29.

Mme Esop ke Ufɔk Abasi

29.0

Ntɔŋɔ

Ndisana Owo Ekpere Edem Usen esisobo otokiet man etuak-ibuot, edibede spirit kiet eken, ndien ekpep enyunŋ ebo-ukpep ikɔ Abasi. (se Alma 6:6; Moroni 6:5–6). Andinyaŋa onwongo ete ke, “Ɔtɔ nte owo iba mme ita esopde idem ke enyiŋ Mi, do ke ndodu ke ufɔt mmɔ” (Matthew 18:20). Edisobo ɔtɔkiet edi usuŋ kiet emi esit nnyin ekemede “ediyire ɔtɔkiet ke edidiana-kiet ye ke ima” (Mosiah 18:21).

Nte ededi, inaha edinim esop ada itie edinam-utom ye edino-unwam ke nte Jesus akanamde.

29.1

Ediduak nyuŋ Ndausuŋ ke mme Esop

Mme adausuŋ eduak enyuŋ ekama-ndutum eke mme esop “ke nte Edisana Spirit etemede mmo, nte asanŋade ke ibet ye eriyarare” (Doctrine ye Covenants 20:45; se nko Moroni 6:9; Doctrine ye Covenants 46:2). Mmo eyom usuŋ edida odudu Edisana Spirit nsin ke esop mmɔ.

Mme adausuŋ ekut ete ke ibat ye ndaha-ini esop idihe mbiomo inɔ mbon ufɔk Abasi mme ufɔkemana mmɔ.

29.2

Mme Esop eke Ward

29.2.1

Esop Udia-ɔbɔŋ

Mme Ntak

Editi Jesus Christ ke edidia udia-ɔbɔŋ. Mme ufɔn efen esine edituak-ibuot, edibbɔp mbuotidem ye iko ntiense, ye edi-nam mbubehe eke ward.

Mme-andiduk

Ekot kpukpru owo ete eduk.

Ini-ediduk

Kwa Sunday

29.2.1.1

Edibeŋe Esop Udia-ɔbɔŋ

Bishopric ebeŋe enyuŋ ekama-ndutum esop udia-ɔbɔŋ. Mmo ekut ete ke ntiŋ-enyin eke esop edi ke udia-ɔbɔŋ ye edisɔŋoɔ mbuɔtidem ke Jesus Christ.

Esop Udia-ɔbɔŋ ebihe ke hour ini kiet. Oro ekeme edisine se itiene emi:

1. Ebe-iso ikwɔ (se 19.3.2 bɔ item).

2. Ekom ye edidara-edi-di.

3. Edikom mme adaibuot mme adausuŋ efen emi edukde do.

4. Mme Ntɔt Ana emi edi ata esisit.

5. Ikwo ntɔŋɔ ye akam. Se 19.8.2 ye 29.6.

6. Mbubehe eke stake ye ward, oruk nte mbon emi:

   • Edinyime ye ediyak mme anam-utom ye andkpep (se 30.3 ye 30.6).

   • Edino enyiŋ nditɔ-ete eke edimekde isin ke itie-utom eke Itie-oku Aaron (se 18.10.3).

   • Edikom mbufa mbon ufɔk Abasi ke ward, esinede mbon emi edukde obufa.

7. Edinɔ-enyiŋ ye edididɔŋ ndito-ŋwɔŋ (se 18.6). Esiwak edi-nam emi ke esop utre-udia ye ikɔ ntiense (se 29.2.2).

8. Edidori mbufa owo ubɔk (se 18.8).

9. Ikwo udia-ɔbɔŋ ye edino udia-ɔbɔŋ. Udia-ɔbɔŋ edi ata akpan-ntak ekenimde esop emi. Edinam emi edi eti-ifet ɔnɔ mbon ufɔk Abasi ediwuk ekikere mmɔ nse Andinyaŋa ye nwaidem Esie nnɔ mmɔ.

   Ke oyomde awak kabaŋa edibeŋe, edidiɔŋ, ye edideme udia-ɔbɔŋ, se 18.9.

