ພາກສ່ວນທີ່ຄັດເລືອກມາຈາກຄູ່ມືທົ່ວໄປ

ສາລະບານ
ໜ້າວິເຄາະສະບັບ
ການໃຊ້ ພາກສ່ວນທີ່ຄັດເລືອກມາຈາກຄູ່ມືທົ່ວໄປ
ພຶ້ນຖານຄຳສອນ
- 0. ພາບລວມໃນເບື້ອງຕົ້ນ
- 1. ແຜນຂອງພຣະເຈົ້າ ແລະ ບົດບາດຂອງທ່ານໃນວຽກງານແຫ່ງຄວາມລອດ ແລະ ຄວາມສູງສົ່ງ
- 2. ການສະໜັບສະໜູນບຸກຄົນ ແລະ ຄອບຄົວໃນວຽກງານແຫ່ງຄວາມລອດ ແລະ ຄວາມສູງສົ່ງ
- 3. ຫລັກທຳຖານະປະໂລຫິດ
- 4. ການເປັນຜູ້ນຳ ແລະ ສະພາໃນສາດສະໜາຈັກຂອງພຣະເຢຊູຄຣິດ
ການຈັດຕັ້ງຂອງສາດສະໜາຈັກ
- 5. ການເປັນຜູ້ນຳລະດັບສາມັນ ແລະ ລະດັບເຂດ
- 6. ການເປັນຜູ້ນຳລະດັບສະເຕກ
- 7. ຝ່າຍອະທິການ
- 8. ກຸ່ມແອວເດີ
- 9. ສະມາຄົມສະຕີສົງເຄາະ
- 10. ກຸ່ມຖານະປະໂລຫິດແຫ່ງອາໂຣນ
- 11. ຍິງໜຸ່ມ
- 12. ປະຖົມໄວ
- 13. ໂຮງຮຽນວັນອາທິດ
- 14. ສະມາຊິກໂສດ
- 15. ຫ້ອງຮຽນ ແລະ ສະຖາບັນສາດສະໜາ
ວຽກງານແຫ່ງຄວາມລອດ ແລະ ຄວາມສູງສົ່ງ
- ການດຳລົງຊີວິດຕາມພຣະກິດຕິຄຸນຂອງພຣະເຢຊູຄຣິດ
  - 16. ການດຳລົງຊີວິດຕາມພຣະກິດຕິຄຸນຂອງພຣະເຢຊູຄຣິດ
  - 17. ການສິດສອນພຣະກິດຕິຄຸນ
  - 18. ການປະຕິບັດພິທີການ ແລະ ການໃຫ້ພອນຂອງຖານະປະໂລຫິດ
  - 19. ດົນຕີ
  - 20. ກິດຈະກຳ
- ການດູແລຄົນຂັດສົນ
  - 21. ການປະຕິບັດສາດສະໜາກິດ
  - 22. ການຈັດຫາໃຫ້ຕາມຄວາມຕ້ອງການທາງໂລກ ແລະ ການສ້າງການກຸ້ມຕົນເອງ
- ການເຊື້ອເຊີນທຸກຄົນໃຫ້ຮັບເອົາພຣະກິດຕິຄຸນ
  - 23. ການແບ່ງປັນພຣະກິດຕິຄຸນ ແລະ ການເພີ່ມຄວາມເຂັ້ມແຂງໃຫ້ແກ່ສະມາຊິກໃໝ່ ແລະ ສະມາຊິກທີ່ກັບຄືນມາ
  - 24. ການແນະນຳຊື່ ແລະ ການຮັບໃຊ້ເປັນຜູ້ສອນສາດສະໜາ
- ການເຕົ້າໂຮມຄອບຄົວເຂົ້າກັນຊົ່ວນິລັນດອນ
  - 25. ວຽກງານພຣະວິຫານ ແລະ ປະຫວັດຄອບຄົວໃນຫວອດ ແລະ ສະເຕກ
  - 26. ໃບຮັບຮອງເຂົ້າພຣະວິຫານ
  - 27. ພິທີການພຣະວິຫານສຳລັບຜູ້ທີ່ມີຊີວິດຢູ່
  - 28. ພິທີການພຣະວິຫານສຳລັບຜູ້ທີ່ເສຍຊີວິດແລ້ວ
ການບໍລິຫານສາດສະໜາຈັກ
- 29. ການປະຊຸມຕ່າງໆໃນສາດສະໜາຈັກ
- 30. ການເອີ້ນໃນສາດສະໜາຈັກ
  - 30.0. ຄຳນຳ
  - 30.1. ການຕັດສິນໃຈວ່າຈະເອີ້ນໃຜ
  - 30.2. ການມອບການເອີ້ນ
  - 30.3. ການສະໜັບສະໜູນສະມາຊິກໃນການເອີ້ນ
  - 30.4. ການແຕ່ງຕັ້ງສະມາຊິກໃຫ້ຮັບໃຊ້ໃນການເອີ້ນຢ່າງເປັນທາງການ
  - 30.6. ການປົດສະມາຊິກຈາກການເອີ້ນ
  - 30.8. ຕາຕະລາງການເອີ້ນ
- 31. ການສຳພາດ ແລະ ການພົບປະອື່ນໆກັບສະມາຊິກ
- 32. ການກັບໃຈ ແລະ ສະພາສະມາຊິກກະພາບໃນສາດສະໜາຈັກ
- 33. ບັນທຶກ ແລະ ລາຍງານ
- 34. ການເງິນ ແລະ ການກວດສອບບັນຊີ
- 35. ການດູແລ ແລະ ການໃຊ້ອາຄານປະຊຸມ
- 36. ການສ້າງຕັ້ງ, ການປ່ຽນ, ແລະ ການຕັ້ງຊື່ໜ່ວຍໃໝ່
  - 36.0. ຄຳນຳ
- 37. ສະເຕກ, ຫວອດ, ແລະ ສາຂາສະເພາະ
- 38. ນະໂຍບາຍ ແລະ ແນວທາງຊີ້ນຳຂອງສາດສະໜາຈັກ

