kahol ko tawfe

28.

Gam’ing ulan fare Temple nifan e Pi’in Kar M’aed

28.0

Mornga’agen

Pi gam’ing nibe rrin’ ulan fare temple ma fal’eg e rogon e tabinaw rayog ma pared uta’abong ko manimus nge sug ko falfalaen’ nge paer ko gin ni Got riy’.

Fa’anra pifak Got rayog ni ngar suloed Ngak, thingarda kalngan’, ni ra bung rograed ngay ko pi gam’ing ko thap nge chibiy tolang, nge tayfan ko fapi m’ag nibay ko pi gam’ing.

Chitamangiy nu tharmiy ma nang bo’or e pifak dabiyog ni ngar thapeged e pi gam’ing ney napan kar fasgad. Arfan ni ke fal’eg rebo rogon rayog ni ngar thapeged e pi gam’ing nge fal’eg e pi m’ag u thilrad. Ulan e pi temple, rayog nima rrin’ e gam’ing nifan rad. Bay yip’ fan e bee’ nib fas rayog ni nge thapeg e pi gam’ing nifan e bee ni ke yim’. Ulan e tafen to ya’el, gidii’ kar m’aed rayog ni ngar thapeged fa dabun e pi gam’ing ni ke rrin’ nifan ngorad (muguy ko Doctrine and Covenants 138:19, 32–34, 58–59).

Chongin ko galasia rayog ni ngar sapgad ko lik’ngin rorad ni dabi thapeg fapi gam’ing ko thap nge chibiy tolang. Pi chongin nira rrin’ fapi’ gam’ing nifan e lik’ngin ney.

Fa’an e chongin de fal’eg e pi fithingrad e lik’ngin nifan e muruwel ko temple (muguy ko 28.1.1), yaed ra thapeg reb e pi fithingan e pi’in ni kar m’aed ulan e temple.

28.1

Rogon Kanawo’en ni Ngan Rrin’ fapi Gam’ing nifan Bee’

Pi’in ni kar m’aed napan 8 e duw rorad nge tomur rayog ni ngar thapeg e pi gam’ing nifan ngorad. Ma fa’an dabi buch e pi’nen ulan 28.3, rayog romed ni ngam rrin’ e gam’ing nifan reb e bee’ ke yim’ tomur 30 e duw ko e rran ko yim rok’ napan demtrug gali pi’ney ra buch:

• Chongin e tabinaw rok’ e bee’ ni ke yim’ (pumo’on fa ppin de tha’ab e mabgol, fak nib ‘ilal, palibthir, fa walagen) ma pii’ e fithingan nifan e gam’ing ko temple.

• Kan pii’ e rayog rok’ e chongin e tabinaw rok’ e bee’ ni ke yim’ (pumo’on fa ppin de tha’ab e mabgol, fak nib ‘ilal, palibthir, fa walagen).

Fa’an gali pi’nen dabi buch, gam’ing ko temple nifan reb e bee’ dabi buch madako 110 e duw tomuren e rran ni kan gargelen e bee’.

28.1.1

T’aer Midlen Pi Fithingrad Pi’in ni kar M’aed nifan e Gam’ing ko Temple

Fa’an rayag, mornga’agen gidii’en e tabinaew nike yim’ e rayag ni ngan tay ngalan fare FamilySearch.org u mm’on ni ngan rrin’ fapi gam’ing ko temple (muguy ko 25.4.2).

28.1.1.1

Pii’ Fapi Fithingraed e Chongin ko Tabinaw

Napan ni ngad pii’ fapi fithingraed nifan e gam’ing ko temple, bo’or yay e chongin kemus bat’uf ni ngar pii’ fapi fithingraed ko pi lik’ngin rorad.

28.1.2

Mini’ Rayog ni Ngar Rrin’ e pi Gam’ing nifan e Pi’in Kar M’aed

Urngin e chongin ni bay e tin ni kan nog ni maragen e temple rayog ni ngar rrin’ed e tawfe nge confirmation nifan e bee’ ni ke yim’. Chongin ni ke thapeg fare endowment nge bay e tin ni kan nog ni maragen e temple rayog ni ngar rrin’ed gubin pi gam’ing nifan e bee’ ke yim’. Muguy ko 26.3.