10. Mme etop ikɔ Abasi ye otuowo edikwɔ ikwɔ mme ikwɔ efen.

11. Ikwɔ usuana ye akam.

12. Ekpe-edem ikwo.

29.2.1.4

Edimek mme Eting-ikɔ

Bishopric esimek mme etiŋ-ikɔ ke esop udia-ɔbɔŋ. Ke ata ediwak ini mmɔ esikot mbon ufɔk Abasi, ke esit edide mme iwaad.

Mme etiŋ-ikɔ eno ikɔ ntiense ebaŋa Jesus Christ enyuŋ eda ŋwed Abasi ekpep ikɔ Abasi Esie (se Doctrinr ye Covenants 42:12; 52:9).

29.2.2

Esop Utre-udia ye Ikɔ Ntiense

Ntak

Edidia udia-ɔbɔŋonyuŋ ɔsɔŋɔ kiet eken idem ke edinɔ ikɔ ntiense kabaŋa Jesus Christ ye ikɔ Abasi Esie. Eteme mbon ufɔk Abasi ete edi esop oro ye utre-udia edieke mmɔ ekemede editre-udia.

Mme-andiduk

Ekot kpukpru owo ete eduk.

Ini-ediduk

Inikiet ke ɔfiɔŋ, esop Udia-ɔbɔŋ edi esop utre-udia ye ikɔ ntiense. Esiwak edinim enye ke akpa Sunday ke ɔfiɔŋ.

Ke esop utre-udia ye ikɔ ntiense, iduhe ememek etiŋ-ikɔ mme ata ememek ikwɔ. Edi, owo emi kmade-ndutum eyeno ibio-ibio ikɔ ntiense. Ekem enye okot mbon ufɔk Abasi eke otuowo oro man edinɔ ikɔ ntiense mmɔ. Edinɔ ikɔ ntiense oworo edifiori akpanikɔ ikɔ Abasi ke nte Edisana Spirit etemede.

29.2.3

Mbono eke Ward

Ntak

Ke mbono eke ward, mme adausuŋ eke stake, eteme, enwam enyuŋ eno mbon ward unwam. Mbon ufɔk Abasi ke ward emenede-ubɔk enyime mme ikpɔ ye mkpri adausuŋ.

Mme-andiduk

Ekot kpukpru owo ete eduk.

Ini-ediduk

Inikiet ke isua kiet ke Sunday kesioho Sunday eke usen utre-udia.

29.2.4

Esop Bishopric

Ntak

Eneme otokiet enyuŋ enam mme ubiere kabaŋa mme mbubehe abaŋade ward oro.

Mme-andiduk

Bishopric, clerk eke ward, ye akwa ewet-ŋkpɔ.

Ini-ediduk

Esiwak edi-di kwa udua.

Mme mbubehe se ekpekere ebaŋa ekeme edisine:

• Edida usuŋ ke utom erinyaŋa-ukpɔŋ ye edimenede ke ward.

• Edisoŋo mme owo ye ufɔkemana idem ke ward—akpan-akpan mme iwaad ye nditɔ-ŋwɔŋ.

• Edidiɔŋɔ mbon ufɔk Abasi emi ekpebeŋede-idem edibo mme edinam, esinede mme edinam eke itie-oku.

• Edidiɔŋɔ mbon ufɔk Abasi emi edikotde isin ke mme ndaha itie-utom ke ward.

29.2.5

Mbono Esop eke Ward

Ntak

Anwam edi-nam utom erinyaŋa-ukpɔŋ ye edimenede ke ward (se 1.2).

Mme-andiduk

• Bishopric, clerk eke ward, ye akwa ewet-ŋkpɔ ke ward.

• Mme president eke eboho elders,Relief Society, Nkaieri Iban, Primary, Sunday School

Ini-ediduk

Esiwak edi-di kwa udua (edi ekeme edisuhɔre ibat-ini ediduk).