30. ການເອີ້ນໃນສາດສະໜາຈັກ

“30. ການເອີ້ນໃນສາດສະໜາຈັກ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ (2023).

“30. ການເອີ້ນໃນສາດສະໜາຈັກ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ

ຮູບພາບ

ຜູ້ຄົນກຳລັງຍົກມືຂຶ້ນ

30.

ການເອີ້ນໃນສາດສະໜາຈັກ

30.0

ຄຳນຳ

ການເອີ້ນໃຫ້ໂອກາດສະມາຊິກໄດ້ຮູ້ສຶກເຖິງຄວາມຊື່ນຊົມໃນການຮັບໃຊ້ພຣະເຈົ້າ ໂດຍການຮັບໃຊ້ລູກໆຂອງພຣະອົງ (ເບິ່ງ ໂມໄຊຢາ 2:17). ການເອີ້ນກໍຍັງຊ່ວຍໃຫ້ສະມາຊິກເພີ່ມພູນສັດທາຂອງເຂົາເຈົ້າ ແລະ ຫຍັບເຂົ້າໃກ້ພຣະຜູ້ເປັນເຈົ້າຫລາຍຂຶ້ນນຳອີກ.

ເປັນການບໍ່ເໝາະສົມທີ່ຈະປາດຖະໜາຢາກໄດ້ການເອີ້ນໃດໜຶ່ງສະເພາະ ໃນສາດສະໜາຈັກ (ເບິ່ງ ມາຣະໂກ 10:42–45; ຄຳສອນ ແລະ ພັນທະສັນຍາ 121:34–37). ທັງສະມາຊິກຂອງສາດສະໜາຈັກບໍ່ຖືກ “ເລື່ອນຕຳແໜ່ງ” ຈາກການເອີ້ນໜຶ່ງໄປຫາອີກການເອີ້ນໜຶ່ງ. ການຮັບໃຊ້ຢ່າງຊື່ສັດໃນການເອີ້ນແມ່ນສຳຄັນຫລາຍກວ່າຕຳແໜ່ງຂອງການເອີ້ນ. ພຣະຜູ້ເປັນເຈົ້າຍົກຍ້ອງການອຸທິດຕົນຂອງທຸກຄົນທີ່ຮັບໃຊ້ໃນສາດສະໜາຈັກຂອງພຣະອົງ.

30.1

ການຕັດສິນໃຈວ່າຈະເອີ້ນໃຜ

30.1.1

ແນວທາງຊີ້ນຳທົ່ວໄປ

ຜູ້ທີ່ຮັບໃຊ້ໃນສາດສະໜາຈັກແມ່ນຖືກເອີ້ນຈາກພຣະເຈົ້າ (ເບິ່ງ ເຮັບເຣີ 5:4; ຫລັກແຫ່ງຄວາມເຊື່ອ 1:5). ຜູ້ນຳສະແຫວງຫາການຊີ້ນຳຈາກພຣະວິນຍານໃນການຕັດສິນໃຈວ່າຈະເອີ້ນໃຜ (ເບິ່ງ 4.2.6 ນຳອີກ). ພວກເພິ່ນກໍຍັງພິຈາລະນາ:

ຄວາມມີຄ່າຄວນຂອງສະມາຊິກ (ຕາມທີ່ໄດ້ພິຈາລະນາໃນການສຳພາດ).
ຂອງປະທານ ແລະ ຄວາມສາມາດທີ່ສະມາຊິກມີ, ຫລື ສາມາດພັດທະນາ, ເພື່ອເປັນພອນໃຫ້ແກ່ຄົນອື່ນ.
ສະຖານະການສ່ວນຕົວຂອງສະມາຊິກ, ລວມທັງສຸຂະພາບ ແລະ ການງານຂອງເຂົາເຈົ້າ.
ຜົນກະທົບທີ່ການເອີ້ນອາດມີຕໍ່ຊີວິດການແຕ່ງງານ ແລະ ຄອບຄົວຂອງສະມາຊິກ.