28.1.4

Mel’eg e Rran

Chongin rayog ni ngar meleg e rran umon ni ngar rrin’ed e pi gam’ing nifan e bee’ ni ke yim’. Muguy ko temples.ChurchofJesusChrist.org nifan e rogon ningam call nag e temple nge motochiyel ko mel’eg e rran.

28.2

Rrin’ fapi Gam’ing ko Temple nifan e Gidii’ nike Yim’

Napan ni ngam rrin’ e gam’ing nifan reb e bee’, fare chongin kemus ni nge rrin’ e pi’nen nifan e bee’ ke yim nib ta’ab rogon e sex ko chongin.

28.2.1

Tawfe nge Confirmation nifan e Gidii’ Kar M’aed

Demuturug e member ni bay e temple recommend rok’ e rayag ni ngan pinning ni nge pigpig ko reb fa boch e pi muruwel kore tawfe ney. Boch e pigpig ma tay e bu’un ko:

• Rrin’ e tawfe nifan ngak bee’ nike yim’.

• Guyed e tawfe nifan e bee’ ni ke yim’.

• Rrin’ e confirmation nifan ngak bee’ nike yim’.

• Ayuweg e tamuruwel ko temple.

Bee’ ni bay fare Melchizedek Priesthood nge priest ulan fare Aaronic Priesthood rayog ni ngar pii’ e tawfe nifan e gidii’ kar m’aed. Bee’ ni bay fare Melchizedek Priesthood rayog ni ngar rrin’ e confirmation nifan e gidii’ kar m’aed.

Kemus e pumo’on ni bay fare Melchizedek Priesthood rayog ni ngar:

• Pigpig ko tayoloy nifan ko tafen ko tawfe.

• Pigpig ko tayoloy nifan ko confirmation.

28.2.2

Endowment (nib mu’un e Initiatory ngay)

Napan ni ngam rrin’ e endowment nifan e bee’ ni ke yim’, fare yang ko initiatory ni ke buch nge yoloy u m’on biney (muguy ko 27.2). Demtrug e chongin ni ke thapeg e endowment rok’ nge bay e tin ni kan nog ni maragen e temple rayog ni ngar rrin’ed e pi gam’ing ney.

28.2.3

M’ag e Ppin nge Pumo’on nge M’ag e Bitir ngak Gallibthir

Ulan e temple, gidii’ kar m’aed rayog ni ngar m’ag e pumo’on nge ppin ni kar mabgol u yafos rorad. Gidii’ ni kar m’aed rayog ni ngar m’ag e pifak nib fas fa kar m’aed ngorad. Chongin ni ke thapeg fare endowment nge bay e tin ni kan nog ni maragen e temple rayog ni nge rrin’ e gam’ing ko m’ag.

28.3

Ngiyal’ nibay Ban’en Riy ni Rib Thil

Biney e yang ko guruy ma weliy morunga’agen boch e pi’nen ulan 28.1 ni dabi buch.

28.3.1

Bitir Nima Yim’ Umon e Gargelen (Bitir ko Maraggil nge Yim’)

Bitir nima yim’ umon e gargelen dabi t’uf fa rrin’ fapi gam’ing ko temple. Bay boch reb e ganop, musap ko 38.7.3.

28.3.2

Bitir Kar M’aed Umon Meruk e Duw

Udakaen e bayul rok’ Yesus Kristus ni ke bayuliy pi bitir nge “thapeg ulan e celestial Kingdom ko Tharmiy” (Doctrine and Covenants 137:10). Arfan, dakiriy e tawfe fa endowment nira buch ngak e bitir ni ke yim’ umon e 8 duw. Machane, m’ag nag ngak e gallibthir raoyg ni ni nge buch ngak e bitir ni dabi gargelen ulan e m’ag fa dabi thapeg e gam’ing ney napan in ke fas (musap ko 18.1).