Bishop ebeŋe, etie-ibuot, onyuŋ akama-ndutum eke mme mbon esop eke ward. Esop emi idinamke mme akpan ubiere ke bishop miduhe.

Mme adaibuot eke nka kiet-kiet ke ward eduk mme mbono esop eke ward ke ndaha iba:

1. Nte mbon mbono emi enwamde edidiɔŋ ofuri mbon ufɔk Abasi ke ward.

2. Nte mme andida-nnɔ eke mme nka mmɔ.

Kini mmɔ esobode ɔtɔkiet, mbon mbono esop eneme mme mbubehe emi edifɔnde oto ke utom edidiana-kiet kek akpaimɔ mbono. Eteme owo mbono kiet-kiet ete abuana mme ekikere ye ifiok-spirit esie kabanga mme mbubehe emi.

Mme mbono esop eke ward isiwakke edibihe mbe hour ini kiet. Mmo etongo ye akam ye mbio-mbio etop kabaŋa mme ubioŋ-utom oto ke mme esop emi ekebede. Bishop eyenoŋ akpn-nkpɔ abaŋa mme mbubehe emi eyomde man edinehede idiɔŋ mbon owo ye ufɔkemana.

• Edi-nam Iiɔ Abasi Jesus Christ. Eyenwam mbon ufɔk Abasi edisɔŋɔ mbuɔtidem, ebɔ mme edinam erinyaŋa-ukpoŋ, enyuŋ enim ediomi mmɔ.

• Edise mbon unana enyin. Ebuana ŋkpɔ-utom ye ifiok-utom man ɔdiɔŋ mme owo, ufɔkemana, ye obio. Edinwam mbon ufɔk Abasi ekabare eda-ke-idem. (Se ibuot Edip-ye-iba.).

• Edikot kpukpru owo ete edibɔ ikɔ Abasi. Edifiak-nse nkoɔri eke mbon emi ekpepde ebaŋa ikɔ Abasi, nko ye mbufa ye mbon emi efiakde edi ufɔk Abasi. Edineme mme usuŋ emi mbon ufɔk Abasi ekemede edibuana ikɔ Abai ye mbon efen. (Se ibuot Edip-ye-ita.).

• Edibɔp mme ufɔkemana ɔtɔkiet ke nsinsi. Edifiak-nse nkori eke mbon ufɔk Abasi emi ebeŋede-idem edibɔ mme edinam eke temple. Ediyom usuŋ man enwam ediwak mbon ufɔk Abasi edot edibɔ temple recommend. Edineme mbaŋa mme usuŋ emi mbon ufɔk Abasi ekemede edibuana ke utom temple ye family history. (Se ibuot Edip-ye-ition.).

Mbon mbono ana enim ke ndibe mme etop ekededi emi edide akpan-ŋkpɔ (seke 4.4.6).

29.2.6

Mbono Esop eke Iwaad ke Ward

Ntak

Edisɔŋɔ mme iwaad emi edude ke ward idem. Anwam mmɔ edibuana ke utom erinyaŋa-ukpɔŋ ye edimenede (se 1.2).

Mme-andiduk

• Bishopric.

• Kiet kotu andinwam bishop ke eboho mme priest ye mme president eke eboho mme teacher ye mme deacon.

• Mme claas pressident eke Nkaiferi Iban (mme ofuri presidency oro edieke ward oro enyenede class Nkaiferi Iban kiet kpɔt).

• President eke Nkaiferi Iban.

Ini-ediduk

Esiwak ediduk ini kiet ke ɔfioɔŋ.

Mbemiso etoɔŋɔ esop kiet-kiet, bishop ye owo andikama-ndutum esifiak-ese mme ŋkpɔ emi edinemede.

• Utom erinyaŋa-ukpɔŋ ye edimenede.

• Mme unana eke iwaad ke ward ye mme usuŋ nte ediyɔde mme unana oro.

• Ukeme ke edinwam mme iwaad emi efiakde-edem mme edide mbufa mbon ufɔk Abasi.