ສະມາຊິກໄດ້ຮັບພອນເພາະການເສຍສະລະທີ່ເຂົາເຈົ້າໄດ້ເຮັດເພື່ອຮັບໃຊ້ໃນສາດສະໜາຈັກ. ເຖິງຢ່າງໃດກໍຕາມ, ການເອີ້ນບໍ່ຄວນເປັນພາລະໃຫ້ກັບບຸກຄົນ ແລະ ຄອບຄົວຫລາຍເກີນໄປ. ທັງບໍ່ຄວນໃຫ້ການເອີ້ນເປັນເລື່ອງຍາກສຳລັບສະມາຊິກທີ່ຈະເຮັດໜ້າທີ່ການງານຂອງເຂົາເຈົ້າ.

ໂດຍທົ່ວໄປແລ້ວ, ສະມາຊິກແຕ່ລະຄົນຖືກເອີ້ນໃຫ້ຮັບໃຊ້ໃນການເອີ້ນຢ່າງໜຶ່ງເທົ່ານັ້ນ ໃນແຕ່ລະຄັ້ງ, ທີ່ນອກເໜືອໄປຈາກການເປັນອ້າຍນ້ອງ ຫລື ເອື້ອຍນ້ອງຜູ້ປະຕິບັດສາດສະໜາກິດ.

ເມື່ອມອບການເອີ້ນໃຫ້ສະມາຊິກທີ່ແຕ່ງງານ, ຜູ້ນຳຕ້ອງແນ່ໃຈວ່າຄູ່ຄອງຂອງເຂົາເຈົ້າຮູ້ຈັກ ແລະ ສະໜັບສະໜູນການເອີ້ນດັ່ງກ່າວ. ກ່ອນມອບການເອີ້ນໃຫ້ຊາຍໜຸ່ມ ຫລື ຍິງໜຸ່ມ, ຜູ້ນຳຕ້ອງໄດ້ຮັບການອະນຸມັດຈາກພໍ່ ຫລື ແມ່ ຫລື ຜູ້ປົກຄອງຂອງເຂົາເສຍກ່ອນ.

ກ່ອນມອບການເອີ້ນ, ອະທິການຈະທົບທວນສະມາຊິກກະພາບຂອງບຸກຄົນຢ່າງລະອຽດ ເພື່ອກວດສອບວ່າມັນບໍ່ມີໝາຍເຫດປະກອບ ຫລື ມີການຈຳກັດສະມາຊິກກະພາບເປັນທາງການຫລືບໍ່.

30.1.2

ການເອີ້ນສຳລັບສະມາຊິກໃໝ່

ໂອກາດທີ່ຈະຮັບໃຊ້ຊ່ວຍໃຫ້ສະມາຊິກເຕີບໂຕທາງວິນຍານ.

ຜູ້ນຳຫວອດໃຫ້ໂອກາດສະມາຊິກໃໝ່ເພື່ອຮັບໃຊ້ທັນທີຫລັງຈາກເຂົາເຈົ້າໄດ້ຮັບບັບຕິສະມາ ແລະ ການຢືນຢັນ.

30.1.3

ການເອີ້ນສຳລັບຜູ້ບໍ່ໄດ້ເປັນສະມາຊິກ

ຜູ້ບໍ່ໄດ້ເປັນສະມາຊິກຂອງສາດສະໜາຈັກອາດຖືກເອີ້ນສູ່ບາງຕຳແໜ່ງ, ດັ່ງເຊັ່ນຜູ້ຫລິ້ນປີອາໂນ, ຜູ້ນຳດົນຕີ, ຫລື ການເອີ້ນໃຫ້ຊ່ວຍວາງແຜນກິດຈະກຳ. ເຖິງຢ່າງໃດກໍຕາມ, ເຂົາເຈົ້າບໍ່ຄວນຖືກເອີ້ນໃຫ້ເປັນຄູສອນ, ເປັນສະມາຊິກໃນຝ່າຍປະທານກຸ່ມ ຫລື ໃນຝ່າຍປະທານອົງການ, ຫລື ເປັນຜູ້ນຳດົນຕີໃນຊັ້ນປະຖົມໄວ.

