l ap fè òdonans pa pwokirasyon, yon manm ka aji pa pwokirasyon sèlman pou yon moun mouri ki se menm sèks nan nesans avèk manm lan.

28.2.1

Batèm ak Konfimasyon pou Mò yo

Nenpòt manm ki gen yon rekòmandasyon tanp valid ka jwenn envitasyon pou l sèvi nan tach nan sal batèm. Kèk nan tach yo ka enkli:

• Aji pa pwokirasyon pou batèm ak konfimasyon.

• Aji antanke temwen pou batèm pa pwokirasyon.

• Ede izaje yo.

Detantè Prètriz Mèlkisedèk yo ak prèt Prètriz Aawon yo gendwa envite pou yo batize pou mò yo. Yo ka menm envite detantè Prètriz Mèlkisedèk yo pou ofisye nan konfimasyon pou moun ki mouri tou.

Se sèlman gason ki dote yo ka envite pou:

• Sèvi kòm grefye nan fon batèm nan.

• Sèvi kòm grefye pou konfimasyon an.

28.2.2

Dotasyon (Enkli Inisyasyon)

Lè w ap fè dotasyon pa pwokirasyon pou moun ki mouri, pòsyon inisyasyon an nan dotasyon an fèt epi anrejistre separeman (gade 27.2). Nenpòt manm ki dote ki gen yon rekòmandasyon tanp valid ka aji pa pwokirasyon pou resevwa òdonans sa yo.

28.2.3

Sèlman avèk Konjwen ak Sèlman Timoun avèk Paran

Nan tanp lan, moun ki mouri ka sele avèk konjwen yo te marye pandan yo te vivan an. Moun ki mouri kapab gen pitit yo ki vivan oubyen mouri yo sele avèk yo. Yon manm dote ki gen yon rekòmandasyon tanp valid ka aji pa pwokirasyon pou òdonans sèlman.

28.3

Sikonstans Espesyal

Seksyon sa a eksplike sikonstans kote kèk nan direksyon ki nan 28.1 yo ka pa aplike.

28.3.1

Timoun Ki te Mouri anvan Nesans (Ki Fèt tou Mouri ak Sa Ki Tonbe {Avòtman)

Òdonans tanp yo pa nesesè ni pa dwe akonpli pou timoun ki mouri anvan nesans. Pou plis enfòmasyon, gade nan 18.1.

28.3.2

Timoun Ki Mouri anvan Laj Uitan

Timoun piti yo rachte atravè Ekspyasyon Jezikri a epi yo “sove nan wayòm selès la” (Doktrin ak Alyans 137:10). Pou rezon sa a, pa gen okenn batèm ni dotasyon ki fèt pou yon timoun ki te mouri anvan laj 8 an. Sepandan, yo ka akonpli sèlman avèk paran pou timoun ki pa t fèt nan alyans lan oubyen ki pa t resevwa òdonans sa a nan lavi l (gade 18.1).