• Mme edinam, esinede nti-ifet man enwam mbon edude ke unana. Enam ediwak uduak emi ke mme esop eboho mme class presidency (se ibuot Edip).

• Edinɔ-unwam (se ibuot Edip-ye-kiet).

• Edikpep mbufa mbon eboho ye mme class presidency emi ekotde.

29.2.8

Edinim-ini nnɔ mme Esop ke Usen Ederi

Mme ward ekama kiet kotu ini hour-iba enɔ edinim mme Esop ke Usen Ederi.

Akpa Uduak

Minit Ata-ye-duop	Esop udia-ɔbɔŋ
Minit Duop	Edibahare nka mme class ye mme esop
Minit Aba-ye-duop	Ofuri Sunday: Primary esinede nursery. Akpa ye ɔyɔhɔ Sunday ita ke ɔfiɔŋ oro: Sunday School Udiana ye ɔyɔhɔ Sunday Inang: mme esop eke eboho itie-oku, mme esop eke Relief Society, ye mme esop eke Nkaiferi Iban Ɔyɔhɔ Sunday Ition: mme esop eke iwaad ye ikpɔ-owo. Bishopric edibiere ibuot-ikɔ ye mme andikpep ekenɔde ubiɔŋ.

Udiana Uduak

Minit Aba-ye-duop	Ofuri Sunday: Primary esinede nursery. Akpa ye ɔyɔhɔ Sunday ita ke ɔfiɔŋ oro: Sunday School Udiana ye ɔyɔhɔ Sunday Inang: mme esop eke eboho itie-oku, mme esop eke Relief Society, ye mme esop eke Nkaiferi Iban Ɔyɔhɔ Sunday Ition: mme esop eke iwaad ye ikpɔ-owo. Bishopric edibiere ibuot-ikɔ ye mme andikpep ekenɔde ubiɔŋ.
Minit Duop	Edibahare nka esop udia-ɔbɔŋ
Minit Ata-ye-duop	Esop udia-ɔbɔŋ

29.3

Mme Esop eke Stake

29.3.1

Mbono eke Stake

Ntak

Ata akpan ntak eke mbono eke stake edi edisɔŋɔ mbuɔtidem eke mbon ufoɔk Abasi ke Jesus Christ:

Mme-andiduk

Ekot kpukpru owo ete eduk ikpehe eke ofuri owo. Mme ikpehe eken odu ɔnɔ mme isio-isio andiduk, nte esiakde ke idak emi.

Ini-ediduk

Akaŋ mbiba ke isua kiet.

29.3.2

Akwa Esop Itie-oku eke Stake

Ntak

Eteme enyuŋ esɔŋɔ mme akama itie-oku idem ke mme utom mmɔ.

Mme-andiduk

Kpukpru mme andikama itie-oku ke stake oro.

Ini-ediduk

Ini kiet ke isua kiet.

29.3.3

Esop mme Adausuŋ Itie-oku ke Stake

Ntak

Edikpep mme adausung itie-oku utom mmɔ, enam ukeme mmɔ ɔkɔri, enyuŋ esɔŋɔ mbuɔtidem mmɔ.

Mme-andiduk

• Stake presidency.

• High Council

• Mme clerk eke stake ye ward (ye mme udiana clerk ke nte eyomde).

• Mme akwa ewet-ŋkpɔ eke stake ye eke ward.

• Presidency eke Mkparawa Irenowo ke stake (ye ewet-ŋkpɔ edieke ekekotde).

• Mme Bishopric.

• Mme presidenciy eke mme eboho eilders ye mme ewet-ŋkpɔ.

• Mme ɔnɔitem eke eboho Itie-oku Aaron.

Ini-ediduk

Esinim esop eke mme adausuŋ itie-oku eke stake nte ubak ŋkpɔ eke mbono eke stake.

29.3.4

Esop mme Adausuŋ ke Stake

Ntak

Edikpep mme adausuŋ eke nka ke ward utom mmɔ, enwam mmɔ edinam-ɔfɔn nte mme adausuŋ ye andikpep, enyuŋ esɔŋɔ mbuotidem mmɔ ke Jesus Christ. Ke mme esop emi, mme adausuŋ nko neme otokiet enyuŋ ebuana mme ekikere.