30.1.4

ການຮັກສາຄວາມລັບ

ການເອີ້ນ ແລະ ການປົດເປັນເລື່ອງສັກສິດ. ເພາະດ້ວຍເຫດນີ້, ຜູ້ນຳຈຶ່ງຕ້ອງຮັກສາຂໍ້ມູນກ່ຽວກັບຕຳແໜ່ງ ແລະ ເວລາການເອີ້ນ ແລະ ການປົດໄວ້ເປັນຄວາມລັບ.

30.1.5

ການແນະນຳຊື່ ແລະ ການອະນຸມັດການເອີ້ນ

ຕາຕະລາງການເອີ້ນລະບຸຜູ້ທີ່ແນະນຳຊື່ສຳລັບການເອີ້ນແຕ່ລະຢ່າງ ແລະ ໃຜເປັນຜູ້ອະນຸມັດ (ເບິ່ງ 30.8).

ອະທິການ ແລະ ປະທານສະເຕກພິຈາລະນາການແນະນຳຊື່ແຕ່ລະຄັ້ງຢ່າງຮອບຄອບ, ໂດຍທີ່ຮັບຮູ້ວ່າ ຜູ້ນຳໄດ້ອະທິຖານກ່ອນທີ່ຈະແນະນຳຊື່ເຫລົ່ານັ້ນ. ຝ່າຍອະທິການ ຫລື ຝ່າຍປະທານສະເຕກມີໜ້າທີ່ຮັບຜິດຊອບຂັ້ນສຸດທ້າຍ ໃນການໄດ້ຮັບການດົນໃຈວ່າຈະເອີ້ນໃຜ.

30.2

ການມອບການເອີ້ນ

ການໄດ້ຮັບການເອີ້ນໃຫ້ຮັບໃຊ້ຄວນເປັນປະສົບການທາງວິນຍານທີ່ມີຄວາມໝາຍສຳລັບສະມາຊິກ.

ເມື່ອຜູ້ນຳມອບການເອີ້ນ, ເພິ່ນຈະອະທິບາຍວ່າມັນມາຈາກພຣະຜູ້ເປັນເຈົ້າ.

ຜູ້ນຳກໍຍັງ:

ອະທິບາຍຈຸດປະສົງ, ຄວາມສຳຄັນ, ແລະ ໜ້າທີ່ຮັບຜິດຊອບຕໍ່ການເອີ້ນນັ້ນ.
ຊຸກຍູ້ສະມາຊິກໃຫ້ສະແຫວງຫາພຣະວິນຍານຂອງພຣະຜູ້ເປັນເຈົ້າໃນການປະຕິບັດການເອີ້ນ.
ເປັນພະຍານວ່າພຣະຜູ້ເປັນເຈົ້າຈະຊ່ວຍສະມາຊິກ ແລະ ຈະໃຫ້ພອນແກ່ເຂົາເຈົ້າສຳລັບການຮັບໃຊ້ຢ່າງຊື່ສັດຂອງເຂົາເຈົ້າ.
ບອກສະມາຊິກຜູ້ທີ່ຈະໃຫ້ການອົບຮົມ ແລະ ການສະໜັບສະໜູນສຳລັບການເອີ້ນນັ້ນ.
ແຈ້ງສະມາຊິກເຖິງການປະຊຸມໃດໆທີ່ເຂົາເຈົ້າຄວນເຂົ້າຮ່ວມ ແລະ ແຫລ່ງຊ່ວຍເຫລືອໃດໆທີ່ມີໃຫ້.

30.3

ການສະໜັບສະໜູນສະມາຊິກໃນການເອີ້ນ

ຜູ້ທີ່ຖືກເອີ້ນສູ່ຕຳແໜ່ງສ່ວນໃຫຍ່ໃນສາດສະໜາຈັກ ຄວນຖືກສະເໜີໃຫ້ສະໜັບສະໜູນກ່ອນເຂົາເຈົ້າເລີ່ມຕົ້ນການຮັບໃຊ້ (ເບິ່ງ ຄຳສອນ ແລະ ພັນທະສັນຍາ 28:13; 42:11).

ບຸກຄົນທີ່ດຳເນີນການສະໜັບສະໜູນ ທຳອິດປະກາດຜູ້ທີ່ໄດ້ຖືກປົດຈາກຕຳແໜ່ງ (ຖ້າກ່ຽວຂ້ອງ). ເພິ່ນເຊື້ອເຊີນໃຫ້ສະມາຊິກສະແດງຄວາມຂອບໃຈສຳລັບການຮັບໃຊ້ຂອງບຸກຄົນ (ເບິ່ງ 30.6).

