“29. Reyinyon nan Legliz la,” Seleksyon ki soti nan Manyèl Jeneral la (2023).
“29. Reyinyon nan Legliz la,” Seleksyon ki soti nan Manyèl Jeneral la
29.
Reyinyon nan Legliz la
29.0
Entwodiksyon
Sen Dènye Jou yo reyini ansanm pou adore, edifye youn lòt, epi anseye ak aprann levanjil la (gade Alma 6:6; Mowoni 6:5–6). Sovè a te pwomèt: “Kote de ou twa moun rasanble ansanm nan non mwen, mwen la nan mitan yo” (Matye 18:20). Reyini ansanm se youn nan fason kè nou kapab “makonnen ansanm nan inite ak lanmou” (Mozya 18:21).
Sepandan, fè yon reyinyon pa ta dwe janm ranplase sèvis ak sèvi jan Jezikri te fè sa.
29.1
Planifye ak Dirije Reyinyon
Dirijan yo planifye ak dirije reyinyon yo “jan Sentespri a gide yo, daprè kòmandman ak revelasyon Bondye yo” (Doktrin ak Alyans 20:45; gade tou Mowoni 6:9; Doktrin ak Alyans 46:2). Yo chèche mwayen pou yo envite enfliyans Lespri a nan reyinyon yo.
Dirijan yo asire yo ke kantite ak longè reyinyon yo pa kreye fado pou manm yo oswa fanmi yo.
29.2
Reyinyon Pawas
29.2.1
Reyinyon Sentsèn
29.2.1.1
Planifikasyon Reyinyon Sentsèn
Episkopa a planifye ak dirije reyinyon sentsèn nan. Yo asire yo ke fokis reyinyon an se sou sentsèn nan ak bati lafwa nan Jezikri.
Reyinyon senstèn nan dire yon èdtan. Li ka enkli bagay sa yo:
-
Mizik Prelid (gade 19.3.2 pou direksyon).
-
Salitasyon ak byenveni.
-
Rekonèt otorite k ap prezide yo oswa lòt dirijan ki ap vizite.
-
Anons. Nou ta dwe kenbe anons yo nan yon minimòm.
-
Biznis Pawas ak Pieu, tankou bagay sa yo:
-
Bay non ak beni timoun (gade 18.6). Sa a jeneralman fèt nan reyinyon jèn ak temwayaj la (gade 29.2.2).
-
Konfime nouvo konvèti (gade 18.8).
-
Kantik sentsèn ak administrasyon senstèn nan. Sentsèn nan se fokis prensipal reyinyon an. Òdonans sa a se yon opòtinite pou manm yo dirije panse yo vè Sovè a ak sakrifis Li a pou yo.
Pou plis bagay konsènan preparasyon, benediksyon, ak distribisyon sentsèn nan, gade 18.9.
-
Mesaj levanjil ak chan kongregasyon an oswa lòt mizik.
-
Kantik ak priyè kloti.
-
Mizik pòslid.
29.2.1.4
Seleksyone Oratè
Episkopa a seleksyone oratè yo pou reyinyon sentsèn nan. Pi souvan yo envite manm pawas yo, enkli jèn yo.
Oratè yo itilize ekriti yo pou rann temwayaj konsènan Jezikri ak anseye levanjil Li a (gade Doktrin ak Alyans 42:12; 52:9).
29.2.2
Reyinyon Jèn ak Temwayaj
Nan yon reyinyon jèn ak temwayaj, pa gen okenn oratè ki asiyen ni seleksyon mizik espesyal. Okontrè, moun k ap dirije a rann yon temwayaj tou kout. Apresa li envite manm yo nan kongregasyon an pou yo rann temwayaj yo. Rann temwayaj vledi deklare verite levanjil yo jan yo enspire pa Sentespri a.
29.2.3
Konferans Pawas
29.2.4
Reyinyon Episkopa
Zafè pou konsiderasyon yo ka enkli:
-
Kowòdone travay sali ak egzaltasyon an nan pawas la.