Mme-andiduk

Ofuri mme presidency ye ewet-ŋkpɔ eke Relief Society, Nkaiferi Iban, Primary, ye Sunday School eke stake ye ward. Owo eke stake presidency mme high councilor ekenɔde ubiɔŋ eyeduk onyunŋ etie-ibuot. Ekeme edikot mme andkpep, ɔnɔitem, mme high councilor, ye mbon bishopric emi enɔde ubiɔŋ ke mme nka emi.

Ini-ediduk

Ini kiet ke isua kiet.

29.3.5

Esop Eboho mme Akwa Oku ke Stake

Ntak

Edikpep mbon eboho mme utom mmɔ ye ukpepnŋkpɔ eke enyenede ebuana ye itie-oku.

Mme-andiduk

Kpukpru mbon eboho eke mme akwa oku ke stake.

Ini-ediduk

Ekpedi ini kiet ke isua kiet.

29.3.6

Esop eke Stake Presidency

Ntak

Eneme otokiet enyuŋ enam mme ubiere kabaŋa mme mbubehe abaŋade stake oro.

Mme-andiduk

Stake presidency, stake clerk, ye akwa ewet-ŋkpɔ.

Ini-ediduk

Kini-kini (esiwak edidi kwa udua).

29.3.7

Esop eke High Council

Ntak

Edineme otokiet kabaŋa utom erinyaŋa-ukpɔŋ ye edimenede ke stake (se 1.2).

Mme-andiduk

• Stake presidency.

• High Council

• Stake clerk ye akwa ewet-ŋkpɔ.

Ini-ediduk

Akang mbiba ke ɔfiɔŋ edieke ekemede.

29.3.8

Mbono Esop eke Stake

Ntak

Edineme otokiet kabaŋa utom erinyaŋa-ukpɔŋ ye edimenede ke stake (se 1.2).

Mme-andiduk

• Stake presidency.

• High Council

• Stake clerk ye akwa ewet-ŋkpɔ.

• Mme president eke Relief Society, Nkaieri Iban, ye Primary ke stake.

• Mme adausuŋ eke mkpri single adult ye mme adausuŋ eke single adult ke stake (edieke ekekotde).

Ini-ediduk

Ini kiet ke ɔfiɔŋɔ edieke ekemede.

29.3.9

Mbono Esop eke mme Ikpɔ-owo Adausuŋ ke Stake

Ntak

Edineme ɔtɔkiet kabaŋa nte edinwamde mme adausuŋ ke ward ke utom erinyaŋa-ukpɔŋ ye edimenede. Enam usuŋ man enwam ke edi-nam nkukut eke mme adausuŋ eke stake enyenede enɔ utom emi ke stake oworo osu.

Mme-andiduk

• Stake presidency.

• Presidency eke Relief Society ke stake (ye ewet-ŋkpɔ edieke ekekotde).

• Mme high councilor emi edɔŋde ete anam utom ye mme eboho elders.

Ini-ediduk

Ke nte eyomde.

29.3.10

Mbono Esop eke mme Iwaad Adausuŋ ke Stake

Ntak

Edineme ɔtɔkiet kabaŋa nte edinwamde mme adausuŋ ke ward ke utom erinyaŋa-ukpɔŋ ye edimenede. Enam usuŋ man enwam ke edi-nam nkukut eke mme adadusuŋ eke stake enyenede enɔ utom emi ke stake oworo osu.

Mme-andiduk

• Owo presidency stake oro.

• Presidency eke Mkparawa Irenowo ke stake (ye ewet-ŋkpɔ edieke ekekotde).

• Presidency eke Nkaiferi Iban ke stake (ye ewet-ŋkpɔ edieke ekekotde).

• Mme high councilor edɔŋde enɔ mme nka eke Nkaiferi Iban ye Primary.