ເມື່ອສະເໜີບຸກຄົນເພື່ອການສະໜັບສະໜູນ, ຜູ້ນຳຖານະປະໂລຫິດຄົນໜຶ່ງທີ່ຖືກອະນຸຍາດຈະເຊື້ອເຊີນໃຫ້ລາວຢືນຂຶ້ນ. ຜູ້ນຳອາດໃຊ້ຄຳເວົ້າດັ່ງຕໍ່ໄປນີ້:

“[ຊື່] ໄດ້ຖືກເອີ້ນສູ່ [ຕຳແໜ່ງ]. ຜູ້ທີ່ເຫັນດ້ວຍກັບການສະໜັບສະໜູນ [ລາວ] ຂໍໃຫ້ຍົກມືຂຶ້ນ. [ຢຸດບຶດໜຶ່ງ.] ຜູ້ທີ່ຄັດຄ້ານ, ກໍຂໍໃຫ້ຍົກມືຂຶ້ນ. [ຢຸດບຶດໜຶ່ງ.]”

ຖ້າຫາກສະມາຊິກຢູ່ໃນສະຖານະທີ່ໜ້າເຊື່ອຖືຄັດຄ້ານຕໍ່ການເອີ້ນດັ່ງກ່າວ, ຜູ້ນຳຄວບຄຸມ ຫລື ຜູ້ນຳຖານະປະໂລຫິດອີກຄົນໜຶ່ງທີ່ຖືກມອບໝາຍ ຈະພົບກັບເຂົາເຈົ້າເປັນສ່ວນຕົວຫລັງຈາກກອງປະຊຸມ.

30.4

ການແຕ່ງຕັ້ງສະມາຊິກໃຫ້ຮັບໃຊ້ໃນການເອີ້ນຢ່າງເປັນທາງການ

ສຳລັບຂໍ້ມູນເພີ່ມເຕີມ, ໃຫ້ເບິ່ງ 18.11.

30.6

ການປົດສະມາຊິກຈາກການເອີ້ນ

ເມື່ອປະທານ ຫລື ອະທິການຖືກປົດ, ທີ່ປຶກສາຂອງເພິ່ນກໍຈະຖືກປົດຢ່າງອັດຕະໂນມັດ.

ການປົດເປັນໂອກາດສຳຄັນສຳລັບຜູ້ນຳທີ່ຈະສະແດງຄວາມກະຕັນຍູ ແລະ ຮັບຮູ້ພຣະຫັດຂອງພຣະເຈົ້າໃນການຮັບໃຊ້ຂອງສະມາຊິກ. ຜູ້ນຳພົບກັບສະມາຊິກເປັນການສ່ວນຕົວເພື່ອແຈ້ງການປົດຂອງລາວ ກ່ອນທີ່ຈະປະກາດເປັນທາງການ. ພຽງແຕ່ບຸກຄົນທີ່ຕ້ອງຮູ້ຈັກເທົ່ານັ້ນທີ່ຈະຖືກແຈ້ງໃຫ້ຊາບເຖິງການປົດກ່ອນຈະປະກາດ.

ຜູ້ນຳຖານະປະໂລຫິດຄົນໜຶ່ງທີ່ຖືກອະນຸຍາດຈະປະກາດການປົດໃນສະຖານທີ່ບ່ອນດຽວກັນກັບເວລາທີ່ຖືກສະໜັບສະໜູນ. ຜູ້ນຳອາດໃຊ້ຖ້ອຍຄຳເຊັ່ນດັ່ງຕໍ່ໄປນີ້:

“[ຊື່] ໄດ້ຖືກປົດຈາກ [ຕຳແໜ່ງ]. ຜູ້ທີ່ຢາກສະແດງຄວາມຂອບໃຈສຳລັບການຮັບໃຊ້ຂອງ [ລາວ] ຂໍໃຫ້ຍົກມືຂຶ້ນ.”

ຜູ້ນຳບໍ່ຂໍສຽງຄັດຄ້ານ.