-
Ranfòse moun yo ak fanmi yo nan pawas la—espesyalman jèn yo ak timoun yo.
-
Idantifye manm ki ta ka prepare pou resevwa òdonans yo, enkli òdinasyon nan prètriz yo.
-
Idantifye manm pou yo aple nan pozisyon nan pawas la.
29.2.5
Reyinyon Konsèy Pawas
Evèk la planifye, prezide, ak dirije reyinyon konsèy pawas yo. Konsèy la pa pran gwo desizyon san evèk la.
Dirijan òganizasyon pawas yo asiste reyinyon konsèy pawas nan de kapasite:
-
Antanke manm konsèy pawas la ki ede beni tout manm pawas yo.
-
Kòm reprezantan òganizasyon yo a.
Lè yo rankontre ansanm, manm konsèy pawas yo pale sou sijè ki ta benefisye de efò inifye tout konsèy la. Yo ankouraje chak manm konsèy yo pou yo pataje panse yo ak enspirasyon yo sou zafè sa yo.
Reyinyon konsèy pawas yo dabitid pa dire pi long pase inèdtan. Yo kòmanse avèk yon priyè ak yon brèf rapò sou tach yo te bay nan reyinyon anvan yo. Evèk la bay priyorite a bagay ki pi nesesè pou beni moun yo ak fanmi yo.
-
Viv levanjil Jezikri a. Ede tout manm yo bati lafwa, resevwa òdonans sali yo, ak kenbe alyans yo.
-
Pran swen moun ki nan nesesite yo. Pataje resous ak talan pou beni moun, fanmi, ak kominote a. Ede manm pawas yo vin otonòm. (Gade chapit 22.)
-
Envite tout moun pou yo resevwa levanjil la. Revize pwogrè moun k ap aprann sou levanjil la, osi byen ke nouvo manm ak manm ki retounen yo. Diskite sou fason manm yo ka pataje levanjil la avèk lòt moun. (Gade chapit 23.)
-
Ini fanmi yo pou letènite Revize pwogrè manm k ap prepare pou resevwa òdonans tanp yo. Planifye fason pou ede plis manm kalifye yo pou yon rekòmandasyon tanp. Diskite sou fason manm yo ka patisipe nan travay tanp ak istwa familyal. (Gade chapit 25.)
Manm konsèy yo dwe kenbe tout enfòmasyon prive oswa sansib konfidansyèl (gade 4.4.6).
29.2.6
Reyinyon Konsèy Pawas Jèn yo
Anvan chak reyinyon, evèk la ak moun k ap dirije a revize atik pou yo diskite yo.
-
Travay sali ak egzaltasyon an.
-
Bezwen jèn yo nan pawas la ak fason pou adrese yo.
-
Efò pou kontakte jèn ki mwens aktif oswa nouvo manm.
-
Aktivite, enkli opòtinite pou sèvi moun ki nan bezwen yo. Pifò nan planifikasyon an fèt nan reyinyon kowòm oswa prezidans klas yo (gade chapit 20).
-
Sèvis pastoral (gade chapit 21).
-
Oryante prezidans kowòm ak klas ki fèk aple yo.
29.2.8
Orè pou Reyinyon Dimanch yo
Pawas yo itilize youn nan orè de-zèdtan sa yo pou reyinyon Dimanch yo.