Ini-ediduk

Ke nte eyomde.

29.3.11

Mbono Esop eke mme Bishop ke Stake

Ntak

Ebuana mme ifiɔk-ukpep enyuŋ ese mme mbume emi enehede ebehe mme bishop.

Mme-andiduk

Ofuri mme bishop ye branch presdent ke stake edi mbon mbono emi. Stake president ekee edimek ndiduk usuk mme ofuri mme esop emi. Stake clerk nko oduk man enim nwed eke ubiɔŋ-utom ye mme ubiere.

Ini-ediduk

Ekpedi akang inaŋ ke isua.

29.5

Ubukowo ye Mme Edinam Efen nnɔ Akpa-mkpa

29.5.1

Ofuri Ido-mbet

Akpan ntak kiet eke mme edinam eke Ufɔk Abasi nnɔ akpa-mkpa edi editiŋ ikɔ ntiense kabaŋa uduak erinyaŋa-ukpɔŋ, akpan-akpan Erisio-isop ye Eriset eke Andinyaŋa. Mme edinam emi akpana enyene-ukpono, ye ifiok-ukpep eke spirit.

Mme adausuŋ ufɔk Abai inaha nte esin mme ubono-ŋkpɔ eke mme edu-ukpono mme eboho efen ke edinam Ufɔk Abasi nnɔ akpa-mkpa.

29.5.2

Edinɔ Ufɔkemana Unwam

Nte mme mbet Jesus Christ, mme adausuŋ ye mbon Ufɔk Abasi “eyetua ye mmɔ emi etuaŋade … enyuŋ edɔŋ mmɔ emi efuhɔde esit” (Mosiah 18:9). Ini owo ufɔk Abasi akpade, bishop eyekese ufɔkemana oro man ɔnɔ ndɔŋesit.

Bishop ɔnɔ unwam oto mbon ward, esinede eboho elders ye Relief Society.

29.5.4

Mme Edinam Ubukowo (Ke-ebiet Esinamde)

Ubuk-owo emi bishop anamde, ekpedi ke ebiet Ufɔk Abasi mme ke beiet efen, edi esop Ufɔk Abasi ye edinam edu-ukpono. Ana edi edinam ŋkpɔ-Abasi.

Ubuk-owo ana ɔtɔŋɔ ke ini ekenimde. Ke ofuri-ofuri, inaha nte edinm oro ebihe akan hour ihi kiet ye ubak, nte ukpono nnɔ mbon ekedukde do.

Iditimke inim mme edinam ubuk-owo ke Sunday.

29.6

Mme Akam ke mme Esop Ufɔk Abasi

Mme akam ke mme esop Ufɔk Abasi ana edi ibio-ibio, mmem-mmem, ye ke nte Spirit etemede. Owo ufɔk Abasi ekededi emi ekenade babtism ekeme edin akam ntɔŋɔ mme akam usuana. Nditɔ-ŋwoŋ eke minaha baptism ekeme edibɔŋ akam ke Primary.

29.7

Ediwut mme Esop yEdinim mme Esop ke Intanet

Bishop ekeme, nte ukpuhɔ-ŋkpɔ, enyime ete esio mme esop udia-ɔbɔŋ ye ubuk-owo ye edinam-ndɔ emi enimde ke ufɔk Abasi ewut ke ŋkpɔ-ofim.

Ediwut eke esop udia-ɔbɔŋ ke ŋkpɔŋ-ofim inaha nte esine nte enamde udia-ɔbɔŋ.

Eke usuk mme esop, bishop mme stake president ekeme edinyime mbon ufɔk Abasi eke mikemeke ediduk ke idem ediduk ke ŋkpɔ-ofim. Mme esop emi ekeme edisine:

• Esop mme adausuŋ, oruk nte mme esop eke prsidency ye mbono.

• Mme esop eke Eboho, Relief Society, ye eke Nkaiferi Iban.

• Mme class eke Sunday School.

• Mme class eke Primary ye ini ekwɔde ikwɔ.