30.8

ຕາຕະລາງການເອີ້ນ

30.8.1

ການເອີ້ນໃນຫວອດ

ການເອີ້ນ	ແນະນຳໂດຍ	ອະນຸມັດໂດຍ	ສະໜັບສະໜູນໂດຍ	ເອີ້ນ ແລະ ແຕ່ງຕັ້ງເປັນທາງການໂດຍ
ການເອີ້ນ ອະທິການ ²	ແນະນຳໂດຍ ຝ່າຍປະທານສະເຕກ, ໃຊ້ LCR	ອະນຸມັດໂດຍ ຝ່າຍປະທານສູງສຸດ ແລະ ກຸ່ມອັກຄະສາວົກສິບສອງ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານສະເຕກ ຫລັງຈາກຖືກອະນຸມັດໂດຍຝ່າຍປະທານສູງສຸດ
ການເອີ້ນ ທີ່ປຶກສາໃນຝ່າຍອະທິການ ²	ແນະນຳໂດຍ ອະທິການ	ອະນຸມັດໂດຍ ຝ່າຍປະທານສະເຕກ ແລະ ສະພາສູງ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານສະເຕກ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ສະໝຽນຫວອດ	ແນະນຳໂດຍ ຝ່າຍອະທິການ	ອະນຸມັດໂດຍ ຝ່າຍປະທານສະເຕກ ແລະ ສະພາສູງ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານສະເຕກ ຫລື ທີ່ປຶກສາຄົນໜຶ່ງທີ່ຖືກມອບໝາຍ ຫລື ສະມາຊິກສະພາສູງ
ການເອີ້ນ ເລຂານຸການສູງສຸດປະຈຳຫວອດ	ແນະນຳໂດຍ ຝ່າຍອະທິການ	ອະນຸມັດໂດຍ ຝ່າຍປະທານສະເຕກ ແລະ ສະພາສູງ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານສະເຕກ ຫລື ທີ່ປຶກສາຄົນໜຶ່ງທີ່ຖືກມອບໝາຍ ຫລື ສະມາຊິກສະພາສູງ
ການເອີ້ນ ປະທານກຸ່ມແອວເດີ	ແນະນຳໂດຍ ຝ່າຍປະທານສະເຕກ (ໃນການປຶກສາຫາລືກັບອະທິການ)	ອະນຸມັດໂດຍ ຝ່າຍປະທານສະເຕກ ແລະ ສະພາສູງ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານສະເຕກ
ການເອີ້ນ ທີ່ປຶກສາໃນຝ່າຍປະທານກຸ່ມແອວເດີ	ແນະນຳໂດຍ ປະທານກຸ່ມ (ໃນການປຶກສາຫາລືກັບອະທິການ)	ອະນຸມັດໂດຍ ຝ່າຍປະທານສະເຕກ ແລະ ສະພາສູງ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານສະເຕກ ຫລື ທີ່ປຶກສາຄົນໜຶ່ງທີ່ຖືກມອບໝາຍ ຫລື ສະມາຊິກສະພາສູງ
ການເອີ້ນ ການເອີ້ນອື່ນໆໃນກຸ່ມແອວເດີ	ແນະນຳໂດຍ ຝ່າຍປະທານກຸ່ມ	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກກຸ່ມ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານກຸ່ມ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ປະທານອົງການຫວອດ	ແນະນຳໂດຍ ຝ່າຍອະທິການ	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ
ການເອີ້ນ ທີ່ປຶກສາໃນຝ່າຍປະທານອົງການຫວອດ	ແນະນຳໂດຍ ປະທານອົງການ	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ການເອີ້ນອື່ນໆໃນສະມາຄົມສະຕີສົງເຄາະຫວອດ	ແນະນຳໂດຍ ຝ່າຍປະທານສະມາຄົມສະຕີສົງເຄາະ	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກສະມາຄົມສະຕີສົງເຄາະ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ການເອີ້ນອື່ນໆໃນອົງການຍິງໜຸ່ມ, ຊັ້ນປະຖົມໄວ, ແລະ ໂຮງຮຽນວັນອາທິດ	