Mme Nwed Ndutum ye mme Ikoot
28. Mme Edinam eke Temple nnɔ mme Akpa-mkpa

“28. 28. Mme Edinam eke Temple nnɔ mme Akpa-mkpa,” Mme ŋkpɔ se Emekde eto Ofuri Ŋwed Ndutum (2023).

“28. 28. Mme Edinam eke Temple nnɔ mme Akpa-mkpa,” Mme ŋkpɔ se Emekde eto Ofuri Ŋwed Ndutum

font emi esinamde baptism

28.

Mme Edinam eke Temple nnɔ mme Akpa-mkpa

28.0

Ntɔŋɔ

Mme edinam emi enamde ke temple anam ememe ɔnɔ mme ufɔkemana edidu ɔtɔkiet ke nsinsi nyunŋ mbo uyɔhɔ idara kiso Abasi.

Man nditɔ eke Ete ke Heaven efiak enyɔŋ ebine Enye, mmɔ kiet-kiet ana ekabare-esit, edot edibɔ mme edinam Ikɔ Abasi eke erinyaŋa-ukpɔŋ ye edimenede, enyuŋ ekpono mme ediomi ekesaŋade ye edinam kiet-kiet.

Ete Heaven ama ɔdiɔŋɔ ke ediwak nditɔ Esie idibɔhɔ mme edinam emi kini uwem isɔŋ mmɔ. Enye ama ɔnɔ usuŋ efen man mmɔ edibɔ mme edinam enyuŋ enam mme ediomi ye Enye. Ke mme temple, ekeme edi-nam mme edinam nnɔ owo efen. Emi ɔwɔrɔ ke odu-uwem owo ɔbɔ mme edinam ke ibuot eke owo emi ama akakpa. Ke obio ekpo, mme akpa mkpa ekeme edimek edinyime mme edisin mme edinam emi ekenamde enɔ mmɔ (se Doctrine ye Covenants 138:19, 32–34, 58–59).

Eteme mbon ufɔk Abasi ete ediɔŋɔ mbon ntɔŋɔ-ubon mmɔ emi mikibɔhɔ mme edinam edinam ikɔ Abasi eke erinyaŋa-ukpɔŋ ye edimenede. Ekem mbon ufɔk Abai enam mme edinam ke ibuot eke mbon ebuana oro.

Edieke mbon ufɔk Abasi mikibeŋe mme enyinŋ mbon ufɔkemana ino enma utom temple, (se 28.1.1), eyenɔ enyiŋ mme akpa mkpa emi eyomde mme edinam ke temple.

28.1

Ofuri Item kabaŋa Edi-nam mme Edinam nnɔ Owo-efen

Mme owo mkpa emi ekedide isua Itiaita mme akande oro kini emi mmɔ ekpade ekeme edibɔ mme nda-nnɔ edinam emi enamde ke ibuot mmɔ. Mibɔhɔke ke nte enimde-idiɔŋɔ ke 28.3, ekeme edi-nam mme nda-nnɔ edinam enɔ kpukpru owo mkpa ke usɔp ke usen Edip-ye-duop ebede tɔŋɔ ke usen ɔfiɔŋ emi ekekpade edieke kiet kotu ŋkpɔ emi odude:

  • Owo emi abuanade ŋkpɔ ye owo mkpa oro (ebe mme ŋwan emi mikiwɔrɔke-ke-ndɔ, akamba eyen, ete ye eka, mme eyeneka) ɔnɔ enyiŋ man enam mme utom eke temple enɔ.

  • Ebɔ unyime ete enam mme edinam eto mbon ebuana eke owo-mkpa oro (ebe mme nwan emi mikiwɔrɔke-ke-ndɔ, akamba eyen, ete ye eka, mme eyeneka).

Edieke kiet kotu ntak emi miduhe, ekeme edi-nam mme edinam temple nnɔ owo efen ke owo mkpa oro ama akamana eke ebede isua Ikie-ye-duop.

28.1.1

Edibeŋe mme Enyiŋ Mbio emi Ekekpade nnɔ Edinam Temple

Ke ebiet emi ememde, ana esin etop edidiɔŋɔ mbon ufɔkemana emi ekekpade ke FamilySearch.org mbemiso edi-nam mme edinam eke temple enɔ (se 25.4.2).

28.1.1.1

Edinɔ mme Enyiŋ eke Mbon Ufɔkemana

Kini enɔde mme enyiŋ man enam nda-nnɔ edinam eke temple, mbon ufɔk Abasi ana enehede enɔ mme enyiŋ mbon emi mmɔ ebuanade ŋkpɔ kpɔt.

