28.

Milulu ya Ntempelo bua Bafua

28.0

Tshibangilu

Milulu mikumbajibua mu ntempelo idi yangishila bua mêku ikala pamua bua tshiendelela ne dimanya diujibua ne disanka kumpala kua Nzambi.

Bua bana ba Tatu wa mu Diulu kualukila kudiyi, yonsu wa kudibu udi ne bua kukudimuna mutshima, kulua muakana bua kupeta milulu ya lupandu ne ya dizanjika, ne kunemeka bipungidi ne mululu onsu udi mulamata.

Tatu wa mu Diulu uvua mumanya ne bana benda ba bungi kabakupeta milulu mu matuku abu a moyo to. Wakalongolola mushindu mukuabu buabu bua bapeta milulu ne benza bipungidi nenda. Mu ntempelo, milulu idi mua kukumbajibua ku dienzelangana. Tshidi tshiumvuija ne muntu mukuabu wa moyo udi upeta milulu mu dina dia muntu mukuabu udi mufua. Mu muaba wa nyuma, bantu bafua aba badi mua kusungula bua kuitaba anyi kubenga milulu ivua mikumbajibua buabu (tangila Dilongesha ne Bipungidi 138:19, 32–34, 58–59).

Bidimba bia Ekelezia bidi bikankamikibua bua kumanya balela babu bafua badi kabayi bapeta milulu ya lupandu ne ya dizanjika. Nanku, bidimba bidi bikumbaja milulu mu dina dia balela aba.

Pikala bidimba kabiyi bilongolola mena a mu dîku diabu bua mudimu wa tempelo (tangila 28.1.1), mena a bantu bakuabu bafua badi dijinga ne milulu neafidibua ku ntempelo.

28.1

Maludiki Manena bua Kukumbaja Milulu ya Dienzelangana

Bantu badi bafua ne bidimu 8 anyi pampala tshikondu tshia lufu luabu badi mua kupeta dikumbaja dia milulu mu mena abu. Pakumbusha bu mudibi bifunda mu 28.3, milulu ya dienzelangana idi mua kukumbajibua bua muntu yonsu mufua pakadi matuku makumi asatu mapita kubangila ku dituku dia lufu padi tshimua tshia ku mabangu â tshienzeka:

• Mulela wa pabuipi ne mufua (mubenga musela, muana mukola, muledi, anyi muanabu) utuma mena bua milulu ya ntempelo.

• Tshidimba tshia pabuipi tshia mufua tshidi tshifila dianyishila dia kuenza milulu (mubenga musela, muana mukola, muledi, anyi muanabu).

Padi nansha tshimua tshia ku mabangu â katshiyiku, milulu ya ntempelo ya dienzelanga idi mua kukumbajibua bidimu 110 panyima pa diledibua dia mufua.

28.1.1

Kulongolola Mena a Bantu Bafua bua Milulu ya mu Ntempelo

Muaba udi bikumbana, ngumu idi ileja bidimba bia dîku bifua idi ne bua kuedibua. FamilySearch.org kumpala kua milulu kukumbajibua mu ntempelo (tangila 25.4.2).

28.1.1.1

Kutuma Mena a Bidimba bia Diku

Padibu batuma mena bua milulu ya ntempelo ya dienzelangana, bidimba bidi ne bua kutuma anu mena a bantu badibu nabu ne bulela.

28.1.2

Nganyi udi mua Kubuela mu Milulu ya Bafua

Bidimba bionsu bidi ne dianyisha dia kubuela mu ntempelo kadiyi dijikila matuku badi mua kubuela mu ditambula ne dijadika bua bafua. Bidimba bidi biambikibua ne bikala ne dianyisha dia kubuela mu ntempelo kadiyi dijikila matuku badi mua kubuela mu milulu yonsu ya mu ntempelo bua bafua. Tangila 26.3.

28.1.4

Kuenza Ndongamu

Bidimba bidi mua kujinga bua kupeta dituku kumpala kua kukumbaja milulu ya ntempelo bua bafua. Tangila temples.ChurchofJesusChrist.org bua ngumu yonsu ya ntempelo bua dipetangana ne kabala matuku

28.2

Kukumpaja Milulu ya Ntempelo bua Bantu Bafua

Padi mululu udi wenzeka kudienzelangana, tshidimba tshidi tshienza bu muenzedianganyi anu bua muntu mufua udi ne bumuntu bua momumua nenda.

28.2.1

Ditambula ne Dijadikibua bua Bafua

Tshidimba tshionsu tshidi ne dianyisha dia kubuela mu ntempelo kadiyi dijikila matuku tshidi mua kubikidibua bua mudimu wa kusadila mu tshitambushilu. Imua ya ku midimu eyi idi yangata:

• Kuenza bu muenzedianganyi bua matambula ne majadiki.

• Kuenza bu mujadiki bua matambula a dienzelangana.

• Kuambuluisha bena milulu.

Bena Buakuidi bua Melekisedeke ne bakuidi mu buakuidi bua Alona badi mua kubikidibua bua kukumbaja matambula a bafua. Bena Buakuidi bua Melekisedeke badi mua kubikidibua kabidi bua kuimanyina majadiki bua bafua.

Anu bantu baluma bambikibua badi mua kubikidibua ku:

• Disadila bu muandiki wa tshitambushilu.

• Disadila bu muandiki wa majadiki.

28.2.2

Diambika (Pamua ne Milulu ya Kulongolola Nayi)

Padi dikumbaja dia dienzelangana diambika bua bafua, tshitupa tshia dilongolola bua diambika tshidi tshikumbajibua ne tshiandikibua bikosolola (tangila 27.2). Tshidimba tshiambikibua tshionsu ne tshikala ne dianyisha dia kubuela mu ntempelo kadiyi dijikila matuku tshidi mua kuenza bu tshienzedianganyi bua kupeta milulu.

28.2.3

Disuika kudi Mubaki ne Disuika Bana kudi Baledi

Mu ntempelo, bantu bafua badi mua kusuikibua kudi basela bavuabu baselangana nabu mu moyo. Bantu bafua badi kabidi mua kuikala ne bana ba moyo anyi bafua basuikibua kudibu. Tshidimba tshiambikibua ne tshikala ne dianyisha dia kubuela mu ntempelo kadiyi dijikila matuku tshidi mua kuenza bu tshienzedianganyi bua milulu ya disuika.

28.3

Malu Masunguluka

Tshitupa etshi tshidi tshiumvuija malu adi misangu mikuabu mu maludika emu 28.1 ka’ayi enzeka to.

28.3.1

Bana Badi Bafua Kumpala kua Kuledibua (Muledibua Mufua ne Muana Mutuka ku Difu)

Milulu ya ntempelo kayena ijingibua bua kuyikumbaja bua bana bafua kumpala kua diledibua. Bua ngumu ya bungi, tangila 38.7.3

28.3.2

Bana Badi Bafua Kumpala kua Bidimu Muanda Mukulu

Bana bateketa badi basungidibua ku bupikudi bua Yezu Kilisto bapandishibua mu bukalenga bua celestia bua mu diulu (Dilongesha ne Bipungidi 137:10). Bua kabingila aka, kakuena ditambula anyi biambika didi dikumbajibua bua bana badi bafua kumpala kua bidimu 8. Kadi, disuika kudi baledi didi mua kukumbajibua bua bana badi kabayi balela mu tshipungidi anyi kabayi bapeta mululu ewu mu moyo wabu. (tangila 18.1).