ແນະນຳໂດຍ ຝ່າຍປະທານອົງການ	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ຜູ້ນຳເຜີຍແຜ່ປະຈຳຫວອດ (ສະມາຊິກຄົນໜຶ່ງໃນຝ່າຍປະທານກຸ່ມແອວເດີອາດຮັບບົດບາດນີ້, ຖ້າເປັນເຊັ່ນນັ້ນ, ລາວບໍ່ຈຳເປັນຕ້ອງຖືກເອີ້ນ, ຖືກສະໜັບສະໜູນ, ຫລື ຖືກແຕ່ງຕັ້ງເປັນທາງການອີກຕ່າງຫາກ)	ແນະນຳໂດຍ ຝ່າຍອະທິການ (ໃນການປຶກສາຫາລືກັບປະທານກຸ່ມແອວເດີ ແລະ ປະທານສະມາຄົມສະຕີສົງເຄາະ)	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ຜູ້ສອນສາດສະໜາປະຈຳຫວອດ	ແນະນຳໂດຍ ຝ່າຍອະທິການ ຫລື ຝ່າຍປະທານກຸ່ມແອວເດີ ແລະ ປະທານສະມາຄົມສະຕີສົງເຄາະ	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ຜູ້ນຳຝ່າຍພຣະວິຫານ ແລະ ປະຫວັດຄອບຄົວປະຈຳຫວອດ (ສະມາຊິກຄົນໜຶ່ງໃນຝ່າຍປະທານກຸ່ມແອວເດີອາດຮັບບົດບາດນີ້, ຖ້າເປັນເຊັ່ນນັ້ນ, ລາວບໍ່ຈຳເປັນຕ້ອງຖືກເອີ້ນ, ຖືກສະໜັບສະໜູນ, ຫລື ຖືກແຕ່ງຕັ້ງເປັນທາງການອີກຕ່າງຫາກ)	ແນະນຳໂດຍ ຝ່າຍອະທິການ (ໃນການປຶກສາຫາລືກັບປະທານກຸ່ມແອວເດີ ແລະ ປະທານສະມາຄົມສະຕີສົງເຄາະ)	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ຜູ້ຊ່ວຍປະທານກຸ່ມປະໂລຫິດ	ແນະນຳໂດຍ ອະທິການ (ເປັນປະທານກຸ່ມປະໂລຫິດ)	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກກຸ່ມ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ
ການເອີ້ນ ປະທານກຸ່ມຄູສອນ ແລະ ມັກຄະນາຍົກ	ແນະນຳໂດຍ ຝ່າຍອະທິການ	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກກຸ່ມ	ເອີ້ນ ແລະ ແຕ່ງຕັ້ງເປັນທາງການໂດຍ ຖືກເອີ້ນໂດຍອະທິການ ຫລື ທີ່ປຶກສາຄົນໜຶ່ງທີ່ຖືກມອບໝາຍ; ແຕ່ງຕັ້ງເປັນທາງການໂດຍອະທິການ
ການເອີ້ນ ທີ່ປຶກສາໃນຝ່າຍປະທານກຸ່ມຄູສອນ ແລະ ມັກຄະນາຍົກ ແລະ ເລຂານຸການກຸ່ມ	ແນະນຳໂດຍ ປະທານກຸ່ມ	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກກຸ່ມ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ປະທານຫ້ອງຍິງໜຸ່ມ	ແນະນຳໂດຍ ຝ່າຍອະທິການ (ໃນການປຶກສາຫາລືກັບຝ່າຍປະທານອົງການຍິງໜຸ່ມ)	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກຫ້ອງ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ທີ່ປຶກສາໃນຝ່າຍປະທານຫ້ອງຍິງໜຸ່ມ ແລະ ເລຂານຸການຫ້ອງ	ແນະນຳໂດຍ ປະທານຫ້ອງ	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກຫ້ອງ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ການເອີ້ນອື່ນໆໃນຫວອດ	ແນະນຳໂດຍ ຝ່າຍອະທິການ	ອະນຸມັດໂດຍ ຝ່າຍອະທິການ	ສະໜັບສະໜູນໂດຍ ສະມາຊິກຫວອດ	ເອີ້ນ ແລະ ແຕ່ງຕັ້ງເປັນທາງການໂດຍ ອະທິການ ຫລື ທີ່ປຶກສາຄົນໜຶ່ງທີ່ຖືກມອບໝາຍ