Plan 1
|
60 minit |
Reyinyon sentsèn |
|---|---|
|
10 minit |
Tranzisyon pou al nan klas ak reyinyon yo |
|
50 minit |
Tout Dimanch: Primè, enkli gadri Premye ak twazyèm Dimanch nan mwa a: Lekòldidiimanch Dezyèm ak katriyèm Dimanch: reyinyon kowòm prètriz yo, reyinyon Sosyete Sekou, ak reyinyon Jènfi yo Senkyèm Dimanch: reyinyon pou jèn ak granmoun. Episkopa a detèmine sijè a epi li asiyen enstriktè. |
Plan 2
|
50 minit |
Tout Dimanch: Primè, enkli gadri Premye ak twazyèm Dimanch nan mwa a: Lekòldidiimanch Dezyèm ak katriyèm Dimanch: reyinyon kowòm prètriz yo, reyinyon Sosyete Sekou, ak reyinyon Jènfi yo Senkyèm Dimanch: reyinyon pou jèn ak granmoun. Episkopa a detèmine sijè a epi li asiyen enstriktè. |
|---|---|
|
10 minit |
Tranzisyon pou al nan reyinyon senstsèn |
|
60 minit |
Reyinyon sentsèn |
29.3
Reyinyon Pieu
29.3.1
Konferans Pieu
29.3.2
Reyinyon Jeneral Prètriz Pieu
29.3.3
Reyinyon Lidèchip Prètriz Pieu
29.3.4
Reyinyon Lidèchip Pieu
29.3.5
Reyinyon Kowòm Gran Prèt yo
29.3.6
Reyinyon Prezidans Pieu
29.3.7
Reyinyon Gran Konsèy
29.3.8
Reyinyon Konsèy Pieu
29.3.9
Reyinyon Komite Lidèchip Adilt Pieu a
29.3.10
Reyinyon Komite Lidèchip Jèn nan Pieu a
29.3.11
Reyinyon Konsèy Evèk Pieu a
29.5
Fineray/Antèman ak Lòt Sèvis pou Moun ki Mouri
29.5.1
Prensip Jeneral
Yon objektif enpòtan nan sèvis nan Legliz la pou moun ki mouri se temwaye sou plan sali a, patikilyèman sou Ekspyasyon ak Rezirèksyon Sovè a. Sèvis sa yo ta dwe eksperyans espirityèl, ki diy.
Dirijan Legliz yo pa ta dwe enkli rityèl lòt relijyon oswa gwoup nan sèvis Legliz la pou moun ki mouri yo.
29.5.2
Ofri Asistans pou Fanmi
Antanke disip Jezikri, dirijan Legliz yo ak manm yo pran “kriye ak moun k ap kriye… ak konsole moun ki bezwen konsolasyon” (Mozya 18:9). Lè yon manm mouri, evèk la vizite fanmi an pou bay rekonfò.
Evèk la ofri asistans nan men manm pawas yo, tankou kowòm ansyen yo ak Sosyete Sekou.
29.5.4
Sèvis Fineray (Selon Koutim)
Yon antèman ki dirije pa evèk la, keseswa nan yon bilding Legliz la oswa yon lòt kote, se yon reyinyon Legliz ak yon sèvis relijye. Li ta dwe yon okazyon espirityèl.
Antèman yo dwe kòmanse alè. Dabitid, yo pa ta dwe dire plis pase 1.5 èdtan, kòm yon koutwazi pou moun k ap asiste yo.
Sèvis fineray yo pa nòmalman fèt nan jou Dimanch.
29.6
Priyè nan Reyinyon Legliz yo
Priyè nan reyinyon Legliz yo ta dwe kout, senp, epi dirije pa Lespri a. Nenpòt manm nan Legliz la ki batize kapab ofri yon priyè ouvèti oswa kloti. Timoun ki pa batize yo ka priye nan Primè.
29.7
Difizyon Reyinyon ak Fè Reyinyon Vityèl
Evèk la ka, kòm yon eksepsyon, otorize yon difizyon andirèk pou reyinyon sentsèn ak pou fineray ak maryaj ki ap fèt nan chapèl la.
Yon difizyon andirèk pou yon reyinyon sentsèn pa ta dwe genyen administrasyon sentsèn nan ladan l.
Pou kèk reyinyon, evèk la oswa prezidan pieu a ka otorize manm ki pa ka asiste an pèsòn yo pou yo patisipe virtyèlman. Reyinyon sa yo ka enkli:
-
Reyinyon lidèchip, tankou reyinyon prezidans oswa renyinyon konsèy.
-
Reyinyon Kowòm, Sosyete Sekou ak Jènfi.
-
Klas Lekòldidimanch
-
Klas primè ak peryòd chante.