28.1.2

Mbio Ekpebuanade ke mme Edinam eke mme Akpa-mkpa

Kpukpru mbon ufɔk Abasi emi enyenede temple recommend eke idahaemi ekeme edibuuana ke mme baptism ye ndori-ubɔk nnɔ akpa-mkpa. Mbon ufɔk Abasi emi ema ekenam endowment emi enyenede temple recommend eke idahaemi ekeme edibuana ke kpukpru mme edinam enmade enɔ akpa-mkpa. Se 26.3

28.1.4

Edinim-ini

Mbon ufɔk Abasi ekeme ndiyom man emek ini enim mbemiso edi-nam mme edinam enɔ akpa-mkpa. Se temples.ChurchofJesusChrist.org kut etop edisobo eke temple kiet-kiet ye edinim ini ekeyomde.

28.2

Edi-nam mme Edinam Temple nnɔ Mbio emi ema Ekekpa

Kini enamde mme edinam enɔ owo efen, owo ufɔk Abasi ekeme edida kpɔt nnɔ owo mkpa emi edide ukem oruk emana nte owo ufɔk Abasi oro.

28.2.1

Mme Baptism ye Ndori-ubɔk nnɔ Akpa-mkpa

Ekeme edikot owo ufɔk Abasi emi enyenede temple recommend eke idahaemi ete anwam ke mme ubiɔŋ-utom ke itie baptism. Usuk ubiɔŋ-utom oro ekeme edisine:

  • Ndinam edida-nnɔ ke mme baptism ye ndori-ubɔk.

  • Ndinam nte mme ntiense nnɔ mme nda-nnɔ baptism.

  • Ndinwam nte mme anam-utom.

Ekeme edikot mme andikama Itie-oku Melchizedek ye mme piest ke Itie-oku Aaron man edi-nam mme baptism enɔ mme akpa-mkpa. Ekeme edikot mme andikama Itie-oku Melchizedek ete enam mme ndori-ubɔk enɔ mme akpa-mkpa.

Edikot irenowo emi ema ekenam endowment kpɔt man:

  • Edinwam nte ewet-ŋkpɔ ke itie font.

  • Edinwam nte andiwet-ŋkpɔ ke itie ndori-ubɔk.

28.2.2

Endowment (Esinede Ntɔŋɔ-edinam)

Kini enamde mme nda-nnɔ endowment enɔ akpa-mkpa, enam enyuŋ ewet ubak-ŋkpɔ eke ntɔŋɔ endowment isio-isio (se 27.2). Owo emi ama akanam endowment emi enyenede temple recommend eke idahaemi ekeme edi-nam nte nda-nnɔ man ɔbɔ mme edinam emi.

28.2.3

Edidian nnɔ Ebe mme Nwan ye Edidian Nditɔ nnɔ mme Ete ye Eka

Ke mme temple, ekeme edidian mme akpa-mkpa enɔ mme ebe mme nwan enɔ owo emi mmɔ ekedɔde kini uwem mmɔ. Ekeme edidian mme akpa-mkpa enɔ mme odu-uwem mme akpa-mkpa nditɔ mmɔ enɔ mmɔ. Owo emi ama akanam endowment emi enyenede temple recommend eke idahaemi ekeme edi-nam nte nda-nnɔ man ɔbɔ mme edinam emi.

28.3

Mme Asaŋa-asaŋa Ndaha

Ikpehe emi anam-anwanga mme ndaha eke ubak mme item emi ke 28.1 mididaha itie.

28.3.1

Nditɔ Emi Ekpade mbemiso Edimana (Nditɔ emi Ekpade-esine ke Idibi mbemiso ediman ye Idibi-ɔkɔwɔrɔde)

Owo iyomke inyuŋ inamke mme edinam eke temple inɔ nditɔ ekekpade mbemiso edimana. Ke oyomde ediwak etop, se 38.7.3.

28.3.2

Nditɔ Emi Ekpade mbemiso Edisim Isua Itiaita

Mkpri nditɔ ebɔ ufak eto ke Erisio-isop eke Jesus Christ enyuŋ “enyaŋa mmɔ ke obio-ubɔŋ celestial eke heaven” (Doctrine ye Covenants 137:10). Ke ntak emi, owo inamke baptism mme endowment ndomokiet inɔ eyenɔwɔŋ emi akakpade mbemiso edisim isu Itiaita. Nte ededi, ekeme edi-nam edinam edidian nditɔ emi mikimanake ke ediomi me eke mikibɔhɔ edinam oro kini uwem nnɔ mme ete ye eka (se 18.1).