30.8.2

ການເອີ້ນໃນສາຂາ

ການເອີ້ນ	ຖືກແນະນຳຊື່ໂດຍ	ອະນຸມັດໂດຍ	ສະໜັບສະໜູນໂດຍ	ເອີ້ນ ແລະ ແຕ່ງຕັ້ງເປັນທາງການໂດຍ
ການເອີ້ນ ປະທານສາຂາ¹	ຖືກແນະນຳຊື່ໂດຍ ຝ່າຍປະທານສະເຕກ, ຝ່າຍປະທານເຜີຍແຜ່, ຫລື ຝ່າຍປະທານທ້ອງຖິ່ນ	ອະນຸມັດໂດຍ ຝ່າຍປະທານສະເຕກ ແລະ ສະພາສູງ ຫລື ຝ່າຍປະທານເຜີຍແຜ່	ສະໜັບສະໜູນໂດຍ ສະມາຊິກສາຂາ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານສະເຕກ ຫລື ປະທານເຜີຍແຜ່ (ຫລື ປະທານທ້ອງຖິ່ນຖ້າຖືກມອບໝາຍ)
ການເອີ້ນ ທີ່ປຶກສາໃນຝ່າຍປະທານສາຂາ¹	ຖືກແນະນຳຊື່ໂດຍ ປະທານສາຂາ	ອະນຸມັດໂດຍ ຝ່າຍປະທານສະເຕກ ແລະ ສະພາສູງ ຫລື ຝ່າຍປະທານເຜີຍແຜ່ (ຫລື, ເມື່ອຖືກອະນຸຍາດໂດຍປະທານເຜີຍແຜ່, ຝ່າຍປະທານທ້ອງຖິ່ນ)	ສະໜັບສະໜູນໂດຍ ສະມາຊິກສາຂາ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານສະເຕກ, ປະທານເຜີຍແຜ່, ຫລື ປະທານທ້ອງຖິ່ນ ຫລື ທີ່ປຶກສາຄົນໜຶ່ງທີ່ຖືກມອບໝາຍ
ການເອີ້ນ ສະໝຽນສາຂາ, ຜູ້ຊ່ວຍສະໝຽນສາຂາ, ແລະ ເລຂານຸການສູງສຸດ	ຖືກແນະນຳຊື່ໂດຍ ຝ່າຍປະທານສາຂາ	ອະນຸມັດໂດຍ ຝ່າຍປະທານສະເຕກ ແລະ ສະພາສູງ ຫລື ຝ່າຍປະທານເຜີຍແຜ່ (ຫລື, ເມື່ອຖືກອະນຸຍາດໂດຍປະທານເຜີຍແຜ່, ຝ່າຍປະທານທ້ອງຖິ່ນ)	ສະໜັບສະໜູນໂດຍ ສະມາຊິກສາຂາ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານສະເຕກ ຫລື ທີ່ປຶກສາຄົນໜຶ່ງທີ່ຖືກມອບໝາຍ ຫລື ສະມາຊິກສະພາສູງ (ສຳລັບສາຂາໃນສະເຕກ); ປະທານທ້ອງຖິ່ນ ຫລື ຜູ້ນຳຖານະປະໂລຫິດທີ່ເພິ່ນມອບໝາຍ (ສຳລັບສາຂາໃນເຂດເຜີຍແຜ່)
ການເອີ້ນ ປະທານກຸ່ມແອວເດີ	ຖືກແນະນຳຊື່ໂດຍ ຝ່າຍປະທານສະເຕກ, ຝ່າຍປະທານທ້ອງຖິ່ນ, ຫລື ຝ່າຍປະທານເຜີຍແຜ່ (ໃນການປຶກສາຫາລືກັບປະທານສາຂາ)	ອະນຸມັດໂດຍ ຝ່າຍປະທານສະເຕກ ແລະ ສະພາສູງ ຫລື ຝ່າຍປະທານເຜີຍແຜ່ (ຫລື, ເມື່ອຖືກອະນຸຍາດໂດຍປະທານເຜີຍແຜ່, ຝ່າຍປະທານທ້ອງຖິ່ນ)	ສະໜັບສະໜູນໂດຍ ສະມາຊິກສາຂາ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານສະເຕກ ຫລື ປະທານເຜີຍແຜ່ (ຫລື ປະທານທ້ອງຖິ່ນຖ້າຖືກມອບໝາຍ)
ການເອີ້ນ ທີ່ປຶກສາໃນຝ່າຍປະທານກຸ່ມແອວເດີ	ຖືກແນະນຳຊື່ໂດຍ ປະທານກຸ່ມ (ໃນການປຶກສາຫາລືກັບປະທານສາຂາ)	ອະນຸມັດໂດຍ ຝ່າຍປະທານສະເຕກ ແລະ ສະພາສູງ ຫລື ຝ່າຍປະທານເຜີຍແຜ່ (ຫລື, ເມື່ອຖືກອະນຸຍາດໂດຍປະທານເຜີຍແຜ່, ຝ່າຍປະທານທ້ອງຖິ່ນ)	ສະໜັບສະໜູນໂດຍ ສະມາຊິກສາຂາ	ເອີ້ນ ແລະ ແຕ່ງຕັ້ງເປັນທາງການໂດຍ ປະທານສະເຕກ ຫລື ປະທານເຜີຍແຜ່ ຫລື ທີ່ປຶກສາຄົນໜຶ່ງທີ່ຖືກມອບໝາຍ ຫລື ສະມາຊິກສະພາສູງ (ຫລື ປະທານທ້ອງຖິ່ນ ຫລື ຜູ້ນຳຖານະປະໂລຫິດອີກຄົນໜຶ່ງ ຖ້າຖືກມອບໝາຍ)
ການເອີ້ນ ການເອີ້ນອື່ນໆໃນສາຂາ	ຖືກແນະນຳຊື່ໂດຍ ເບິ່ງ 30.8.1, ໃຊ້ ປະທານສາຂາ ແທນ ອະທິການ ແລະ ສາຂາ ແທນ ຫວອດ.				ອະນຸມັດໂດຍ ເບິ່ງ 30.8.1, ໃຊ້ ປະທານສາຂາ ແທນ ອະທິການ ແລະ ສາຂາ ແທນ ຫວອດ.	ສະໜັບສະໜູນໂດຍ ເບິ່ງ 30.8.1, ໃຊ້ ປະທານສາຂາ ແທນ ອະທິການ ແລະ ສາຂາ ແທນ ຫວອດ.	ເອີ້ນ ແລະ ແຕ່ງຕັ້ງເປັນທາງການໂດຍ ເບິ່ງ 30.8.1, ໃຊ້ ປະທານສາຂາ ແທນ ອະທິການ ແລະ ສາຂາ ແທນ ຫວອດ.